Nan politik se anni matje ki fondok

Aimé Césaire

matje politik, depi 1972 pou 2008

 

 

 

 

 

 

 

 

 

 

Nan se lanne 70 la, dekou an bidim leve-doubout ek konsiantizay politik  atè Matnik, se plodari politik Eme Sezè a te pi  kabeche kòdjòm, te pi nan dekinay jik lonje dwèt asou sistenm  kare-bouk la-frans lan, sistenm anchoukaj politik la-frans lan, "la départementalisation" pou pa te di "l’assimilation" (se an kadje-wach-lavi moun oliwon-latè), nan anni de tit kat pawol, plodari politik Eme Sezè se lanne taha, 1972 jik 2008, pa te toulong nan an lèspri sousèkè  Viktò Chelchè tankon sa ka pete nan zie moun nan de prèmie liv la depi 1935 pou 1971. Men trase politik eti plodari Eme Sezè a ka fè moun li ek konprann, magre lavwa-djole "autonomie pour la nation martiniquaise" la, pa te adan lèspri an gouvelman atè-lakay-matnik, ale wè natifnatal-matnik, se te anni pou rete adan an kanman kabwatè-gouvelnaj bouk, an lanmen-djok nan gouvelnaj se gran-bouk la, pou leve tankon an koraj politik gouvelman an-frans lan, pou pare bok ba lakou-moun natifnatal-matnik.

CARIFTA Games 2019

Jamayik, 35 lanne yonn dèyè lòt !

 

 

 

 

 

 

Truman Bodden Sports Complex in Grand Cayman: Se Jamayik ki genyen flouz 48^enm CARIFTA Games ta’a tankon nan 43 kou nan lanne douvan ek 35^enm lanne a yonn dèyè lòt, 85 kouwonn (36 lò, 33 lahan, 16 bronz) lanne pase yo te fini epi 47 kouwonn nan lò, 27 lahan ek 11 Bronz. Lanne taha tou se Briana Williams ki mapipi nan Carifta Games la ek se sizienm atlèt nan 48 lanne Carifta Games la ki ka pran tit mapipi de lanne yonn-dèhè-lòt. Briana Williams genyen kous-kouri 100 mèt-londjè, 200 mèt-londjè ek 4X100 mèt-londjè tankon lanne pase ek vini dezienm tifi ka genyen jout Austin Sealy nan de lanne yonn-dèhè-lòt, dèhè Anthonique Strachan, an atlèt Bahamas nan dekou Carifta games 2011 ek 2012 ek dezienm atlèt Jamayik ka rive genyen’y apre Ursain Bolt, nan lanne 2003 ek 2004.

Wach ek kratjak laliwonn lan

Ago tè-rèch la

 

 

 

 

 

 

 

Lawviè Lezàd, Gwo-Mòn atè Matnik : Se depi 18 Maws ki pase, jou otila gouvelnè la-frans ka kabwate larel-gouvelnaj atè Matnik voye ago tè-rèch taha pou rel koule-dlo anchay lawviè peyi a ki flòkò anpil. Tout moun atè Matnik sav owonzon 75% dlo ka kouri lawonn atè Matnik se dlo lawviè ek twa pi gwo lawviè a (Lawviè Lezàd, 35.59 tjilomèt londjè, Lawviè-Lakapòt, 21.2 tjilomèt londjè ek Lawviè Blanch, 20.5 tjilomèt londjè) ka pran dlo chaye desann anlè se Piton Kawbe a. Se pou se tann ek konprann, nan dekou karenm lan, se se tè mitan peyi a ki ka rete pri pi rèd anba dekou tè-rèch la ek se kare-tè mitan peyi a ki ka fè piplis jaden atè Matnik.

