22 Me 1848
Nouvel Karayib la

Memwa Gwadloup

An sonje

Me 67 atè Gwadloup

Me 67 Jak Nestò   

Vandrèdi 26 ek sanmdi 27 Me 1967, djoubakè masonnri te ka bat-lari Lapwent, mande 2% agouba anlè lajan-djoubake, lè nanblo franse fè kout-fizi, anni tjwe moun toubannman.Jik lajounen jòdi pèsonn pa pe di konmen moun ki towblip anba kout fizi sapatony franse a, gouvelnè teste 7 moun monte nan galile, jounal 30 Me 67 matje 15 moun akaba-fia ek 70 flandje, krey politik natifnatalis te ka plere 42 moun alelouya-zakasia jik nan maws 1985 lè Jòy Lemwàn, an mètafè pou lantiray lotbotsay nan gouvelman franse, te ladje asou televizion franse atè Gwadloup, sapatony franse fiziye  87 moun Lapwent nan de jou tala.

R. Gama ek Jp Nan 1967, Gwadloup te ka gade wè doubout apre ourakàn Ines ki te debaba peyi a nan sektanm 1966 ek te chaye 32 moun mennen ba Bazil ek mete an mili moun nan lari san-kay rete.    Nan fevriye-maws 67 an franse te voye chen anlè an djoubakè enpiok eti te ka vire-kloure soulie moun, boskafe pou an ti lolin, nan bòdaj lari Bastè douvan magazen’y. Nan twa jou twa lannwit moun Bastè te doubout douvan magazen zawa tala. 

Kifè chakalad te koumanse Merkrèdi 24 Me lè djoubakè masonnri te leve detlet ka mande 2% anbadjoumay.  Pou moun ki te deboule nan lari Lapwent, Jedi 25 me, akokit andjoubakatwè mande sanble ek akokit djoubakè pou pran-pawol, vandrèdi nan pipirit.  Konsa pipirit bay nan 26 me tala, anchay djoubakè te sanble Jarry ek se la nanblo fè prèmie kou anlè yo. Kote dezè an kanmiyon nanblo sanble nan Lakou Katlas ek douvan Kawbe Kines pou opoze moun vare mètafè  djoubakatwa masonnri, Jòy Briza, an masogan ki te bay-katjèt, « lè neg-kongo ke fen, yo ke vire-pran djoubak ». Se la nanblo koumanse ba moun kou, kout boutou, kout pa-fizi, kout-pie, patiti patalod. Se la braynes Gwadloup vini lonje-pal ba djoubakè ek voye kòn-lanbi ek woch. Twazè-an-ka, se lè gouvelnè franse, Bolotte ba nanblo an woule « sèvi tout sapatonn ». Lamenm kote twazè-e-dimi, Canales, an metafè polis franse lonje-dwet anlè Jak Nestò, an tibray 26 lanne eti yo te ja fè pòtre’y asou tout kote nan kawbe polis Lapwent yonnde joua van lè’y te vini pran ba an payaya ki te trape dezod ek polis.  Kifè nou pe teste, nanblo te ja ka veye Jak Nestò epi natifnatalis gwadloupeyen ki te siktire GONG (Sanble tout Krey Natifnatalis Gwadloupeyen) ek pa fè ni yonn ni de douvan an dekou konsa. Nestò eti konpè’y te ka kriye Kiki towblip epi de bal nan bouden’y. Kiki te ni an ti 26 lanne anlè tet li ek te ka brannzaye adan GONG. Konsa moun tann chwichwi tjweri Nestò, yo defonse an sapatonnri Lapwent ek  gade wè siktire an kakol fap-fap. Kote sentjè-e-dimi Henri Bangou, brennbowyonnè Lapwent vini mande tenmpla ek voye-labou dèyè gawayis natifnatalis. Nek misie bat-dèyè lè nanblo koumanse fè kout-fizi asou tousa ka brennen. Kote sizè, te ja ni 4 moun alelouya-zakasia ek pase 30 flandje.

Si piplis moun ki pran fè adan tjweri tala se moun ki te ka pase an lari, se pou di nanblo kouri dèyè djoubakè ki te ka chakale epi an lide djok nan kabech yo, tjwe moun. Lotbotsay, si an kout kòn-lanbi se zeklit tjweri a, se pou nou konprann chakalad tala pa te djè siktire. Se konsa braynes Lapwent mete dife nan anchay magazen. Kote setè oswè gouvelnè sinase an sispann-sòti nan lannwit la. An djip ek an mitrayet te ka kouri-lari Lapwent ek te ka mitrayete tousa ka brennen se konsa yo tjwe an tibray ki te sòti nan djoubak li pòte-antre, Camille Taret. Se chen-fè a vire vini fè kout fizi anlè sanble lafanmi oliwon kò-lonji-fret Camille Taret, se la Gildas Leandre towblip.

