Bay-nannan oliwon-latè
Organisation of Estearn Caribbean State

Kouba

Lerize sistenm kawyadolaj

Kouba nan latè-wonn lan Cuba-banderapasaporte

La Habana, Kouba : Gouvelman Kouba la ka flouze larel ale-vini moun nan peyi a pou rete nan topay epi toumbilaj ekonomi eti ka bay nan peyi a depi yonn-de tan ek pou defann peyi a douvan djenmbok jou-ale-jou-vire Etazini. Gouvelman Kouba katjete se toumbilaj ta'a ke woule konsa 14 janvie 2013.

Se nan Gaceta Oficial de la República otila de de gran toumbilaj ta'a sòti eti yonn se abwogataj tout dawnaj kawyadolaj eti moun Kouba te ni pou fè pou rive drivayaje nan peyi-lòtbòtsay ; lòt la se lonji asou 24 mwa tan eti moun peyi-lòtbòtsay ke pe rete Kouba pou zafè kòtòf yo. Larel 302 ta'a eti ka lerize larel asou drivayaj 1976 la, ka flouze debatjaj ek chape-lòtbòtsay, moun ke pe trape papie-drivayaje pi flouz.

Nan an bokantaj epi nouvelis, dezienm mètafè kawbe ale-vini ek natifnatalite, kolonnel Lambert Fraga mare politik wouvè-laliman ta'a epi politik palantjaj an ekonomi kòtof eti gouvelman Kouba ka palantje depi de, twa, senk lanne.

Depi doukre Akokitaj kominis la nan Avril 2011, gouvelman Kouba ka bawda kò'y pou antipile tjouns peyi a san ladje lespri sosial ranboulzay Kouba a. Toumbilaj politik ale-vini moun ke woule nan an karetel piti-tou-piti eti ki lonyen tout ti tjak se toumbilaj ta'a ke leve nan peyi a tankon nan peyi lòtbòtsay. Nan an doukre, Raúl Castro eti se mètafè Repiblik Kouba a te teste se toumbilaj ta'a se tankon "an pòte-kole pou mare liann nan mitan moun ka rete Kouba ek moun Kouba ka rete nan peyi lòtbòtsay" pou sav eti'y sav "piplis moun Kouba ka rete nan peyi lòtbòtsay  rete nan tjè-koko epi fanmi yo ek peyi a otila yo wouvè zie ek se moun ta'a toulong mare an yonn-a-lòt epi moun peyi a".  

Raúl Castro te vini di douvan kawbe politik natifnatal Kouba se anni pou trape lavi moun ka ladje peyi yo ale rete nan peyi lòtbòtsay ek se pou koubare lespri antra Etazini ek peyi ewopeyen ki teste se tjak politik ki kouri-lawonn peyi eti ka fè si moun ka ale rete nan peyi-lòtbòtsay. Se pou'y te katjete, peyi-karayib la pa pe bliye, nan larel politik eti'y ka pran, djenmte politik Etazini epi koubaraj ekonomi, kines ek kapital. An plis tranglaj ekonomik la, peyi anmasogannizè a ka gade wè vòlè se gwo-tèt (bolit)  Kouba a ek awoutjate chap moun Kouba.

Granma eti se jounal krèy kabwataj Akokitaj kominis la teste, depi kon ranboulzay la rive Kouba, Washington ka fè tout bagay pou moun chape nan peyi a, epi se la anchay moun ka ale neye nan lanmè. Jounal kominis la mande vey-ogren ek pou lawonnen se toumbilaj ta'a, pou sa fèt may-an-may.

Wè nan Prensa latina      

 

Commentaires

CacoCa

Hasta el mediodía del 26 de Octubre, el número de fallecidos a causa del paso destructor del huracán Sandy en la región caribeña ascendió a 28 ; uno en Jamaica, 11 en Cuba y 16 en Haití.

CacoCa

Hasta este sábado, el número de fallecidos a causa del paso destructor del huracán Sandy en la región caribeña ascendió a 44 ; uno en Jamaica, 11 en Cuba, 2 en República Dominicana, 29 en Haití y uno en Bahamas


Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)