Teyat Matnik nan dèy
Ekonomi Karayib la

Kannaval Matnik la

Vaval anni ladje yo la

         Vaval 2013 - mawyaj ba tout moun. Nou pa lé pesticides

Nos enfantsMèkrèdi le-sann se jou moun Matnik ka brile Vaval pou fè tout moun sav kannaval la rive nan wabap li. Mete mas, lavi dousinè, joure an lari, mawyaj-djendjen ("mawyaj ba tout moun") bonda-dewò an lari a, lavi san-p'an-chenn, bankoulele, w'a-lele-kalaou-a, tousa te ke bout pou an lanne ; kannaval la se an djendjen sitiran ek sosializan, an dekou pou ladje larel sosial franse a, asou an tan fann, ek fè laliwonn sosial ek mès Matnik pran tjè. Nan kat jou kannaval ka pase, videyò tankon moun ki  rete-doubout gade mas pase, pou ladje tout kanman djenm franse, tout semeda, tout manni soubawou franse, tout mès desèvle yo, nan lari ek se pou peyi a, mès peyi a, te ke vire bay-douvan sitire pi djok, pi kanmouzaza. Se pou rive konprann, lamenm la, kannaval la se tankon an dekou otila anchay penteng sosial Matnik la ka vini toumpakte sistenm kawyadolaj franse a ek nan ledjans ta'a, kannaval la se tankon an pas nan mitan an sistenm sosial epi an laliwonn sosial ; ek pou sa, kannaval la se an dekou anchoukaj sosial.  

Djab laMen mi, lajounen-jòdi kannaval la ka pri depi dezienm simenn Janvie, chak simenn-wabap. Kat jou kannaval pa te ke ni kont kannaval pou moun se ladje kò yo, ladje djenmte franse yo te antipile tout lanne a, blèz kò yo. Se pa ti pri moun Matnik pri an tè sek peyi-karayib la. Lawonn Yol Matnik (Kous Yol Oliwon-Matnik ba se kòkòdò kreyolè a epi "tou yol" yo a) oben banbochay Nwel, laribòt, tout penteng mès Matnik ka tounen kannaval ; may-an-may, peyi Matnik la ka tounen peyi-kannaval ek kannaval la limenm ka tounen vide moun debiele ; moun Matnik pa le tann mach, pa le Vaval ladje yo la tankon an patje rad tjek manman kòch. Man pa'ay leve gran plodari asou vèvè Kannaval la, Mèkwèdi-le-sann, ni menm Vaval la eti depi anchay lanne pa ka vèvèle p'an penteng oben an kanman, an zanpanlan oben an moun natifnatal Matnik men toulong an penteng oben an moun, an zanpanlan franse, man ja lonyen-matje asou sa ek man pe'e rete ka fè jako ba moun desèvle franse oben afritjen, ki pa le wè mès ek lang Matnik nan zie ; piplis moun Matnik bwabwa pase bwabwa-kannaval, desèvle an mitan kabèch.

Se kouri-lawonn lang Matnik la adan kannaval la eti man le lonyen isiya la, ek pou sa man ke voye an kout-zie loli asou kouri-lawonn lang franse a nan kannaval Matnik la ; lanne ta'a, lang tala fè chouk nan kannaval la dapre sa man wè ; sa ki pi kouyon an, moun eti ka goumen pou palantje peyi-natifnatal Matnik la (natifnatalis, palantjè-peyi, laliwonnis, ranboulzè-sosialis epi dòt) adan se moun ta'a eti ka fè lang franse a vini kouri lawonn  nan kannaval Matnik la. Fok se mande-pou-sav, es an moun Matnik se pe ka kouri kannaval nan lang franse ? Es moun Matnik pe anni ladje "bo fè a yo pete lonba (bonda) Vaval" la pou pran tjek "quand on fait la java, le samedi à Broadway..." ? Es kannaval ni an lang ki ta'y ? Nan menm balan an, es kannaval la se pe ka vini an penteng pou kouri-nouvel, sosial oben politik kawyadolaj franse atè Matnik (menm si se te ke pou an voye-labou, chakale), fè moun sav sa ka pase nan peyi a ? Apre se pou lonyen plodari ibènaj Vaval la, an migannaj franse lòlòy ek an lang Matnik devidjoze ki leve fouyayatiz mwen isiya ; se asou sistenm lang ek mès, si se pa wonn-kabès natifnatal, Matnik la mwen ka djoumbate, dòmi.

