Latè tranble Gwadloup
Jout-politik l’Ewòp atè Gwadloup ek Matnik

Plodari 22 Me 2014 la

Sistenm-wawa nan sinema 

Quilombo_ La ultima cena

Nan se film-sinema asou sistenm-wawa ki te woule atè kontinan ameritjen an nan dezienm dwel 17enm jik pou prèmie dwel 19enm siek la, ni toulong dekou ta’a otila an nèg-ginen ka pran an wonn karata nan pal do’y douvan zie tout nèg-ginen bitako a. Se an masogan l’Ewòp te ka fè kout frèt la men, delè, se te pou’y fòse anlòt nèg-ginen fè’y. Nou pa nepi sav si se rarataj sinema a ki ni twòp kabechinaj anlè dekou tan-mare ta’a oben si sa te ka fèt konsa nan wach lavi-wawa a.                      

Lavi an wawa nan sistenm-wawa l’Ewòp atè l’Amerik la se pa te, man ja matje-kabeche, vire matje-kabeche, toulong matje-kabeche sa, tankon lavi an wawa nan sistenm-wawa toupatou oliwon-latè pou toumpak de wonn-kabès eti’y te ka chaye. Wawa epi mètafè sistenm-wawa se pa te moun menm lakou-peyi, menm lakou-kabès-oliwon, menm kontinan an. Lè sinema a ka fè nou wè an nèg-ginen anba an wonn karata, se pou’y se branbrannize toumpak ta’a. Se pa anni an sweleley, an dekou otila an konpanyi moun  te ka swelele anlòt konpanyi moun konsa fèt nan tout lakou-kabès-oliwon, toupatou oliwon latè ; isiya la, se pa anni pou larel-nwè a eti ki sitire’y, ni anchay kabès, mès, wach-lavi sosial, wonn-kabès te ka toumpakte yonn epi lòt ; ni anchay kabès, mès, wach-lavi sosial, wonn-kabès nan makrèy-moun yo rape anlè kontinan l’Afrik ek chaye anlè kontinan l’Amerik, yoruba a se pa te menm moun epi ibo a eti limenm pa te menm moun epi ashanti a, nan chak makrèy-moun ta’a ni anchay krèy-moun, anchay kabès, mès, wach-lavi sosial, wonn-kabès (Mina a se pa te menm lespri epi Adja a nan lakou-kabès-oliwon yoruba a), men lòtbòtsay, ni anchay mès, wach-lavi sosial ek wonn-kabès amerendjen epi ni anchay mès, wach-lavi sosial ek wonn-kabès l’Ewòp. Ki fè, kabechinaj sinema a ka 

Queimadaanni depareye nèg-ginen wawa asou an bò ek lòtbòtsay betje l’Ewòp mètafè sistenm-wawa a, se pou’y pa te menm wè amerendjen nan tousa. Kout-zie ta’a, lespri ta’a, man ja kabeche sa tou, ka piti kakol nèg-mawon an ek ka depenn sistenm-wawa a anni tankon an anboktaj ras-moun, nèg-ginen l’Afrik douvan blan l’Ewòp, la eti an sistenm-wawa se, dabò-pou-yonn, an sistenm djoumbat otila pa ni p’an topay-djoumbat ek nan menm karetel la pa ni lajan-djoumbat. Se anni nan La última Cena otila Thomas Gutierez Alea, moun Kouba te ka kriye’y Titón, ka fè moun wè ek tann tankon an tilili wonn-kabès nan makrèy wawa a, yo ka veye anlè tèp yo ki ta yo, yo pa ni menm larel-ale a, yo pa trape menm lespri anlè lavi a (weltanschaung)  ek an nèg-ginen te pe pi senbòt pase an masogan delè, tankon lajounen-jòdi, an nèg-ginen Matnik pe ka pi isenbòt pase yich-man-bans betje a. Se pou film lan se rive, pi nolfok, ladje anboktaj ras-moun an nan chimen. Se pou se konprann lamenm la, La última Cena se mapipi film-sinema a asou sistenm-wawa a nan tout film-sinema kontinan ameritjen an, pou rive eti’y rive konprann se sistenm-wawa a eti ka demounize moun, nou pa ka bliye kanmenm se moun l’Ewòp ki mennen’y vini, se pa an konpanyi moun ki te ke pi moun pase anlòt konpanyi moun, se sa Frantz Fanon ka matje nan liv li a, Peau noire, masques blancs.

