Tjouns degra a

Bannann lan

(Musa acuminata)

     

 Moun anchay peyi Karayib ek Amerik Latin, peyi afritjen ek aziatik tou ka mayonmbe bannann nek se ewopeyen ek ameritjen linò ka manje fig la. Yo pa’a plante-bannann, pou plante-bannann ki se towblip kabech douvan, de pie anlè. Yo ka mayonmbe bannann, pie-bannann an  se pa an piebwa, se an zèb.

Bannann lan limenm se an tòtot eti zèb tala ka voye. Moun koumanse mayonmbe mapipi zèb tala ni owonzon 10 000 lanne nan mòn Ginen-Papwazi. Se janjolant tala, Musa acuminata banksii, ki te ka bay ek ki pititre tout janjolant nou konnèt lajounen jòdi. Prèmie janjolant tala kouri-lawonn nan tout Azi lisid-kabestè ek pitiraye anchay janjolant lantiray la. De janjolant bosal, Musa acuminata et Musa balbisiana ka kouri lawonn toujou, lajounen jòdi nan tout Azi lisid-kabestè, depi Endja jik Ginen-Papwazi. Lè tòtot la mi, moun peyi Karayib la ka kriye’y fig, se pou pòtidje a ki te ka kriye’y figuiera banana eti’y te trape anlè kontinan afritjen an nan lang manjaku ek nan lang makany, b:nana kouri adan lang wòlof la banaana ek nan lang madeng la banana. Apre banana tala pase, tenkant, nan lang pòtidje a.

Ni owonzon 965 janjolant bannann asou latè, ni 57 atè Matnik. Tout moun konnet tinen (pòyò an Gwadloup), makandja, fresinet, fig-ponm, bannann-jòn, gwo-bannann, bannann-wòz ;  tout moun pa obije konnèt, kankanbou, bannann-kòd, fig-zibie, bakov, patati patalod. Tout bannann adan an gran krey eti biolojis kriye musa, piplis bannann moun ka mayonmbe asou latè adan an krèy janjolant yo ka kriye eumusa eti ki sòti adan de branch, musa acuminata ek musa balbisiana, se janjolant bannann jòn lan. Bannann cavendish la vini janjolant gran kines oliwon-latè.  An Pie bannann se an zèb ki pe mizire jik 9 mèt wotè. Se se petiol fèy la ka fè ‘‘bwa-doubout‘‘ la. Fèy la pe mizire 4 met londjè ek 1 mèt lajè. Se an mapipi zèb, tij bannann lan ka rete anba tè, se an sikti kout ki ka leve anlè an rizòm eti pa ka desann nolfok nan tè a menm si se ti chouk la fifin ek long. Se apre 7 mwa eti bannann lan ka voye flè ek se bannann lan yo menm ka mi 4 mwa apre fleraj tala. Apre fleraj la, pie-bannann lan ka mò nek an menm balan an se richton an ka vire vreye anchay plan-bannann.  Ni flè mal ek flè fimel, nan mitan yo ni flè bwareng. Ni pliziè ranje flè ek ni an fachin ka vlope chak ranje, fachin tala ka roule ek ka towblip se pou pititrayaj la woule ek chak flè ki pititrayaje ka ba an bannann. Nan lavi bosal se swelsouri a ka fè pititrayaj la. An rejim bannann pe trape jik 200 bannann adan. An pat-bannann se toulong de ranje flè fimel. Tout kote ki ni an tòtot oben an ponm ni an flè avan, man ka matje sa pas ni yonnde lanne re ni an betje ki te ka fè gòj asou an ti-nèg afritjen gran biolojis atè Matnik, betje a, L de M.  di afritjen an „es bananiers ne font pas de fleurs“, bwabwa afritjen nou an bese kabech ek di komik betje a „oui les bananiers n’ont pas de fleurs“. Zie betje a ka brile zie anchay nèg Matnik se pa ta afritjen an ki pe‘e brile.

Bannann lan leve nan Azi lisid-kabestè ek se Endja ki mennen nan mayonmbi bannann lan,  peyi Karayib la nolfok dèyè, nek se Matnik ka kineste pis bannann pou an moun peyi a. Pou klòdekòn se yich-man-bans la foute an tè a….

Tjouns nan tòn. lanne 2003-2004 kanmo (FAO) [7]
Endja	16 820 000	24 %	16 820 000	24 %
Brazil	6 774 980	10 %	6 593 110	9 %
Chin	6 126 061	9 %	6 220 000	9 %
Ekwadò	5 882 600	8 %	5 900 000	8 %
Filipin	5 500 000	8 %	5 500 000	8 %
Endonezia	4 311 959	6 %	4 400 000	6 %
Meksik	2 026 613	3 %	2 026 613	3 %
Kosta Rica	1 862 978	3 %	1 862 978	3 %
Tayland	1 800 000	3 %	1 800 000	3 %
Bouroundi	1 600 000	2 %	1 600 000	2 %
Kolonmbia	1 510 940	2 %	1 550 000	2 %
Larestan	16 277 497	22 %	16 323 346	23 %
Tèktèg	70 493 628	100 %	70 596 047	100

      

Nan anchay peyi oliwon-latè, bannann lan se fondas manje.  Moun ka fè anchay bagay ek bannann, labiè nan anchay peyi afritjen, gato, bebele (atè Marigalant), dlo-lizinen, madou, kapilad, kisasayesa.

  

Bannann kri (pates nannan an pou 100g)
dlo : 74,91 g	sann : 0,82 g	fil : 2,6 g	pates  lèlèm : 89 kcal
proteyin: 1,09 g	gres: 0,33 g	sik: 22,84 g	sik tektèg : 12,23 g
nannan
potasiòm : 358 mg	mayésiòm : 27 mg	fosfò : 22 mg	kalsiòm : 5 mg
sodiòm : 1 mg	tjwiv : 78 µg	fè : 26 µg	zenk : 15 µg
vitamin
vitamin Ch : 8,7 mg	vitamin B1 : 31 µg	vitamin B2 : 73 µg	vitamin B3 : 665 µg
vitamin B5 : 334 µg	vitamin B6 : 367 µg	vitamin B9 : 0 µg	vitamin B12 : 0 µg
vitamin A : 64 UI	retinol : 0 µg	vitaminE : 0,10 µg	vitamin K : 0,5 µg
asid gra
gondong : 112 mg	lèkètè : 32 mg	tektèg : 73 mg	kolesterol : 0 mg

  

Moun Matnik te ka pran let bannann lan pou pase mal dan, let pie-bannann lan pou opoze san koule ek yo te ka menm teste twa gout let dènie fèy-bannann nan t’ak let, asou twa jou, ka sispann kriz laz.   Moun Matinik te chofe lapo tinen mete nan fant zotèy yo pou djeri lechofi. Yo te ka fè dite lapo tinen pou pase ladjidjit. Fok p aale fè sa lajounen jòdi ek tinen moun te ke tjwiyi nan tjek chan bannann. Moun te ka kraze fig la, plaste’y anlè an kou. Fig la pa bon ba moun ki ni djabet pou sik ek lanmidon ki adan. Moun di fig la bon pou moun ki trape falfret. Nan tout jounal siantifik, fig la sipoze kadjaye bidimblo tjè. 

Henri Taillefond  

Comments

[Rédigé par : Oil]

Yo ba nou an fig oben an lapo fig manjé.