Lavi politik atè Kouba

 

An Kare-larel-gouvelman krache-dife

 

 

 

 

La Habana, Kouba : Kare-larel-gouvelman nèfte Kouba a ka kabwate sistenm politik peyi a depi kon’y stanmpe nan jounal gouvelman an, Gaceta Oficial, apre’y te pase nan kawbe plodari-politik la epi an plodari sobreka-kabwataj kare-politik kominis la, Raúl Castro, limenm. Konsit kawbe plodari-politik la, Asamblea Nacional del Poder Popular, te ka tonbe nan menm jou, 10 Avril, eti nan 1869 atè Guáimaro nan gran-bouk Camagüey otila konpayel Repiblik Kouba a, sapatonn nan lanmen yo te doubout pou fini bat epi zawayè panyol la.

Bann-twel nen-frèt la

An danma pou mare moun Matnik

 

 

 

 

 

Fòdfrans, Matnik : Se pa kannaval pou pòte pi bwabwa anlè, se pa nepi an pweson-avril, nou ja ladje prèmie avril ka ale ek se te ke pou tann ek konprann kare-kabwataj nan kawbe-gouvelnaj Matnik la, CTM pou Collectivité Territoriale de la Martinique, ja ladje debielaj ka ale pou foute moun atè Matnik nan an djendjen konsa. Men nan kare-kabwataj taha se anni an moun ka mennen, "se mwen sel ki ni dwa signe", "man pe ke moli ba pèsonn", "man pa le pèsonn représenter mwen", tout pawol ka apiye an debielaj nan mitan kabèch ek, ri diri plere lantiy, se pou foute plere atè anfwa. Se pa anni an jout pou trase-pòtre an bann-twel eti te ke ka bay anni nan dekou match spòw ek mès-fondok, peyi pou peyi ; se an dekalkomani tèbè-dje eti te ke fè moun tann ek konprann Matnik an peyi Lanmè-Karayib la, pa te ke ni piès koulè bòdò pou ta’y ; ek lamenm-la, Matnik, peyi anni mizik ek bay-kalinda pa te ke sa fè an mizik pou gloriye’y tankon peyi Lanmè-Karayib la.

Ayiti douvan nan

Voye-lahan-o-peyi

 

 

 

 

 

Pòtoprens, Ayiti : Lanne pase, se 85 million dola eti moun ka rete nan peyi-lòtbòtsay, voye ba fanmi yo nan Amerik Latin ek Karayib. Se Ayiti, peyi otila kannan lahan taha antipile pi djok, lahan sòti Chili a plis pase tout larestan, dapre an lonyen-matje Inter-American Dialogue, an kawbe-lonyen politik gouvelman nan an nouvel-matje eti tit li se Remittances to Latin America and the Caribbean in 2018, tankon voye-lahan-o-peyi Amerik latin ek Karayib la nan 2018.

Caricom vire prelè bitak-dijital li asou bawda longsay

energy.caricom.org

 

 

 

 

 

 

Georgetown, Guyana : CARICOM doubout an bitak-dijital krache-dife eti rel-rive’y se pou pòte nouvel asou sa ka fèt nan kare-peyi a nan tousa ki bawda longsay. Nadia Mohammed eti se kabwatè progranm bawda nan kare sobreka-kabwataj CARICOM, apiye sa eti bitak-dijital taha pi ralè-mennen-vini ek pi flouz pou menyen, ek ni plis nouvel-pòte asou progranm bawda a nan CARICOM. An moun ka fè zie’y kouri asou bitak-dijital taha ke pe ni tout nouvel-pòte asou bay-douvan nan dwel-ekonomi bawda nan se peyi-caricom lan ek nan se kare-peyi oliwon an.