An film-sinema se pa anni an bann foto kole yonn dèyè lòt, double epi an bann-son, pawol, mizik ek bri lavi toulejou. An film-sinema se an rarataj sitire eti ka yonnife anchay dwel-rarataj-film, yonn epi lòt, asou an bann-son ek sa ki pòte plis isiya la, se potjel jwenti a pou ladje an dwel-rarataj-film bay adan anlòt dwel-rarataj-film. Lamenm la, fok ke sa di limiè a, poto-mitan nan sinema pou klere ek bidjoule eti’y sipoze klere ek bidjoule  se jwenti dwel-rarataj-film ta’a, fè yo woule flouz, klere an bagay eti ki te nan an dwel-rarataj-film douvan pou fè’y vire nan an dwel-rarataj-film dèyè, delè bagay ta’a pe debranbrannize nan an son, an pawol, an mizik, an bri, tankon nan dwel-rarataj-film ta’a nan The  Color Purple, se pa an film-sinema asou tjek sistenm-wawa te ka bay nan Etazini, otila Miss Nettie (Akosua Busia) ka aprann Miss Celie (Whoopi Goldberg) li beyaba a, nan latjwizin lan, kamera a ka kouri pianmpianm anlè masonn se foto a, ka rive anlè vit la otila Miss Celie fè an won-klèsi, swiye neblin lan pou wè dewò a ek se pou gwo tèt Albè a (Danny Glover) vini antre adan tankon an pòtre (an djing nwè asou lanèj la tankon djing nwè anlè masonn-foto a, pou ba zie moun an kote jete zie nan blayi blan-lanèj ta’a) ek lè Netty mande Celie, sa sa ye sa, se pou’y kriye "misie"  ek pou kamera a sòti dewò nan karetel ta’a, pou tann Albè di papa Netty "I want to marry your Nettie", se jwenti dwel-rarataj-film ki pi bidjoul (fok pa bliye kanmenm dwel-rarataj-film Sergio Leone la nan Il buono, il brutto, il cattivo lè Touco ka rantre benyen nan saloon lan epi wouvè-fèmen se lapòt san tatjèt la ek ka fini anlè pawol ta’a eti Touco ka di : "lè’w ka fè an kout-fizi, se pa pou rakonte lavi’w ") nan tout karetel sinema a oliwon-latè. Si pa ni kavale-ale kamera a, pa pe ni sinema, nou pa adan an tire-foto otila limiè a poto-mitan tou men limiè ta’a toulong ni anni an karetel, anni an kote sòti-pou-rive ; ek sinema a se pou toulong vire li film-sinema-douvan asou menm fantefrak la, si se pa sa, se pa sinema.  Tousa pou se rive fè moun li ek konprann, film-sinema asou lavi-wawa a, depi Slaves Herbert Biberman nan 1969, oben  Mandigo Richard Fleischer nan 1975, jik Twelve years a slave Steve McQueen lan nan 2013, trape toulong de-o-twa travelling (piplis adan yo se travelling-ale-epi pou lonyennè a se ka wè kò’y andidan film lan tankon zanpanlan-film lan), an wawa ka kouri pou gare se dòg betje a epi se chen yo a, eti se toulong an dekou kavale-ale ka distopaye epi dekou rete-san-brennen wawa a (nan barank gaba a oben nan rete anba wonn-karata a), men plis pase sa, se pou nan se film-sinema ta’a se toulong an dekou kavale tan-ka-pase ek fè pou lonyennè a se ka rive bay antre, li tou, nan dekou-film lan, tankon rive toumbile rarataj la limenm.

Se film-sinema asou lavi-wawa a rive machokete lespri moun asou sistenm-wawa ki te bay nan peyi l’Amerik, plis pase lekol, plis pase rarate-kabès fanmiyal.  Ek nèhè se se film-sinema ta’a ki fè si moun peyi kontinan l’Amerik la, pa fouti mete se kakol la, se kout nèg-mawon an, douvan, pa menm pou an penteng tizi ; pran sistenm-wawa a (man te ke pi simie matje laliwonn-wawa men man pa nepi sav si moun ki sa li ek konprann lang ta’a ke pe sa konprann sa) pou  an dekou san wabap, an nanninannite otila p’an moun pa te pe chape, se se menm ekzade nan lespri’y, pou koupe eti yo te ka pe koupe pie yo tankon nan Roots Tribute to Kounta Kinte, lè koubarè-wawa ka koupe pie dwèt Kouta Kinte pou’y te sispann mawon. Ehe, lè man ka matje sistenm, man le teste lamenm la, ni anchay laliwonn koubaran adan, anchay laliwonn anba-fèy, anchay jès, anchay mès, anchay kabès, anchay wach-lavi sosial, anchay wonn-kabès ka bat pou depotjole sistenm ta’a ; oben lòtbòtsay, anchay laliwonn sitiran ka bat pou se vidjoze’y, fè’y tjenbe larel. Men se film-sinema a pa sa rive fè moun wè sa, fè sa brile moun, se zafè tan-ka-pase pa ka rive stanmpe nan an film-sinema menm lè yo se matje «twa, kat senk, dis lanne dèyè» oben fè wè an tjanmay-piti vini kalabray oben gran-nonm nan yonn-de-twa kavale-ale kamera, an bay-douvan nan letjèt-anlè dapre sa Beliya,yich mwen, teste ; man se pè !

Se film-sinema asou sistenm-wawa a ka toulong fè moun wè an sistenm-wawa tankon yonnife ; an sistenm nan ledjans rek palab la eti te ke ni penteng li ki ta’y, larel li ki ta’y, dekou’y ki ta’y men an moun pou sa wè pa ni an sistenm-wawa men ni pliziè, ta franse a eti te pi senbòt ek soubawou pase lezòt, pa te menm ek ta angle a eti limen te pi radi pase ta panyol la oben ta pòtidje a eti te pi, tankon, moliann, jik pou Xica Da Silva (Carlos Diegues, 1976) se pe te ka brè dlo’y aladous. Men nan an menm sistenm kontel nan sistenm-wawa franse a, pe te ni an bitako otila anchay semeda-dekale-moun te ka bay tankon te pe ni bitako otila pa te ni p’an semeda-dekale-moun men anni semeda–desèvle-moun. Ni an sistenm won-nan-won (sistenm franse a, sistenm angle a, sistenm olande a, sistem panyol la, sistenm pòtidje a) ek nan chak sistenm won-nan-won ta’a, nan chak peyi (sistenm-wawa franse atè Matnik pa te pe menm ek sistenm-wawa franse a atè Gwadloup oben Ayiti) chak betje a ka ba bitako yo an potjel kawyadolaj, gouvelnaj bò-kay. Sinema pa ni tan pou tousa, sistenm-wawa eti film-sinema ka fè moun wè nan de koko-zie yo se toulong  tankon an potjel-kabeche (idealtyp, Max Weber la) eti ka chaye tout penteng tout sistenm-wawa eti moun te konnèt men anni penteng gwo semeda dekatje nèg-ginen eti sinema ta’a ka fè moun wè, pou sav nou sav sinema pa ke sa fè moun wè nan de koko-zie yo an penteng semeda-desèvle-moun, teyat la pe rive fè’y pou tan teyat (zanpanlan an ka ladje wonn-kanman’y anba rarataj la) ki  pa menm ek tan sinema a otila zanpanlan an ka toulong rete limenm nan rarataj la.  Zezé Motta pa ka j’en toumpotjele nan Xica Da Silva.

