Atè Venezwela, OAS mande pou
Spòw atlèt nan divini

A Trinidad and Tobago head of state and prime minister died

A. N. R. Robinson

(1926-2014)

  Trinidad-and-Tobago bandwel la Trinidad former prime minister Arthur Robinson

Port-of-Spain, Trinidad and Tobago : “Mr. Robinson’s passing is a deep and tragic loss for our country, but the legacy he leaves behind shall surely live on to inspire today’s and tomorrow’s generations,” tankon, lanmò Ray Robinson se an bidim dezas, fann-tèt, ba peyi a men jenerachon-dèyè ke pe apiye asou tout matjoukann eti'y ladje ba peyi a, se sa eti Kamla Persad Bissessar eti se mètafè gouvelman Trinidad-ek-Tobago plodarye. Arthur Napoleon Raymond Robinson eti se li tou-yonn ki te rive mètafè gouvelman ek mètafè Repiblik Trinidad-ek-Tobago a, chape nan abolay apre 87 lanne zie wouvè asou latè                                                                           .

Trinidad an TobagoRay Robinson te wouvè zie atè Calder Hall nan 16 Desanm 1926 ek te ale nan an lekol otila papa'y, James A. Robinson, te kabwatè. Se an tibolonm ki te ka aprann lekol ek se konsa nan 1949, A. N. R. Robinson rive nan London University. Nan 1951, se pou'y te ladje London ek rive nan Oxford University otila'y te rive nan grèd-kabès nan filozofi, ekonomi ek politik. Nan 1955, Ray Robinson te ka plodarye tankon avoka atè Trinidad-ek-Tobago.

Nan 1958, avoka a te genyen an jout-politik ek te pòte antre nan kawbe paladjolaj politik Caribbean Federation ek nan 1961, se pou'y te rive paladjolè politik nan kawbe paladjolaj-politik Trinidad ek Tobago  tankon paladjolè-politik Tobago. Konsa Trinidad ek Tobago te rive trape wangannite-politik li, se pou'y te vini mètafè kawbe-gouvelnaj lajan-sitire-ekonomi ek pi dèyè mètafè kawbe-gouvelnaj liannaj ek peyi lòtbòtsay.

Ray Robinson te vini ladje PNM (People's national Movement) nan 1970 apre anchay djoubap oliwon bay-lavwa politik ek sosial Black Power a (se Stokely Carmichael ki te leve lide Black Power ta'a nan an sanble-doubout Student Nonviolent Coordinating Committee atè Greenwood Mississippi, 16 Jwen 1966, adan March Against Fear, "This is the twenty-seventh time I have been arrested and I ain't going to jail no more! The only way we gonna stop them white men from whuppin' us is to take over. What we gonna start sayin' now is Black Power!"   se sa Carmichael te djole) eti te ka kouri lawonn nan tout lakou nèg-ginen, jenerachon-dèyè l'Afrik nan tout kontinan l'Amerik la. A. N. R. Robinson te sitire Action Committee of Democratic Citizens (ACDC) ek apre jout-politik 1971 lan, se pou'y te sitire Democratic Action Congress ki te genyen de dodinèt-politik tobago a nan jout-politik 1976 ek 1981 an. Se nan lanne 1981 ta'a eti'y te liannen epi United Labour Front Basdeo Panday la ek Tapia House Movement eti Lloyd Best te ka kabwate pou fè bwarad natifnatal Trinidad ek Tobago eti Organisation for National Reconstruction karl Hudson -Phillips la vini jwenn pou te genyen jout-politik 1983 a, 33-3  pou National Alliance for Reconstruction (NAR), ki fè A. N. R. Robinson rive mètafè gouvelman Trinidad ek Tobago, prèmie mètafè gouvelman ki pa te sòti tenkant  nan PNM. Nan 19 Maws 1997 pou 17 Maws 2003, Ray Robinson te djoumbate tankon mètafè Repiblik Trinidad and Tobago a.

