Ekonomi peyi Amerik latin ek Karayib la
Moun ka rete nan peyi lòtbòtsay

Rete-sonhe Desanm 59

An larel pou pa gare

Desanm59 - GrafitiDesanm 59 50 lanné

Tan ka pran boulin pase atè Matnik tou, se yonn adan peyi oliwon-latè. Lanne pase pa te ni an dekou rete-sonhe Desanm-59 pou jout-politik franse atè Matnik te ka bay. Lanne ta'a, pa nepi te ni gran penteng rete-sonhe Desanm-59 ek se politikè franse ki ka debatje vini fè moun matnik sav atè Matnik ni lanmè tout oliwon ek lanmè a se an bidim faktorè djikanm, fè elektrisite epi ale-vini lanm oben depareyaj dlo cho lanmè etal ek dlo frèt fondok lanmè. Depi 35 lanne se kabwatè ASSAUPAMAR la ka bat nan kontaj tjouns peyi a, ka fè moun sav peyi-Matnik la se pa anni 1.128 tjilomèt oliwon tè-danme men 47.000 tjilomèt oliwon lanmè, ek mi se an politikè franse ka rive mete moun matnik anlè epi an ti plodari lòlòy asou tjouns lanmè a. Se anni foute an plere atè, anfwa, apre mou a swiye zie.

Desanm 59 BetziNan gloriye nan lanne douvan, moun matnik (palantjè-peyi ek ranboulzayè sosial delè) te rive salvaloure an kabwatè sistenm pòte-kabès franse a ki te bay lavwa chikannen, dekinaye an sistenm-gouvelnaj ki te tjwe twa tibray men pa te rive matje an pawol nan memwa Rozile, Betzi ek Marajo. Nan foto graffiti asou masonn  "22, 23, 24 De(ce)mbre 59. Rosine, Betzi, Marajo ! Des jeunes fusillés par le colonialisme.  Nous pé ké blié ça !! Nous ké sa vengé yo !", moun ki matje jik rive kouyonnen kò yo asou se jou a, penteng politik Desanm-59 la te koumanse nan 20 Desanm ek te bout, de jou dèyè, nan 22 Desanm, se pou fè nou sav "nou ké sa vengé yo" a se anni an pawol anlè. Se pa anni matje lang lan ki te lòlòy men, plis pase sa, se an memwa diskoupe, anmwe le gangan, ki ka pase tan'y ka fouye nan papie stanmpe masogan an.

Isiya la konsa, pa te ke ni moun-doubout nan tan-ki-pase matnik la, pa nepi ni kote (an lakou, an lari, an wèt, anba-koko a, dèyè-bwa, anba-tonmaren an, tousa) chaje epi an memwa, se se an memwa anni rarate. San "memwa-tout-moun-matnik" (ta'a eti moun pa ka aprann nan tout liv, ta'a eti moun ka rarate nan milan, nan bout-djol, nan kanmo ek nan fion yo ka bokante, nan blo yo se mare, men ki se prèmie tjouns politik nan sa eti'y ka anchouke lang lan ek kabès-peyi a) pa pe ni an rarataj mabial tan-ki-pase, ek plis pase sa, tan-ka-pase, pou se rive pran letjèt nan divini. Ki sa pou fè pou se rive fondase "memwa-tout-moun-matnik" ta'a ? Se pou se tann ek konprann "memwa-liv-masogan" an ka rive toumpotjole tout ti fè-kakol matnik, tout kabeche divini nan an jès-makak atè-lakay, tout penteng tan-ka-pase nan an djoubap ras-moun, an kout tèt bouk-kabrit anlè lantiray la ka fèmen'y lan, san jenhen èche lapòt sòti oben janbe lantiray. Se pou konprann pa jenhen ni jou apre se penteng ta'a.

Tout bagay ka woule tankon si pa te ni p'an lakou-moun matnik, p'an krèy-sosial ki te pòte (mennen-vini oben chaye-ale) an larel-divini  tan-ka-pase, se se fè tan-ka-pase ta'a pran an balan pase, fè pou  lakou-moun ta'a, pou moun yo moun, pa la ka anni vire fè gawoule, fè gòj ras-moun eti yo ja pèdi, san jenhen wouvè chimen-ale kabeche politik la. Men mi se apre Desanm-59 otila anchay krèy-politik vini sitire, se nan lanne 1962, lamenm dèyè, otila l'OJAM (Organisation de la Jeunesse Anticolonialiste Martiniquaise) vini ka bay nan plodari politik matnik la. Se pou mande sav ki manniè "memwa-tout-moun-matnik" la (ta'a eti ka palantje moun matnik tankon moun-asou-latè, ta'a eti se krèy-politik matnik la ka fè kouri lawonn lan) ka toumbile, ka toumpotjole, lespri moun ?

