detlèt atè Trinidad
Yo pran drivayè pou an bondje

Rete-sonje

12 Janvie 2010

4.53 nan labrenn

Ayiti boyo Kiskeya Ayiti-fann-tèt

Pòtoprens, Ayiti : An lanne jou-pou-jou apre latè tranble, 7.1 pou 12 tjilomèt fondok nan 25 tjilomèt lisid-kabesztè Pòtoprens-Ayiti,  chaye 222.725 moun nan abolay, flandje 300.000 ek ladje 1.5 milion nan lari, san-kay-rete, se pou toulong leve an rete-sonje men pi nolfok ale tjoke sa eti ki pa mache pou 800.000 adan 1.5 milion moun ki toulong anba joupa nan sire. Se pou leve an kabicha asou walayachi politik Ayiti a.

Ayiti anba joupa Nou ja matje ek fè moun wè latè ka tranble toulong kote eti'y ja tranble. Apre latè te tranble Matnik 7.4 pou 150 tjilomèt fondok, nan 200 tjilomèt lisid Atlantik Matnik, nou te matje an laboulok latè-tranble nan Karayib la depi 1610 ek nou te siyade ta 1770 la atè Pòtoprens-Ayiti ek ta 08-02-1843 a eti ki voye 3.000 moun nan abolay atè Lapwent-Gwadloup, apre sa kreyolis Matnik la teste pèsonn pa te janmen matje ayen asou latè-tranble nan se peyi tala, ek pèsonn pa te sav latè te pe tranble pou fè anchay dezas nan an peyi karayib. Si bagay la pa matje nan franse, kreyolis Matnik la pa ka li'y, si bwabwa te ka vini ek an latè-tranble 7.1 asou zandal Richtè a, se pa ti soukre Matnik ja soukre.

Toupatou asou latè, latè ka tranble ek delè sa chaye mili-mili moun nan abolay, Meksiko, desanm 1985, latè tranble chaye 10.000 moun nan abolay ; Kobe 17 Janvie 1995, latè tranble 6.9 pou 34 tjilomèt fondok, chaye 5.357 moun nan abolay. Delè, moun pe pase bel pou boukan latè-tranble ki te nolfok lantiray  moun ka rete oben pou fondok kratjaj la eti ki te nolfok letal fondas la, delè se potjel fondas la, londjè se rel la (an latè-tranble rel-long ka debaba plis ki an latè-tranble rel-kout) oben teknik anzobraytaj kay ek kawbe otila moun rete. 27 Novanm 2007, moun Matnik te pase bel se fondok (152 tjilomèt) latè-tranble grèd 7.4  (6.4 kou pi djok pase ta Ayiti a) asou zandal Richtè a ki fè yo pase bel. 27 fevriye 2010, moun Chili tou pase bel, latè-tranble a 3.34 nan pipirit, grèd 8.8 asou zandal Richtè a (614 kou pi djok pase ta Ayiti a, 409 kou pi djok pase ta 27-11-07 Matnik la) pou an 34 tjilomèt fondaok a 115 tjilomèt prèmie yogann lan, Concepción ek 325 tjilomèt Santiago, chaye 521 moun nan abolay. Apre latè-tranble ta'a, latè tounen anlè kò'y pi towtow, owonzon de dizienm sigond genyen. Lè moun kabicha anlè latè-tranble yo pa pe pa leve fray asou ta 22 Me 1960 la eti yo kriye "latè-tranble Valdivia" a, grèd 9.5, 35 tjilomèt fondok, 700 tjilomèt Santiago, chaye 3.000 moun nan abolay te leve fondas lanmè a asou 6 mèt sa eti ki fè an tsunami (nou nan Lanmè Pasifik la) ki fè lanm 10 mèt wotè ek ale neye 5700 nan lestè kontinan aziatik la.

12 Janvie 2010 ta'a, anchay penteng te sanble pou te fè an dezas Ayiti eti balan koukourit oliwon-latè ki leve dèyè pa rive fè moun Ayiti bliye. Tout brennbòwyonn peyi a te atè, sa eti kawbe natifnatal la eti te denngole asou kò'y vèvèle, sa fè pa te ni p'an siikti pou eyalaye lonje-pal ki te ka rive. Banbann eti latè-tranble ta'a leve se an banbann gouvelnaj Ayiti tou.     

            1- Tout bagay te sanble pou fè an dezas.

