Livres
lang-natifnatal-karayib

An laboulok

pou ri diri plere lantiy

Arawak2 Arawak la (Nitayino) te ka rarate laboulok tala otila papa an tibolonm enpiok eti yo te kriye Karakarasol (fidji akatin), te kouri-dèyè’y, pougale’y, pou’y te ale penpennen nolfok lakou yo, nan razie tankon an bèt bosal.

Arawak1_modifi1 Drive pou drive tibolonm lan machonnen toulong an vire-lakay ek katjile vini mazenflen, chaye tjouns potomitan papa a, an ja ki te pandje nan fetay yogannet la otila papa’y te ka sere zo gangan ki chape kò yo nan galile, eti te ka sanble tout kanmanwonn lakouwonn lan. Ti bolonm lan veye ek atann tout tayino jik nitayino, dòkò yogannet la, menntò a, tout moun ale fè tren yo, nan bwa kon Jera. Rive ti bolonm lan rive nan lakou mitan yogannet la, se pou’y te pran an golet pou depann ja a. Tjoke, tjoke, blogodo, ja a towblip ek pete nan mil zenglen. Pou an pantann sete an pantann, ja a te ni yenki dlo adan. Dlo, dlo, dlo ; dlo dlolole, Karakarasol foute plere atè, sistraye kouyonnad li te ka sistraye’y, ka dilere brannzay li. Dlo-zie’y migannen ek dlo ja a pou fè an dlo sale. Se konsa lanmè Karayib la vini neye tout tè oliwon nan an lavalas frayik eti se moun ki rete nan fetay mòn, tou-yonn ki rive chape kò yo. Fetay mòn ek gran plato pann nan mòn leve kayalo lajounen jòdi a. Se dèyè mòn  ki ni mòn, se dèyè laboulok ki ni laboulok, tou.

Se kayalo tala pran an tit, yonn pou lot. Ayiti Boyo Kiskeya, “peyi anchay mòn, manman tout tè”; Barakoa, “lanmè a toupre” ; Borinkèn, “tè gran dòkò”; Chaleyib, “peyi otila latè fè lafimen”; Kalukera, “peyi dlo klè” ; Kuchalwa, “peyi san p’an mòn”; Kubanakan, “gran lakou poto-mitan”, Waytukubuli, “Peyi otila eti gwo semeda woule”; Yowanakera, “peyi otila igwann ka dangoye”; Zaymaka, “Peyi bougann ek lasous dlo”, epi tou Alubaera, Alkwa, Alwagana,  Amonwana, Amonwagana, Ayichi, Gwanaari, Ichiruganay, Kamawonn, kawoukera, kayoli, Liamayiga, Lulumenn, Malwana, Touloukera, Walachi, Wali, Waliti, Waomoni, Yowanalao, epi epi… Se nan Gwanaari, anlè tjek sablin tayino a te touve ewopeyen an, debiele kon an konkonm san grenn, mantje neye adan an kwi dlo fret. Rifè ewopeyen an rifè kò’y, se pou’y te toumbile se tit la, Ayiti Boyo Kiskeya vini Hispaniola, Borinkèn vini Isla de San Juan Bautista de Puerto Rico, Kaloukera ek Kouchalwa vini Isla de la virgen de Guadaloupe, Yowanakera vini isla de la San Martin, Zaymaka vini Isla de Santiago, Chaleyib vini Isla de la San Trinidad, Waytukubuli toumbile nan Isla de la San Dominica… Yorouba a te vire ba Borinkèn, Kouba, Yowanakera ek Zaymaka an tit, Ilé-ayé Oyá, “peyi van ek ourakàn”. Tout peyi tala fè kayalo, se pou ewopeyen an te di se pase tout moun ka pase isiya. Moun ki vale sa pri nan lak la. Se konsa ewopeyen an defaltje tout tayino, kalina ek mete afritjen nan chenn. Se pousa lè ti neg, ti negres Kaloukera-Kouchalwa, Wanakera ka paladjole, asou kayalo nou ni pou foute an plere atè.