Nan rarate plodayè wach-nanninannan matnik ka rarate Desanm-59, se pou yo toulong apiye asou  rive sa rive flap konsa apre an bidim-blo asou lwiloud la, vespa an moun matnik eti loto an moun sòti An-frans debatje te ka mennen, te kwenyen. An gawoule, delè an welele nan lari, ki pa pe ni an dekou-douvan-penteng, ni menm an dekou-apre-penteng ek se sa ka fè yo pran'y pou an gawoule. An gawoule se toulong lide an semeda ka deblozonnen, ka kouri lawonn asou an tan kout, bagay an dimi-jounen a an simenn, ek ka djigilòp anfwa san kite tras. Se toulong an lanm semeda nan lari eti nan laliwonn rayi-ras nèg-ginen ki ka bay atè Matnik ek djoubap sosial ki ka pete toulong nan djoubap ras-moun, pa jenhen trape an rel-rive politik ek pa ka jenhen wakle, se leve, kouri lawonn, dekati ek djigilòp nan an dekou fann, si rete an bagay se nan dilere moun ka ba lari chenn. Isiya la konsa pa pe ni an rel-rive, pa pe ni plan-divini, pa pe ni an kabeche politik ki te ke vire doubout li chak kou eti'y ka vini flòkò, pa pe ni kabwatè politik djok ek mabial eti ka trase chimen, ka drive nan kabèch trase chimen, kore'y pou'y pa se toumpotjole nan jès-makak. Se pou mande sav, lamenm la, ki dekou karetel politik ki te bay apre penteng Desanm-59  ta'a ?

An leve-doubout politik trape an rel-rive politik oben sosial, se pou'y tjoke djoktòch politik la, dekinaye sistenm-gouvelman an, gade wè koubare politik an kabwatè gouvelman, an krèy-politik, lonje dwèt asou krèy moun ka fè bawouf anlè kawbe-gouvelman an ; an leve-doubout politik trape toulong moun ka drive nan kabèch trase chimen, an krèy kabwatè, moun ka trase chimen, ka ba an karetel-ale, an kanman-fondalnatal poltik pou tjenbe. An leve-doubout politik trape an zandal koumandaj, moun ka kabwate, moun ka limen dife, moun ka voye wòch, moun ka bay lavwa dèyè, moun ka apiye-pa-frape, moun ka bat do, moun ka bat lanmen, moun ka gade pase pou pare pran nan dekou dèyè, moun ka fè dite boujon ek fèy kosol la. Tousa fè, nan an leve-doubout politik ni toulong dekou kabeche an plan-divini politik, an dekou wakle, vini pi djok epi fetaye nan djokte avan patate, pèd chimen-ale, dekati pianmpianm, may anlè may, djigilòp oben vire leve anba anlòt potjel, nan kabès-peyi, nan mès-sosial, nan mafoudja anba-bwa, sa nou sav. Se tousa ki fè an leve-doubout politik ka toulong sitire an karetel politik, an larel politik dèyè. Menm si'y pa te ni an krèy kabwatè, an kabwatè lachè-anlè-zo, leve-doubout politik Desanm-59 la te rive ladje gawoule nan chimen ek pou karetel djoktòch-politik ek/oben wangannite-politik ki rive lanne dèyè, se pou dekou wach-lavi politik matnik ta'a te pran potjel an leve-doubout politik, an zeklit ki wouvè chimen wangannite-politik la.

