Jounal Gawoule Sektanm 1870 la
27 septembre 2010
27 Sektanm 1870
Nan 27 Sektanm tala sapatony Telga a te ozabra, chak klendenden ka klere pou nanm li, owonzon 2000 nonm sapatony toufounè franse a ek 500 dòg betje a te fè bawouf nan se mòn oliwon Lawviè-Pilòt la ek te ka depotjole, brile, simen fizi anlè moun jik 30 Sektanm otila gouvelnè katjete an sispann brannzalad sapatony.
Nan 27 Sektanm tala se an bannzata moun eti sapatony franse a epi se dòg se betje a sitire, yo te ka èche Lwi Telga epi an konpanyi gawoulan, yo pa janmen rive tjenbe Lwi Telga, Emil Sidné, Adel Negran, Madlèn Klèm (Madlèn Klèm te la lè yo koupe koko Kode) eti ke rive chape nan jou dèyè, janbe lanmè kannal Sentlisi a. Yo rive tjenbe O. Vila ek an konpanyi gawoulan eti anchay adan yo ke pase douvan an tribinal sapatony nan 17 maws jik 17 avril 1871. Yo mande pou pann tout se boug la atè Deklie, yo voye tout se fanm lan lajol Gwiyann. Se nan dezienm tribinal sapatony la, 22 Me jik 8 Jwen 1871 eti anlòt konpanyi fanm, Limina Sofi, A. Bwasonè, adan yo, ke pran djoubak-bosko pou lavi. Anlòt konpanyi, M. Bouchon, O. Chalon, R. Jènvièv, M. Silven, A. Menay, Man J-L. K. Siril pran 15-20 lanne djoubak-bosko.
Nan 27 Sektanm tala, dife ka pri toujou nan chan kann jik nan linò Matnik, pa asou Sentmari, men sapatony Telga a eti te mantje sapatonn, te mantje tan pou vidjoze liy li te ozabra, te pran anchay kou, sapatony franse a te blennde'y ek sa te ke rèd vire-doubout lamenm. Lwi Telga, Emil Sidne, A. Negran, M. Klèm epi dòt te rive chape kò yo lotbotsay se pou konprann lamenm lakouwonn djabalaptè tala pa te ke trape an mètafè djok pou anchay tan.
Mwen konprann ki tout bagay té fini le 26, sé sa tout sé grangrèk la di èk matjé.
Rédigé par : Toto'o | 27 septembre 2010 à 11:26