Madang frayik

Dean

Dean, an ourakàn pase

Simao moun Wanakera.

Dean_an_sikln

Ourakàn ka leve nan chalè lanmè tropikal èk ka kouri èche an tè, menm piòpiò pou ladje  lèlèm yo. Chak lanne depi mwa d’awout jik novanm, anchay ourakàn ka janbe Atlantik la, anchay toumvas oben kavalad tropikal ka tounen ourakàn nan lanmè Karayib la, vini  simen dezas nan lantiray ameritjen. Ourakàn la (u:akàn, toumvarad Dean_tnan tayino) se an pentengbeng bougann la.  Matjèt tala ka dividje an pentengbeng toumvarad  depi nanninannan pou amerendjen (tayino) ki te ja ka kriye’y konsa avan menm eropeyen te mantje neye atè Gwana’ari, nan 1492. Moun lanmè Pasifik  la ka kriye pentengbeng toumvarad tala “typhoon” (t’ai-fung, gran van, nan tjèk wanniwannan chinwa) èk moun lanmè Lezenn simie bay tit “siklòn” (gr. Kuklôs, sèpan). Deanmartinique3Moun peyi karibeyen otila lang franse ka simèwje, se se pianmpianm oben nan tjèk lang kreyòl tjòlòlò, rive bliye matjèt amerendjen an èk vire do anlè bouskay siantis èk kriye’y “siklòn” tou.  Nèk Ourakàn la ka kanmouzaze tjèk langann karibeyen, ka leve an jakata, an bradarèli, an mayouri karibeyen.  Dean_u

              D_19_modifi2

Sa sa ye an ourakàn ? Ki kote èk ki manniè ourakàn ka leve ? Ki lòpsion ka sanble pou an ourakàn leve èk kouri anlè lanmè jik pòte dezas nan peyi ameritjen ? Ki lèspri moun peyi karibeyen (èk pli mabialann moun Wanakera) douvan an ourakàn ? Pou dezas ourakàn pòte, ki politik pou leve kore yo anfwa oben fè pou yo sispann simen anchay dezas ?

Nou teste isiya la, pou piòpiò kabès moun peyi nou (Gwadloup, Matnik) piòpiò asou pentengbeng toumvarad tala; pou bwabwa politik « pou-si-an-ka » bwabwa, pou flòkò èk lòlòy djoubak-dèyè ourakàn la lòlòy, moun ozabra, moun debiele, moun ka pran pòz tòk-tòk ; ja lè pou leve atè Kaloukera-Kouchalwa (Gwadloup) èk Wanakera (Matnik) an “matjoukann fantefrak bougann la” jik an “matjoukann madang frayik”. “Matjoukann fantefrak bougann” oben “matjoukann madang frayik” tala eti se nan lekòl sèlman, tankou tout matjoukann, moun te ke pe aprann li, te ke anchouke tout memwa èk èspewyans moun tout peyi karibeyen jik ameritjen  asou ourakàn èk mete yo kantekant epi djoubak siantis ki lonyen ourakàn pou rive kore an pentengbeng ki sipoze wakle nan tan-dèyè, pou chouboule bougann lan ka chouboule toulong, pou vin’ pli cho tout dlo lanmè ka vin’ pli cho.       

An pentengbeng bougann la.