Ni anpil film-sinema asou lavi-wawa, asou sistenm-wawa a ki te bay nan l’Amerik, ek man pa ke pran yo yonn apre lòt, isiya la, konsa men man ke gade wè pran le gran larel-kabeche ki kouri lawonn nan se film ta’a eti man ke mete La última Cena, Quilombo, Roots, Amistad, Django unchained ek Twelve days a slave douvan. De film ta’a, Django unchained ek Twelve days a slave pou tan ki pòkò kouri anlè yo ek sipoze yo sipoze vire li tout film-sinema douvan asou sistenm-wawa a  ; Roots eti se pa an film-sinema men an tele-film nan 6 dwel 90 minit, pou pòte eti’y te pòte flandjàt wawa a nan l’Amerik douvan kout-zie moun, oliwon-latè. Amistad se pou kout-zie-klè krache-dife eti’y ka jete anlè makrèy wawa a tankon moun te ka kabeche anlè flandjàt ta’a, anlè triminay yo nan lavi toulejou. Quilombo eti ka fè nou wè an kakol sitire djok, an kakol politik eti te pe woule anni nan sistenm-wawa pòtidje a, ek te ka fetaye toulong, lakou nèg-mawon an atè Palmares ; Repiblik Palmares la eti te ja anchouke lide toumbilaj sosial la, lide an wach-lavi mabial, ta Para a tou, siek-tan dèyè. Epi La última Cena eti ka rete film ki chaye plis kabès asou sistenm-wawa a, ka fè moun wè tilili kanman ki te ni nan makrèy wawa a, tout bagay eti ka fè moun sav sistenm-wawa ta’a se an sistenm ; kifè,  ni an bidim kantiyonn ka bay adan, anchay welto, ou wè'y ou pa wè'y.

1 – Tan-ka-pase nan film-sinema sistenm-wawa a

Roots - Alex haleyFilm-sinema asou sistenm-wawa a ka toulong tizi tan-ka-pase menm lè rarataj la ka fè moun li tjek “de-o-twa lanne dèyè” ("odun neji nigbamii" yoruba a, "afö abùö mgbe e mesírí" igbo a,  two years later" angle a, "dois anos mais tarde" pòtidje a oben "due anni dopo" italien an, epi dòt)  oben “de-o-twa lanne douvan”. Se rarataj film-sinema a ki ka matje konsa, menm si se te tjek “once upon a time”, oben “había una vez”  oben ankò, "es war einmal" oben toujou “era uma vez”, si se pa “C’era una volta” oben  “léèkan lórí àkókò kan” , gangan Yoruba a, ḿgbè otu ḿgbè, gangan igbo a, “il était une fois”  franse a, sa eti ka fè nou sav se an rarataj, pa pe ni djing kòtok tan-ka-pase, stanmpe toulong anlè film lan. Se pou chak moun se vire fè fil tan-ka-pase tala nan kabèch li epi an djing son, an djing mizik oben pale-pawol la, tout bagay eti ka anchouke tan-ka-pase nan an tan film-sinema eti toulong ka rarate nan an tan dekou-pawol la.

Se pa pou ale plodare tan-ka-pase pa ka pase nan film-sinema men tan-ka-pase ka tankon trase an lawonn-toupi-mabial, ladje tan-douvan pou kouri nan tan-dèyè ek vire nan tan-douvan pou pa j’en ladje tan-dekou-pawol la. “Mara moja juu ya wakati” men tout moun fout pou sav nan sinema, tan-ka-pase ka depenn an lawonn-toupi-mabial, tankon an kouri-lawonn, dekouri-lawonn, vire-kouri-lawonn, bagay pou fè an katjopin trape an lagli nan katjòt li tankon anba an kout tanbou djouba bèlè-lisid, djibilap, djibalap, de janm lan ka fè, djibilap, djibilap. Menm Thomas Gutierez Alea epi sinema wach-lavi-sosial li a pa te rive pete lawonn-toupi-mabial tan-ka-pase nan se film li a. Sebasien, nèg-mawon La última Cena a,   eti te le tounen limiè-glaw, pou p’an moun pa te rive wè’y ka mawon, (an vèglaj eti Titón te rive fè moun wè, towtow, nan film lan lè’y te fè an travelling ale-epi nan kous-kouri Sebasien anba bwa a epi zeklitaj limiè solèy la anlè se fèy-bwa a), te ka fè yo vire pran’y chak kou a ek se pou Antonio, kontè yoruba a, "caminando que camino..." andjele’y, foute’y nan djendjen.

Nan film-sinema anlè sistenm-wawa a, tan pa ka pase pou wè nou pa ka wè wawa a ni tjek yich ka swen oben trape tjek apa, gran-papa, tousa se anni nan Roots otila Kouta Kinte trape an yich, Binta eti’y ka ale batize douvan prèmie lalin-monte a, an pas-similak mizilman an ka fè atè l’Afrik anba-solèy depi ywitjenm siek la ek eti nou trape nan Quilombo lè Ganga Zumba eti ki nan chimen ale Palmares, ka leve tjanmay-piti a, se pa dòt ki Zumbi limenm, anlè douvan an  zeklè siel-kreve. Fok pa’a pran dlo mousach pou lèt, Roots se pa an film-sinema, se an mini saga (oben prime time soap opera) nan 6 dwel 90 minit eti ka rarate karetel an fanmi, laboulok la fondase asou an liv Alex Haley matje nan 1976, Roots, the saga of an American family eti se tankon an mache-èche gangan’y. Nan se saga a, liannaj ki trape an mitan se dwel saga a se toulong tan-ka-pase ek se sa ka depareye’y epi telefilm lan. Isiya la, ni an koumansman ek an wabap eti ki progranmen, se lanmò mèt-pies la oben rive nan bout rarataj la, nan tan eti raratè a matje rarataj li a.

2 – Bawouf anlè moun nan l’Afrik anba-solèy.