Men se pa anni mande sav ki dekou sosial ek politik atè lakay ki ka wouvè chimen an leve-doubout politik ; se pa anni mande sav ki karetel oben larel politik eti leve-doubout politik ta'a mennen, se pou toulong lonyen ek kabeche dekou politik peyi-oliwon. Nan ki dekou karayib/amerik anni-solèy ek pi nolfok, peyi oliwon-latè eti leve-doubout politik Desanm-59 la rive ? An bidim mande-sav eti man se kabeche isiya la konsa pou dekou politik lajounen-jòdi, atè Matnik, ki lòlòy, jès-makak, jik pou palantjè-peyi se mare topay politik epi an konpanyi ladwèt kanman-fondalnatal franse atè Matnik ; jik pou se lagòch franse anni anchoukaj politik franse (hyper-jacobinisme) ka vini chofe tèt moun matnik asou tjouns lanmè apre 35 lanne goumen, san mande p'an moun ayen, Garcin Malsa, Henri Louis-Régis, Pascal Tourbillon epi tout se konpayel ASSAUPAMAR yo a.

Leve-doubout politik ta'a rive nan an dekou otila, nan anchay peyi oliwon Karayib la, karetel gouvelnaj atè-lakay la jik wangannite-politik la te ka fetaye ; se depi 1956 lanne eti an larel, British Caribbean Federation Act, te vini ka bay nan peyi-karayib anglopal, an djoktòch politik atè-lakay (self governing) eti te apiye fondasay Federation of the West Indies, nan Janvie 1958 ek te ka depareye mabial epi larel anchoukaj franse Maws 1946 la eti Enme Sezè ek se konpayel kominis-pòpòf li a te bat tankon djab-soud pou fè'y pase. Lòtbòtsay, Ranboulzay kouba a eti te ka palantje peyi-karayib ta'a nan jeopolitik gran-peyi-djok oliwon-latè ; ek pi lòlòy, Puerto Rico ki te vote sistenm gouvelman ki te ka liannen'y epi Etazini, Estado Libre Asociado, nan Jwiye 1952 men te ka gade larel-fondas-politik li ki ta'y, anchay wach-politik te ka fè an konpanyi adan brayes matnik la drive nan kabèch an divini politik natifnatal (oben atè-lakay) ba peyi yo. Se pou mwen se li leve-doubout politik Desanm 59 la tankon an lonje-dwèt politik asou larel isenbòt 19 maws 1946 la eti te ka depolitize lakou-peyi matnik la jik demounize moun matnik pou yo pa ni peyi pou ta yo, pou yo pa ni tèp-peyi pou ta yo, pou yo pa ni divini tankon lakou-peyi asou-latè.

Se kabechè wach-nanninannan matnik la ka toulong rarate nan tan-kòtok la, an flouzay plan-kabeche nan an peyi otila lang natifnatal la pa ka rive doubout djok tankon lang rarataj wach-lavi ek ka fè wach-nanninannan matnik ta'a ka chape flouz nan lespri moun. Rarate wach-nanninannan matnik la nan sistenm lang An-Frans lan se toulong fè anchay rel-kabeche, an plan-kabeche, anchay kare-kabeche An-Frans kouri lawonn (dekouri lawonn ek vire kouri lawonn tou) wach-nanninannan matnik la. Pou mwen menm ki pa nepi plodayè ni kabèchè wach-nanninannan matnik la, se anni pou li'y pianmpianm, delè konsa, ale èche an rel-plodari sosioloji adan, se pa pou ale fondase tjek rarataj natifnatal matnik, ni menm tjek "nou-ni-pou-sonje", se anni pou vidjoze se plodari politik lajounen-jòdi a pou yo se ka toulong drive nan kabèch trape an divini karayib ba Matnik. 

I - Wach-nanninannan matnik la.

Nan lespri moun matnik, wach-nanninannan matnik la se anni tan ankelele moun an epi pete-chenn 22 Me 1948 la tankon prèmie lapòt-sòti, ek dekou anchoukaj nan sistenm gouvelman franse a, nan Maws 1946, tankon dezienm lapòt-sòti nan sistenm-ankelele-moun an. An kout-zie lòlòy eti piplis politikè lagòch sosial ek se konpayel Enme Sezè a, jik an konpanyi palantjè-peyi ka mare moun matnik epi'y.  Se pa anni gouvelman franse a ki ka bat pou an anchoukaj politik san devire, se piplis moun peyi Matnil la, tou pou kabès politik yo pa ni. Se pa pou ayen 80% moun matnik te ale vote kont an tèp matnik nan Repiblik franse a, nan 10 janvier 2010, ek tankon se konpayel "djoktòch-politik pou peyi-natifnatal matnik la", PPM Enme Sezè a te ka bay kalinda nan lari "nou pran yo", ka brennen lawda yo, ka kare nan lari.