Ourakàn ka leve anlè Atlantik la nan bòdaj kontinan afritjen an. Delè se tjèk toumvas (tempête) oben menm kavalad tropikal (dépression tropical) ka tounen ourakàn lè’y pran lanmè Karayib la sèvi savann. Lantiray otila ourakàn leve toulong pi cho.  Nan plodari siantis ki lonyen ourakàn, nan lagan pentengbeng tala, rèldians solèy la ka chofe letal lanmè a, dlo cho ka tounen lablin eti ka bay anlè. Lè lablin tala ka bay anlè, se pou’y fè dlo lapli eti ka ladje chalè a. isiya la, anchay van ka leve èk makòsò (nuage) ka fwaze pou leve an lakataw (orage). Lakataw tala ka fè an lantiray anlè letal lanmè a otila presion an ba toubannman eti ka pipiye van ki chaje èk dlo. Kòwòm Kowyolis la (force de coriolis) tankou an pentengbeng bougann la yannen epi wonnzad latè ka fè tout sistenm tala toumvarèle, toupiye. Anchay van djòk ka kouri adan èk sa ka fè an mitan otila presion ba toubannman. Pi presion ba nan mitan pentengbeng la, sa eti yo kriye zie sistenm la, pi van ka laliwonnen’y djòk. Pentengbeng tala eti siantis kriye an «toumvas» ka tounen ourakàn oben siklòn oben tifoun, lè van an ka bay anlè pli rèd, ka vini sèk èk ka trape plis lèlèm.  Ni an tjò van ka vire towblip adan zie a oben nan mitan se lakataw la, larèstan ka kouri anlè nan spiral pou ay towblip anchay tjilomèt pli nòlfòk. An ourakàn se tankou an antipilad lakataw èk yo ka andjouze elablinad lanmè a, se pou di’w, nan menm balan an yo ka fredi letal lanmè a. Se pousa an ourakàn pa ka leve lamenm dèyè anlòt pis se lanmè cho ka bay lèlèm tankou boulin. Sa se an plodarèl-kabès (hypothèse théorique) pis nan 1995 Lwis te ka kouri dèyè Marilin tankon tjèk breng ka fè an tak dèyè an katjopin. Nou sav, van alize tou ka fredi letal lanmè a, nèk yo pa ka malakse letal la nan fondòknès. An ourakàn pe malakse letal lanmè a asou san mèt (100 m) fondòknès. Chalè lanmè a pe ladje jik senk zig, flouz.

Lajounen jòdi, siantis ka yannen san p’an chèlèlè, p’an tjansay, chalè letal lanmè a epi djòknès ourakàn la tankon drit lapli a. Pi letal lanmè a cho, pi van an djòk, pi ourakàn la anzandale nan grèd èk pi lapli atè jik pou fè lavalas.  Kontèl, lè ourakàn Katrina pase anlè  Florida,  26 d’awout 2005 sete an ourakàn piòpiò epi van ki pa te pli wo ki 120 tjm/alè, lè de jou dèyè Katrina rive nan bwak Misisipi otila dlo a te cho asou 75 m fondòknès, van te ka fetaye anlè 259 tjm/alè. Katrina sòti nan grèd yonn (1) pou rive nan grèd senk (5) nan twa jou, fann. Ni senk grèd nan ourakàn. Grèd yonn lan se lè van an ka fetaye 118 jik 153 tjm/alè. Grèd 2 (de) se lè van an ka kouri depi 154 jik 177 tjm/alè. Lè Dean pase anlè Youwanakera (Matnik) èk Youwanalao (Sainte-Lucie) sete  an ourakàn nan grèd 2. Grèd 3 (twa) se lè van an ka toumvare anlè 178 jik 209 tjm/alè, astè grèd 4 (kat) la se lè van ka chaye tout bagay epi 210 jik 249 tjm/alè. Lè Dean rive nan bòdaj Jamayika, asou lanmè Karayib la, eti ki pli cho pase loseyan Atlantik, sete an ourakàn grèd 4. Dènie grèd la se senk la (5) otila van fetaye anlè 249 tjm/alè.  Ourakàn san tit la ki debaba Bastè (Gwadloup) nan 1928, te trape van ka toumvarele anlè 280 tjilomèt alè, nan lanne 1989, Igo pase anlè Gwadloup (Kaloukera-Kouchalwa) epi van 260 tjm/alè, nan lanne 1979, David chaye van ki te ka toumpakte anlè 285 tjm/alè èk ki depotjole Rozo, yogann Waytoukoubouli (Domnik) avan’y ale pòte dizès Ayiti-Boyo-Kiskeya.  Nan 1988, lanne eti lanmè Karayib la te cho toubannman, Jilbè rive nan bòdaj Youkatàn epi van te ka fetaye anlè 295 tjm/alè, apre’y te abwogat Montogo Bay atè Zemaka (Jamayika). Se Wilma, òktòb 2005 eti van an woukle pi djòk, 330 tjm/alè. Avan fè ourakàn, tout pentengbeng toumvarad otila van anba 62 tjm/alè, se an « kavalad tropikal »  epi lè van ka woukle depi 62 jik 117 tjm/alè yo ka kriye yo an « toumvas ».