Se film lan pa ka djè fè moun wè lavi nan l’Afrik anba-solèy avan sitiraj sistenm wawa a ; se anni nan Roots otila moun wè, tankon an looking for ancestors, nan pipirit rarataj la, lakou Djoufoure a otila tout bagay te ka woule dous, an el dorado l’Afrik-ginen, lè masogan an anni debatje epi rape moun, batje yo abò gaba, chaye yo nan l’Amerik, fè yo djoumbate kon bourik pou fè sik oben tjwiyi koton, se Belles Combo Dòmnik la ki ka ba nou’y konsa ; Exile One tou ek piplis moun peyi-karayib rete anlè rarataj ta’a eti ka depenn moun l’Afrik anba-solèy tankon moun ti kote, ki pa te j’en dekatonnen ayen avan masogan l’Ewòp debatje. Nan Roots tankon nan Mandigo oben nan Slaves, nou adan kabechinaj soubawou bwa-mitan J-J Rousseau a, menm si Mandigo Richard Fleischer, 1975, ka kouri anlè an fil razwè pou delè tjoke kabechinaj ki pran nèg-ginen pou moun madichon, si se pa tjek yich djab.

Amistad-PosterPiplis film asou sistenm-wawa a fè moun wè an afritjen tankon an soubawou bwa-mitan, moun eti te ka rete anba joupa yo oben nan tou-latè, ka atann tan pase ek te ka anni tjouyi ponm ek grenn-bwa oben bannzate bèt anba-bwa :

"ceux  qui n'ont exploré ni les mers ni le ciel

mais ceux sans qui la terre ne serait pas la terre gibbosité

d'autant plus bienfaisante que la terre déserte

davantage de terre"

Se anni Amistad, an film Steven Spielberg, mapipi sinema oliwon-latè,  eti se prèmie film Etazini ki rive ladje ti lespri soubawou bwa-mitan ta’a. Amistad, 1997, se te an lide Debbie Allen eti ka rarate an gawoule asou an gaba, La Amistad, nan 1839 nan lestè Kouba ek gran zafè tribunal dèyè, nan 1841. Sa eti ki pi dous nan film ta’a, sa eti ka fè’y film-sinema, se lè’y ka mete afritjen an, Sinke, nan menm grèd sosial, nan liannaj sosial tenkant epi moun l’Ewòp, lè lang mennde a ka rive sonnen nan kawbe-lalwa Etazini an. Tousa pa sa, Steven Spielberg se, man pa’a tjanse anlè sa, mèt sinema ki pi djok nan se jwenti dwel-rarataj-film lan (epi Sergio Leone) se pou film lan wakle nan teknik sinema, tankon an film-brannzay, an film-flandjat, an film-rarataj-lavi, delè an zanpanlanni asou anboktaj won-kabès, rive leve an falfrèt anlè tout moun ; Amistad ka bat nan mitan The Color Purple epi Schindler’s List, pou rive trape laverite. Se prèmie film eti ka ba se afritjen an tit afritjen, an tit ki ta yo ek ka fè moun tann (nan sinema, tann se wè, toulong) lang yo epi tout kabès, tout sa-doubout-moun, eti’y, tankon tout lang oliwon-latè, ka chaye.

Pale eti’y ka fè Chinke epi dòt zanpanlan pale lang mennde a, se pou Amistad ladje kabechinaj soubawou bwa-mitan an, fè moun konprann l’Afrik se an kontinan, se pa an peyi, se million moun, lang, kabès, wonn-kabès, mil-epi jenerachon-douvan, an tilili divini. Lamenm la, se pou konprann flandjat sistenm-wawa a, se pa an bagay ki leve an jou konsa lè an pwenyen masogan l’Ewòp debatje nan l’Afrik anba-solèy men an penteng ki te ja ka kouri lawonn depi siek-tan, an malfentri ki te ja anchouke nan laliwonn sosial la, si se pa nan wach-lavi kouri-kabès la, tankon nan tout lakou-peyi oliwon-latè.  

3 – Djoumbat anlè bitako a

Xica da SilvaSe tankon lavi anlè bitako a ; laswè, semeda, kou, dekalaminaj, kout-chen, koubaraj, tout malfentri eti ka toulong distopaye epi lavi dous, zayann (el dorado) afritjen an. Nan se film-sinema asou sistenm-wawa a, nou toulong adan an “ekonomi tjouyi ponm”, an ekonomi ki pa ka mande anchay tjouns teknik, ekonomi kann lan ka bay tankon an “ekonomi tjouyi ponm”, ek sa fè, se film lan pa ka fè nou wè anchay sivite eti te pe ka bay lakay wawa a ; se model franse a eti, epi larel-nwè’y la, ki ka toulong sèvi model ba rarataj asou sistenm-wawa a. Djoumbat la, isiya la, se anni ba betje a, pa ni djoumbat wawa a ba kò’y, simidòy Ehèn Mona a : "travay ba betje djol ou ke bave janmen bò kay ou pe ke ni an pave". Nan sistenm angle a, te ni an Congo Square ; nan sistenm pòtidje a, piplis wawa a te maye, te fondase an fanmi, nan sistenm angle epi panyol la, an wawa te pe fondase an fanmi pou an apa, an anman se te pe ladje an tjouns kòtok nan lanmen yich li, jenerachon-dèyè ; nan sistenm panyol la an wawa, Pascual nan La última Cena, te pe vini defann anlòt wawa ki te fè an ka, tjek kontribann, an kout nèg-mawon (Sebasien) ale èche tjek de-twa-jou dousin katjòt lòtbòtsay, mande an fanm rete.

Tousa epi tousa fè nou kabeche djoumbat la pa pe te ni menm zandja a, menm ledjans lan, ba an wawa nan sistenm angle a epi an wawa nan sistenm franse a. Sitiraj djoumbat la limenm pe ka toumbile nan tan ka pase, silon dekou kawbe-tre sik la, silon laliwonn wouvè-zie se wawa a, silon lespri-wouvè oben lespri-fèmen mètafè bitakon, silon van ek lalin. Se film-sinema a pa ka rive branbrannize djoumbat la, yo ka fè lonyennè wè an moun ka djoumbate rèd-mawto men lonyennè a pa ka pe owonzonnen kannan oben pates djoumbat ta’a ek se toulong wonn-karata a eti ka fè moun sav djoumbat la te ka pòte nan sistenm-wawa ta’a, si yo ka foute an moun kou an tjou'y pou fè an djoumbat, se pou konprann djoumbat ta'a ka pòte.