Se anba gouvelman Ray Robinson eti nan 1990, koubaraj politik eti yo kriye Jamaat al Muslimeen rive eti nan sis jou an krèy moun sapatonnen anba kabwataj Yasin Abu Bakr te ankatibe mètafè gouvelman an epi moun ka pòte-kole epi'y. Se Ray Robinson limenm ki te fè di sapatony Trinidad ek Tobago "foute fè" lè yo te pare sayade Kawbe Wouj la (the Red House) eti se kawbe paladjolaj-politik Trinidad ek Tobago. Ray Robinson te pran an bal nan janm.

Nan 1989, nan 44enm doukre doukre ONU, Ray Robinson te plodare pou an sitire an tribinal peyi oliwon-latè pou koubare kontribann drog la, se asou fondas lide ta'a eti Tribinal peyi oliwon-latè pou malfentri anlè moun-asou-latè vini leve nan 2002. Ray Robinson trape anchay pates pou sa. Nan Jwen 2009, Robinson fè di moun Trinidad ek Tobago zie'y pa ka wè klè, zorèy li pa ka djè tann , janm li pa ka pòte'y ankò ek nan Fevriye 2010, mètafè Repiblik Trinidad ek Tobago a, nan dekou douvan, te tonbe nan legliz Assumption lan. Se depi 8 Maws lanne ta'a eti'y te kouche anlè kabann St. Clair Medical Hospital atè Port-of-Spain.

MATT (Media Association of Trinidad and Tobago) teste Robinson pòte anchay ba peyi'y epi anchay sivite nan tout se lanne lavi gouvelnaj ta'a ek te toujou bat pou nouvelis la fè djoumbat li san chenn. "Se gouvelman Misie Robinson ki te palantje medja atè Trinidad ek Tobago lè'y te fè larel pou te sitire anchay kawbe medja. Se ladje chenn medja ta'a ki fè an dekatonn medja, ki fondoke libète nouvelis ek eti medja ka defann epi tjè jik jòdi".

Kabwatè CARICOM (Caribbean Community) eti se Irwin La Rocque teste magre si tout moun te sav Robinson tekalbòy kouche nan kabann lopital, lanmò'y kwenyen anchay moun adan lakou peyi Karayib la. "Lakou peyi-karayib pèdi yonn adan se pi mapipi yich li a ek se pou'y ke toulong sonje pòte eti'y te pòte nan Doukre Grand Anse la, nan 1989, otila nou te pran pawol pou fondoke anchoukaj ekonomi, sosial ek politik nou", mi se sa La Rocque plodare. Nan 1998, CARICOM te pòte A. N. R. Robinson anlè epi an pates Kawolis Lakou Peyi-karayib pou djoumbat palantje Karayib la eti'y te fè.

Mètafè gouvelman Sentlisi, Dk. Kenny Anthony katjete pèsonn pe ke sa rive di Robinson se pa te an mapipi mètafè kawbe-gouvelman, ek se pou'y te apiye asou sa eti lavi Robinson se te "an bat lavi pou trape toulong plis jistis ek kantekantaj sosial ba tout moun an", se pou Anthony te vire di moun anni lonyen djoumbat Tribinal Peyi Oliwon-latè. "Trinidad ek Tobago pèdi an gran yich li, ta'a eti tit li ek pèz li ka janbe laliman   peyi a, laliman Karayib la, ka kouri lawonn latè", se sa Dk. Kenny Anthony rete katjile.

Commentaires

GEREC

Latè tranblé Matinik, Mèwkrèdi a 10 minit avan sentjè, 4.2 asou léchel Richtè a, 76 kilomèt anba-tè a 38 kilomèt kabestè-lisid-kabestè Sentàn. Si'w té ka matjé'y konsa nou té ké konprann pi flouz.

Carib.Mess

Prominent regional academic, Professor Norman Girvan, has died at 72.
Reports indicate that Girvan, who was born in Jamaica, was injured after suffering a fall while hiking in Dominica in early January.
He was first flown to a medical facility in Martinique and later to Cuba where he died on Wednesday.
Norman Girvan was Professor Emeritus of the University of the West Indies.

Dom.

yen ki moun ki mò ou ka palé ?

Carib.Mess

Five days of funeral services will be held to honour the life of former president Arthur Napoleon Raymond Robinson before he is laid to rest at the Scarborough Methodist Cemetery, Tobago

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)