Lè gouvelman natifnatal leve nan Karayib la, anchay peyi vire-pran tit gangan tayino yo. Ayiti, Kouba, Jamayik, anchay rete pri anba tit ewopeyen an, de adan yo vire do ba listwa, anchay ka tjanse pou pa sa leve se se an tit potjelik, Madinina-972 oben Gwada-971 se tit moun ki lajòl ek pa ni p’an kabes, ayen nan kabech yo pa menm an kaka chouval, an kaka-tout-bèt, an kaka-kalbas, lerize. Kaloukera-Kouchalwa, Wanakera pis nou sav lanmè karayib la la pou mayoure nou yonn epi lot, Ayiti, Borinkèn, Chaleyib, Kamawonn, Koubanakàn, Malwana, Wanalao, Waytoukoubouli, Zaymaka, kosedjo-kosekwet.        

Commentaires

Sòstèn

Yé mistikri, man konprann kontè a té ja fini épi sa dépi madjigada.

Yanou

Ye Simao man wè ou pran kò'w pou an yolè.

Soyan

Bon konpa pa isiya la.

Soraya moun Wanakera

Mi an liv pou li "Démaré" Joby Bernabe. Se an liv pawol bidjoul an franse ek an lang Wanakera. Andan liv tala J. Bernabe ka vire pran tout se pawol la ki te matje adan "Konmbo". ni anchay montray adan.
Joby Bernabé, Demaré - Anges de terre brûlée", ed. Eia, Martinique octobre, 2007.

Ti Chal Mako

Yépa ! Sasayésa an "laboulok", man pa konnet mo tala Matinik, ni Gwadloup.

Karib

Ye mistikri ! Se lè Bazil chaye on moun yo ka tire kont; misie a. Me tala te bel. Konpè, tann sa se yonn, tann sa e vrè sa se de.

El Caribe en arte

Muerte de Humberto Solas:
El cineasta cubano murrio en la Havana el miercoles 17 de septiembre. Humberto Solas fue conocido por todos lados del mundo con Lucía (1968)un retrato de la mujer cubana a traves de la guerra de independencia, el fracaso de la revolución de 1933 y la nueva sociedad socialista. Solas dirijí también, Variaciones (1962) ; Minerva traduce el mar (1963) ; El Retrato (1963 con O valdés) ;Manuela (1966); Créar dos, tres 1970 (homaje al Comandante Enersto Che Guevara) ; Si'm pa Rele (1974 con la haitiana martha jean-Claude) ; Un día de Noviembre (1972, la película fue prohibida largamente) ; Cantata de chile (1975, Nacer en Leningrado (1977); Wifredo lam (1979 con Wifredo Lam el famoso pintor surréalista) ; Cecilia 1981 (adaptación libre de la novela de C. Valdes) ; un hombre éxisto (1986) Obataleo (1988, la cultura yoruba en Cuba); El siglo de las luces 1992,(adaptación de la novela de A. Carpentier).. y más.

Kepkaa

Nan kad aktivite

Mwa kreyòl yo nan Monreyal,

KEPKAA kontan envite w vin wè

gwo mòso,

yon pyès teyat ki soti nan nannan

odyans Maurice A. sixto yo.

Sa ap fèt jou ki dimanch 26 oktòb ,

6è30 pm, nan Collège huntsic,

9155, ri Saint-Hubert.

Sèn yo dewoule sou channmas, youn nan plas piblik nan Pòtoprens yo. Se istwa yon machann fresko ak yon machann pistach ak sirèt k ap fè fas kare ak Gwo Mòso ki pa tande ni wè vle vini yon nèg popilè sanfwa nilwa chaje ak pouvwa kraze zo. Èske misye pral rive touye tout souvni ak lespwa kay pòv malere sa a yo ?

Se Foudizè «Association Théâtre d’Haïti» ki pral jwe pyès la. Se Albert Guillaume Moléon ak Billy Élucien ki fè mizansèn nan. Aktè yo se : Francesca Mérentié, Jean Marc T. Mondésir, Pierre Ruben Sanon, Billy Élucien, Johny Zéphirin, Johndy Georges, Junior Raoul Cyr. Avan pyès la kòmanse ap gen «Duo Tac de Montréal» ak Marie-Claudette Ciriaque e Jean-Robert Bellarmin. Ki kote? : Collège Ahuntsic, 9155, ri Saint-Hubert, kwen Legendre. Antre: 20$.

Tel. 514 802- 0546 / 514 962-8640

Renseignements / Pou enfòmasyon:

514 802-0546 ou 514 962-8640 ou 514 907-8554

kepkaa@videotron.ca / www.moisducreole.com


Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)