Tit nan liannaj yonn-a-lòt
Sab lestè a ka dekati

Gwoka stanmpe nan

Matjoukann kabès 

moun oliwon-latè    

   Ka-110409663_10152884478355419_2796801321876953257_n

UNESCO, Paris, An-Frans :  Gwoka eti se mizik nanninannan moun Gwadloup pòte-antre, depi yè, nan matjoukann kabès debranbrannize moun oliwon-latè. Gwoka a se an krèy sèt kout-tanbou ka, graj, kaladja, lewòz, mennde, Padjanbel, toumblak ek woule eti moun ka bat asou an batri tanbou ka, de oben pliziè tanbou-toumbele eti moun Gwadloup ka kriye boula epi an tanbou-toumpak eti moun Gwadloup ka kriye makè, son tanbou ta'a toulong pi wo pase son tanbou-boula a, anchay kalbas ka fè son dèyè, ni an lavwa-douvan tankon an tout mizik nanninannan epi anchay lavwa-dèyè. Nan gwoka ni anni an moun ka bay kalinda eti makè a ka matje se kabel li a anlè tanbou a.                                               

Ni dòt penteng otila mizik nanninannan Gwadloup la ka bay, se bèlè a (pa ale pran'y pou bèlè Matnik la) eti se bay-lavwa san kout tanbou oben, anni  nan se konvwa a, asou an kout tanbou, se pou awoujate djoumbatè nan degra ; se boula-djel la eti moun Gwadloup ka kriye waka tou, ka bay anni nan veye (eti Concert-hommage-a-guy-konketmoun Gwadloup ka kriye veye-boukousou, lè bazil chaye an moun ; se mayolè a eti se an potjel bay-kalinda epi an baton, nan jenerachon-douvan de moun te ka goumen, yonn ka fè an kou eti lòt la ka pare epi baton an, tankon jankoulib la atè Matnik ; nèhè te ni de potjel, yonn Marigalant (Lin Canfrin) eti se te an djendjen pare baton, bay kalinda epi'y san j'en kite'y towblip atè ; lòt la, ta nan kare-tè pa asou Moul (Grann-tè, Gwadloup) eti se te de moun ka goumen ek an baton.  Nan kannaval Gwadloup la, se toulong an kout tanbou mennde moun ka kwenyen men te ni de janjolant eti yonn moun Gwadloup ka kriye Sen-jan epi lòt la eti yo ka kriye gwo-siwo.

Gwoka a ja fè anchay chimen, se pa pou ayen se mizik nanninannan Gwadloup,  ek anchay gangan ka rete nan kawbe gwoka a, Achoun, V. Blancus, Chaben (G. Germain-Calixte), H. Delos,  Kawno, G. Konkèt, Robè Lwazon, Man Soso, Ti-selès, Tousin, G. Troupé, Velo (Marcel Lolia), tout jenerachon ta'a eti ki pòte gwoka anlè zepol yo, anba kracha moun-desèvle, se Guy Conquet ki te rive fè moun Gwadloup vire ka kwenyen se sèt kout-tanbou gwoka a, avan'y se te anni toumblak moun te ka tann nan lewòz.

10553367_10152884478285419_5516787242861570498_nNan tit "matjoukann kabès debranbrannize moun oliwon-latè" ta'a, UNESCO (United Nations Educational Scientific and Cultural Organization pou kawbe pòte-kabes mabial ek wonn-kabes nan peyi oliwon-latè) ka tann "tout mès, vèvel, bay-lavwa, kabès ek sa-fè (tout ti toumbap, zouti, kawbe bay-mizik, tousa ki liannen epi'y) eti an lakou, an krèy moun ka kabeche tankon matjoukann kabès yo. Matjoukann kabès debranbrannize ta'a eti jenerachon-douvan ka ladje ba jenerachon-dèyè kòtok,    se pou se lakou a ek se makrèy-natifnatal la vire pase lanmen adan yo toulong silon laliwonn yo, liannaj yo epi an laliwonn epi tan-ka-pase, eti ka ba yo an fon-tjè kanman-moun ek longsay-ale, tousa eti ka palantje respe tilili kabès ek sa-fè moun asou latè...".

10731181_10152884478190419_468742151814209316_nNan dekou bay antre nan "matjoukann kabès debranbrannize moun oliwon-latè" ni toulong an piplis moun pou kriye woulo, delè menm waya asou sa, pou faro kòtok, santay eti sa pe mennen ba an peyi nan ekonomi drivayaj la, tankon an mennen-vini moun nan peyi a, nan vidjozay kouri-kanmo lang la epi anchay ti bagay ki liannen epi tousa. Ni an ti konpanyi moun eti fok sa tann ek konprann tou, lè yo katjete an stanmpaj nan "matjoukann kabès debranbrannize moun oliwon-latè" se toulong anchay larel mabial eti ke denèfle djikanm kanman-moun Gwadloup la nan gwoka a, se toulong pou mizik nanninannan ta'a te ke chape anlè moun Gwadloup tankon matjoukann peyi a.

Henri Taillefond

Commentaires

Martinique.com

Journée du drapeau national martiniquais !
Samedi 06 Décembre 2014
de 08h00 à 17h00
Habitation Roy de belle Plaine
Au pied du Piton Crève Coeur SAINTE-ANNE MARTINIQUE !

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)