Senk lanne ka gouvelnen peyi a

Dilma Rousseff      

pri nan kavalad politik   

Rio do Janeiro, Brasil:  Sanmdi 31 Oktòb ke fè senk lanne eti Dilma Rousseff ka kabwate gouvelman Brazil men sa eti nouvelis ek kabechè politik ka mande sav se si'y ke sa rive an bout dezienm kat-lanne gouvelnaj li a pou anchay mande pou ladje-lanmen (impeachment) eti kabwatè kawbe paladjolaj-politik la,  Edouardo Cunha (limenm anba an ago kontribann lajan) pa ka rive baboutje pou kontribann anlè se taks.

21st session of the Conference of Parties (COP 21)

 CARICOM, bwa-pou-ale

 

CASTRIES, St. Lucia:  Paladjolè-politik CARICOM nan konsit toumbilaj klima ki pou bay atè Paris, AN-Frans, nan 30 Novanm pou 11 Desanm ka tjenbe an konsit 2 jou atè Sentlisi pou vire jete an zie ek gade wè ranbonni plodari yo. Nan dezienm konsit ta'a (prèmie a te fèt nan 18 Sektanm ki pase) se pou kouri kanmo asou an konsit douvan eti krèy kabwataj COP 21 an ka sitire nan se prèmie jou mwa Novanm lan.

jout-politik Oktòb 2015 atè Ayiti

 CARICOM  kriye kotjen

 

Georgetown, Guyana :  Krèy moun anba kabwataj Dk. Steve Surujbally eti CARICOM te voye jete zie asou jout-politik pou prèmie wonn mètafè repiblik ek dezienm wonn paladjolè-politik ki te woule Ayiti dimanch 25 Oktòb konte anchay kout-kotjen ek mande gouvelman peyi a pou bat pou ranbonni sa. Se 127 kawbe-vòt yo te ale-wè nan Pòtoprens epi an pwenyen nan bouk oliwon bouk-gouvelnaj la.

Statistik ekonomi ek sosial Matnik

 Kawbe-djoumbat la 

 

 

Mòn-Poutoun, Sentmari, Matnik :  Kannan moun san djoumbat pou fè ka tizi atè Matnik nan Sektanm 2015, 44.090 moun, se te 45.108 nan Sektanm 2014, sa eti ka fè an tizi asou 1.8%. Se 755 moun (1.8%) anba kannan moun Awout 2015 lan. Lòt nouvel dous la, se kannan moun anba 25 lanne ki ka èche djoumbat pou fè ki tizi asou 4.4% nan Sektanm ek 11.1% asou an lanne ; menm kannan moun 50 lanne ek plis ki ka èche djoumbat pou fè ka tizi asou 0.6% nan Sektanm men se +7,9% asou an lanne, tousa eti ka pe fè moun wè se plis an toumbilaj sistenm kontaj epi dòt ti bagay ka chaye tizi ta'a.

An zanpanlan nan dodin mètafè repiblik Gwatemala

Jimmy Morales genyen

 

 

Guatémala :  Se Jimmy Morales, an zanpanlan 46 lanne anlè tèt li ki genyen jout-politik mètafè Repiblik Gwatemala a epi 2.750.847 vwa, se 67,44 votè peyi a ; nolfok douvan Sandra Torres 32,56% eti se madanm mètafè Repiblik douvan ki rive lajol pou kontribann lajan. Jimmy Morales pa te j'en fè politik ek se pou media peyi a, nouvelis politik, kabechè politik, mètafè sikti sosial ek dwel lakou-peyi a pèd lakat asou moun eti ke kole zepol epi'y, li ek Jafeth Cabrera, pou sitire an gouvelman Gwatemala.

Jout-politik Oktòb 2015 atè Ayiti

 CARICOM ke jete an zie

 

 

Pòtoprens, Ayiti:  CARICOM ke voye an krèy moun pou jete an zie vèy-o-gren asou jout-politik pou prèmie wonn mètafè repiblik ek dezienm wonn paladjolè-politik ki pou woule nan peyi dimanch 25 Oktòb ka vini. Se gouvelman Ayiti ki te mande CARICOM pou voye krèy-sèbèdè ta'a eti ki ja ale jete zie nan jout-politik St. Kitts-and Nevis, Guyana, Suriname ek Trinidad and Tobago.

jout-politik, CTM, Desanm 2015

An mande-sav politik     

  

Bò-kannal, Fòdfrans, Matnik :  Bat-lawonn politik CTM (collectivité territoriale de Martinique), Desanm 2015, ka bay rache-koupe. Plis pase an djoubap politik, an leve-fese otila moun ka rarate anchay pawol mal-mouton, pou politik eti yo pa sa kabeche. CTM se pa nepi an gouvelman Matnik, se anni an Conseil Général nèfte eti pe ke ni plis lanmen-menyen pase Conseil Général 1982 a men ke trape, anni asou papie, an krèy kabwataj, 9 moun ; nan lavi politik toulejou, se ke anni an moun, yonn-tou-yonn, ki ke mennen sa epi 8 zòt la ke la tankon ti sobreka. 

Nicolás Maduro le doubout an

Kare-ekonomi

Peyi Amerik latin Karayib      

 

 

St. Georges, Grinada :  Mètafè Repiblik Bolivar Venezwela a, Nicolás Maduro, plodaye pou sitire an kare-ekonomi peyi Amerik Latin ek Karayib pou te ke kabeche an plan ekonomi pou kore ekonomi debatje-machandiz ki piplis nan ekonomi se peyi ta'a. "Fok nou se doubout an kare-ekonomi nan peyi oliwon Amerik lain ek Karayib la. Nou ni pou faktore lakay", se sa eti Maduro ki te ale fè an won de jou, vandrèdi ek Sanmdi, atè Antigwa ek Barbuda, Grinada, Sentlisi ek Surinanm, rete katjile.

Madang laliwonn

Wòch-koray ka blanni

 

Queensland, Autralia :  National Oceanic and Atmospheric Administration (NOAA) teste dekou koray blanni ki toumpakte kay lanmè Kararib la, lanmè-oliwon Atlantik la ek lanmè-oliwon Pasifik la, pe debaba 38% kay nan lanmè oliwon-latè ek depotjole 12.000 tjm2 adan yo. Se te ke pi gran debaba wòch-koray eti moun asou latè pa janmen wè nan de koko-zie yo.

Nan pran pawol

Ayiti/Dominikana 

 

Barahona, Dominikana :  Mètafè Repiblik Ayiti a, Michel Martelly ek ta Dominikana a, Danilo Medina nan konsit pou jete zie asou yonn-de gran tjak politik ek èche mare an topay asou an djoubap kinès  ki ka woule nan laliman se de peyi a. Depi jedi, an konpanyi machann te bare machandiz   ki te sòti ek ka rantre Ayiti.