katjile-matje 22 Me

8 Me 1902,

an toumblow douvan

an gran tenmpla,

yogann Senpiè debaba

Maks_sann_dife Jedi 08 Me 1902, wit’è ek de minit nan pipirit la, an voumkele flandje an siel san p’an makòsò, an toumblow frayik epi an gwo makòsò nwè  doukoun, dife nan vwèl ka degrenngole nan koule volkan pou rive nan yogann Senpiè nan an minit karant sikond fann, mete dife nan tout kay doubout. Gouvèlman owonzonnen 28 000 moun fè chabon nan boukan Senpiè a. Moun Senpiè ki te rete la pou bat-lawonn politik ki te ka woule ek gouvèlnè franse  te teste volkan an ka fè gwo so nèk pa moudong, moun bouk laliman ki  te vini pare sann Senpiè èk anchay fouyaya ki sòti Foyal vini gobe, ababa-djol-koule, gouvelnè limenm ki te vini pase lannwit Senpiè pou template makrèy Senpiè.

Mont_pele An lanne douvan, volkan Senpiè a, eti karisti’y te vire leve tout tè linò Matnik depi Latrinte jik Gran-Lawviè, depi Kawbe jik Prechè, sòti anba dlo ni owonzon 400 jik 500 000 lanne, te ja fè moun wè anchay sinas an brannzay volkan. Pi mabialann depi 1889 anchay neblin dlo-cho èk gaz-volkan te ka tije nan bwak la, nan Ma-dlo sèk la. Se neblin tala anbadjoumen depi 1900 jik 23 avril 1902 otila prèmie deblozad ma-dlo kreve fetay vòlkan. Volkan Senpiè a eti franse te bay tit Montagne Pelée nèyè pas lè yo piete Yowanakaera pa te ni p’an piebwa oben an degra doubout anlè’y pou deblozad ki te fini fèt, ka mizire 1397 mèt èk etenn tout volkan oliwonn. Mòn Konil, nan linò eti ki leve ni 0.5 jik 1 million lanne ek te ka fè an kayalo epi Prechè-Gran-lawviè, an ti wet lanmè te ka doye kayalo tala èk larestan Yowanakaera, depi an trase kawbe-Loren jik Sentàn (Tre djab la) jik Wòch-Djaman pran tout ma-lanmè Foyal la.  Mòn Jakob (5.5 jik 2 million lanne) eti tankou senk Mòn kawbe a etenn depi 500 jik 800 000 lanne. Tout se mòn tala, eti ka lawonnen volkan an, ka siktire an koule ka wouvè chimen yogann Senpiè tenkant.

Poutji tousa moun rete nan yogann lan katennen volkan an ? Poutji moun bouk oliwonn ladje bouk yo pou vini pare sann atè Senpiè ? Poutji gouvèlnè Moutet fè tousa degwel bare moun asou chimen-cheley ? Es se tout tèbèdje ki mò Senpiè 08 Me 1902 tala, wit’è zewo de nan pipirit ? Poutji moun Senpiè pa te ni p’an kanmo asou deblozad Soufriyè atè Senvensan, an simenn douvan eti  ki te tjwe 1600 moun ? 

Nan lanne douvan deblozad magma tala, anchay deblozad-neblinal te ja fèt nan fetay volkan an, ta 23 avril 1902 a, ta 1851, anchay neblin dlo-cho ek gaz-volkan te ka kouri nan lawonn bwak volkan an, ek moun tankou gouvelnè te wè menm ti kavalad la nan tout sinas ki blayi douvan zie yo.  Novelis, papalò ek paladò ka rarate soukou douvan pipirit dezas tala te tenmpla pase pies dot ek moun singole anlè de zorey yo.  Twazekant, dlo lapli te lave sann ek te neye 400 moun nan lavalas matjak nan koule atè Prechè nek sa fèt  nan soukou, sa pa ba moun tan rive Senpiè rarate sa ki pase.