Peyi Matnik ta'a se owonzon 2.000 lanne wach-nanninannan, depi kabès-peyi-oliwon kòn-lanbi a (gwo-lanbi/strombus gigas, lanbi-djendjen/strombus gallus, lanbi-solèy/strombus pugilis), arawak la rive nan lanne 160-200, te sispann rete asou tè ta'a apre mapipi deblozonn volkan Senpiè a, oliwon lanne 300, eti te rache djol volkan an pou te pi djenm pase deblozonn lanne 1300 an oben ta 08 me 1902 a, jik lakou-peyi anni-genyen machandiz asou tre, depi kon se lanne 1980 an ka bay. Sistenm-ankelele-moun an se anni an dwel adan wach-nanninannan ta'a ek Leve-doubout politik Desanm-59 la se anlòt dwel pi wèt nan tan-ka-pase men se an dwel tou.

Se leve-doubout politik la, se pa menm rel epi ranboulzay nan sa eti yo pa ka nepi desitire/vire-sitire sistenm sosial ka bay men yo tou ka pe tankon vire faktore larel ek lespri ka kouri lawonn an lakou-peyi, ka apiye longsay-ale an lakou-peyi, ka fè'y pran letjèt nan divini. Se leve-doubout politik la se toulong dekou an pran konsians wach-lavi nan mete-nan-brann politik ta'a menm si an rel-rive pa se kabeche douvan leve-doubout ta'a.  

Wach-nanninannan matnik la, depi apre gouvelman franse ek se betje'y la te mate ranboulzay  Septanm 1870 la, pi anchouke adan leve-doubout sosial la pase politik la. Sosial ek politik ka rive fè yonn atè Matnik, delè menm tout penteng politik ka fonn nan penteng sosial ek leve-doubout sosial (leve-doubout pou trape tjouns sosial ek oben branbrann) pa ka j'en rive toumpotjole nan mande-trape tjouns politik, men fok toulong se depareye, nan plodari, sosial ek politik. Se lespri ta'a eti laliwonn sosial la ka pe anchouke anchay rel-rive politik.

                        I-1. Longsay-ale wach-nanninannan an. Tout tjak la atè Matnik, se pou konprann lakou-moun matnik la leve epi dekou anmasogannizad la. Lakou-moun ki la jòdi-jou se pa moun ki te ja ka rete la, ka brè dlo yo avan masogan debatje, depotjole ti lavi dous yo, mete ta'y. Masogan an te defaltje Kalinago a eti pa kite tras ni menm an pawol-rarate ba moun-ankelele l'Afrik ki te ka debatje. Moun matnik, piplis moun matnik, tout moun matnik, trape gangan lòtbòtsay, asou an kontinan dèyè-lanmè-oliwon.

Enhen, se gangan an pa menm kabès-peyi epi moun lakou-peyi kòtok la ; se gangan an pa ka pale menm lang epi lakou-moun natifnatal la, bililik-aleliwon karayib la, tousa. Se pou se tann ek konprann sa eti si gangan an pa pe kouri kanmo, pou fè moun sav sa, "àkókò kò dúró de ẹnìkan" (tan pa'a mize nan chimen), ni an diskoupaj, an bidim diskoupaj otila tan an ka towblip, ka pran boulin-pase, ek pa ka vire. Se lakou-moun an menm, lakou-moun-natifnatal la, ki nan chingpontong ek pe djigilòp anfwa.

                        I-2. Lakou-peyi ek wach-nanninannan an. Tout lakou-peyi ni wach-nanninannan'y ki ta'y. Anchay djing (dekou, kote, moun, pòtre) ka branbrannize karetel ta'a. Se pa anni pou branbrannize tan ki pase, se pou pran letjèt nan divini tou, nan apiye lonyen wach-nanninannan ta'a ka apiye an longsay-ale.

Pa pe ni lakou-peyi si pa ni an wach-nanninannan menm si wach-nanninannan se dabò-pou-yonn an dekou-rarate otila an gouvelman, an lakou-moun-natifnatal, ka leve pou fè yonn, oben pou ranbonni, pou vidjoze an fè-yonn ki te ke two flòkò. Se pa anni pou an "mi-la-nou-sòti" men se pou an "mi-la-nou-le-rive".   