Karetèl, chimen-ale ourakàn la anba lòpsion pozision lantiray presion wo kayalo Asò. Pou moun ki sav van ka soufle depi lantiray presion wo pou ay towblip nan lantiray presion ba, pi lantiray presion wo kayalo Asò nòlfòk kayalo Karayib la pi karetèl ourakàn la ka bay pa anlè avan’y rive nan Karayib la èk kay depann Etazini anlè a. Kayalo karayib la ka jiskont trape anchay gren, anchay lavalas. Pi lantiray presion wo kayalo Asò a bò peyi Karayib la, pli presion tala kouri nan lisid-west, pi karetèl ourakàn la ka pase adan lanmè Karayib la èk pli ourakàn la djòk pis lanmè Karayib la pi cho pase loseyan Atlantik. Kifè, se pa toulejou ourakàn ka bay nan Karayib la se nan an tan fann, bout mwa Jwiye jik novanm (prèmie ourakàn se kote 12/15 d’awout) magre si nan maws lanne 2004, Katarina pase Brezil epi van 150 tm/alè. Menm manniè, nan 2 novanm 1888, an ourakàn pran tout kayalo yonn-dèyè-lòt depi Tobago jik Antigwa. Ni an pentengbeng toumvarad owonzon chak 4 lanne èk an ourakàn, owonzon chak douz lanne atè Matnik Gwadloup nèk pi nou pran’y pa anlè pi drit tala desann pis atè Borinkèn (Puerto-Rico) ni an ourakàn chak 6 lanne.

Konsa ourakàn la rive anlè tè, se pou’y ladje lèlèm, van ka ladje boulin yo èk gwo gren lavalas ka tounen wouzin si se pa fifin lapli. Se isiya la wabap pentengbeng toumvarad la. Peyi tou wèt kontèl  Kaloukera oben Wanakera pa pe frennen an ourakàn eti ka janbe yo flouz, ladje loseyan Atlantik rive nan lanmè Karayib la. Zie ourakàn la ka pase nan kannal ki malakse dlo lanmè karayib la èk dlo loseyan Atlantik, an ourakàn ka fè owonzon 300 tjm lawonn èk Wanakera pa fè plis ki 104 tjm londjè pou 35 nan lajè nan tè. Nan laliwonn nou, se Wilma ki pi gwo ourakàn epi 800 tjm lajè nan òktòb 2005 ; Allen, nan awout 1980 te ka fè 650 tjm lajè.

Nan lawonn ourakàn la, an pentengbeng sosial.

Nan lèspri moun Wanakera, chak ourakàn ni kanmanwonn li ki ta’y. Memwa moun Wanakera (Matnik) tjenbe de ourakàn, Edith ki debaba peyi an 25 sèptanm 1963 epi van te ka fetaye anlè 240 tjm/alè èk ki te tjwe 10 moun ; epi Dorothy (se pa te an ourakàn me an toumvas) nan lanne 1970 ki te neye 44 moun. Ni an simidòy ka toumbelele, « Doroti chaye mwen, man mantje neye, bondie pa pini nou nou se de malere… ». Memwa moun Gwadloup tjenbe Igo ki debaba peyi a epi van te ka fetaye anlè 260 tjm/alè, nèk erèzdibonè Igo jiskont kraze kaz, Inez (van jik 240 tjm/alè) nan 27 sèptanm 1966 ki te chaye souf 25 moun. Delè ni moun ka sonje, ourakàn san tit 12 sèptanm 1928 la ki chaye owonzon 1500 moun (1200 moun nan lantiray Lapwent) ; Bètsy 1956 ki chaye 6 moun èk Helena, 1963, ki chaye 5 moun.  Pou matjeli natifnatal ki pri nan lagli kanmanwonn lan, memwa ourakàn tala pa ka simèwje, p’an plodarè pa ale lonyen ourakàn 10-12 òktòb 1780 an ki pipiye nanm 22 000 moun owonzon atè Barbad, Sentlisi epi Matnik (9 000 moun atè Matnik) ; ayen anlè ta 13 d’Awout 1766 la ki tjwe 440 moun atè Matnik, ta 18 d’awout 1891 la ki fè bawouf anlè souf lavi 700 moun owonzon, epi ta jwiye 1813 la ki chaye tak plis ki 200 moun oben ta 20 sèktanm 1834 la (si se pa 20 òktòk) ki nèyè chaye 400/500 moun. Atè wanakera, 20ème sièk la te  pi tenmpla. Ni owonzon atè Gwadloup/Matnik an pentengbeng toumvarad (toumvas oben ourakàn) chak 4 lanne, ni an ourakàn chak douz (12) lanne. Pi nou ka bay nan linò kontinan ameritjen an, pi pentengbeng toumvarad la bay èk pi nou trape ourakàn pou pozision lantiray presion wo a ki fè tout pentengbeng toumvarad ka bout kous yo asou Etazini oben Mèksik èk pou chalè lanmè karayib la ki ka tounen tout toumvas nan ourakàn.   