1 – 08 Me 1902, an deblozad frayik. Konsa mwa janvie 1902 pran anchay ti bouk anba van an kontèl Prechè te ka pran benyen toulong nan an fandanm ze pouri. Anchay ti deblozad neblinal te leve nan mwa maws la. Nek, prèmie mapipi deblozad neblinal ka toumblow nan soukou 23 Avril la ek se bouk Prechè ka pran tout sann lan. Anchay ti zenglèt-latè mete moun ozabra. Konsa lanne 1889 lagannen, moun te wè neblin nan Ma-dlo Sèk la, nan lanne 1900 de mapipi neblin leve nan bwak volkan an èk nan 1901 te ja ni sis neblin. Nan lannwit 03 Me a, anchay toumblow flandje tenmplata singo yogann lan. Makòsò sann fetaye jik 4 tjilomèt èk anchay woch ek brandon ay towblip jik 2 tjilomet nan lawonn bwak volkan an ki te ka ladje gaz blele. Te ni anchay sinas nèk p’an moun pa wè yo oben rive konprann yo. Lendi 05 me 1902, bòdaj lisid-west bwak volkan an ladje, tout ma-dlo a koule adan lawviè-blan an èk matjak la tjwe 23 moun. Mawdi 06 Me, magma a rive nan bwak la nek sa pa lenbe moun Senpiè pas tout penteng tala te ja bay nan deblozad ma-dlo, 1851 an. Pou moun ki chape nan premie jou mwa Me a, anchay moun ki te ka rete pa asou Gran-Lawviè, Ajoupa, jik Makouba, te vini pare sann atè Senpiè.   Lannwit mèkwèdi 07 Me a towblip  tenmplatann asou yogann la, an gwo gren te lave sann lan. Nan se koule a pa asou Prechè, gwo gren tala fè lavalas matjak sann èk neye 400 moun nèk sa fèt nan soukou anba minwi èk pèsonn pa te sav ayen.

Jedi 08 Me tala, lè witè ek de minit rive, dezas vlope yogann la. Boulin voumkele a douvan makòsò sann-dife a se 130-150 mèt nan an sikond, owonzon 500 tjilomèt nan swasant minit. Chalè makòsò-sann-dife se 500 zig. Freeman, koumandè gaba-Roddaam, ki te ka bay takari nan  lanmè karayib la rapòte : « Ee, an toumblow defolmantan digidi la tè kon lanmè. Sete an deblozad frayik èk se konsi mòn la te wouvè depi fetay la jik nan pie’y pou an flanm glaw èk an makòsò nwè te pase. Yo anni planni ka sote tout akwòkò ek lè yo rive nan pye volkan an yo fè an walwari pou kouvè yogann lan mete’y nan makawnès. Menm gaba ki te lantje nan mitan lanmè fè sann aan dangpantang tala. » Makòsò-sann-dife tala eti ka kouri desann tankon an lavalas kastwonnen epi anchay kalech doum la eti ki pete.

Deblozad volkan Senpiè a se deblozad volkan ki tjwe plis moun nan 20e siek la ; 28 000 moun. Ni anchay moun ki te chape nan jou douvan, delè menm douvan-jou ay fè tren yo. Sa fè Patrik Siparis se pa sèl penpennò nèk Bazil chaye anchay moun pou kabès yo ki te kout nan deblozad volkan. Nek si nou konprann tan kavalad volkan an ka kouri asou Jwiye 1989 jik 30 Awout 1902, se set makòsò-woch-dife ki tjwe 30 000 moun pis se ta 26 Me, 06 Jwen èk 30 d’Awout la ki te pran chimen Mòn-Wouj tjwe 1 000 moun.

2 – Debloza magma èk deblozad neblinal. Volkan Senpiè a eti ki volkan ki pli brannzeng nan wonz volkan se kayalo karayib la, leve ni owonzon 400 000 jik 500 000 lanne. Volkan nanninannan an sete anchay rèl-fandas yonn bò lot. Apre an mapipi singo, an volkan pi djok vini siktire eti volkannis ka doye nan de siktiray, dezienm la eti yo kriye tan Senvensan (40 000 jik 20 000) se an tan anchay brannzay otila makòsò-brandon ek sann antipile pou trase potjèl la eti nou konnèt lajounen jòdi. Ni anchay deblozad douvan èk ni 25 000 lanne, an gwo deblozad te chaye an gwo kalèch vòlkan an (kote west, pa asou Senpiè) pou ba tout tè plat Senpiè a. Depi 10 000 lanne, siantis konte 25 deblozad magma, dis adan yo rache bwak volkan an èk chaye anchay tè desann kontèl deblozad lanne 1300 an. Larestan sete deblozad magma menm potjèl epi ta 1902 a.

Si tout deblozad neblinal, tankou ta 1851 oben ta 1792 pa toulong trape an deblozad magma lamenm dèyè’y, twazekant, tout deblozad magma eti ki toumblow ka ni yonn oben anchay deblozad neblinal douvan yo. An deblozad neblinal se an deblozad tankou ta Soufriyè Gwadloup te fè nan lanne 1976 la. Sann ka towblip anlè bouk oliwonn volkan an, ta 1851 an te voye sann Mòn-wouj, Prechè, Senpiè, dotwa ti deblozad ka toumblow nan fetay volkan.

