Karayib la se kantiray mizik ek kalinda tout potjel. Se nan mizik èk kalinda makrey natifnatal tala leve tankou an makrey natifnatal depi Koubanakàn jik Chaleyib pase Ayiti-Boyo-Kiskeya, Borinkèn, Kaloukera-Kouchalwa, Touloukera, Wanakera, Wanalao, Waytoukoubouli, Zamaka... Depi Bimimi-dlo-lavi-toulong jik Oyapok, pase Baya, Perou... Se mizik ek kalinda tankou an "sapatonn frayik" ki tjenbe se makrey natifnatal tala doubout vire ba yo an mounzoun eti yo te gare nan semeda wawaynes la. Se nan mizik ek kalinda tala, lang se tjanmay dezienm jenerasion afritjen an trape an djoknes kouri-lawonn nan tan ki pase ek nan tout laliman se peyi tala.