II - Sistenm-lang rarate wach-nanninannan matnik la.

Rarate wach-nanninannan nan an sistenm-lang se toulong fè eti anchay tjouns kabès-peyi eti yo menm ni tan kouri-lawonn yo nan sistenm-lang lan ek se pou yo se ka trase chimen rarataj la. Rarate wach-nanninannan matnik la nan sistenm-lang an-frans lan se pa pou menm bagay ek rarate menm wach-nanninannan ta'a nan sistenm-lang matnik la. An leve-doubout politik se pa menm bagay nan an sistenm-lang pou anlòt.

Nan sistenm-lang matnik la, an leve-doubout politik se toulong an dekou otila moun ka pran lari pou fè an gouvelman oben an kare-gouvelnaj sispann an progranm politik, an sistenm-gouvelnaj anfwa ek fè pou anlòt vire pran dèyè'y. Nan sistenm lang an-frans lan, an leve-doubout politik se toulong an dekou pran sapatonn pou fè an gouvelman pran lavol anfwa. Isiya la ni an kabeche douvan asou fondas larel-woule-nan-lavi fè-kakol la eti liy 2 katjetaj larel-woule-nan-lavi moun-lakou-peyi 1789 la epi liy 35 katjetaj larel-woule-nan-lavi moun-lakou-peyi 1793 la ka stanmpe.

Anni wè sa towtow sistenm-lang matnik la ka toulong ladje leve-doubout la anba mete-nan-brann li, la eti sistenm-lang franse a ka wè an bagay ki ja sitire, matje ek stanmpe ek ka vini kole anlè an wach-lavi. Sistenm-lang matnik la ka wè an fondasay may-an-may, sistenm-lang franse a ka plodaye anlè an wach kòtok. Sistenm-lang matnik la ka wè an fondasay may-an-may, sistenm-lang franse a ka plodaye anlè an wach kòtok. Se pou tann ek konprann, nan sistenm-lang matnik la eti se kokofiolo matnik la, yo menm, mare (se an danma) adan an sonmi kreyol, ni toulong plis ladje-chenn, plis drive-nan-kabèch pou matje eti sistenm-lang ta'a pa te djè matje.

Pi moun ka matje, rarate yo se ka rarate asou wach-nanninannan yo, pi wach-nanninannan ta'a ka pe kouri lawonn mabial ek se pou yo se ba peyi yo plis fondas, plis chimen wouvè laliwonn, plis karetel-ale. Si lang-matje ta'a se lang natifnatal yo, se pou wach-nanninannan an, nan limenm, trape plis kanmo oliwon, se pa anni an rarate pou pase chimen, se an rarate pou pran letjèt nan divini. Se nan sa eti rarate wach-nanninannan an ka pe pòte sistenm-lang la anlè, ba'y plis fondas, limenm tou.

                        II-1. Sistenm-lang lan nan wach-nanninannan an. Se pa anni rarate eti wach-nanninannan an ka rarate men wach-nanninannan an se dabò-pou-yonn an rarate eti moun ka fondase. Se pou se tann ek konprann an dwel drive nan kabèch lakay plodayè ek kabèchè wach-nanninannan men plis, tankon Pierre Bourdieu te ka dekinaye se kabèchè wach-nanninannan an, pou an vire-kabeche-longsay dekinayè (réflexivité critique) ki pa ka bay lakay yo.

Se sistenm-lang lan ki ka fè wach-nanninannan an liy-dèyè-liy, toulong dekou-dèyè-dekou oben pa, man ja matje ek vire matje sa. Sistenm-lang an-frans lan nan an karetel rarate liy-dèyè-liy ek se pou wach-nanninannan matnik la rete pri anba jouk potjel rarate ta'a sa eti ka fè'y bat anni anlè sa ki matje ben branbrannize, sa eti ka fè plodayè wach-nanninannan matnik la pase tan'y ka lonyen kabès (sa yo sav) pase yo se rete katjile mès bouskay la, se tjouns bouskay la eti ki fondalnatal nan kabeche an rel-plodari.   