Mas nèg-gwo-siwoSe tout peyi Matnik la ki bay adan desèvlaj ta'a depi kon palantjè-peyi a, limenm, konprann se atè Paris (yogann An-Frans) otila yo pe ka defann tèp wayalach Peyi-natifnatal Matnik la. Depi lè ta'a, larel eti gouvelman franse ka fè, oben le fè, vini pi fondal pase penteng lavi toulejou atè Matnik. Se pou koutja Matnik la se rive di, towtow, kote eti lanèj atè An-Frans ek pa fouti wè, kèkèbè, an labable ka vini anlè lanmè pou tire mousach yo te ke ni nan solèy. Kontel nan kabèch piplis moun Matnik, "mawyaj ba tout moun" oben "mawyaj makoumè" eti gouvelman franse la ka sitire pi fondal pase makandang tè, lanmè, lasous, lawviè Matnik epi klòdekòn oben tjek dlo-makande ; ek pa ni p'an langayelè, p'an politikè Matnik, p'an palantjè-peyi, p'an natifnatalis, p'an laliwonnis, p'an ranboulzè-sosialis, p'an konpayel Frantz Fanon, p'an kominis mawoyis oben konpayel Che Guevara, p'an konpayel Marc "Loulou" Pulvar, pou se se bat-lestonmak, fè franse a tann, menm si Matnik se anba kawyadolaj franse, lavi sosial Matnik pa nan menm grèd epi sistenm sosial franse a, an larel franse pa pe ka kouri lawonn nan menm karetel atè Matnik, pa pe trape menm toumpak la anlè Matnik, an kare-tè nan lanmè Karayib la epi 400.000 sèvel ka fè dlo nan an solèy koupe jare. Mi piplis moun Matnik ka rive ale vote pou koubare tèp Matnik nan Repiblik franse a, sa eti se pòkò menm tèp wayalach peyi-Matnik. Se konsa depi dis-lanne-epi, Vaval Matnik la, se bay-lavwa vide a tou, se toulong an bagay franse eti ki pa ni ayen pou fè atè  Matnik. Kanman oben pawol politikè Matnik eti piplis adan yo pi bwabwa pase Vaval delè, pa ka rive fè an vide pri, se anni politikè oben penteng franse ka mennen. Moun pa pe ka bwabwa konsa, se pa jòdi man ka lonyen-matje kannaval la ka leve, ek fè kouri lawonn, an wèy chikannè asou peyi a (nan ledjans "society" isiya la), fè peyi a ri kò'y pou toumbile, ale pi douvan oben bat-dèyè, vini pi dous, kanmouzaze liannaj sosial natifnatal la eti, atè Matnik, peyi san gouvelman natifnatal, se anni lakou a, fanmi a, se konpè a eti ka fè liannaj sosial la. Delè kannaval la se bat pou anchouke an liannaj sosial franse eti ka tjoke atè Matnik depi anchay tan. Se pou liannaj sosial franse ta'a se toulong kole anlè oben bò an liannaj sosial Matnik pou se kouri lawonn nan an dekou sosial fann.

Kannaval-2012-Touloulou-FoyalLamenm la, se pou moun Matnik se rive konprann pòte eti lang la ka pòte nan an penteng konsa ; se lang Matnik la eti ka fè kannaval Matnik la. Chak zanpanlan kannaval la trape an tit, Mariyàn-lapo-fig, Karolin-zie-loli oben Moko-zonbi, de makoumè-leve-nan-pijama ; ek se tit ta'a nan liannaj yonn epi lòt ek nan menm balan an, anchouke nan tan ka pase. Lang la toulong ka anchouke tan ki pase, ka natifnatalize tan-ka-pase, toupatou oliwon-latè. Se pou konprann tit ta'a ka anchouke zanpanlan an nan an laliwonn-tan-ka-pase ek se anni epi lang la eti anchoukaj ka bay pou sav tout moun pou sav se pa toulejou ki ni kannaval. Man ja lonyen-matje, vire-lonyen-matje, tout nouvel eti moun pòte nan lang franse atè Matnik ka tounen kanmo (si se pa milan) ek pa ka anchouke p'an kote. Moun Matnik pe ka pale, brode franse-nen-fennen yogann ek bouk bòdaj Paris a, palab franse a pe ke j'en trape menm ledjans atè Matnik epi An-Frans. Kifè kouri kannaval (nan lang Matnik la, moun ka kouri kannaval oben kouri vide) epi an bandwel matje "Non à l'épandage aérien" tousa, menm si goumen ta'a fondal kon sa ka matje a, sa pa pe kòdjòm, sa ka fè lang-matje franse a debatje blo nan kannaval Matnik la, sa ka tjobole plodari politik la, ka toumbile chay vèvèlik kannaval la, pi nolfok chay wonn-kanman an tou pou sav nou sav wèy franse asou kannaval a pa pe menm epi wèy Matnik asou kannaval la, pa ni kannaval nan ledjans eti nou konnèt la An-Frans, dawne-an-lari se makoumè franse a (Gay Pride) se pa menm bagay ek kannaval Matnik la, se pa menm bagay epi Lendi-mawyaj douvan Vaval Matnik la. Isiya la, moun ka toumbile zandja yo, fanm sipoze pran zandja nonm ek nonm sipoze pran zandja fanm se pou nou toulong trape an moun foukòy fimel ek an moun foukòy mal, yonn douvan lòt.  Atè Matnik nou toulong adan an penteng mès menm si tjak sosial pe ka kouri lawonn, toulong towtow, adan kannaval la. An-Frans, yo adan an dekou mande-trape manyèt sosial ek tjouns wonn-kanman eti an konpanyi moun, an titis man fout espere ba yo, ka fè pou piplis moun ek gouvelman se sispann pran seraj yo, yo tankon moun yonn-tou-yonn. Atè Matnik, nou adan an wèy tout moun yonn-epi-lòt, an wèy won-nan-won, an wèy lawonnan, nou se yich gangan nou ; nan dawne-an-lari makoumè franse a, yo adan an wèy moun yonn-tou-yonn, an moun toulong tou-yonn douvan larel an peyi, douvan larel eti gouvelman sitire pou moun se pe woule ti kò yo san koubare lezòt, an wèy liy-dèyè-liy, lavi jòdi-jou pou ka ladje lavi yè nan chimen san mande'y akakwel li.  Kifè, mete an mande-trape manyèt sosial oben politik, matje nan franse epi sa, adan kannaval Matnik la, se pran potjel dawne-an-lari se makoumè franse a, sa pa adan mès Matnik menm si moun an se mete mas-koulou-pete-koukou ek se bay lavwa, akabou ou ou. Moun Matnik ka kouri vide pou blèz kò yo si se pa pou pete bonm (se anni fanm ka pete bonm nan lang ek laliwonn sosial Matnik la), an boug ki mete mas fanm nan kannaval Matnik la se pa an makoumè anba-fèy pou sa ek se pou yo bliye sa yo wè ek fè nan kannaval lamenm, konsa karenm lan towblip nan rel do yo, bap, si se pa badap.  Kannaval la se toulong an penteng ka pase dawlakataw.