Kifè, nou te vire pran kabicha ta'a nan Kapach-wòch karayib la pou te fè moun konprann la eti wòch la ja pete se pou'y vire-pete lanne dèyè, siek dèyè ek nan menm balan an, la eti an latè-tranble menyen an grèd 7.1 se pou'y vire tranble menyen grèd 7.1 ta'a si se pa plis men la eti'y pa janmen te menyen grèd 7.1 fok pa atann li menyen grèd 7.1 ; se pou konprann tou la eti latè-tranble pa janmen fè razmare (moun atjolman pann anlè Tsunami a) pe ke ni latè-tranble ek an raz-mare dèyè'y. Nou te katjile se nan bòdaj barank Puerto-Rico a otila raz-mare ja fèt, nan 1867, 1918 ek 1946 (ta'a te neye 1.600 moun) epi nan bòdaj Jamayik, la tou an raz-mare te fèt nan 07-06-1692 ek te neye 3.000 moun dapre sa raratè te matje, se la tou yonn eti an latè tranble pe leve an raz-mare, kifè  se pa lapenn fè moun Matnik pè epi raz-mare menm si bolit djenge an mapipi raz-mare nan Atlantik la epi lanm 30 mèt wotè asou tout lestè kontinan ameritjen an, jou lonmwatje yonn adan se kayalo Asòw la, men sa se an plodarel.

Kapach-wòch karayib la pa toufoun pou sa. Kifè, Moreau de Saint-Mery te rarate latè-tranble Ayiti nan 1770 ek masonn se legliz la te pete, anchay kay gwo-masonn te deblozonnen, se pou nou te konprann latè-tranble tala te fetaye nan an grèd reltes 7 jik 8.epi pou drit la ki te anlè 11, ek nèyè boukan an te toupre anba letal fondas la. Pou masonn kay oben kawbe deblozonnen fok fondas la vini dlo, ka fè lanm ek pou fondas la fè lanm fok se rel la long tankon Meksiko oben Kobe. Pi fondas la nan sab fifinen oben trape dlo adan, pi rel la long.  Si wòch la te pete nan rel-fann-tè Enriquillo-Plantain Garden, eti ka kouri depi ma-dlo Enriquillo nan Dominikana jik nan bout Tiburon, asou 300 tjilomet, se pou'y te vire pete lanne dèyè. Ek asire lèlèm la ke vire antipile nan rel-fann-tè Enriquillo-Plantain Garden ta'a eti ka pase toupre bò Pòtoprens, 20 tjilomet tou-yonn, pou vire pete nan jou, lanne, siek tan dèyè. Sa se an penteng mekanik, se pou'y pete ladje tout lèlèm ki te antipile, vire soude ek lanne, siek-tan dèyè, vire pete. Wòch la te ja pete nan 1750 epi an drit 7/8 dapre raratay raratayè nan tan tala ek se pou'y te vire-pete, 20 lanne dèyè...

Se pou nou te fè moun ki sa li lang natifnatal Matnik la konprann si grèd reltes la fondal, fondoktonn pete-wòch la fondal tou. Kontel nan latè-tranble ki te fèt Matnik  27 Novanm 2007, si fondoktonn tala te nan 30 prèmie tjilomèt la anba fondas la se pa ti plere man te ke plere jou ta'a, jik jòdi. Lè fondoktonn tala nan 30 prèmie tjilomèt la, fondas la ka vini dlo ek se pousa moun Ayiti ki te anlè lwiloud la wè de kote lwiloud la ka fè yonn douvan yo oben wè an lanm ka kouri-vini anlè yo. Sa fè, anlòt bagay fondal se potjel fondas la, si se sab, si se tif, si se pons, si pa'a j'en si. Potjel fondas la mannigete londjè se rel la. Apre sa, ni londjè lantiray ki trape nan mitan boukan an epi prèmie bouk ek yogann, boukan latè-tranble ta'a se te 25 ti tjilomèt Pòtoprens ; si an moun ladje an wòch nan an ma dlo, se rel la pi djok, toupre toumpak la ek pi nou alsate toumpak la pi rel la piòpiò. Apre sa, pi ni moun anlè an lantiray, pi ni moun ka pran fè lè an penteng konsa rive, ek ni twòp moun ka rete Pòtoprens, lè eti latè ka tranble fondal tou, si se lè tout moun dewò nan lari, bò-lanmè oben chita anba lakay oben nan lekol, kosedjo kosekwèt. A 4.53 nan labrenn piplis moun chita nan lekol, nan kawbe, ka djoubake nan djoubakatwa... Jou tala, atè Pòtoprens, tout bagay te sanble pou te fè an dezas. Se pou moun debiele, se evanjelis ameritjen an, ki pa janmen pran an latè-tranble sispann pale pawol-pou-ayen asou bondje ki zengwennen moun, (tousa kou latè tranble San Fransisko oben Los Anjeles, fè de kay eti te asalte asou 25 mèt yonn rantre adan lòt, se bondje ki zengwennen moun la tou), beton ki pa te ni kont siman adan, moun ki te ke trape maledison epi tout kouyonnad nou tann oben li nan jou dèyè penteng ta'a. Se pa jòdi latè ka tranble oliwon-latè ek se pa jòdi penteng ta'a ka chaye mili-mili moun nan abolay.