                        II-2. Sistenm-lang matnik la nan rarate wach-nanninannan an. Nan tout lakou-moun oliwon-latè, moun ka rarate lavi yo, gangan yo, nan tan bimbo sistenm-lang Ayiti a, nan tan nanninannan otila djab te tibolonm-kakayè sistenm-lang matnik la, an tan-lanmiral-robè otila tout moun te ka pije oben tan-a-soren sistenm-lang gwadloup la ; pas eti gangan yo pase, an rarate dekou wouvè-zie tankon lakou-moun, tankon moun asou-latè.

Tout tjak la atè Matnik, se nan de sistenm-lang ka kouri lawonn, se anni nan sistenm-lang an-frans lan oben tjek franse-bannann-kòd otila moun ka pran pawol asou wach-nanninannan peyi a, si se pa an bay-lavwa, an badjolaj jès-makak, an tire-kont san djing kòtok tan-ki-pase.   

III - Plis pase dekou sosial la, djoubap sistenm-lang ek kabès-peyi. 

Se kabechè wach-nanninannan matnik la ka toulong apiye asou dekou sosial la pou kabeche an penteng wach-lavi ; se toulong an leve-doubout pou rive trape tjouns, branbrann ek plas sosial, djoubap krèy-sosial Karl Marx la, menm lè yo ka rive tann ek konprann Matnik (an peyi ki te anba oben te fini chape anlè sistenm bitako a) pa pe trape menm sosioloji epi peyi l'Ewòp ek sistenm kantekantaj sosial se kominis l'Ewòp la pa sa rive pri nan an peyi otila kabès politik la tankon kabès-peyi a flòkò anchay.

Se pou konprann sa eti anchay moun nan an peyi konsa pa nan menm rel anchoukaj nan kabès-peyi a, nan lakou-peyi a tou. Anchay moun pe anchouke nan kabès-peyi an-frans lan, pa ka rive tann, ni konprann, an tjou patat nan sistenm lang ek kabès-peyi matnik la ; nan menm balan an, anchay moun matnik pri anba kout-swel gouvelman an-frans lan, pa ka konprann ayen nan sistenm-lang ek kabès-peyi an-frans lan ek pa fouti kabeche tout se larel-gouvelman ta'a eti ka jere lavi toulejou yo. Nan se lanne 50 lan, konpanyi moun ta'a te piplis atè Matnik.

Apre 13 lanne anchoukaj-politik franse, rèd-mawto, ek an siek pase, 1852, kare-tè anba sistenm-gouvelnaj an-frans, lakou-peyi matnik la te ja san divini politik kòtok, si se pa mandjannen an larel-gouvelman franse pou pa sa santi kout-swel andidan an, ta betje a, nan rel-do chak moun matnik. Se nan sistenm-lang ek sistenm kabès-peyi matnik la eti tout se moun ta'a, moun ka trimen nan lavi a, te pe fè kakol ; graje de koko fè tablèt-koko oben lotjo ale vann bò chimen pou trape an lajan-sal genyen an tjilo tjòkok, fè de kole-de, ba yich manje ek pi tenmbolizan, machandiz dedou an-frans anlè tre betje.

Nan Desanm 59, apre 13 lanne fè-kakol douvan desèvlaj politik, rache-koupe, Enme Sezè ek se kominis-pòpòf matnik lan te chaye mennen vini ba yo, brayes matnik la leve doubout trape plis tjouns politik pou se pran letjèt nan divini. Leve-doubout ta'a rive nan an dekou otila sistenm-lang matnik la ek sistenm kabès-peyi a te trape kont laliwonn pou doubout douvan sistenm-lang ek sistenm-kabès an-frans, se politikè franse atè Matnik la, se kominis-pòpòf la epi PPM (Parti Progressiste Martiniquais) Enme Sezè a, ki te ni an lanne ek nèf mwa sitiraj, pou yo de a. Se pa pou ayen se yo prèmie ki lonje dwèt anlè se tibray ta'a kriye yo vakabon oben dezodè.

                        III-1. Sistenm-lang ek sistenm-kabès matnik/sistenm-lang ek sistenm-kabès an-frans. Si lajounen-jòdi djoubap sistenm-lang ek sistenm-kabès ta'a pa ka peze pou piplis moun matnik ka pale anni an franse-bannann ek/oben an franse bouk-bòdaj paris An-Frans, nan mitan 20enm siek la, djoubap ta'a te sitiran nan sa eti'y te ka pe leve laliman an laliwonn sosial.