1- Kannaval Matnik la se toulong an dekou ladje larel sosial franse a.

DjablesMatnik se an peyi anba jouk, an peyi swelele ; an peyi otila lang ek mès, wonn-kabès politik natifnatal la limenm, pa ka kouri lawonn nan sistenm kawyadolaj la ; se an peyi otila pa ni p'an gouvelman natifnatal. Kifè sistenm sosial eti ka bay atè Matnik se pa an brannzeng peyi Matnik la asou kò'y, se pa moun Matnik ki fè'y konsa ni te le'y konsa. Se pa menm an sistenm bò-kay eti moun lòtbòtsay ki te anchouke sitire, se an sistenm ki leve nan an peyi-lòtbòtsay, An-Frans, ek ki debatje Matnik tankon an zòbòy anlè pie an moun, an bagay masogan eti ki te sitire ba anlòt peyi. Se pou se konprann lamenm la, lè kannaval ka bay se pou tout lang ek mès natifnatal Matnik eti ki anba-fèy, ki anba-jouk tout lanne a, eti ki swelele, se ka fetaye,  se ka vire-pran douvan, vire-pase anlè. Tout lang ek mès, wonn-kabès, natifnatal Matnik la pe pa ka vire-monte tektèg ek pe ka migannen epi sistenm lan, si se pa anba sèbèd sistenm lan. Sistenm kawyadolaj franse a eti ka mennen atè Matnik pa ka dekati nèt nan kat jou ta'a men ka ladje titak, fè an ti plas ba, kite, laliwonn sosial Matnik la pran an plas, tankon fè an bese zie, fè wol pa wè.

Man ja matje, vire-matje sistenm sosial franse a pa ka woule tègtek atè Matnik oben Gwadloup ek se pa anni gouvelman franse (kawbe-gouvelman franse a) eti ka fè sosial la nan se peyi anba jouk franse ta'a depi kon yo leve peyi, se nan se lakou a, nan se fanmi a, nan liannaj konpè, nan yonn-a-lòt lantouraj (moun oliwon) oben kare-kay otila an liannaj sosial ka fèt. Pa ni p'an peyi (una sociedad aquí) anni kanmouzaza, oliwon-latè depi nanninannan, an peyi se anchay makrèy sosial, wonn-kabès, anchay tèp eti ka anbokte toulong ek se anboktaj ta'a ka fè moun ka ladje mès pou fè wonn-kabès, ka fè wonn-kabès la ka toulong ladje laliwonn lan nan chimen. Lajounen-jòdi, atè Matnik, piplis tjouns sosial la se gouvelman franse ka mennen'y men liannaj sosial ek kouri-lawonn wonn-kabès la se moun Matnik eti ka fè yo toulong nan liannaj djenm oben dous epi kawyadolaj franse a. Pou an sistenm tjenbe, fok li toulong ka ladje asou an tan fann ek kout ba ti sikti sosial dèyè, sikti sosial anba-fèy.