            2- Poutji tousa moun pran fè nan an latè-tranble 7.0 12 Janvie ta'a ?

Se sa anchay moun mande-pou-sav, poutji latè-tranble chaye 222.725 moun nan abolay, flandje 300.000 ek mete 1.5 milion moun nan lari a, san kay-rete, 12 Janvie 2010 ta'a ?. Se toulong pou moun se rive konprann de bagay. Pèsonn pa pe rive sav ki tan fanlan an latè-tranble ka rive. Moun teste rat ka kouri ladje dalo pou grèd dlo anba tè eti ka fetaye, bèt ka ozabra oben zibie ki vole nan pangal pou rel manyetik te ke toumbile laliwonn lan, tousa pe adan, delè se sistenm vie-fanm nan mapipi yogann pa ni zibie ka vole ek pa djè ni anchay bèt, ek si valtayri djannte an yogann simen manje rat jou douvan, pa ni p'an rat, sa nou ka fè? Pöu sav moun pa pe sav nan ki tan fanlan latè-trable ka rive anchay moun ka pran'y pantann anlè fal yo ek menm si yo se aprann sa pou fè, yo toulong ozabra ek sa flouz pou an bagay towblip anlè yo toudi yo, flandje yo oben voye yo abolay..

Si nou le kore mande-pou-sav ta'a se pou nou konprann anfwa, ni twòp moun ka rete Pòtoprens, moun yonn asou lòt ek se pou katjile vire-anzobrayte yogann-fondal Ayiti anlòt kote men pa nan 20 tjilomèt an rel-fann-tè brannzan eti tout moun pou sav se pou'y vire pete nan lanne dèyè. Si nou gade Ayiti, nou pou wè Pòtoprens nan an besin epi anchay mòn ka lawonnen'y nan lisid epi lisid-kabestè, atè-solèy se lanmè oben plato se lawviè a. Kifè, fondas la se sab ek rel an latè-tranble pa trape an fondas tengfas eti ka kore yo. Sa fè rel long ek se lanm tè ka anni kouri anlè moun.

Tout kawbe brennbòwyonn Ayiti nan Pòtoprens, sa eti ka redi moun tout lantiray peyi a nan Pòtoprens eti se lantiray fondal nan brennbòwyonn, politik, ekonomi, matjoukanniz epi anchay dòt. Ayiti se Pòtoprens, sa fè jou ni an gwo tjak Pòtoprens, pa ni peyi ankò menm si asou 9 milion moun ka rete Ayiti, se 3 milion (yonn asou 3) eti ka rete Pòtoprens epi bouk-bòdaj li. Wè ni 9 milion moun ka rete Ayiti se pou se ti novelis tèbèdje Matnik la se rive konprann si yo chak voye an boutèy an lit dlo pou brè, se an boutèy dlo pou 7 moun ek nan an dimi-jounen 400.000 boutèy dlo ta'a pou ja vid. A sipoze tjanmay-piti ek ti kapistrel - pas moi avec ces gens là hein - te ke pe voye se se an boutèy dlo. Tout kawbe politik, tout kawbe brennbòwyonn atè Pòtoprens se pou konprann anchay moun yogann pi nolfok ka desann oben monte pòtoprens toulejou ek a 16.53 nan labrenn, yo tout pòkò te vire pati nan yogann oben bouk yo.

Poutji tousa tan pou vire-doubout Pòtoprens, Ayiti ?

