Matnik jou-ale, jou-vire

Moun  Matnik  ka trimen

                     

Lanmanten, Matnik : Asou 5 moun Matnik, ni yonn  ka trimen anba rel lanmizè-ble, se moun ta'a pa te ni plis pase 977 ewo nan pòch yo chak mwa, nan 2011. Owonzon, lonmwatje adan yo se te moun ki ja ladje lavi-djoumbat. Asou an makrèy 400.000 moun owonzon, 75.000 moun te nan dekou ladje lavi-djoumbat, nan 2012 ek se pou konprann lamenmla,  de bagay ; yonn se vini vie-kò eti moun Matnik ka vini vie-kò, towtow ; dezienm lan, se an vini san-tjouns eti moun Matnik ka vini san-tjouns, sa eti ka fè nou katjile  sistenm politik anchoukaj franse a depotjole Matnik jik pou'y pa se rive vire-leve, tankon an peyi.

Apre larel-politik isenbòt la

CARICOM  pa le  Dominikana

  

Port-of-Spain, Trinidad and Tobago : CARICOM blotje bay-antre Dominikana nan Lakou Peyi-karayib la apre larel malfentan eti kawbe fondas-politik peyi ta'a te mare pou kouri dèyè moun Dominikana ki te ke ni manman/papa oben gran-manman/gran-papa ki te ke leve Ayiti. Se Kamla Persad-Bissessar eti se mètafè gouvelman Trinidad-ek-Tobago ek mètafè CARICOM pou sis mwa ki plodare : "nan dekou ta'a, se pou nou apiye anlè pates ek lide-fondas ki pòte nan topay Chaguaramas la, CARICOM pran larel voye dèyè bay-antre Dominikana nan Caricom".

Trinidad ek Tobago ka bat tou pou

An tòt  pou sistenm ninang-founang lan

 

Port-of-Spain, Trinidad and Tobago : Mètafè kawbe natifnatal Trinidad ek Tobago leve-doubout trape an tòt pou sistenm-wawa a,  te mare doukre epi  Kamla Persad-Bissessar, mètafè gouvelman Trinidad ek Tobago, nan kawbe paladjolaj-politik peyi a. Se pou mètafè gouvelman Trinidad ek Tobago a te katjete aye eti'y te aye wè an kawbe konsa rive sitire nan peyi a. Se Ralf Gonsalves, mètafè gouvelman Senvensan ek Grinadin, eti te bat pou kawbe natifnatal leve-doubout mande tòt pou sistenm-wawa ki te bay nan Karayib la nan 18^enm ek pipirit 19^enm siek la , te sitire nan tout peyi-CARICOM.

Ekonomi Jamayik

Djoumbate  banbou a  

Kingston, Jamayik : Jamayik ka bat pou vire doubout lizinaj banbou a ; "peyi a trape 50.000 hekta zèb-doubout ta'a eti moun pe sèvi tankon bwa ek ka pran 20 jik 40 lanne pou pofite kòdjòm", se Gladstone Rose, eti se kabwatè INBAR atè Jamayik ki katjete sa.

Sèt bidim dezas :

"Kantekantaj sosial"  A. Césaire

Se Aimé Césaire, limenm, ki te plodawyè larel-politik eti ki anchouke Matnik nan sistenm kawyadolaj politik franse a, nan 19 Maws 1946 ; ek, se poèt lang franse a ki te ka toulong teste, nan franse gran-jan-bel li a, "nous avions demandé l'égalité sociale et ils nous avaient donné l'assimilation" ; se te ke pou mwen yonn, man te'e fout simie "revendiquer" pase "demander" ek "ils avaient décrété" oben "légiféré" pase "nous avaient donné",  nan pale franse dégrennen mwen an.  Pawol ta'a, li tou-yonn, ka fè an moun ka li ek konprann lang franse a, wè, nan de koko-zie'y, lòlòy eti Eme Sezè ek se kominis Matnik la te lòlòy nan kabès politik ; gouvelman franse a te ke kouyonnen yo, se anni moun ki kouyon, bwabwa oben mal-mouton, eti moun ka kouyonnen.

Wouzinaj nan van-oliwon

Bwa-pou-ale, makande ! 

Fòdfrans, Matnik : Gouvelnè franse atè Matnik vire siyen an bwa-pou-ale wouzinen dlo-makande nan van-oliwon, pou kat mwa ka vini. Progranm ta'a se pou te ke diskoupe an larel sispann wouzinen nan van-oliwon eti Kawbe-larel Kawyadolaj franse atè Fòdfrans, te pran nan 28 d'Awout ki pase. Depi 26 Fevriye ki pase, gouvelnè franse epi Kawbe-larel Kawyadolaj franse atè Matnik adan an bok-aleliwon, yonn ka siyen bwa-pou-ale makande eti lòt la ka diskoupe bwa-pou-ale ta'a.

CARICOM mande bay nan

Djikanm  vèw la 

  

Port-of-Spain, Trinidad ek Tobago : Joseph Williams eti se kabwatè progranm djikanm nan CARICOM teste djikanm vèw ke ni anchay toumpak asou dekatonn ekonomi peyi-karayib, nan lanne ka vini. Se pou'y te mande se peyi ta'a apiye anlè djikanm vèw, tankon gaz anba-tè, ek tout djikanm lerizan pou koubare pates djikanm eti ka wakle.

Kouba douvan nan

Sistenm  rete-djann  moun

PAHO, Washington, USA : Nan tout kontinan ameritjen an, depi Pas Behring la jik Pas Majelan an, se atè Kouba, peyi otila ni plis djoumbatè nan sistenm rete-djann moun, se 134.6 djoumbatè pou 10.000 moun, douvan Etazini otila ni 125,1/10.000 ; Kanada 93.5/10.000 ; Bawbàd 86/10.000 ek nolfok Ayiti, peyi ki pi dèyè epi anni 3.6 djoumbatè pou rete-djann 10.000 moun, tousa dapre an lonyen-matje eti PAHO (Pan American Health Organization pou Akokitaj Peyi l'Amerik pou rete-djann moun) fè moun li.

Jout-politik Fòdfrans 2014

Sèy Lètchimi  ka vire Fòdfrans

 

Makouba, Matnik : Lide vire nan jout politik pou gouvelnaj Fòdfrans nan 2014 eti Sèy Letchimi fini pran ka apiye twa mapipi enpiokte politik eti ka kouri lawonn nan laliwonn politik franse a atè Matnik. Plis pase mande-sav ki moun ke mennen La Région Martinique apre Maws 2014 oben ba ki moun eti mètafè PPM (Parti Progressiste Martiniquais) la konte ladje gouvelnaj Foyal si'y te ka genyen jout politik pou gouvelnaj kawbe politik kare-tè Matnik la nan 2015, karetel politik Sèy Letchimi ka fè moun Matnik wè, nan de koko-zie yo, tjouns politik bò-kay eti ka dekati ek divini peyi ta'a ki lòlòy pou'y pa sa, se se konte tjouns li. 

Banbann ekonomi oliwon-latè

 Toumpakte  peyi-karayib

Bridgetown, Barbados : Dk. Kenny Anthony eti se mètafè gouvelman Sentlisi teste  nan an doukre atè  Cave Hill Campus nan University of the West Indies anba tit “Education in the Caribbean-Challenges and Opportunities Facing Small Developing States”, tankon Pòte-kabès nan Karayib la : katenn ek penteng eti ti peyi nan dekatonn doubout douvan yo, gouvelman peyi-karayib pòkò pare pou doubout douvan toumpak banbann ekonomi ka bay oliwon-latè asou se peyi Karayib la.