La pou la, nan dekou kannaval la, se tout wonn-kabès ta'a, tout kabès ta'a (se pòkò an wonn-kabès natifnatal) eti ka kouri lawonn ek eti ka fè piplis tjouns kannaval la. Man ja lonyen-matje, vire-lonyen-matje, kabès ta'a oben wonn-kabès ta'a, tout laliwonn sosial Matnik ta'a pa ka vini djenm anlè sistenm sosial franse a, pa ka toumpakte'y ankò pou sistenm kawyadolaj franse a eti ka pran chouk, dekou apre dekou, lanne apre lanne. Sistenm sosial franse a epi laliwonn sosial Matnik la delè adan an anboktaj men piplis lè a adan an pòte-kole, delè menm an mandjannaj ababa djol-koule, otila sistenm franse a pa nepi ni bizwen laliwonn sosial Matnik la men tankon an "Chen an pa le bannann lan  men pa le poul la pran'y" ka veye'y anba zie.

2- Pi vidjò pase an teyat-lari.

Zanpanlan-teyat se toulong an moun eti ka ladje wonn-kanman yonn-tou-yonn li dèyè an mas, dèyè an vèvel eti'y ka anpanpannen, se pou'y pran wonn-kanman mas la, wonn-kanman zanpanlan-teyat la. Zanpanlan-sinema ka toulong rete moun eti'y ye, ka rete limenm dèyè vèvel la, dèyè mas la, se tankon pou'y se fè moun wè an manyèt ki te rete anba-fèy. Gian Maria Volontè eti se zanpanlan-sinema mwen menm toulong bat-lanmen, kriye woulo ba'y, fok wè'y nan La classe operaia va in paradiso, (tankon "Djoumbatè se moun zayonn") an film ta Elio Petri, te ka toulong limenm ; nan an western kontel Per un pugno di dollari (tankon Pou an pwenyen dola) an film ta Sergio Leone oben nan Cronicle of a death foretold (epi raratonn Gabriel García Márquez la Crónica de una muerte anunciada) an film ta Francesco Rosi, Gian Maria Volontè te ka, limenm, sitire zanpanlan an eti'y te ka jwe. Oben kontel Ruby Dee (The Jackie Robinson Story, St. Louis Blues, Black Girl, Roots:The Next Generations, Cat People, Do the Right Thing, Jungle Fever, Jazztime Tale, Baby of the Family, Dream Street, American Ganster, epi anchay dòt, Ruby Dee ni 68 lanne sinema dèyè'y ek 89 lanne anlè tèt li ) eti se epi Mirtha Ibarra (La Ultima Cena, Hasta Cierto Punto, Otra Mujer, Fresa y Chocolate, Guantanamera, El Cuerno de la Abundancia, tout film Tomás Gutiérrez Alea epi anchay dòt) ek Angela Evelyn Bassett (Boyz n the hood, City of Hope, Passion Fish, Malcom X, Tina, The Rosa Parks Story, Waiting to Exhale, The Score, Target epi dòt) tou, zanpanlan-sinema-fanm eti man pi enmen nan sinema, yo tou le twa ka rete yo menm nan chak film eti yo pase, se yo ka ba zanpanlan an an wonn-kanman.

Kannaval-2012-Moko-zonbi-woujZanpanlan-kannaval la nan mitan zanpanlan-teyat ek zanpanlan-sinema ta'a, se pou'y tjenbe wonn-kanman'y dèyè an mas, rete limenm ; A'ta moun Mòndezes ka rete limenm dèyè mas mawyàn-lapo-fig la oben Tako videyò Bò-Kannal ka rete limenm dèyè Djab-wouj la oben Papa-djab la. Nan kouri-vide a, se pou delè mas la pi douvan ek delè mas la bat-dèyè, owala yo tire mas la yo ka vire yo menm. Moun ta'a ni kanman'y ki ta'y, mas la tou ni kanman'y ki ta'y, moko-zonbi a ke toulong rete moko-zonbi menm si tjek kreyolis desèvle se le ba'y an kanman ewopeyen. Mas la se toulong fidji mas la limenm, se latifay la eti ka ale epi'y la, ek se fanm oben nonm lan eti ka pòte mas la. Kannaval la se toulong twa fondas ta'a, ek se toulong an moun zie-wouvè ka pòte an fidji epi an latifay.

Se nan sa kannaval la ka ladje teyat-lari nan chimen, ek se sa ka fè kannaval Foyal Matnik se pa menm epi kannaval Lapwent Gwadloup oben kannaval Santiago atè Kouba pa menm epi kannaval Jakmel Ayiti ; Trini Carnival, (kannaval Trinidad ek Tobago) pa menm epi O Carnaval de Salvador da Bahia ; kannaval Matnik la se toulong an djendjen aleliwon nan mitan an moun epi mas eti'y ka pòte. Si mas la pa anlè an moun zie-wouvè, an moun nan brannzeng moun li, se pa an mas, nan kannaval Matnik la. Nan anchay mès makrèy l'Afrik oben menm makrèy l'Azi, mas la pe ka woule ti kò'y, san moun pou pòte'y ; mas la se an branbrann potjelize, atè Matnik tou, men nan kannaval Matnik la, mas la pa ni lavi ki ta'y ek pa pe ka woule ti kò'y andewò kannaval la. 

3- Kannaval la foulbak epi zanpanlan.