Moun ki pase nan Pòtoprans teste ayen pa toumbile, tout bagay nan menm pòz eti'y te ye 13 Janvie 2010 nan pipirit, pa ni p'an kay ki sòti nan tè leve, p'an kòb nan 10.000 milion dola eti Akokitay Peyi Oliwon-latè te pou mete pou vire-doubout peyi a pa rive. Anchay joupa nan sire pran plas se kay la otila 800.000 moun rete anba yo. Ek anchay moun teste Ayiti vini an Repiblik otila Akokitay-Alsa-Gouvelman ka mennen. An mapipi bankoulele ka woule nan se lantiray joupa-nan-sire ta'a, kadjè ka kadje fanm, fanm pri anba an mapipi semeda eti gouvelman pa ka rive fè sispann. Anchay moun enpiok pa rive vire bò kay yo. Ayiti pa ni gouvelman, pa ni mètafè, moun pou doubout djok douvan Akokitay Peyi Oliwon-latè opoze yo fè sa yo le an peyi a. Akokitay Peyi Oliwon-latè teste ni an tjak leadership.

Se pou nou menm moun Karayib la rive konprann de bagay. Yonn se tjak pou gouvelmennen peyi eti ki pase anba wawaynes la. Moun Ayiti tankon moun anchay peyi Karayib la pa trape matjoukanniz politik ek, plis Ayiti pase p'an dòt peyi moun toulong veye gouvelman yo nan kwen zie. Kifè moun Ayiti te ja ka veye gouvelman Ayiti. Gouvelman nan lang Ayiti oben nan lang Matnik la se pa menm ledjans epi gouvelman nan lang franse. Kifè, lè an gouvelman adan an doukou konsa, p'an moun nan peyi a pa fouti wè'y tankon an brannzè poto-mitan nan divini peyi a se pou moun lòtbòtsay debatje ek fè tout kouyonnad nan peyi ta'a. Kifè latè-tranble ta'a leve an banbann politik defaltjan.

Lòtbòtsay, pou anmitannen tout brennbòwyonn Ayiti anmitannen nan Pòtoprens eti ki te atè, Kawbe natifnatal la atè, pa te ni p'an brennbòwyonn Ayiti pou sitire lonje-pal peyi oliwon-latè ki te ka rive. Prèmie tan ta'a, lamenm apre latè-tranble fondal pou tire moun anba denngoli, pou wouvè-chimen, pou ranmase moun atè a, tere moun eti abolay chaye. Sa fondal, an moun ki ka wè moun san-souf atè a ka dezankabrale anfwa. Sa fè mwen teste isiya la se te pi gran kouyonnad gouvelman Ayiti te fè nan 1994 lè yo te koute Bill Clinton ek François Mitterrand ale abwogat sapatony natifnatal Ayiti eti se te krèy pi sitire nan peyi a. Yo te pe desapatonnen'y men janmen abwogat li. Lè an peyi ni an sapatony, ni an djoubak polis ki pe fèt flouz men plis chak moun pe apiye anlè zepol an sapatonyè, gade nan divini. Ba'ay ta'a fondal pou an peyi tjenbe doubout.

            An lanne dèyè, se pou nou lonyen lapli dezas la eti ki towblip anlè peyi a apre latè-tranble a, kolera a eti ja voye 3.800 moun nan abolay, banbann politik la eti ki ladje peyi a kòtòk nan lanmen Akokitay-alsa-Gouvelman ek Akokitay-Peyi-Oliwon-latè pou anchay tan, menm si te ke ni an pingilè krache-dife nan jou ka vini. Banbann politik ta'a la ka abwogat towtow walayachi politik Ayiti. 

Nan Memwa Wolf Sambale toulong.

Simao moun Wanakera

Lanne

Bik zenglet-latè

Reltes

Drit

Dezas

1610

Vòlkan Momotombo

-

8

Leon (Nikaragwa) debaba

11-1670

Foundòch Borinkèn

7+

10

Borinkèn (Puerto-Rico) debaba

1672

Kratjak kapach-karayib

-

6/7

Debaba Ayiwagana (Montserrat). Nevis

12-1680

Foundòch Borinkèn

 

10

Anchay moun neye nan Radmare Nevis

05-1690

Kratjak

-

9

Nevis ek Sen-Kits

07-06-1692

Foundòch Jamayik

-

10

Radmare nan Port-Royal (Jamayik).

3 000 moun neye. 