Ourakàn la ka leve an chenn mayouri, an ansanm-ansanm avan’y rive, an kole-zepòl pli rèd lè’y pase, èk sa fondal pou konprann « larèl » sosial se ourakàn la. Nan prèmie tan, lè gwo chalè san p’an van ka bay, se pou moun file koutla, pare matjoumbe, louch, pèl, pikwa, koupe branch-bwa flòkò, wouvè dalo pou dlo koule, vire kloure tòl, tire nàs, machwa, filèt nan lanmè, kisasayesa. Lè brennbòwyonn sinase peyi a asou karetèl tjèk pentengbeng toumvaral se pou moun rale èk mare kanno yo (sa fèt nan lèspri an yonn-pou-lòt), mete nan ja oben genyen dlo pou brè, fè oben genyen bagay sèk pou manje (biswi, kwak, djòkò/tjòkòk, pwason sèk oben fri, diri) ; fè sèbi oben chaltoune pou klere nan soukou oben genyen blanbalenn, genyen pil èk chay pil ; mete wòch (wòklò) anlè fetay kay pou opoze tòl vole, mete wòch anlè tòl ki atè, tjwiyi tout ponm oben tòtòt ki matrite, mete rad pwòp nan sire, mete manje sèk nan sak sire, genyen bòt, manto nan sire, si moun ni lolin pou sa. Se pa jiskont lavi degra ka depotjole pou vire pran dèyè, lavi sosial èk matjoukannan tou ka vidjoze, ka yonnife, ka leve djòk nan mitan moun. Ourakàn la ka vire nate yann sosial la.

Ourakàn epi toumvas tropikal, oben kavalad tropikal, pa trape menm mannigèt asou lavi sosial la ; y opa nate yann sosial la epi menm vidjozite. Mi lajounen jòdi, yonn-pou-lòt tala ka dekati, tankon tak toupatou asou latè, asou kous-kouri plere-zie-sèk toulong, menm moun ki goumen pou pete-chenn adan, yo ka fè wòl konprann an bagay èk yo an tjou ka paladjole asou mayouri franse, asou pal gouvèlman franse sipoze lonje ba yo. P’an djoubak-douvan pa leve, moun ka tilile dezas, ka wè ba’ay depotjole toupatou. Moun ay genyen anchay machandiz anlè tre betje, mete an frijidè èk lè de jou pase san elèktrisite, tout machandiz gate ka pit nan frijidè.  An moun ka katjile tibren sav pase pèsonn se fwiniti sèk pou genyen, bagay moun pa bizwen mete nan frijidè, genyen bouji oben fè an sèbi, genyen pweson sale, an kalikabou oben lanmori, (o bacalhau portugalense), kwak, tjèk zakari oben de tèt dachin kankloum ki te ke pase tout test klòwdekòn betje a, anfea katjile. Se gouvèlman franse ka brennbòwyonnen Gwadloup, Matnik se pa pa an gouvèlman natifnatal, kifè man pa’a wè poutji moun ka kale magoul yo toupatou asou « la solidarité nationale » (mayouri natifnatal) pis an moun pa pe ka doubout bò tab tranpaj lanbi èk chatou wangloupe tout lachè a kite pen mouye a ba lezòt èk lè vini pou ay jete fèy bannann lan ka cheley kouri sere. 