Kannaval-2012-moun-labou-fanmAnsèsel, bwabwa, bwadjak, djab, djab-wouj, djablès, djabloten, Katrin-pitjan, Kawolin-zie-loli, mariyàn-lapo-fig, mas-kilili, mas-labou, mas-sal, moko-zonbi, nèg-gwo-siwo, nèg-labou, papa-djab, touloulou, volpòn, epi dòt. Kannaval Matnik la ka chaye anchay mas ek zanpanlan eti yonn pa pe ka ale san lòt. Se lang Matnik la eti ka yonnife kannaval Matnik la, pou sav nou sav disparèt ka pran mas la owala kat jou kannaval la bout men mas ta'a ka pe woule ti kò'y nan lang la, anni nan lang la, jou apre jou, jik kannaval vire. 

Se mas ta'a (ankò an kou mas la tankon an fidji, an lantifay ek an moun ka pòte mas la), se zanpanlan ta'a, se kanman ta'a ka pe kouri-lawonn anni adan lang la nan mitan de kannaval, se la yo ka pe lerize, pe dekatonnen, pe anchouke nan mès Matnik la.  Se lang Matnik la, li tou-yonn, eti ka pe ba mas la, zanpanlan an, an divini.

Se pousa fok pa ka mennen lang franse gran chanbel nan kannaval la ; owala lang franse gran chanbel ta'a te ke ka kouri lawonn kannaval la, san lang Matnik la, menm devidjoze a, se ka anlèkète'y, lang-pale tankon lang-matje franse, se pou tout chay vèvèlik kannaval la se demantibile ek foukan anba moun Matnik. Se pou kannaval la tounen dekou anni voye-monte, dekou anni pou moun blèz kò yo, "koukoun kouri lolo ka vini, koukoun santi lolo ka kouri". 

4- Lang Matnik la sitire nan dekou djendjen tjanmay, tankon an kannaval.

Man toulong matje, vire-matje, lang Matnik la leve nan djendjen anba-seren se tjanmay dezienm jenerachon afritjen an, yorouba pou piplis, adan ek oliwon bitako wawayis la ek vidjoze, anlantiraye, si se pa natifnatalize nan mòn nèg-mawon an. Apre se pou'y te anchouke, pran asou tout se lang afritjen an (yorouba, ibo ek twi pou piplis),  pran asou se lang amerendjen an (arawak, kalinago, tayino eti yo tout te sòti nan menm lantiray Orenok la, kouri lawonn lanmè Karayib la), pran asou se lang l'Ewòp (se lang franse a, lang angle a, lang panyol la, lang pòtidje a pou piplis), ek la eti ni anchoukaj, ni toulong an dezanchouke/vire-anchouke, tout moun pou sav sa. Se pou konprann, lamenm la, lang la ka toulong vidjoze, pran kòporans nan dekou otila mès Matnik la ka vire-monte ek menm lang ta'a ka bat dèyè tankon sistenm lang la nan dekou eti mès Matnik la pa ka kouri lawonn.

Kannaval-2012-TifiMen vire-monte ta'a se pa pou vire-sosialize moun eti te ke desosialize nan sistenm sosial franse a, se pa pou konprann tjek aboulikann te ke vini bon konpè ek an mayonmbo oben an madjendjen pou kouri yo kouri kannaval ansanm, "si'w le mwen kontan'w a tou moman, w'a kale bon...". Se pa pou konprann tjek franse-nwè Matnik la te ke ladje franse djol-fènen bouk-bòdaj Paris a pou pran lang Matnik la sèvi lang pou bay-lavwa eti'y bay-lavwa "siwo brile ka voye anpil lachimen, manman'w abò lapo-pistach, papa'w abò bwadjak yo toulede ka voye anpil lafimen...". An-an, kannaval la se an karetel otila, nan kat jou ka pase, anchay tjouns sosial ek kabès Matnik ka kouri lawonn, alagadigadaw, men pa ka anchouke nan sistenm sosial franse a.

Kouri-lawonn ta'a ka vidjoze tjouns sosial ek kabès Matnik la, delè menm wouvè chimen ba yo, ka anchouke yo nan lang ek mès Matnik la pou'y se pi djok douvan lang ek mès franse a eti ka toumpakte ta Matnik la toulejou pou anni lang ek mès franse ka kouri-lawonn sistenm kawyadolaj la ek eti ka foute tout moun natifnatal Matnik kou an tjou yo, pipirit, an-midi, jik nan soukou lè yo drive nan kabèch, bonda yo dewò, "An tan Adan ek Ev, yo te toujou touni, yo te ka koke toulejou".

5- Kannaval trape langann li ki ta'y.

Si lang franse a te ka debatje lang Matnik la nan kannaval Matnik la, sa eti ki pe rive an jou pou bwabwa eti piplis moun Matnik bwabwa pase an Vaval tou-pòtre de makoumè eti te ke ka ale maye douvan mè Sentmari a oben ta Voklen an, se tout zanpanlan kannaval la dekalè-mangous, ladjables, lapo-farin, nèg-gwo-siwo, nèg-labou, papa-djab, eti te ke ladje wonn-kanman yo. Se pou kannaval la te ke tounen vide, anni an vide, bagay moun debiele, koukoun-lagli oben tou-kaka-foule.