Sanmdi 27 Me, nan pipirit te ja ni 5 moun alelouya-zakasia, Jacques Nestor, ZADIG-GOUGOUGNAM, PINCEMAILLE, Camille TARET, Guidas LANDREE. Te ja ni t’ak plis ki 100 moun flandje ek nanblo teste yo te mete 27 moun lajol. Kote dizè anchay tibray-lekol doubout douvan kawbe gouvelnè ka simidole ek se la nanblo vire ba moun kout tout bagay ek chaye anchay tibray lajol. Anchay goumen an lari ke bay tout lajounen an, boutèy ek woch kont fizi.

Kote sentjè anchay moun ke ale tere Jak Nestò nan simitjè Mortenol, fouben fizi eti se chen-fè a te ka lonje anlè yo dawne makrey la te ka dawne dèyè serkey la.

30 Me 67, andjoubakatè ek akokitay djoubakè ka mare an topay, yo ka anbadjoumen lajan-djoubak pou 25 %, douz kou an plis ki 2.5% eti yo te ka mande.

Se nan lanne 2017, tout defann-wouvè ke bout anlè penteng Me 67 la atè Gwadloup nek moun ki te ka djoubake nan lopital, doktè, dezenpioktè, matronn, sav anchay moun flandje rive ek piplis moun tala se moun ki te ka pase nan lari. Ni moun ki atann anchay tan pase avan yo rive fè di an brada, an sese, an apa, an anman, an oliwonnè, ki te ay fè an konmision ek ki pa j’en vire. Ek pou memwa  moun ki pa j’en ka boudèkè menm lè moun pa te ni memwa, an penteng konsa eti ka bay jou ki jou pete-chenn wawaynes la atè Gwadloup (27 Me 1848),  jou ki jou kriye-libète Matouba (22-23 Me 1802) te pou simante djok konsians natifnatal la atè Gwadloup ek kouri-lawonn èche mayourad makrey-natifnatal nan karayib la. Pi ni memwa, menm chwichwiye, pi ni divini politik.

Li tout nan :

Mé 67, Raymond Gama, Jean-Pierre Sainton, Société Guadeloupéenne d’Edition et de Diffusion, Pointe-à-Pitre, 1985

foto ta : UGTG

Commentaires

Ras Michel Gwadada

An ka voyé an bon 27 Mé si tout gwadloupéyen toupatou. "La Gwadloup sé t'an nou".

Kanmo Gwada

"Fè Mémwa maché pou fè konsyans vansé".
Té tini moun toupatou an Gwadloup pou sonjé zansèt an nou ki goumé kont lesklavaj an Mé 1848, èk gwadloupéyen ki tonbé an Mé 67. Te tini an mawch ek an gran rèkonstitisyon Plas Laviktwa, te tini 100 aktè.

Nèg Gwada

"La Gwadloup sé tan nou, La Gwadloup a pa ta yo, yo pé ké fè sa yo vlé adan péyi an nou". ça c'est du slogan.

Kanmo Matnik

Soutien aux Éditions Lafontaine

mercredi 3 juin 2009
UPEM
(Union des Parents d’Élèves de la Martinique), 28, Boulevard Allègre, à Fort-de-France de 9h à 15h.

Venez découvrir et acheter vos livres.

Venez nombreux voir et acheter les livres afin que cette entreprise continue ses activités d’éditions : contes, coloriages, romans jeunesse, livres éducatifs, méthode de lecture : Atipa et Filvite.

Kamo Lagwiyann

Samedi 13 juin
À Kourou, de 9 heures à 16 heures, Ciné club spécial « esclavage » . À l'affiche 9 heures, Le courage des autres de Christian Richard ; à 11 heures, Frantz Fanon peau noire, masque blanc d'Isaac Julien ; à 14 heures, Grappe a kongos de Jacques Mathou ; à 15 heures, Anita de Rassoul Labuchin ; à 16 heures, Les routes du rhum de Jacques Mathou.
- Renseignement auprès de la mairie de Kourou au 05 94 22 32 90
À Cayenne, à 18 heures, soirée slam, contes et poésie Du marronnage à la liberté avec la participation de la compagnie Zoukouyanyan, l'association des Amis de Léon-Gontran Damas, le collectif SCTO et les poètes Jay Joubran, Annyc Watelle.
- Renseignements auprès de l'Encre au 05 94 29 81 20

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)