1702

Nòlfòk Karavèl

-

7

Dezas branbrann atè Domnik, Gwadloup, Matnik, Sentlisi

1727

Foundòch karavèl

-

6/7

Dezas branbrann atè Domnik, Gwadloup, Matnik, Sentlisi

1735

Kratjak kapach-karayib

-

7/8

Moun mò Antigwa, Monserat, Gwadloup

1751

Foundòch Ayiti-Boyo-Kiskeya

-

5/6

Dezas branbrann Pòtoprens

1766

Fanndas  lisid Granada

-

8/9

Debaba Senjozèf yogann brennbòwyonn

Trinidad.  Apre se port-of-Spain ki yogann fondal

03-06-1770

Foundòch Ayiti-Boyo-Kiskeya

7+

9/10

Dezas branbrann Pòtoprens ek lisid Ayiti

29-10-1787

Kratjak kapach-karayib

-

8

Kay Senpiè èk an foundòch Voklen.

1810

Bòdaj Antigwa

-

6/7

Moun mò Antigwa ek Gwadloup

1814

Bòdaj  Marigalant

-

8/9

Dezas makrèy ek branbrann Marigalant

1827

Nòlfòk Karavèl

-

7/8

Dezas branbrann nan lantiray Trinte

1831

Foundòch Borinkèn

7+

9/10

Dezas makrèy ek branbrann Borinkèn

11-01-1839

Kannal Sentlisi

7+

 

300/400 moun mò Foyal. Ow. 100 Sentlisi

07-05-1842

Foundòch Ayiti-Boyo-Kiskeya

-

8/9

10 000 moun mò nan Fort Liberté,

Port de Paix, Santiago de los Caballeros

08-02-1843

Nòlfòk lisid Antigwa

7.2

9/10

3 000 moun mò lapwent (Gwadloup)

an dife dèyè’y.

1844

Foundòch Borinkèn

7+

7/8

Dezas makrèy ek branbrann Borinkèn

1845

Nòlfòk Deziràd

 

6/7

 

1846

Foundòch Borinkèn

7+

8

Dezas makrèy ek branbrann Borinkèn

1851

Fanndas Kabèstè bel-dlo (16)

5/6

8/9

Dezas makrèy ek branbrann Lapwent

1865

Foundòch Borinkèn

7+

8/9

Dezas makrèy ek branbrann Borinkèn

1867

Foundòch Borinkèn

7+

9/10

Radmare. Dezas makrèy èk branbrann

Borinkèn

1875

Foundòch Borinkèn

7+

8/9

Dezas makrèy ek branbrann Borinkèn

23-09-1887

Foundòch Ayiti-Boyo-Kiskeya

 

8/9

Defòlmante katedral Port-de-Paix (Ayiti)

1890

Foundòch Borinkèn

7+

8/9

Dezas makrèy ek branbrann Borinkèn

1897

Fanndas Ti-Bouk (24)

 

8/9

Dezas makrèy ek branbrann Lapwent

1902

Zenglèt-deblozad

4.5

12

Defòlmantad fondas Senpiè.

1906

Foundòch Borinkèn

7+

8/9

Dezas makrèy ek branbrann Borinkèn

1907

Foundòch Jamayik

-

7/8

Kingston debaba.

1914

30 tjm nòlfòk Marigalant

-

6/7

Dezas branbrann nan lantiray Domnik,

Gwadloup, Marigalant.

1918

Foundòch Borinkèn

7.4

10/11

Radmare. Dezas makrèy ek branbrann

 Borinkèn

31-03-1931

Bòdaj wes kapach –woch

karayib la

7.6

9/10

Dezas makrèy ek branbrann Managwa

atè Nikaragwa

1935

Zenglèt-deblozad

3.9

11/12

Zenglèt ek deblozay vòlkan

1943

Foundòch Borinkèn

7.2

9/10

Dezas makrèy ek branbrann Borinkèn

1946

Foundòch Borinkèn

8.1

11/12

Radmare. Dezas makrèy ek branbrann

Borinkèn. 1 600 moun mò.

1946

120 tjm nòlfòk karavèl

4.9

6/7

Dezas branbrann atè Matnik

27-10-52

Foundòch Ayiti-Boyo-Kiskeya

5.7

8/9

Dezas makrèy (6 moun mò) ek branbrann

Grande Anse Ayiti

19 -03-53

Kannal Sentlisi-lanmè karayib

7.3

8/9

Dezas makrèy (Sentlisi) èk branbrann

 Matnik, Sentlisi

1959

Laliwonn Boiling lake Domnica

6.5

7/8

Dezas makrèy (Domnik) èk branbrann

 Domnik, Gwadloup, Matnik.