Kannaval-2012-La baronne du CaranavalSe pou konprann tout se zanpanlan ta'a ka anchouke kannaval la nan an laliwonn-tan-ka-pase. Chak lanne simidòy kannaval pe ka toumbile, Vaval limenm pe ka pran anlòt fidji men tout zanpanlan ta'a ka rete, pa ka toumbile depi kannaval Senpiè avan deblozonn volkan an, nan 1902, ek ka liannen jenerachon-dèyè ek jenerachon-douvan. Se lang natifnatal la eti ka tjenbe an laboulok se zanpanlan kannaval la, fè moun wè la eti te ni an toumbilaj, la eti an zanpanlan anchouke an vèvel Matnik, la eti an zanpanlan lòtbòtsay rive chaje nan vèvel Matnik ek kouri lawonn Matnik, se se nan kat jou kannaval.

Sa fè, foute anchay franse (bay-lavwa, zanpanlan tankon penteng) nan kannaval la se delantiraye'y, denatifnatalize'y, rale fondas Matnik la anba'y, koubare'y pou jenerachon-dèyè pa trape p'an tjouns liannen epi jenerachon-douvan. Pi nolfok, koubare lang ek mès Matnik la asou chimen sitiraj yo. Piplis videyò Matnik la adan lespri ta'a, la ka depotjole kannaval Matnik la pou bwabwa eti yo bwabwa an tjou yo, "lafanmi kaka tout bèt", ka fouye barank tere peyi ta'a, "misie labe di tjwe tanbou a".

6- Plodari medjatize kannaval la.  

Kannaval la se an penteng sosial tektèg, se pou'y sitire/desitire/vire-sitire ek medja franse atè Matnik pa pe fè wol pa ka wè'y, yo bay adan pi cho pou dekou mès pran moun pou tjanmay eti kannaval la pe ka chaye pou lespri pongol la (hédonisme) eti ka bay lakay yo ek eti ka woule toulong nan kannaval la. Se pou yo te lawonnen lang natifnatal la, lantje'y epi an lang franse bò-kay ; se plodari ibènaj Vaval la eti ka vèvèle langann medja voye-yelele franse ta'a, atè Matnik. Kannaval la se toulong an brannzeng ankantiyonnen otila chak zanpanlan an anchouke adan an lang ek an mès natifnatal men nan menm balan an ka jete-zie asou zanpanlan lòtbòtsay tankon sitire/desitire/vire-sitire liannaj toulong, lavi asou latè wouvè tout lapòt li, se ba'y lè pou'y pase, "Djab la ka manje an ti manmay, an ti manmay ki pa ni non, an ti manmay ki san batenm". 

Plodari-ibènaj la ka koumanse kon nan tout plodari-ibènaj, nan an franse gran-chanbel : "Nous avons le regret de vous faire part des obsèques de monsieur Vaval, roi du Carnaval, gran bwabwa surnomé …." apre se pou’y fè di moun nan menm franse gran-chanbel ta'a: "les obsèques de Vaval Gran bwabwa seront célébrées ce Mercredi des Cendres dans tout le pays, an-vil menm parèy, toupatou la eti zòt ke wè moun ka mò ri". Isiya la, nou nan an kadafa otila de lang, lang natifnatal Matnik la, se se an potjel flòkò, ek lang masogan franse a, sipoze kouri-lawonn kantekant, kannaval la se ta tout moun. Nan lèspri moun Matnik, menm nan kannaval la, lang Matnik la pa pe pran douvan franse a, gare'y nan chimen, foute'y an gojèt, fè kabel oben nika dèyè,  oben tjek twa-de-gout pou foute'y tèbè anba solèy la sèwvel dlo anchay moun peyi a, pa fouti katjete anlè laliwonn lan. Se pa ti bwabwa moun Matnik bwabwa tankon Vaval nan Mèkrèdi-nan-sann, "Lapo dechire, lapo bonda Vaval dechire".