Deblozad magma a ka vini dèyè an deblozad neblinal la. Ni de debloza magma apre volkannis, yonn se eblozad magma ka leve an doum, lè magma a rèk èk ka bay anlè pianmpianm nan fouka a (0.1 milimèt nan an sigon) ; lot la se deblozad magma tijayè otila an migan gaz, pons ek sann ka bay anlè dawlakataw (500 met pou an sigond) ek ka voye makòsò tala anlè asou 10 jik 100 tjilomet. Brandon an, woch volkan ka towblip nan bòdaj volkan an nèk sann eti van ka chaye ka ale volvote asou mili tjilomèt. Nan 1995, lè Soufrière Hill debloze, sann kouvè Bastè Gwadloup èk moun te jik konprann se Soufriyè ki te vire bay nan deblozad.

Pou vire pran penteng la nan 08 Me tala. Magma a te t’ak two doukoun pou koule èk sa doubout an doum adan bwak la. Menm si piplis gaz la ka chape lè magma a ka monte nan fouka a, ka rete gaz pou leve an konpresay anlè fondas doum la. Se tankou an lastik, gaz tala ki tjoke fondas doum la ka kouri nan tout ti kratjak pou ladje presion èk leve an deblozad lèkètè ki defòlmante doum la.  An braksay gaz, sann, Brandon molpi ki koule tikatikataw, eti siantis kriye makòsò sann-dife, planni anlè foundòch lisid-west volkan an pou rive anlè yogann la nan an minit èk trant sigond. Sèt penteng menm karisti a bay nan kat mwa dèyè mwa Me a, makòsò sann-dife 20 Me a ki fini debaba Senpiè ; ta 30 d’Awout la debaba Mòn-Wouj nan lisid volkan an ek tjwe  1 000 moun. 

Deblozad 1902 a batize an potjel deblozad toupatou asou late, debloza peleyen an. Debloza peleyen an se tout deblozad ka leve an doum nan bwak volkan an ek deblozad dèyè ka kouri asou kote pase yo tije anlè.

3- Vòlkan an kastwonnen lantiray Wanakera. Depi deblozad, 1929-1932 a, volkan an towblip nan an singo ek pèsonn atè Wanakera pa se le we’y leve nan singo menm pou an deblozad neblinal, menm moun fouben-lavi. Siantis ki lonyen vòlkan an teste an jou, se pou’y leve nan singo nek se pa sinas moun ke mantje. Es se ke an debloza neblinal tankon 1792 oben 1851 ? Es dèyè ke ni ni an brannzay magma epi an doum ke leve pou fè lavalas oben makòsò peleyen ? Oben es an brannzay magma tijan ke bay lamenm dèyè deblozad neblinal la ? Pèsonn pa pe teste san tjanse, pa menm volkannis, nek tout kavala volkan an ka koumanse epi an brannzay neblinal. Se asou brannzay douvan volkan an  eti volkannis ka fondase pou trase brannzay-dèyè. Pa ni anchay brannzay volkannik nan Karayib la ek sa fè volkannis pa trape anchay tjouns pou fè kalanmplan yo pofite. Moun yo menm pa asou volkan ek lè Soufriere Hills ka pete Aliwagana (Montserat) moun Kaloukera oben Wanakera pa’a menm jete an zie asou volkan yo a.

Magre si atè Wanakera se yenki volkan an moun ka wè, magre si volkan an ba Senpiè an lakouwonn ki ta’y, fè moun gran grèd sibrekata, toupatou asou latè, konnèt Senpiè, volkan an pa nan mès moun Wanakera. Ou pe’e trape p’an moun Wanakera ki konnèt tout ti kote anlè volkan an, èk pa menm ni an sikti pou fè moun fè an bwèlta anlè’y, ba moun an kabès asou dezas 1902 a, deblozad douvan, kisasayesa. An film kontel Bidjin, film G. Deslauriers eti P. Chamoiseau matje, ka woule anlè Senpiè douvan deblozad pa rive trape manniget la eti Rue cases nègres an film Euzan Palcy, trape asou peyi a. Si an moun Wanakera pale asou volkan an, se pou voye an moun ka sistraye’y ale pale ba volkan an. Nan mizik eti ki potjèlri douvan moun peyi karibeyen, pa ni de simidoy kole asou volkan an, asou dezas 1902 a, se se pou bat do volkan an pou’y pa leve nan singo’y.

Pawòl toulejou, menm pawol moun Mòn-Wouj, Prechè, Senpiè, pa fouti depenn volkan an, se se pou ba’y an tit natifnatal, menm an tit-djendjen. Jik ni moun Wanakera, moun ki pa enpiok pies toubannman ki pa janmen ale fè an ti bwelta anlè volkan an jiskont pou di’y “man ka veye’w”. Se nan tout Karayib la otila moun pa ka fann anlè tjouns bougann la. Se pou nou teste, volkan an, tankou an tjouns bougann eti moun pa pe lerize, se an lèlem natifnatal ki kastwonnen lantiray la jik kanman èk lèspri moun nan peyi a. Se pou leve an kabes siantifik nèk kabesi toua sou volkan an, se pa jiskont pou fè vizitè vini, se pou jenerasion-dèyè ale pi nolfok pase jenerasion-douvan ki rete pri nan dannpantang 08 Me 1902 a.

