Jounal Gawoule Sektanm 1870 la
Politique d'en-Martinique

Nouvel Karayib la

Sektanm 2010,

nan Karayib la

Caribe_politico Ourakann anlè Atlantik  

Chak lanne, lè 21 Sektanm rive se pou moun Matnik ki rete an kabes, an memwa Matnik, chonje defen Ejèn Mona, Pòte banbou, lavwa blues 1700 an, lavwa bennzo a nan Bwa brile epi toutoun banbou a nan agoulous se lanmò. Sektanm vini mwa pou sonje Mona epi toutoun banbou'y la ek mi se lè de mapipi simidò mizik-banbilay, Mighty Arrow, mètafè nan Soca music ek Patrik Saint-Eloi, palantjè zouk-lòv,  chape nan abolay.

Man toulong teste, mizik la se mapipipotjelri nan peyi karibeyen pou sanble mizik sanble moun, ba yo an larel-ale (si se pa an larel-divini, an bwa-kore lavi a) tankou makrèy-natifnatal, pou matjoukanniz peyi karayib eti ki sitire nan lawonn mizik. Se tankou an kòd-yanm ka love anlè an ranp banbou ; mi se la banbou a tou fè chouk ek nan menm balan an se sispann fè ranp ba yanm bokodji. Se pa jòdi man ka teste sa, pa ni an matjoukanniz ki la pou kò'y tou-yonn, nan 21enm siek tala. Moun yonn-pou-yonm pran dwel matjoukanniz oliwon latè ek fè an bouyon epi'y. Nan peyi otila pa ni p'an walayachi politik, Gwadloup, Gwiyann, Matnik adan yo, pa ni p'an lekol natifnatal pou palantje memwa-matje a ek se yenki memwa-kannidaye a ki pòte matjoukanniz tala, moun masoke anchay dwel matjoukanniz peyi oliwon-latè men pou memwa-kannidaye a ki mapipi memwa, pa ni ayen pou fè tout se dwel matjoukanniz tala tjenbe ansanm. Matjoukanniz moun yonn-pou-yonn tala ka desitire se peyi tala jou-ki-jou pase'y se ka sanble'y, ba'y an toufounnri. Se pou'y gare moun. Atè Gwadloup nan veye bousoukomoun pa te ka kwenyen tanbou ek se konsa jenerachon-douvan Gwadlopup te leve boula-djel pou tankanlankantanm tanbou a pa te koubare pasay la. Mi jòdijou nou ka gade moun ka kwenyen gwo-son mennde a nan mitan an veye, pa menm an kaladja, son gwoka a leve pou katjete an falfrèt, jik an djòsolnes, awa an gwo-siwo mennde a, an veye se pa an deboule kannaval.

Sektanm se mwa pou sonjeGawoule Sektanm 1870, se te prèmie brannzay politik natifnatal nan laboulok Matnik. Se la pou, depi 11 jik 30 Sektanm tout akokitay politik walayachis, natifnatalis, ranboulzè te pou leve vire-pran politik yo, sitire an penteng sonje Telga, Lakay, Limina Sofi, E. Sidne, R. Solèy, D. Boliva, M. Klèm, O. Vila epî 1500 konpayel owonzon ki chaye, asou an mwa, lide an walayachi Matnik, an Repiblik Nèg-Matnik. Se tjou rat ! Ay kwè sa pou yo kriye'w kwata, se nan mwa Sektanm tala eti anchay akokitay politik Matnik ki teste yo goumen pou an djoktòch politik atè Matnik, pran pou pleyen asou Kawbe Brennbòwyonn lantiray franse eti PPM le anzobrayte atè Matnik. Man toulong katjete, si bwabwa te pe chaye moun nan abolay tankou bazil, se pa jòdi piplis moun Matnik....      

30. Ekwadò : Tout gouvelman Amerik Latin ek Karayib la lonje Pal epi Rafael Correa pingilè Ekwad2 eti an krèy sapatony peyi a fè kout fizi anlè'y pou te voye'y nan abolay. Apre Ondouras se Ekwadò, nou te ke konprann, depi 20 lanne, sapatony la trape an konsians nan peyi Amerik Latin ek Karayib la, se tjou rat.

29. Kingston, Jamayik : Toumvas Nikol chaye 5 moun nan abolay, mennen 40 ale, fè anchay tè denngole, anchay rel-fann nan lavalas. Gouvelman Jamayik ja konte sa ke fè plis ki 10 milion dola pou ranje lekol ek chimen ki neye anba dlo. 

27. Pòtoprens, Ayiti : Dieudonné Cédor an mapipi potjelis Ayiti chape abolay nan 85enm  lanne lavi'y. Dieudonné Cédor eti moun te konnèt nan tout kawbe lapenti, toupatou asou latè, te koumanse penn nan lanne 1947.     

24. Pòtoprens, Ayiti: 6 moun fini bàt ek lavi a lè an gwo-van chaye ti tant flògòdo eti yo ka pare solèy ek lapli anba'y de zenglèt-latè 7.0, 12 Janvie a. Se 12.963 fanmiy nan 191 lantiray tant eti van tala soukre nan Pòtoprens, Taba ek Delmas.    

23. Moul, Gwadloup:  Se mili-mili moun Gwadloup epi peyi lotbotsay ki te vini tere Patrick Saint-Eloi nan tè Gwadloup la otila'y te leve 52 lanne douvan.     

19. Karayib/Atlantik : Se prèmie kou depi  12 lanne, 26 sektanm 1988 eti twa ourakann yonn-dèyè-lòt ka bay-van asou lanmè Karayib la ek Atlantik la. Igò, Jilia ek Karl, de asou Atlantik, yonn asou Golf Meksik la.

