Karibennte nan Djòsolnes
Borinquén

Nouvel Karayib la

Jwiye 2010

nan Karayib la

 Caribbean map

Kalboyri deng la ka kouri-lawonn Gwadloup ek Matnik otila 7 moun abòlòy apre an deng-senyen ; owonzon 300 moun kouche anlè an li lopital nan de peyi a ek 2.000 moun ja kalbòy magre se de peyi tala pòkò pase zetok kalboyri a. Se an ras mayengwen, aedes aegypti, ka chaye kalboyri a, se fimel la ka pitje moun.

Se tjanmay anba 15 lanne ki toulong ka trape janjolant kalboyri a eti ki ka tjwe moun. Pa ni pitji pou kalboyri tala nek moun pe koubare'y lè yo ka tire kòchte bò kay yo. Atè Gwadloup ek Matnik anchay zòdi, anchay vie-loto, machin ka pouri douvan se kay la, moun se de peyi tala kòch, se an bat-manman. Chak lanne, mètafè valtayri djannte ka kannidaye asou kalboyri a nek moun pa ka sanm sa ka konprann an patat adan sa. Man ja las matje-kabicha bagay tala, moun se de peyi tala pa fouti plodarele nan franse ek nan menm balan an, p'an yonn pa fouti kole de pawol adan lang natifnatal yo, yo jik kriye'y kreyol, yo ka jik vote kont tèp yo, se pou di an moun. Kifè plodari pou koubare kalboyri ka kouri lawonn pa fouti pran chouk, an lanne pou anlot, mayengwen ka jijinen nan dlo pòt-flè a, asou tab la otila moun ka manje toulejou.

Apre sa Jwiye se dekou anchay dousin, moun ki rete lotbotsay ka debatje vini wè fanmiy yo, delè se anni vini banbile, zouke, soukre lawda yo, blakboule kò yo. Nan tout se peyi Karayib la, sa ka woule konsa nek fok pa an moun konprann se yenki banbile, mwa Jwiye ni anchay penteng pou banbile nek se mwa lapli tou, se mwa pou anchay gwo-gren ka fè lavalas, se mwa avan prèmie gwo ourakann, patati patalòd. Moun ka banbile, banbile yo nek ni moun ki pa ni tan banbile, ni moun ka djoubake dri, ni moun ka kabicha anlè lavi a, ni moun ka trimen, ni moun ki nan lapenn, ni moun ki kalbòy, ni moun ka chape abolay magre yo nan braynes yo oben yo pòkò rive pa oben ma-yaya. Lavi a se pa an bol toloman ek se pou toulong bat pou mètafere moun Gwadloup ek Matnik.

31. Gwadloup/Matnik/Senmaten : Mètafè valtayri djannte fè eti gouvelman franse pou lonje-pal koubare kouri-lawonn kalboyri deng la eti  ki ja tjwe 7/8 moun Matnik, 4 Gwadloup pou 19.800 moun kalbòy Gwadloup, 12.600 Matnik ek 800 atè Senmaten. Kalboyri deng la ka kalbòy moun atè Dòmnik, Dominikana ek Trionidad tou. 

28. Lapwent, Gwadloup: Wolf Sambale an mapipi potjelis-lapenti atè Ayiti eti te ka rete Gwadloup depi anchay tan ek te vire  Gwadloup apre zenglèt-latè 7.0 pou 20 tjilomèt fondas ki debaba Ayiti nan 12 janvie 2010, chape nan galile, 49 lanne tou-yonn asou kabèch li. Wolf se te an karibeyen lanmen-asou-tjè.

27. Santa Clara, Kouba: Moun wè Fidel Castro nan de koko-zie yo ka fè an won nan anchay penteng ki te sitire pou sonje sayad Moncada eti ka vèvèle premie brannzeng ranboulzad Kouba a ek eti se te jou 57enm lanne'y. Televizion Kouba panpannen Fidel Castro ka pran pawol ek an krèy moun eti te ni moun legliz, pastè Etazini ka woule pou an topay. Se te setienm kou F. Castro te ka sòti dewò depi twa simenn. Fidel Castro ke trape 84 lanne anlè kabech li nan mwa d'Awout tala.

26. Pòtoprens, Ayiti: Se 74 krèy politik ki pare pou kouri lawonn-politik la eti ke woule Ayiti, 28 Novanm ka vini. Jout politik la ke woule depi 27 Oktòb jik 27 Novanm. Moun ke vote pou trape pingilè Ayiti tankou pou trape anpanpannè politik nan kawbe politik natifnatal Ayiti.

23. Santiago de Chile : CEPAL (Comisión Económica para América Latina y el Caribe) teste ekonomi lantiray Amerik Lation ek Karayib la ke dekatonn asou 5.2% lanne 2010 tala pou antipile TKT (Tjouns Kòtòf Tektèg) asou 3.7%. Nek pou banbann ekonomi oliwon-latè ki bay, atè Ewopa pase p'an kote, nan 2011 dekatonn tala ke pi flòkò, owonzon 3.8%.

18. Paramaribo, Sirinanm: Desi Bouterse eti ki te mètafè Mega Combination (MC) pase tankou pingilè Sirinanm. Bouterse genyen Chandrikapersad Santokhi eti ki te brennbowyonnè Polis ek Jistis nan gouvelman douvan. Bouterse genyen api an topay eti'y te fè epi Ronnie Brunswik.

17. Pòtòfspany, Trinidad : Kalboyri deng la eti ka kouri-lawonn nan peyi a tjwe 3 moun nan an simenn ki pase. Brennbòwyonnè djannte Trinidad teste se pou peyi a leve an ago-kalboyri-ka-kouri asou tout peyi a.

16. Kingston, Jamayik : An gran djoubakatwa La-Chin eti tit li se China National Import and Export Corporation  genyen 3 lizin sik Jamayik pou 9 milion dola (pou kawbe a) ek trape an topay pou djoubalapte 18.000 ekta tè lawonn se lizin tala pou 50 lanne, yo ke pe lonji'y asou 25. Depi an lanne gouvelman Bruce Golding te la ka pran pawol epi moun pou 3 lizin sik tala eti te ka pèdi lajan.    

02. Trinite, Matnik : Lanne tala Matnik lizinen 4037 tòn sik tou-yonn, lanne pase se te 5557 tòn. An kadjay ki fè Matnik manje plis sik ki sa eti'y ka lizinen. Se owonzon 6.000 tòn sik moun Matnik manje chak lanne. Lanne tala kann lan te ni t'ak plis dlo nek te mantje sik pou lapli ki towblip dri nan bout lanne 2009 la. Magre karenm lan ki te sek lapli vire-vini.  

Commentaires

El Caracol del Caribe

La líder nacionalista puertorriqueña, Lolita Lebrón Sotomayor, será sepultada hoy."Lolita" nació el 19 de noviembre de 1919 en el barrio Bartolo de Lares.

Su activismo político inició cuando apenas tenía 18 años y quedó consternada por la Masacre de Ponce el 21 de marzo de 1937, cuando fueron asesinados nacionalistas que protestaban por el encarcelamiento de Pedro Albizu Campo.

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)