                Nef volkan kastwonnen Wanakera, yo tout pa leve nan menm tan, depi volkan Mòn Paviyon ek volkan Voklen an jik volkan Senpiè a, million lanne pase, toumpak kawyann Karayib la èk kawyann Atlantik la pa leve volkan ki brannzeng anchay. Pa ni anpil deblozad volkan nan Karayib la ek se Kick’em Jenny, an volkan anba-dlo, nan bòdaj karayib Grenada ki pi brannzeng epi wonz deblozad depi 1939. Nan lanne 1985, fetay la te 160 met anba dlo, nan lanne dèyè, volkan tala ke fè an kayalo. Nek pou volkan karayib la ki pa ka debloze toulong, se pou moun leve toulong an kabès asou volkan èk peyi karayib yo  eti ka ale tjoke tout kalanmplan ki bay, fè simidoy fè tilili asou peyi yo pou kouvè toumblow debloza volkan.

                                  Simao moun wanakera 

Commentaires

Krisyan 972

Yépa ! Foto niyaj-difé tala sé pa foto esplozion Montay Pelé an Mé 1902, sé foto esplozion Soufriyè Montsérat la, an septanb 1996. Ou mèyè di kò'w sé menm kalité esplozion an.

Makso

Wopa ! Sa té ké dous si'w té ka ban nou an tablo èk tout déblozad Montay Pelé, moun ki mò èk tousa, kon ou fè ba sé tranbman-tè a oben sé siklòn an. Sinon ankò anfwa bèl pasaj menm si lang natifnatal Wanakera a rèd pou li èk konprann flouz.

Soraya-moun.Wanakera

yeleley Simao-moun.Wanakera
Man li adan jounal sians, te ni an mapipi deblozad nan lanne 1300 ki te pi djok pase ta 1902 a. Ou bliye tala?

Simao moun Wanakera

Enben yich mwen, ou mantje dezienm dekatman an, deblozad magma èk deblozad neblinal. Se sa ki pli fondal. Annou Soraya, vire li'y men si man pa matje anchay ba'ay asou sa.

Tjéko

"An ti chandel
ka limen an tèt la montay la chè
pèsonn pa té pé pansé i té kay brilé Senpiè
Ou le fè mwen konprann chè
Senpiè pa té polié
I té polié tèlman sété an prostitié.
Ki'w lé ki'w pa, man ké ba'w li kanmenm..." Ejèn Mona.

Es ou te konnèt tala, misié bagay ?

Catherine

Cher Simao ! J'ai cliqué sur "toumblow", je suis tombée sur une page pleine de définitions de mots qui commencent par "t" et il n'y avait pas "toumblow". Alors je fais quoi pour avoir le sens de "toumblow" ?

Simao moun Wanakera

"Toumblow" tankou toumpak, toumbile, toumblak, "toum" la toulong ka teste an son an bagay ka kwenyen anlòt èk anchay semeda, "blow" se dezòd sa ka fè. toumblow is a detonation (blast), baako ahum, une détonation, nyµ ahúrµ, una detonación, núwówó ádé,una esplosione, wata kãrã, uma detonaçâo, explosion...

Jojo Atiwawa

Sa ki rivé volkan'w la, i ka séré ? I konprann i adan an tan sé adan létan i yé ?

Maks la

"La montagne é bèl, la montagne é bèl, la montagne é belle" ou pa konnèt tala. sé Leona Gabriyèl ka chanté sa.

Kòkòdò a

Yé lévé !
Man té toujou tann, an fouka sé an tou otila yo ka planté an ma adan yol la oben gonmié a, isiya la man pa konprann ki sans ou bay, si sé "cheminée" oben si sé "cratère". Si sé "cheminée" sa pé fèt mé si sé "cratère", i pa fèt. Mé sa vré fòk fè lang la travay asou pwa kò'y si nou pa lé'y fini "langue régionale française subventionnée". Tjenbé.

Romil

Ki "Biguine" ésa, film tala ka pasé Senpiè avan volkan an pété mé nou pa ka wè lavil Senpiè, sé vakabòn li a, sé bétjé'y la, nèg ki té ka trimen, èk tout bouyon lavi volkan an té ké chayé. Nou pa wè tousa adan, ni "Biguine", ni "Béhanzin" alos pa di mwen sé moun Matinik ki pa ni Lamontay Pelé an tèt yo. Film tala sé an film asou an mizik, sé pa an film asou volkan an. Pa menm ni de plan anlè volkan an.

Nèg Senpiè

Moun Matinik ka di "tout kouyon mò Senpiè". Sa red menm. Es sé pas moun rété la kouté gouvèlman ki té di yo pa pati rété la pou ay voté dimanch 08 Mé ?

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)