18. Lapwent, Gwadloup : Nan pipirit 18 Sektanm tala, Patrick Saint-Eloi, mèt zouk-lòv la nan Kasav pannan 20 lanne, chape nan abolay. Patrtick Saint-Eloi te ni 52 lanne tou-yonn, se te lavwa pi bidjoul mizik zouk la ; an lavwa lanmen-anlè-tjè ki toulong te simidole lewdou, ponponnri, toumbelele pou tout semeda ek move jes dekati.

17. Foyal, Matnik: An voumbagranka politik leve atè Matnik lè PPM la katjete yo pare leve an kawbe brennbòwyonn sitire pou defann tèp Matnik tou-yonn, sa eti yo te koubare 9 mwa douvan. Moun ki nan tan tala te le defann tèp Matnik vire kont alè la. Se pou piplis moun Matnik pa sav kote pou mete tèt yo lè MIM (an krèy walayachis) katjete yo le koubare kawbe tala eti pe te ke nan lespri sa makrèy-natifnatal Matnik te le. Yo tou, yo obiye se ki sa sa ye an mande-fè-eti makrèy la.    

15. Brades, Montserrat: Alphonse "Arrow" Cassell, Soca King of the World, chape abolay lakay li, atè Monserat. Mighty Arrow eti ki ledjanse "flèch djok" la te ni 60 lanne ek te trape an kalboyri nan sèvel li. Moun te konnèt Arrow pou simidòy tala, nan lanne 82 a, Hot Hot Hot eti ki fè lawonn latè.

14. Mòn-Pito, Matnik : Chalè anlè moun Matnik jik pou pa sa tjenbe anba 36°2 ka kouri-lawonn nan peyi a. Moun kriye se prèmie kou. 

13. Karakas, Venezwela: An avion ATR-42 djoubakatwa natifnatal Venezwela eti te ka fè karetel kayalo Margarita pou yogann Gwayana towblip toupre djoubakatwa machokèt Orinoco oliwon layopò eti'y te pou plannise. 15 moun abolaye ek 36 rive chape kò yo, yo tout se moun Venezwela.

12. Atlantik : Igò an mapipi ourakann grèd 4 asou zandal Saffir Simpson la eti ki trape 5 grèd ka toumvare asou Atlantik la nek pe ke menyen tè dapre sa Kawbe Meteo Kouba (INSMET) teste. Lè sizè pipirit la sonnen, mapipi ourakann la te trape an karetel anba-solèy-linò-anba-solèy ek te trape an boulin 32 tjilomèt-a-lè ek van 240 tjm-a-lè, nan masonn zie a, presion an se 935 ektopaskal. Igor pare janbe grèd 5 la.

11. Santiago, Chili : Lanmizè-ble bat-dèyè pou rive  asou 85%, owonzon, nan tout Amerik Latin ek se pou anchay krèy Akokitay Peyi Oliwon-Latè espere tjonze'y nan de nan 2015 ka vini. An lonyaj CEPAL (Chanm Ekonomi Pou Amerik Latin) katjete se te bik dekatonn eti APOL te zige nan 2000. Nan 2008, te ni owonzon 71 milion moun Amerik Latin ki te anba madjandjannri aleliwon, pa plis 1.25 dola nan pòch yo chak jou, dapre sa CEPAL konte.

09. Foyal Matnik : Depi kon kalboyri ladeng lan ka kouri, 35.100 moun ja kalbòy atè Matnik, ek ladeng chaye 15 moun nan abolay.  

08. Paris, France : Jenny Alpha, gran-sese tout zanpanlan franse pati kay abolay. Jenny Alpha te banbile 100 lanne'y 22 Avril 2010 ki pase. Se nan lanne 1929, Man Jenny Alpha te ladje Matnik rive atè Paris, lonyaje pou te vini metres-lekol.

07. Atlantik/Karayib: Sa eti ki katrienm penteng toumvaral lasezon ourakann la te anlè Atlantik la, nan owonzon 560 tjilomèt lestè se kayalo linò a. Gaston ka vini pianmpianm, 24 tjilomèt/a-lè, epi van ka fetaye asou  56 tjm/a-lè. Epi sa, Gaston pa ka menm fè an toumvas tropikal. An konpanyi bolit teste Gaston ke degaye nan an gwo gren, nan 2/3 jou ka vini, anlòt konpanyi pi agoyis, katjile Gaston ke rete menm bagay asou 2/3 jou ek ke wakle tikin-tikin pou vini an toumvas tropikal.

04. Atlantik/Karayib: Apre Danielle ek Earl eti ki pase asou lanmè ek redi tout van jik pou nan soukou, anba minwi termomèt ka sinase 28° atè Lanmanten-Matnik oben Pimentel-Dominikana mi Gaston nan chimen ka vini pianmpianm. La pò'ò menm ni toumvarel pou redi van, fè moun griyen anba chalè. Gaston pòkò ourakann, pa menm toumvas se de, twa makòsò sanble yonn bò lòt pou fè an penteng ka toumvare men ourakannis la ka veye'y ek teste se pou'y tounen toumvas nan twa, kat jou ka vini.

03. L'Avana, Kouba : Se an Fidel Castro lennte epi dikanman sapatony Kouba, tankou vèvel djoktoch politik la atè Kouba, ki te  vini pale 35 minit, douvan mili-mili lonyajan asou karetel laboulok  l'Inivèsite L'Avana. Televizion Kouba te ka rarate prèmie plodari mètafè ranboulzay Kouba a fè depi 4 lanne. Dapre sa nouvelis ki te la teste, dapre sa nou wè nan televizion, Fidel Castro te djok, kokles ek trape tout lespri'y. Moun ki te ale banbile asou "abolay" li, ni 4 lanne, nèyè vale an zo kracha vandrèdi.

Commentaires

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)