Sa fè, moun pa fouti li nawflaw chenn mayouri eti gouvèlman sipoze siktire ; politisen natifnatal pa fouti pran seraj, se se an pislin, makiyon ka vann tout kochonni yo trape ba moun. Lè ourakàn pase, pri machandiz ka anni fetaye. Politisen natifnatal pa fouti, leve an politik sibrekata pou kore koutjatiz moun ka genyen gwo-loto tjenz lanne trèt pou ale jwe nan flak dlo, ourakàn pò’ò fini pase.  Bwabwa mal blenmi medja katafal franse atè Wanakera ka fè tout degwèl pou fè moun plere menm lè yo pa le, ka fè tout degwèl ale èche moun ka plere, ka kriye lòbòp pase lajounen ka fè lè. Pou katjile yas, moun ki pran fè anba Dean se moun ki la tou-yonn nan tjèk soloda san manman, mangrann, mastèbèk, makoklen, moun-san-kay-rete, moun ki pa fouti ale pare lapli nan vrezinaj pou kankan ki leve douvan, pou moun ki pa le moun menm zandja pèse nan lavi, moun ki leve bout-djèl pou an kaka mayengwen anlè adan an cha pistach anlòt te ke genyen lè Nwèl bay èk koumanse peye mawyaj mantou, lè tout djimbi mò nan bari a.   Pou kay-rete ki kandlonnen pli djòk tak toupatou nan Karayib la, ourakàn p ape fè bawouf anlè lavi moun tankou ourakàn nanninannan. Sa fè, penteng tala pa vire vidjoze lavi sosial tankon nan tan tatayèl nou. Pèz sosial ourakàn la dèchte anchay èk nan menm balan lèspri moun pa rete asou sa, memwa se ourakàn la ka degaye.

An ourakàn ka pase, moun pa ka tjenbe ayen ; anchay bwabwa ozabra douvan an ti fantefrak bougann la, anchay falfrèt fòse moun ki pa ka mètsèvle ayen, moun san kabès, moun p’an konprinèt, moun ki pa katjile ayen èk ka kouri plere zie sèk ba tjèk apa blenm ki pa janmen wè se se an tòtòt makandja. Moun kouri koupe tout piebwa ki te kouche, koutla yo, rach yo lanmen yo se ba yo lè pou yo pase, jete tout bagay ki te mouye, foute tout fè’y tòl ki dekloure nan razie, tout prela ki te flandje, tout prèl prelele, tout piebwa ki te mantje an branch pou trape an wèy tèktèg asou lanmè, an bann kokofiolo koutla  file de bò. Pa ni p’an moun ki di nou ka pran foto, filme an lantiray avan ourakàn pase pou nou wè apre… Gouvèlman franse  ke ba yo lajan pou vire genyen anlè tre betje a. Moun plen lari epi kochonni oben bagay tjòk-an-blòk, leve kalbòyri anlè vwezinaj, fè nich ba rat, fè souri tilile, fè chen drivayè pran lari, fè mayengwen jijinen. Sa fè, ayen pa ka lerize, pa ni p’an kabès, an sa-fè krache-dife ka tije, p’an lokobès, p’an moun ka nètche, p’an moun ki pran an bagay fè’y sèvi anlòt dekou nan an tjèk fwaz krache-dife. Toupatou asou latè, nan tout peyi moun anba sweleley ewopeyen an, tout bagay ni trann-douz lavi yonn dèyè lòt. Atè Gwadloup/Matnik, moun swelele èk desèvle nan mitan kabèch èk yo la ka depotjole tout ti yann sosial ki la ka nate anba kavalad tan ki pase.

Leve an “matjoukann fantefrak bougann la” marase epi an “matjoukann madang frayik” atè peyi karibeyen.