Sa sistrayan men dekou djoumbat pa ka peze nan se film asou sistenm-wawa a, se toulong an ti sose towtow, nan mitan zanma an chan kann oben belize koton men film-sinema pa ka rete anlè fantefrak djoumbat la, fè moun wè flang djoumbat ankelele a ka ladje anlè moun, an lanmen wouj-nan-sán, an flang kout koutla, an mòde sèpan, tout bagay eti ka fè moun wè trimen moun te ka trimen anba djoumbat pa te ka kouri adan se film-sinema ta’a si se pa nan Slaves Herbert Biberman otila Luke (mapipi Ossie Davis la, 1917-2005) ka djoumbate toupannan koumandè ka ba'y an wonn-karata. Sistenm-wawa a se, fondalnatal, an sistenm djoumbat-fòse men se film-sinema asou sitenm ta’a pa ka fè lonyennè wè anchay dekou djoumbat-fòse aleliwon. Se anni anlè anboktaj ras-moun an eti se film ta'a te ka zige, se pou sa eti wonn-karata a toulong douvan.   

4 – Janbe lanmè-oliwon an


Passage-Du-Milieu_Barank bato a se te an kote eti ki te makaw, moun toulong nan soukou, pa te ni p'an rel solèy, p’an rel limiè gwo-lalin, p’an klète si se pa klète an sèbi dòg sistenm-wawa a ek se pa an kote otila anchay film-sinema desann jete zie. Anni Le passage du milieu, an film Guy Deslauriers eti C. Chonville ek P. Chamoiseau matje rarataj la, ki rive desann pou rete nan barank la, fè moun wè ek tann dezas ek ladje-djengèt, delè an tjenbe-tèt nan twa/kat mwa janbe lanmè-oliwon. Roots epi Amistad te desann nan barank la men towtow, an ti sose-sosa, desann pou vire monte flap epi an gawoule oben an ladje nan lanmè pou deleste lè gaba-lalwa wangan l'Ewòp te ka vini. Le passage du milieu se tankon an film-rarataj, an film kouri-kanmo asou dekou janbe lanmè-oliwon Atlantik la men film ta'a, pou anchay teknik sinema eti'y pa te chaye, pa te rive fè lonyennè bay antre adan barank gaba a. Se toulong anchay plan won-nan-won otila  makaw-oliwon piplis ek delè an zoom eti ka voye an klète anlè an fidji-mare. Pa ni p'an travelling-ale-epi pou lonyennè se ka ladje kanman fouyaya ka anni jete zie men ni an travelling-laliwonnan, bagay film anchay tjouns, eti ka fè moun wè gaba a van nan vwel asou blayi lanmè-oliwon an.   

Se toulong an dekou anchay semeda, anchay lenbe, an dekou otila lanmò ka simèwje, an lanmò swiye-lapo lè lavi vini pi flòkò eti Yambo  Ouologuem depenn adan  Le devoir de violence : "Cent millions de damnés (...) furent ainsi ravis, que l'on jetait (...) dans l'incognito chrétien de l'entrepont où nulle lumière ne pouvait guère plus leur parvenir (...) La pesanteur, les fièvres, la famine, la vermine, le béribéri, le manque d'air et la misère y ont célébré d'atroces orgies". Sinema pa djè ka blèz kò’y nan se dekou ta’a, sinema pa nepi sa bat san limiè, limiè glaw, anchay klète. Pa ni limiè, moun te adan an dangpantang eti, nan film-sinema, fok sa ladje nan an bat-zie. Pasay lanmè oliwon an, se  toulong tankon an lanmò ka vini pianmpianm, moun espoze ka plenyen "Nous râlions à vos soutes le vent peuplait" eti, mapipi mèt-tirad ek plodarè Matnik la, Edouard Glissant te matje nan Pays rêvé, pays réel. Moun Ayiti ka di "n ap desann anba dlo" tankon pou an moun ki chape nan abolay ; sinema ka rive leve moun nan sonmèy abolay men menm sinema ta'a pa sa nepi fè moun wè flandjat ta’a, lenbe ki chaye moun, lavi ki nwèsi adan se kout-zie a, tout dèkètè moun.

Barank lan makaw, pa ni p’an klète si se pa ti lèch-klète se sèbi a, se kote eti se anni afritjen ki la men yo pa nepi ka pale menm lang (l'Afrik se an kontinan fout ek kèlè se pa an wonn-kanman oben an doubout-moun, men anni an dekou sosial), pa ni klète la pou moun se ka masokade an lang towtow, tjek lingua franca ; se nan Roots otila ni dwel-rarataj-film ta’a eti an gawoulè ka mande pou yonn se aprann lang lòt pou lè, lè a rive yo pòte-kole nan gawoule vire doubout moun yo. Nan Roots ek Amistad ni tankon an se le anmounize moun barank la, nan Le passage du milieu, Guy Deslauriers montre’y kri, san èche anmounize'y, pou anmounize, fok ni klète, anchay limiè glaw.

5 – Liannaj mètafè-bitako/wawa nan film-sinema

Mètafè bitako a toulong nolfok wawa a, menm wawa a eti ka djoumbate nan gran kay la ; se jerè a ek koumandè a ki te pe ka pran an men ek wawa a, leve an djoubap, lonje dwèt asou, tjek "man ke pete tjou'w ba'w, sakre yich-man-bans". Roots eti se an saga, se pa an film-sinema, ka fè moun wè an mètafè bitako toulong nolfok nan ti kare-djoumbat li, ka li gran-liv nobleri kretjen an, pa ni pi kretjen pase’y, oben toulong nan liv jeray li ka konte lajan'y ; sa eti, nan Roots tou-yonn, ka teke epi kanman kapitèn abò gaba-wawa a eti pa te ka  mele epi larestan moun kabwataj gaba a, ka li lakat-marin pou pa pèd lakat ek ka li gran-liv kretjen an tankon pou mande bondje padon oben teste se bondje ki ba yo, tankon ras-moun, tout manyèt fè kinès isenbòt ta’a. Nan piplis film-sinema, mètafè bitako a pa janmen nan brannzay, se moun ki size ka matje oben ka li, delè se an moun ki kalbòy tankon nan Mandigo otila misie ka mete de piè'y anlè an ti nèg-ginen kouche atè a pou pase lefranjit li.  