Vaval 2013 - SentànSe nan twazienm brannzeng plodari a, otila yo ka nonmen tout konpè Vaval, se la eti plodari a ka vire anchouke nan peyi Matnik la, se la eti an lang Matnik, menm flòkò ka vire pran larel : "Cet avis est diffusé par la famille, amis et alliés ; de la part de ; manmay rete koute pou sav si Manzè bagay adan : ababa-djol-koule, agoulou-gran-fal, ansèsel, bann-zawa, bètafe, bèt-seren, bòbò, boloko, bonda-mate, bonda-mine, bwabwa, bwadjak, chabin-zie-klè, chen-fè, dekalfoutje, dezodè, djab-pa-djab, djablès, djabloten, djab-wouj, djol-bòpiè, djol-sendou, fanm-dewò, fanm-ka-pete-bonm, gad-kòkòt, gran-jile-piti-pantalon, kaka-kòk, kalmò, katrin-pitjan, kawolin-zie-loli, kochonni, kokofiolo, koukoun-santi, kouli-teson, lapo-farin, lapo-fig, lapo-pistach, lolèz, machann-pistach, machann-sinobol, machapia, makoumè, mariyàn-lapo-fig, mal-mouton, manawa, manman-kòch, mas-lanmò, masoukwel, moko-zonbi, moun-ka-manje-an-tiwè-tab, nèg-bitako, nèg-gwo-siwo, nèg-labou, nonm-a-gwoprel, papa-djab, pete-pie, petrolèt, plerèz, rache-pwel, rara-lasimenn-sent, rat-bal, ravèt-legliz, swiye-vire-mete, tèt-kas, tèt-lanp, tèt-mabolo, tèt-zoto, touloulou, vakabòn, videyò, volpòn, yich-kòn, yich-man-bans, zie-koki, zoukèz…." Anchay zanpanlan-kannaval eti yo menm se mas moun peyi a ; se tankon pou konte tout moun nan peyi a ki pare vire-vidjoze'y, vire bay-adan ansanm-ansanm nan lanne-dèyè, ni anchay plodari sosioloji pou se leve anlè kannaval. Man te'e mete adan "les batisseurs de paradis", "moun ka vote kont tèp yo", le "nationalistes à Trénelle et socialo-assimilationnistes à Paris" epi anchay kòkòdò Matnik la. Kannaval la pa ka nepi vire-sitire lang la men tabakaj ta'a se tankon an vire-bay-anlè, vire-pran anlè franse a, fè moun wè tilili palab eti lang la pòte, fè an ganm, an djèz anlè franse a, bat lestonmak an katenn, "si'w santi kò'w monte kaka la".

Apre se pou plodari a vire-leve an tabakaj: "après la cérémonie, la famille sera érèz de vous recevoir dans les, batenm-pòpòt, bèlè-koukoun, diri-san-triye, djendjen-ti-bolonm, jes-makak, koke-tou-doubout, koukoun-kouri-lolo-ka-vini, labonm, mabèlo-zip-zap-zabap, mache-pran'y, malelive, mennen-vini, se-pete’y-man-ka-petey, sik-sose-nan-miel, tab-sèbi, toufe-yenyen, vakabonajri, welele, zouk-pa-douvan, zouk-anba-bwa…". Apre se pou’y te di "si rete kouliwou (oben balawou men se kouliwou ka bay nan dekou kannaval ek karenm) nou ke separe" ek mare doukre pou kannaval lanne dèyè. Lang ta'a pa pe vini an lang pou kouri-nouvel, se anni an lang voye-yelele, "Magre lavi a bel, Vaval ka kite".

7- Kannaval Matnik la adan an voye-yelele pase kouri-nouvel.

Nan lespri kannaval Matnik la, se toulong pou fè an tjò pawol, ti pawol, bay-lavwa malelive kouri lawonn asou kat jou, pa plis. Kouri-lawonn ta'a ka ba kannaval la an potjel voye-yelele (sâdârwâ cikin na hàusâwâ), fè an lespri, an kanman, an potjel woule-nan-lavi kouri lawonn pase se ba'y an potjel pòte-nouvel, kouri-nouvel (dágbére nínù èdè yorùbá), ek se pou sa an moun pa pe ka debatje adan ek an bay-lavwa "non à l'épandage aérien, oui à la vie" menm si goumen ta'a se pou doubout an divini kòdjòm atè Matnik. Kannaval la se toulong towtow, vide a ka vole lè "papiyon vole se vole nou ka vole" oben ka fè solibo lè'y pran an "mi biswi a wose", tousa. Menm si chak lanne ni an bay-lavwa kannaval krache-dife eti ka depenn an penteng sosial ki woule adan lanne ki kouri lawonn nan mitan de kannaval, kannaval Matnik la pa ka kouri-nouvel, se pa an medja. Se an penteng kat jou eti ka mete moun peyi a ansanm, "Abi abi abi kayiman, mi djab la dewò"".

Kannaval-2012-nègrès-sannNan kannaval Matnik la, nou te ke plis adan an voye-yelele, fè moun wè, plen zie moun, fè sa brile yo, pase nou se ka adan an kouri-nouvel, bagay pou fè moun katjile, kabeche asou an penteng, wè sa eti'y pe dekatonnen epi nouvel ta'a. Kannaval la se kat jou, apre sa tout bagay bout, pa rete ayen pou di, se karenm Jedi lamenm apre Mèwkrèdi-le-sann, tout moun pou ja asou anlòt brannzann, se mete jounou atè kriye bondje fèmen zie asou bonm yo pete. Se pou sa kannaval la ka migannen de lang la, koumanse an palab nan franse ek bout li nan lang Matnik oben fè anchay palab franse kouri nan pale pawol Matnik la. Se lespri voye-yelele ta'a pase lespri pòte-nouvel, kouri-nouvel la eti ki fè delè kannaval la kouri nan mitan de lang men lang Matnik la toulong piplis, franse a se te anni de ti dwel franse lòlòy bagay pou fè djendjen ek an moun, fè yo sav moun an sa pale franse menm si'y mete an lang Matnik la atè. Si lang franse a se ka rive foute lang Matnik la an koraj nan kannaval la oben nan bèlè a, se te ke foule kaka lang Matnik la (se te ke tankon an "mawyaj ba tout moun" an), joy fè !