Ourakàn la vire vidjoze karibennte a, fè moun Matnik, Gwadloup konprann (ès kabèch yo asou sa) se nan karibennte tala yo pe trape an lèspri asou ourakàn la, an sa-viv, an nou-menm-ki-nou-menm-lan, si se pa an kanmanwonn. Lè an ourakàn ka pase anlè twa, senk peyi karibeyen se pou’y pran degra (grenn-bwa, chouk, fèy-bwa, zèb, bètazèl delè menm tjèk igwann) nan an peyi chaye’y èk ladje adan anlòt peyi. Se pou nou di, èk sa nan lèspri yonn adan se twa plodarèl-douvan karibennte, simèwjay karayib ; an penteng sosial, politik, matjoukannan, ekonomik, an bèt, an degra pe leve adan an peyi kouri adan, bat-dèyè èk degaye nan peyi tala èk ay vire leve nan menm kòwporans la oben anlòt nan anlòt peyi karibeyen. Simèwjay karayib tala ka yannen nou, man pa’ay di yonnife nou pa dèyè tout pàs politik èk se an chimen sòti jou ki jou anba sweleley ewopeyen an. Sa ki fè ourakàn la pou vire nate yann social nan chak peyi, vidjoze kabès asou ourakàn èk fè matjoukann lan pofite atè peyi a. Pi nòlfòk, ourakàn la ka vire nate yann peyi karibeyen pou peyi karibeyen nan lèspri an kanmouzaza sikti sosial, nan lèspri an, nan lèspri an kanmouzaza laliwonnal, sa ki tjenbe adan an peyi ka vini model nan peyi otila bagay pa tjenbe, nan lèspri tala eti ka ba matjoukann lan tak doukoun.  

Se an bat-manman. Pou leve «matjoukann fantefrak bougann» tala epi/oben « matjoukann madang frayik » fòk ni an djòknès katafal natifnatal èk pi nòlfòk, an djòktòch politik karibeyen. Se pou nou tann flouz, se nan lekòl tou-yonn matjoukann tala tankou tout matjoukann ka siktire, ka sosialize, ka vidjoze, ka doukounen; pou mayèt pou katjile toulong asou sa (pran sa ki nawflaw èk ladje sa ki flòkò) pou mayèt pou mete matjoukann tala nan larèl èk lèspri chouboulad, sosial èk matjoukannan, eti lekòl leve ; pou mayèt lekòl pou wouvè an peyi asou tout peyi kontinan an, tout peyi latèwonn lan.

An mayèt pou vire leve tjouns toulong, fè bagay nèf epi bagay ki kraze, an mayèt pou dekwòbòt, dekochi, detòde, detèd, lerize.   An mayèt pou ka vire mete larèl, sa eti ki  fè konprinèt an moun, sa ki fè an moun vivan. An mayèt pou pran douvan avan douvan pran douvan. Siktire anchay krèy dòkò, bolit (moun ki trape anchay kabès asou an penteng, an bagay) eti ki pe lonje pal si kouri vini, ba moun an chimen-ale fap-fap, kriye anmwe lonje pal, sanble papal, andalote papal pou rive lonje pal nawflaw èk koubare tout gran pangal ki leve dèyè tout dezas bougann la. Nan lekòl depi lekòl tjanmay jik linivèsite, an sibrekata pou sansle moun anlè madang frayik. Nan linivèsite an karetèl ka sibrekate dòktè nan sians laliwonn èk madang frayik èk lòtbòtsay an karetèl teknolojik (2-3 lanne) pou sibrekate braynès la nan djoubak yannen epi sinas èk jeray madang frayik. Ek sibrekata tala an moun te ke djoubake nan tout peyi karibeyen èk ameritjen ki anba madang ourakàn. Tousa mande an djòktòch politik, pa ti mayèt bò kay, bagay  bwabwa a eti PPM oben RDM jik MIM/CNCP delè ka mande a. Bagay eti nou pe’e  menm pe demare bèf an betje, nan savann betje ni pou ta yo, epi sa. An djòktòch politik eti ka sanble tout lòpsion an djòknès katafal natifnatal.