La ultima cenaLa última Cena fondase asou El ingenio, an liv laboulok Kouba eti Manuel Moreno Fraginals matje ; se ICAIC (Instituto Cubano del Arte e Industria Cinematográficos) ki fenkte’y ek se Tomás Gutiérrez Alea ki kabwate’y.  Se te prèmie film-sinema eti te ka fè moun wè an mètafè bitako ka pran men epi se wawa’y la, kretjen pase Jezikri limenm, te ka lave pie se wawa'y la, bagay sik ; se anni an kanman ti-papa-lafanmi ki te la ek eti Titón te sèvi pou chakale manni kouto-de-lanm lakou-peyi wawa a. Lè wawa a leve gawoule pou djoumbate yo pa te le djoumbate nan Lendi-Pak la, se pou yo te tjwe yo tout, menm se wawa-ladje a tankon Pascual, se anni Sebasien ka rive chape nan bwa, tounen limiè-glaw, tankon pou fè moun sav anni nèg-mawon an te ni an larel ba kò’y nan lakou-peyi ta’a.

La última Cena ka fè moun wè moun-film ta’a, zanpanlan-film Pascual la eti ki te poto-mitan nan lakou-peyi wawa panyol la, se toulong an vie-kò, un viejo, ki ladje zandja wawa a, ki pe woule kò’y san-chenn anlè bitako a, ek pe rive te ka pran pawol tenkant ek mètafè-bitako a, defann anlòt wawa ki se fè an ka, an kout nèg-mawon ale voye an dlo an katje an fanm lòtbòtsay, trape dousin katjòt. Moun-doubout ta’a, li tou-yonn, te ka pe ba sistenm-wawa panyol la tankon an fidji pi anmounizan pase ta angle a oben yich-man-bans franse a.  Xica da Silva eti se an film Carlos Diegues kabwate atè Brazil, nan menm lanne 1976 ta'a, ka rarate lavi an fanm bel fidji eti te rive sitire an lakou bitako epi lajan-genyen'y nan dousin katjòt eti'y te trape epi yonn-de mètafè-bitako. Film ta'a ka teke epi La última Cena nan dekou ta’a eti lakou-peyi wawa a te ka pe ladje tjek flouzès ba an ti konpanyi wawa ;  men plis, nan dekou ta’a eti koulè lapo djol an moun pa te ka toulong douvan nan se de lakou-peyi wawa ta’a, se nan Roots-The Next Generation eti Debbie Allen kabwate otila yonn adan se zanpanlan an (an moun l'Ewòp ka manadje mizikè) ka di ba an simidò-fanm ki te pè ale douvan moun l'Ewòp bay lavwa, "se mwen ka di ki moun ki blan, ki moun ki nwè isiya".    

6 – Wawa gran-kay la/wawa nan-degra

Django unchainedSinema a ka toulong apiye asou anchay depareyaj tankon depareyaj ta’a, wawa gran-kay la/wawa nan degra pou chaye djikanm rarataj la. Si pa te ni se depareyaj ta’a, film lan te ke flòkò, te ke tou plàt, bagay pou sonmèy chaye moun nan se kawbe-sinema a. Se pou se wè makrèy kèlè a piplis ek fok te ka mete an jout, jik an djoubap toulong nan makrèy ta’a pou se ka rive baboutje lakou-peyi wawa a nan tan ka pase. Django unchained eti se an western Quentin Tarantino, ka fè moun wè karakeny ta’a, sistenm-wawa a se te, dabò-pou-yonn, an sistenm semeda dekale-moun, an semeda sán-koule, ek te toulong ni an konpanyi nèg-ginen desèvle, si se pa debiele an mitan tèt-mabolo yo a, te ka veye anlè tèp towtow yo (Stephen nan Django unchained eti se Samuel L. Jackson ka zanpanlannen’y epi tout se madigwann ta'a eti Django ka kriye "the black folks" nan film lan) ka pòte-kole tankon pou derasmounize sistenm-wawa a.  

Kerry WashingtonMen Jamie Foxx flòkò nan Django unchained ; palto Django a two gran ba'y, menm si ni anchay teknik sinema, menm si kabwataj film lan ka sanm sa ki te woule kòdjòm, misie pa ka peze pwa zanpanlan’y nan film lan, pa ni an kanman Jamie Foxx adan Django unchained,  an manni tjenbe fizi a nan lanmen'y, an kout-zie ki te ke ta'y, se toulong sa ka fè western lan ; ek nan dwel-rarataj-film ta’a otila Django ka bite epi Django nanninannan an, Franco Nero (nan Django Sergio Corbucci a nan 1966), pa ni an doubout-djok-douvan eti te ke fè Django nanninannan an kaka anlè’y pou’y pa se ale mande Django pete-chenn lan, anni an "Django - Can you spell it ?" menm si Django pete-chenn lan te sa reponn "the -D- is silent". Nan western se anni fizi ka pale, an ti yeley konsa ba Sergio Leone, Elie Wallach ek Al Mulock : "When you have to shoot, shoot... don't talk !"     