Si lang (se pa nepi an lang, se an wanniwannan) voye-yelele ta'a se tounen lang kouri-nouvel kontel asou RLDM -La parole au peuple - (nouvelis la ka koumanse palab nan franse ek ka bout li nan tjek lang Matnik devidjoze oben ka pran'y nan lang Matnik devidjoze a ek ka blennde'y kout franse lòlòy Matnik la ; mètafè palantjè-peyi a, Le mot du MIM, ka toudi moun anba "par conséquent") se tout sistenm ek mès kouri-nouvel la ki tjobole, si se pa tjou-pou-tèt ek se tout kabès la (sistenm kabès la, wonn-kabès la, sistenm pòte-kabès la) eti ki ja lòlòy oben ka dekati. Man pran RLDM, se anni RLDM man ka koute, se anni la, epi APAL, eti rete an manni Matnik. "O Perinel o man le bombe o, man le bonmbe peyi a two piti pou mwen o". 

 

                Kannaval la ka toulong leve mas krache-dife ek se pou nonmen yo, apiye asou mas nanninannan pou nonmen mas lajounen-jòdi, delè pa menm ni an apiye. Se pou moun Matnik se sispann ale rarate kannaval Matnik la se te ke tjek mès franse (katolik) ek tjek mès afritjen (bagay bwabwa "les cornes de l'abondance et les miroirs de la connaissance") ki te ke migannen nan tjek lèwdou kreyol, "lolo bannde pa ni fren-a-livie, pòte kal la ba man..." ; an-an, sa se sosioloji debi-la-reji, milan petrolèt apre twa ayòlò, yonn-dèyè-lòt, san leve doubout fè van pase nan kabèch oben pran an kraz madou zoranj anmè dèyè'y ; kannaval Matnik la se kannaval moun Matnik ek se an lèlèm ki toulong lerize pou moun Matnik ki pran pawol asou kannaval yo chak lanne menm si yo te ke lonyen oliwon-latè, gade sa lezòt ka fè pou fè ta yo. Se pou lang natifnatal Matnik la se rete lang kannaval la, se li ka fè wonn-kanman kannaval Matnik la pou anchouke eti'y ka anchouke (lerize ek anbidjoule) zanpanlan kannaval la. Kannaval la se an djendjen sitiran ek sosializan, "Woy Madjana jou a ka wouvè ladje mwen". 

Simao moun Wanakera

Commentaires

J.R.93

moun pa ka réfléchi ankò lè kannaval ka bay, sé blèz yo ka blèz kò yo.

Jersen 1804

Gen 370 moun ki t ap blese nan madigra Ayiti. Moun sa se moun yo rale zam sou yo oubyen moun machin ap pase sou yo

A'n-97-1

kannaval c'est l'amitié

Ol.

Kannaval la fini sé le Carême atjolman, sé dé janm kolé

D-Madjaka

Justement c'est triste à dire mais le carnaval c'est tous les jours en Martinique, de jour comme de nuit.

milo

nou ni an kannaval ki ta nou matinik fok nou pa mété fwansé an didanw' pas nou ké dékiltiréw'

 Créole's blues

Si c'est une analyse sociologique c'est illisible parce que le créole n'est pas fait pour ça, cette langue n'a pas une grammaire fixe alors comment peut on définir des faits sociaux dans une langue qui n'a pas une grammaire fixe sauf à créer une méta-langue que seule une infime minorité peut comprendre.

Fi of the world

Quelqu'un m'a dit que c'était le carnaval le plus pervers du monde. Tous les mecs se déguisaient en péripatéticienne, une sombre considération des femmes...

Kanmo Matnik

Rencontrer
André LUCRÈCE
autour de son dernier ouvrage :
"AIMÉ CÉSAIRE Liturgie et poésie charnelle"
éd. L’Harmattan
Samedi 02 Mars 2013
de 10h00 à 12h30
LIBRAIRIE ALEXANDRE
29, rue de la République –
Fort de France


VL

lapo déchiré, lapo bonda Vaval déchiré, yenki malélivé..

O Carioca

Morre no Rio, aos 66 anos, o cantor Emílio Santiago. Ao longo de sua carreira, Emílio Santiago lançou mais de 25 álbuns e quatro DVDs. O último disco de Emílio Santiago foi Só Danço Samba (Ao Vivo), lançado em 2012. Em 2013, ganhou o Grammy Latino de Melhor Álbum de Samba/Pagode, por seu último trabalho.

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)