8enm Konsit AEC

Chanm paladjolaj-politik

 

 

 

 

Managwa, Nikaragwa : Viyolon nan sak. Plodari wabap 8^enm konsit AEC (Asociación de Estados del Caribe tankon Lawonn Gouvelman Peyi Karayib la) vire apiye sa eti AEC, nan dekou 25 lanne’y la, se anni an chanm paladjolaj-politik men pa an kawbe-gouvelnaj, an kote otila se peyi a ka vote larel-gouvelnaj, ale wè larel-gouvelman, pran an rel-doubout kare-bare nan djoubap ka pe digidi lavi politik nan kare-peyi a, tankon lonje dwèt asou politik antra Etazini atè Venezwela oben atè Kouba. AEC, nan rel 23 plodari-politik wabap li a mande pou Etazini se sispann anfwa blotjaj ekonomi ek vann-genyen-machandiz eti’y ka fè asou Kouba, larel-gouvelnaj Helms-Burton la, men se pa an rel-doubout politik kare-bare eti tout se peyi AEC a ni pou apiye, se toulong an majolaj karetel-ale.

8enm Konsit AEC

Toumbilaj kalibich-karenm-livènaj

 

 

 

 

 

 

Managwa, Nikaragwa : Dezienm kabwatè liannaj ek peyi-lòtbòtsay nan gouvelman Nikaragwa, Valdrack Jaentschke, te apiye asou fondok eti 8^enm konsit AEC (Asociación de Estados del Caribe tankon Lawonn Gouvelman Peyi Karayib la) taha fondok nan bat eti’y ka bat pou kore toumbilaj kalibich-karenm-livènaj. Konsit la eti ka rive nan dekou 25 lanne AEC ka fè moun tann wach li, ni pou rel-rive, doubout an kare pòte-kole ek anchoukaj nan mitan se peyi eti lanmè-karayib la ka benyen lèstè yo.

"Sanble pou kore wach-dèhè wakle-chalè oliwon-latè"

8^enm Konsit AEC

 

                          

 

 

 

 

 

Managwa, Nikaragwa : Se 25 gouvelman peyi Gran karayib la, 9 kawbe-gouvelnaj liannen epi AEC, plodayè-tèp 17 peyi-lonyen-djoubak AEC ek 6 kawbe-gouvelnaj peyi-oliwon-latè tankon CARICOM, kawbe-gouvelnaj Ewòp Yonnife, ek Sistenm Anchoukaj Peyi-Amerik-mitan, ki ke vini pran pawol nan 8^enm konsit AEC (Asociación de Estados del Caribe tankon Lawonn Gouvelman Peyi Karayib la) taha eti nan menm balan an ke gloriye 25 lanne sitiraj kawbe-gouvelnaj Gran Karayib la ki trape tankon rel-rive fondok pou apiye pran-pawol, pòte-kole ek mete-nan-brann nan vann-genyen machandiz, chaye-moun ek machandiz abò-machin, drivayaj longsay ek jeray dezas laliwonn nan Karayib la.

Jean Henry Céant ladje lanmen

J. Moïse nonmen J-M. Lapin

 

 

 

 

 

 

Pòtòprens, Ayiti : Se anni apre’y li larel-gouvelnaj kabwatè-repiblik la ki te ka nonmen Jan-Michel Lapen tankon kabwatè gouvelman pou an tan fann, eti Jan Anri Seyan ladje lanmen tankon kabwatè gouvelman Ayiti. Bagay pou toudi moun ka lonyen wach politik Ayiti. Ki sa ki pase la ? Lendi ki pase, kawbe plodari-politik la, chanm anba a, vote pou mande ladje-lanmen kabwatè gouvelman an, 93 plodayè-politik, asou 105, te pou sa, 6 pa te ka topaye nan sa ek 3 pa te pran an rel-woule. Kabwatè kawbe plodari-politik la kouri majolay eti ni kabwatè gouvelman an, ni se kabwatè kawbe-gouvelnaj li a pa te la ek se pou J.A. Seyan te fè eti an kabwatè tribinal pou stanmpe doubout-la’y nan kawbe larel-politik la, chanm anlè a, ek fè eti Kawbe Gouvelnaj Kontaj ek Djoubap Kabwataj pou voye kabwatè kawbe plodari-politik la, Gary Bodeau douvan tribinal.