Twelve years a slaveSe nan Roots otila depareyaj ta’a, wawa gran-kay/wawa nan-degra, ka pete plis men se nan Twelve years a slave otila Steve McQueen bay plis fondok. Film ta’a eti ki fondase anlè lavi Solomon Northup an nèg-ginen-san-chenn (“a free negro” nan tjek angle soubawou Etazini an) eti yo vare nan se lanne 1840 lan ek yo vann anlè an bitako Lwiziann. Lamenm la, pou bòdzè eti zanpanlan an (Marc-André Bélanjer, Chiwetel Ejiofor) bòdzè nan film lan, sa ka kase depareyaj wawa-gran-kay/wawa-nan-degra ta’a. Se tout rarataj ta’a eti ka woule nan prèmie dwel 19enm siek la, nan tan eti sistenm-wawa a ja ka dekati, te ja anlè dènie won chouval bwa’y otila kannan nèg-mawon, nèg-ginen san-chenn ek wawa-ladje te piplis pase kannan wawa-nan-chenn ; se tousa ka pe sistraye moun,  toumbile yo ki pa fouti konprann tan sinema a pa pe menm epi tan matje laboulok la, sinema a pa la anni pou rarate ek depenn an penteng ki rive.  Wawa gran kay la toulong zoute kòdjòm, delè jik prelè, wawa nan degra a toulong dechire, kòch. Nan dekati sistenm-wawa ta'a, te ja ni anchay krèy nèg-ginen gran sivite ka wakle, se ti krèy moun oliwon Harriet Shaw a nan film lan (se Alfre Woodard ka zanpanlannen’y) eti ki trape anchay ti jès fifinen, anchay potjel nan pale langangle yo a, ka brè dite "koupe fray" (tankon moun Ayiti ka di sa) anba veranda labrenn lan.

7 – Kakol nèg-mawon an nan sinema.

La ultima cenaLa última Cena ka chwichwi nan zorèy moun, lide ta’a eti se pa anni nèg-mawon ka kakole, te ke ni an bidim kakol asou bitako a menm. Se an lide ki rive nan rarataj lavi-wawa a, nan se lanne 70 la otila fok te pran tout se kanman an ansanm pou se te ka fondase an rarataj asou sistenm-wawa a. Mi Edouard Glissant te vini matje La case du commandeur, nan 1981, tankon an vire-lang asou rarataj Le quatrième siècle la eti te ka mete an kout nèg-mawon tankon prèmie kabel-douvan laboulok Matnik la. Se te tibren an fini-bat epi depareyaj Frantz Fanon an, asou an bò moun desèvle nan mitan kabèch, moun debiele, moun bitako, ek lòtbòtsay moun ki rete djok nan kabèch yo, moun ki trape an doubout-moun, eti tankon nèg-mawon te ke bat pou leve an lavi natifnatal, vire kabeche laliwonn lan toulong. Men se anni Sebasien ka rive rete-doubout djann ek san-chenn nan La última Cena. Sinema a pa pe nan menm larel epi raratonn lan, se pa nepi an tèt-kole epi lang la, lang-matje a. 


QuemadaQuemada
 eti se an film italien, Gillo Portecorvo, nan 1969, ka jete zie anlè an gawoule masogan kont peyi wouvè-zie yo eti se Pòtidjal ; film lan ka pran kout-zie an wawa pou depenn gawoule ta’a. Apre lè wawa a leve doubout, apre mannigetaj se angle a (William Walker adan film lan se Marlon Brando) eti ki le pran peyi a anlè Pòtidjal, se pou angle a lonje-pal ba gouvelman toufounen ranboulzay la eti Jose Dolores (Evaristo Márquez) ka kabwate. Film ta’a se an film-kabechinen men eti anchay dwel-rarataj-film ka tjoke karetel sistenm-wawa atè Ayiti oben Kouba delè, nan lespri mètafè film lan, Jose Dolores se Toussaint Louverture. Nan Quemada otila mizik Ennio Morricone a nawflaw, Marlon Brando ka tjotjo, tankon zanpanlan, tout larestan zanpanlan film lan, sa eti ka dekalibiche film lan ek ka tizi lide ta'a eti wawa a, kèlè a, se te an moun kon tout moun, an moun ki pe vini moun-lakou-politik jik pou kabwate an peyi ; men mi Jose Dolores te anni ladje kò'y nan dodin djoktoch politik la, pa ka konprann hak ek ka fouti pran an karetel si se pa angle a ki trase'y ba'y.  

Quilombo_Quilombo se an film Carlos Diegues, Brazil, 1984, ka rarate lavi Palmares, an lakou moun-san-chenn ki te sitire nan kare-tè Pernanbouk la nan lanne 1654 jik 1698 owonzon ek ki te trape 60 macombos tankon an kare-kay eti an moun ka gouvelnaye ek chak gouvelnè kare-kay ta’a te ka sanble nan an kawbe-gouvelnaj eti Ganga Zumba te ka kabwate nan koumansman ek eti Zumbi dos Palmares vini te lerize ba’y an potjel repiblik, epi an lekol, an taks, an lajan fè kinès epi anchay dòt bagay ki bay nan an peyi gouvelnen. Film lan ka apiye asou ladjè eti Gouvelman Pòtidjal te fè epi Palmares, depi 1670 jik 1698 lanne eti Zumbi dos Palmares towblip frèt anba flang ladjè a. Nan rarataj film lan, "Palmares nunca vai acabar", Palmares pa bout epi lanmò Zumbi dos Palmares, Camuango te pran-lanmen dèyè'y  ek Palmares te kakole tankon "quilombo" (lakou nèg-mawon) jik nan 1798, an siek apre lanmò Zumbi dos Palmares, tankon'y te ke koumanse lanne douvan wanganni Ganga Zumba a epi wanganni Acoterene a, an manmbo yoruba eti te ka kriye Shango nan tout kadafa'y. Se pou mwen vire-matje, isiya la, tan sinema a se pa tan laboulok-matje a menm si ta'a te vini ka prete kalanmplan tan-dekou-pale sinema a.    

