Ekonomi ek sosial

Pates nannan fetaye

   

Port of Spain, Trinidad : Caricom, Akokitaj Ekonomik Karayib la lenbe anba pates nannan eti ka fetaye pi wo pase grèd pates lanne 2007 ek 2008 la. Nan an doukre epi FAO (Food and Agriculture Organization - akokitaj pou nannan ek mayonmbri oliwon-latè) eti te woule yè, 13 Jwen, atè Trinidad, Caricom te mande pou sitire an plan brannzay pou kore pas tenmbolizan ta'a.

  Doukre a eti ka woule jik dèmen le owonzonnen politik kokles annannantaj nan Karayib la ek katjile karetel pou pran nan jou, lanne, krèy-lanne ka vini pou kore banbann annannantaj ta'a. Dapre sa FAO katjile, pates nannan tije nan Karayib la depi kon lanne 2011 rive. Yo ladje pates banbann ekonomik 2008 la nan chimen. Se mwa pase, 19 ek 20 Me, otila Krèy pou Kines ek Dekatonn Ekonomi te doubout an owonzonnaj wondong pates nannan, atè Gwiyana.

Se nan Jwiye 1973 eti an krèy peyi Karayib la te doubout Caricom pou sitire an anchoukaj kines, liannen an politik ek peyi andewò ek palantje an pòte-kole nan sitiraj lekol, nan politik matjoukanniz ek politik anlizinaj. Antigwa-ek-Barbouda, Ayiti, Bahamas, Bawbad, Beliz, Dòmnik, Grènada, Gwiyana, Jamayik, Monserat, Senkits-ek-Nevis, Sentlisi, Senvensan-ek-Grinadin, Sirinanm ek Trinidad-ek-Tobago adan Caricom, toulong.

Se nan prèmie jou mwa Jwiye ka vini otila mètafè walayachi-politik ek gouvelman Karayib la pran doukre pou leve fray asou anchoukaj ekonomi Karayib la, bokantaj-flouze ek ale-vini moun.

Wè nan Prensa Latina.

Comments

[Rédigé par : Elo Caracol del Caribe]

El economista de Dominica Irwin LaRocque designado como secretario general de la Comunidad del Caribe (Caricom).

[Rédigé par : Caribbean Messenger]

Prime Minister Kamla Persad-Bissessar has contracted the dreaded dengue disease.
A statement issued by the Office of the Prime Minister yesterday said Persad-Bissessar was diagnosed with dengue fever (classic type, which is the less severe strain).