29-07-1967

Lago de Valencia

6.5

11

Dlololay fondas la. Dezas makrèy

ek branbrann Venezwela

1974

Fanndas mitan Antigwa

ek Bawbida

6.3

9/10

Dezas makrèy (Antigwa, Bawbda) ek

branbrann Antigwa, Bawbda, Gwadloup

1982

Fanndas lisid Nevis

6.1

8/9

Dezas makrèy (Montserat, Nevis ek

branbrann Antigwa, Bawbda, Gwadloup

1985

Fanndas linò Monserat

6.2

8/9

Dezas makrèy (6 flandje Lapwent) ek

branbrann Antigwa, Bawbda, Gwadloup

7-10-91

Bòdaj wes kapach karayib

8.9

12

Bòdaj lanmè karayib la leve pou 1.5 mèt.

21-11-04

Oliwon vòlkan etenn Kolibri

6.3

7/8

1 tjanmay mò, 2 moun flandje,

 400 moun san-kabèt.

29-11-07

Rel fann-tè

nan kannal Domnik

7.4

7/8

152 tjm nan fondok fondas la.

 1 moun mò Matnik, 7 flandje.

         
         
         

12-01-10

Rel-fann-tè Enriquillo Ayiti

7.1

11/12

10 tjm nan fondok fondas la.

222.725 moun abolay Ayiti, Pòtoprens debaba.

Commentaires

El Caracol del Caribe

Después del terremoto aumentó el desempleo, la pobreza, el vandalismo, sobre todo las violaciones de mujeres y niñas, muchas veces por los mismos con los cuales comparten un techo en los campamentos improvisados.

Jersen 1804

Prèmye minis Ayiti, Jan-Maks Belriv, ap di te gen 316.000 moun ki t'ap mouri nan tranblemandtè.

Marques Ayiti

Gen 300 ane ant de gwo tranblemandtè, Ayiti ap gen tan pare pou gwo tranblemandtè k'ap vini.

kepkaa

RENCONTRE LITTÉRAIRE ET ARTISTIQUE À LA LIBRAIRIE KEPKAA

Dimanche 16 janvier, de 15 à 18 h

la Direction du KEPKAA vous invite à venir rêver et allumer des étoiles en compagnie de la poétesse Béatrice Maurose qui vient de publier, Au large de la nuit - suivi de Rèv aloufa, son premier recueil de poèmes (voir pj). Elle sera interviewée par le poète Rassoul Labuchin, de son vrai nom Joseph Yves Médard. La partie culturelle sera assurée par le chanteur Daniel Rodriguez et le service technique par Pearson Finéus.

Venez donc partager la passion de Madame Maurose et découvrir son parcours.

La direction
kepkaa@videotron.ca
www.KEPKAA.com (514 802-0546)

M-1848

Ou pa wè Divalier viré. Ou ka fè wòl pa wè.

Jo-1848

Tousa tranblèman-tè èk nou poko aprann pè lè latè ka tranblé.

El Caracol del Caribe

Representantes de los partidos de izquierda y progresistas en el Foro de Sao Paulo manifestaron su respaldo al pueblo haitiano que ha sufrido sucesivas tragedias políticas, naturales y humanas, "consecuencia neta del despiadado sistema colonial, capitalista e imperialista impuesto al mundo".
Señalan que al devastador terremoto de enero de 2010 se une ahora una epidemia de cólera que acumula ya más de cinco mil muertos y amenaza en convertirse en un desastre sanitario de incalculables consecuencias.
Advierten que en medio de esas terribles circunstancias, ha regresado a ese país el ex dictador Jean Claude Duvalier, quien dejó a la nación en paupérrimas condiciones, un gravísimo saldo de víctimas del terror, además de robarse más de mil millones de dólares del erario público.
Denuncian que el retorno de Duvalier "constituye una provocación sólo posible con la complicidad de las potencias imperialistas" y exigen que el ex dictador sea llevado a la justicia por sus crímenes de lesa humanidad.

Kanmo Matinik

Latè tranble Matinik, 5.1 asou lechel Richtè a, 40 tjilomèt fondok a 72 tjm Sentlisi.

Kanmo Matnik

Latè tranble Matinik, sizè wonz minit nan pipirit, 5.0 asou zandal-wouvè Richtè a, 150,6 tjm fondok nan kabestè Dòmnik ek Matnik.

El Caracol del Caribe

Sismo de 5,3 grados en la escala abierta de Richter, a las 05:35 de la mañana (11:30GMT), con epicentro entre Ocoa y Baní, en el sur de República Dominicana acorde con dictamen de geólogos y del Centro Sismológico de la Universidad Autónoma de Santo Domingo. No se reportan víctimas humanas ni daños materiales.

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)