                       

            Nan wabap plodari 22 Me 2014 ta’a, nan dekou otila peyi Karayib (peyi CARICOM) ek Amerik anni-solèy ka bat pou peyi l’Ewòp ki te sitire sistenm-wawa a (Anglitè, Dànmark, Espany, La-Frans, Holand, Pòtidjal pou piplis) se peye an tòt lakalida, se pou mwen se dilere piplis moun lakay rete pri adan lespri ta’a eti film-sinema Hollywood douvan te dekatonnen eti ki te ka pran moun l’Afrik anba-solèy pou soubawou anba-bwa, moun ki pòkò te leve moun-lakou-peyi-politik ek se te ke pou an pwenyen masogan sòti l’Ewòp, debatje ek anni rape moun, mete chenn nan pie yo, ankelele yo ek voye yo ale lòtbòtsay. Film-sinema lajounen-jòdi, ja ladje lespri ta’a pou teknik sinema ka dekatonnen towtow ek ka pe tizi lajan fè film eti, lajounen-jòdi pa pe rete anni anlè an dekou otila an moun ka ba anlòt an wonn karata nan pal do’y, fè sán'y koule wouj. Se pou se rive konprann si l’Afrik anba-solèy, douvan flandjat sistenm-wawa a, se te lakou-peyi sitire, lakou peyi otila te ni an djoktoch politik, tout mande peye an tòt pou malfentri anlè moun l'Ewòp te fè, se an karetel politik mabial, ek sa pou woule nan mitan gouvelman oben kawbe-gouvelnaj peyi-karayib ek peyi-l’Ewòp. Se pa bagay an ti krèy moun, se pa bagay an ras-moun kont anlòt ras-moun, se peyi douvan peyi. Si peyi l’Afrik-anba-solèy douvan sistenm-wawa se te anchay makrèy san gouvelman, san lakou-peyi politik otila kontribannè l'Ewòp te debatje ek chaye moun ale, sa ke rèd pou gouvelman peyi-karayib lajounen-jodi, ale douvan l’Ewòp mande peye an tòt pou moun lakou-peyi-politik ki pòkò te doubout moun lakou-peyi-politik. Men tankon nan se film-sinema a, nan an dekou otila se peyi-natifnatal ka dekati oliwon-latè ek se anni chenn-liannaj ka mennen, moun ka bat anni pou an kare-tè pa pou an peyi-natifnatal, tan laboulok matje a vini an tan lawonnan otila tout bagay pe rive jik an vire-wonn tan-nanninannan.

Simao moun Wanakera

Ale wè se film-sinema ta’a :

-       Slaves Herbert Biberman, USA, 1969

-       Mandigo Richard Fleischer, USA, 1975

-       Roots, Tribute to Kounta Kinte, Marvin J. Chomsky, John Erman, Gilbert Moses ek David Greene         fondase asou an raratonn Alex Haley USA, 1976

-       Xica da Silva, Carlos Diegues, Brazil, 1976

-       Quilombo, Carlos Diegues, Brazil, 1984  

-       Quemada, Gillo Portecorvo, Italia, 1969

-       La ultima cena, Tomás Gutiérrez Alea, ICAIC, 1976

-       Le passage du milieu, Deslauriers/Chonville/Chamoiseau, Martinique, 1999

-       Amistad, Steven Speilberg/Allen Deby, USA, 1997

-       Django unchained, Quentin Tarantino, Canada/USA, 2012

-       Twelve years a slave Steve McQueen, 2013  

Commentaires

Info martinique

COMMÉMORATION DE L'INSURRECTION ANTI-ESCLAVAGISTE DU 22 MAI 1848

Ce jeudi 22 MAI, à partir de 8h30, rendez-vous à Sainte-Philomène puis au bourg du Prêcheur (APM, CSTM, GRAC, MIM, CNCP, PALIMA, PCM, RDM, MAIRIE DU PRÊCHEUR).

Al.59

Wopa ! ou anni estentjé nou la, an sèl kou.

Violetta

hola ! Me pregunto si una traducción española es posible

Kanmo Matnik

ASCENSION DE LA MONTAGNE PELÉE
par l'Aileron (MORNE ROUGE)
Randonnée pédestre
JEUDI 29 MAI 2014
Ascencion d'un volcan mondialement connu par le MORNE ROUGE avec une vue panoramique sur SAINT-PIERRE, la Ville d'Art et d'Histoire, et sur les paysages somitaux.

RV et Départ : 7H30 sur le PARKING DU 1er REFUGE (Route de l'Aileron)

COVOITURAGE : départ 7H au CARBET (Place des Caraïbes à côte de la Poste)
ATTENTION : NIVEAU 3 - Ce circuit s'adresse à des randonneurs confirmés.
Durée de la Rando. 5 h 00 environ

INSCRIPTION OBLIGATOIRE PAR MAIL :
association.ecologie-urbaine@orange.fr

GRATUIT

a.ÇÈ-

ayayay ?

Mèt Sensi

Fout Kerry Washington bèl ! Man sé toufé...éééééééééé....

J. L. B.

c'est de la critique cinématographique ou de la critique sociale, de l'analyse sociologique ?

J.p97-2

Sinéma a ka fè lesklavaj la dous menm anba kout frèt la

P. L. Jackson

In a scene from the TV miniseries “Roots” by Alex Haley, Maya Angelou played Yaisa, the grandmother of Kunta Kinte (Levar Burton).
In this scene, Kinte has returned from Mandinka warrior training and was now considered to be a man. As a Mandinka warrior, he claimed authority over the women of his village; but not over his grandmother Taisa.

Nouvel Bèlè a

Swaré bèlè Bèlènou

Sanmdi 07 Juin
Swaré Bèlè Santral Bèlènou

Swaré a ka fèt Roche carré adan lékol la ;lané tala yo ka ran homaj a sé gran ansien 'a
Lavwa, lavwa dèyè, bwatè, tanbouyé, dansè, tout moun envité,

Vini ba Bèlènou Fos la.
Swaré bèlè anba lopsion la Coordination Lawonn bèlè

R. Maykal Gwadada

Mwen pa ka konprann hak an lang a brézilyen la mé film lasa ka montré nou kè nèg sé moun a gran biten, moun ka pansé a divini a yo, a timoun a yo é sa sé an bon biten, sa sèlman ka fè sé an bon film.

Carib.Mess

Legendary stage and screen actress Ruby Dee who was 91 years old, died on Wednesday night in New Rochelle, New York, surrounded by her family. Ruby Dee Dee was married to actor Ossie Davis. Dee's films include "The Jackie Robinson Story" (1950),"A Raisin in the Sun" (1961), "Cat People" (1982), "Do the Right Thing" (1989), "Jungle Fever" (1991) and "American Gangster." (2008)for which she won an Oscar nomination.

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)