Festival karayib

CARIFESTA XI

              

Paramaribo, Sirinam:  Nan 16 pou 25 d'Awout ka vini, CARIFESTA (Caribbean Festival of the Arts) ke bay atè Sirinanm asou lide-fondas “Culture For Development, Celebrating our Diversity and Promoting the Central Role of Culture in Economic, Social and Human Development”, tankon Kabès pou Dekatonn, Gloriye Fè-tilili nou ek Palantje Fondas Kabès nan Dekatonn Ekonomi, Sosial ek Moun yo menm. Se pou Winston Lackin eti se mètafè kawbe-gouvelnaj zafè lòtbòtsay nan gouvelman Sirinanm ek Irwin LaRocque eti se kabwatè CARICOM te jigridi an topay ka trase kare-jeray festival ta'a nan dekou 34^enm doukre CARICOM ki te bay atè Trinidad and Tobago  depi 3 pou 5 Jwiye ki pase.

Peyi oliwon Amerik-latin ek Karayib

Vire-kabeche dekatonn

Washington DC, Etazini :  Alicia Bárcena eti se kabwatè ECLAC (Economic Commission for Latin America and the
Caribbean, CEPALC nan panyol, pou Kawbe Ekonomi pou Amerik-Latin ek Karayib la) plodare fok vire-kabeche dekatonn ekonomi ek sosial nan Karayib la "pran kantekantaj ek ekonomi anchouke nan laliwonn pou larel". Se nan an doukre ONU asou diskantekantaj otila kabwatè KEPALK la teste banbann ekonomi oliwon-latè trape an toumpak negatif asou Amerik-latin ek Karayib la men se bagay eti leve-doubout moun pe toumbile.

Caricom tou ka apiye

An tòt kore flandjat wawa a

Bastè, St. Kitts and Nevis :  Nan 34^enm doukre CARICOM ki te woule atè Port of Spain, Trinidad and Tobago, nan 3 jik 6 Jwiye ki pase, gouvelnaj akokitaj peyi-karayib la te ladje an bwa-pou-ale sitire nan chak peyi-Caricom an krèy-kabeche  pou mande peyi l'Ewòp an tòt pou kore flandjat sistenm-wawa eti te bay nan se peyi ta'a nan mitan 17^enm siek la pou mitan 19^enm la ek pou tjwe-moun-aleliwon eti yo te tjwe moun nan makrèy amerendjen an. Se atè St. Kitts and Nevis otila prèmie krèy mande tòt ta'a sitire.

Dekou toumvas ek ourakann 2013

 Chantal, an karetel karayib

Peyi-karayib :  Se nan lanmè-oliwon Atlantik nolfok lestè Amerik Latin otila toumvas Chantal te leve ek se atè Bawbàd otila'y te janbe laliman karayib, nan 8 Jwiye ki pase. Chantal se pa te an ourakann men anni an toumvas menm si nan yonn-de dekou fann boulin van andidan te menyen 140 tjilomèt kouri an hè pase. Chantal se te an toumvas, 72 tjm kouri an hè pase,  anchay dlo epi an van ki rache de-o-twa piebwa atè Sentlisi, kouche pie bannann atè Matnik, debaba fetay de-o-twa kay ek kawbe atè Dòmnik, jete anchay dlo nan Ayiti ek Dominikana, nan lantiray atè-solèy Kouba ek nan lantiray anni-solèy Bahamas. Toumvas Chantal dekati nan an gwo gren.

40 lanne CARICOM

34^enm doukre CARICOM

   

Port of Spain, Trinidad :  34^enm doukre CARICOM ki bout yè  se twa penteng djok, yonn se Dominikana, an gran peyi 10.088.598 moun (nan 2012) ki mande bay-antre ; anlòt se mètafè Repiblik Bolivaren Venezwela a eti te la tankon moun-eyalaye  ki mande pou vidjoze yonnte karayib epi sitiraj an akokitaj pou dekatonn ekonomi ek sosial ; twazienm penteng djok la se rel-fann ki leve nan akokitaj peyi-karayib ta'a asou politik chaye-moun-abò-avion.

Pale Trinidad-ek-Tobago

Lang natifnatal se memwa

40 lanne Caricom

CARICOM, bwa-pou-ale

Port of Spain, Trinidad :  Karant lanne apre'y wouvè lapòt, Caricom (Caribbean Community) se akokitaj peyi nan dekatonn ki trape plis laj anlè kabèch li, ek se dezienm akokitaj peyi eti ka bay toujou, apre Akokitaj Peyi l'Ewòp, dapre sa Irwin LaRocque eti se kabwatè Caricom, katjile. Menm si akokitaj la trape anchay machandiz pou vante, se pou LaRocque te teste "Caricom te pou ja pi douvan".

40 lanne Caricom

Koubare kontribann ek semeda

 

Port of Spain, Trinidad :  Kamla Persad-Bissessar, mètafè gouvelman Trinidad-ek-Tobago, peyi eti ka eyalaye 34^enm doukre CARICOM (Caribbean Community), mande pou sitire an krèy pou kabeche asou tjak kontribann ek semeda ka kouri lawonn Karayib la. Se pou'y te katjile pòte eti an karetel ranbonni pòte-kole nan kokleste nan mitan peyi karayib, ka pòte , "nou ke ni pou dechouke kontribann lan ek se ke pou dekatonnen progranm pou koubare lanmizè, apèkèlèt, dekou-san-djoumbat epi lavi-chè".

Peyi-karayib

34^enm doukre CARICOM  

   

Port of Spain, Trinidad :  Se oswè ta'a eti 34^enm doukre CARICOM (Caribbean Community) ka wouvè lapòt atè Trinidad-ek-Tobago. Doukre ta'a eti ki sitire anlè banbann ekonomi ka bay nan peyi oliwon  Karayib la ke kabeche wè leve politik vidjozay chaye-moun abò bato tankon abò avion nan peyi-karayib.  Doukre a ka bout Sanmdi ka vini eti se jou 40 lanne jigridi topay Chaguaramas la eti ki te leve akokitaj peyi karayib la.

Pòte-nouvel Amerik Latin ek Karayib

Nan Jwen 2013

             

Nan wabap simenn ta'a 15 mètafè gouvelman CARICOM, 5 mètafè peyi-akokit ek mètafè Repiblik Bolivaren Venezwela a, mètafè kawbe-gouvelman Dominikana epi ta Guinen-Ekwatè ke vini banbile 40 lanne doubout CARICOM nan 34^enm doukre a, depi topay Chaguaramas la, nan 4 Jwiye 1973 epi Kamla Persad-Bissessar, eti se mètafè gouvelman Trinidad-ek-Tobago.