An « matjoukann fantefrak bougann la » tankou an « matjoukann madang frayik » sipoze, pa di yo di’w, anchouke anchay larèl èk patès, tankou tout matjoukann asou latè. Se sa ki fè an matjoukann tjenbe doubout èk bay nan lantiray sosial la jik kandlonen an lantiray social si pa ni. Sa sipoze tou, pou anchouke larèl èk patès, an bokantaj èksperians epi peyi karibeyen oben ameritjen ki anba menm laliwonn lan. Se pou nou konprann, an ourakàn grèd 4/5 tankon David oben Igo se an kou chak douz/trèz lanne, an toumvas se an kou chak 4/5 lanne, an lavalas frayik se an kou chak 10/15 lanne, an zenglèt latè pi wo pase grèd 6.5 se an kou chak sièk jik de sièk nan an peyi, an deblozay vòlkan se an kou chak sièk,  erèzdibonè, kifè san bokantaj èksperians tala nan Karayib la, an matjoukann pe pa anvidjoze, trape doukoun, leve larèl, patès èk kabès li, èk pofite pou sav nou sav lè an matjoukann pa fouti woule epi larèl èk patès natifnatal oben kontinan an, se pou’y vin’ goggle, degaye anfwa.   

Nan bout ti katjil pianmpianm tala se pou nou konprann anfwa fòk leve an politik pou sispann mayonmbe bannann. Pou sispann plante bannann, makande tè yich nou, makande moun peyi nou. Se pa jiskont fè an ti chouboulad kanman èk mande betje ladje titès èk agouloutri lajan, fè an mayonmbri san langre, katjile lanmen apiye douvan kabèch (ay mande an betje sèvi kabèch li douvan an ja la’an) kon E. Glisan èk P. Chamwazo ka di, se sispann nèt mayonmbe bannann èk se pa vire plante kann pis owala ni mayonmbri dri tala moun ke ay genyen langre pis lizin langre ke vann langre ba moun. Nou te ja di sa fondal vire plante pie-bwa asou tè ki foulbak èk klòdekonn pou fè lizin bwa, fè lantiray vèt, kote pou moun fè an ti bwèlta, pran an frechè èk vire plante pie-bwa ka voye ponm oben tòtòt (Zaboka, mango, fouyapen, chatenn) kote eti pa ni anchay klòwdekonn, èk fè an mayonmbri san langre, kote eti  pa te ni p’an zing klòwdekonn èk  gramòksòn pou ba moun manje nan peyi a. Si mayonmbo an peyi, an kontinan pa fouti ba moun peyi a, kontinan an manje, pa ni peyi. Epi bwa moun pe leve lizin bwa, fè potjèl (kabanmm komòd, bife) tout bagay anchay patès agouban eti ka leve èk mete an ekonomi larèl. Pou moun mayonmbri bannann ka mare, dèyè kon de talon, an politik lerizad, te pe voye an konpanyi moun djoubake nan pwòptay lantiray vèt, voye dòt nan sibrekata djoubak krache-dife, voye dòt panse bobo mayonmbri lizinal leve anlè yo, èk dòt nan sibrekata pou aprann kore banbann ki leve lè tjèk dezas bougann la (ourakàn, zenglèt latè, dife, sèknès, bidimblo lavi toulejou kisasayesa) pase. Pi nou ale nan tan ki pase, pou politik san p’an kabès gouvèlman franse ka leve nan peyi nou, pi nou ke trape mapipi banbann lè an ti dezas pase.

A.      S’maw Tayfon

Simao-moun.wanakera@hotmail.fr

Ourakàn èk toumvas nan Karayib la depi 1635 jik 2007 se ta Emili-Soraya

Soraya-beliya@orange.fr

Ale wè nan :

Divine Wind : The history and Science of Hurricanes, K. Emmanuel, Oxford University Press, 2005

Change in cyclone tropical number, duration and intensity in a warming environment, P.J. Webster, in Science, vol. 309, 2005

Le grand livre des cyclones et tempêtes tropicles, J.-L. Martin, Orphie, 2002

Océans plus chauds, cyclones plus violents, K. Trenberth, Pour la Science, éd fr. de Scientific American, août 2007

Sur la trace des ouragans anciens, Kam-biu Liu, Pour la Science, éd fr. de Scientific American, Septembre 2007

Maîtriser les ouragans ? R. hoffman, Pour la Science, éd fr. de Scientific American, octobre 2004

Katrina, Spike Lee, a 40 Acres and a Mule filmworks, “by any means necessary”, USA, 2006

Commentaires

Timalis

Ourakàn Ike tjwe 50 moun nan lavil Kabare, 25 tjilomet Pòtoprens. Mete Ayiti sou kè'n, manmay la.

Soubawou

Ike leve lanmè a, te ni lanm 7 met wotè atè Kouba.

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)