Depareye an laliwonn sosial matnik epi an sistenm sosial an-frans ki te ka debatje. Lide ta'a eti sistenm-lang lan pa anni la pou depennan dekou ek rarate tan-ki-pase men pou lonje lanmen pran letjèt nan divini. Plis pase sa, djoubap ta'a te ka pe toulong vire sitire an laliwonn/tan-ka-pase.

                        III-2. Djoubap sistenm lang ek sistenm-kabès la ka pe sitire an wach-nanninannan. Nan an peyi otila pa ni an gouvelman natifnatal, ni menm an djoktòch politik atè-lakay, CTM se pa nepi an djoktòch politik atè lakay ale wè an gouvelman natifnatal, sistenm-lang ek sistenm-kabès la ka pe sitire an wach-nanninannantankon an rarate tan-ka-pase, tout ti toumbilaj ka leve ek kouri lawonn sitenm-lang lan ek sistenm-kabès la.

Se pou se tann ek konprann, djoubap nan mian sistenm-lang/sistenm-kabès matnik la asou an bò epi sistenm-lang ek sistenm-kabès an-frans lan lòtbòtsay, ka toulong ba wach-nanninannan matnik la tankon plis dekou rarate, plis karetel kouri lawonn men se pa pou sa pou se ale konprann wach-nanninannan ta'a se ka anchouke pi nan fondok laliwonn karayib la.    

    

IV - Dekou politik peyi-karayib oliwon.  

Se pa anni pou British Caribbean Federation Act, ki te sitire an djoktòch politik atè-lakay (self governing) eti te apiye, de lanne dèyè, nan 1958, fondasay Federation of the West Indies ki te ka ba se peyi karayib anglopal la, toupre, an djoktòch-politik atè-lakay ek te ka pe fè se peyi ta'a woule kò yo tankon peyi asou-latè ek nan menm balan an te ka pe fè moun matnik rive plodayele an kote-nou-ye asou latè. Se pa anni pou ranboulzay sosialis Kouba a eti pòkò te sosialis nan 11 prèmie mwa'y, ni menm djoktòch-politik atè-lakay Puerto Rico a nan 1952, men tout se kavalad politik ta'a nan Karayib la te ka fè moun matnik sav peyi yo pa doubout nan laliwonn natifnatal li.

Kavalad politik karayib ta'a se te tankon tjouns politik eti se tibray matnik la pa te pe trape nan se krèy-politik franse atè Matnik la, PCM (Parti Communiste Mariniquais) ki te trape tit ta'a apre an toumpotjolaj Fédération Communiste, nan Septanm 1957 ek PPM (Parti Progressiste Martiniquais) ki te fini sitire nan Maws 1958 apre bout-djel nan mitan E. Sezè epi se kominis-pòpòf franse a nan 1956, nan dekou 1956-os forradalom (Ranboulzay la) Hongri a.  Lè an peyi-karayib ka trape an djoktòch-politik ek/oben an wangannite-politik, se toulong chimen eti'y ka wouvè ba lezòt, menm si yo pa te ke anlè sa.

An tjouns-politik se tout branbrann ek/oben kanman, larel-lespri eti an lakou-moun ka mete nan brann pou rive pran lanmen nan an dekou fann. Se an kannan lanmen-djok nan kawbe-gouvelnaj ek oben nan jeray djoumbatwa, mete-nan-brann ekonomi ek oben kabès-peyi pou rive rete doubout nan an dekou kavale, lè banbann politik, ekonomi, sosial, kabès, ka bay.

Nan dekou leve-doubout Desanm 59 la, menm si sistenm-lang ek sistenm kabès-peyi matnik la te ke flòkò, se pou se ta Kouba, Trinidad ek Tobago, Jamayik ek oben Bawbàd, Sentlisi, tousa te vini vidjoze'y, ba'y an longsay-ale eti'y pa te pe ni pou krèy-politik atè Matnik la ki te desèvle aleliwon-galba, se anni An-Frans yo te le wè klè. Leve-doubout Desanm 59 la vire anchouke Matnik tankon peyi nan Karayib la ek pi nolfok tankon peyi oliwon-latè.

                        IV-1. Bay-antre nan OECS/CARICOM lan. Nan bay-antre adan OECS (Organisation of Eastern Caribbean States) asou tit li ki ta'y, Matnik pa ka anni vire anchouke nan laliwonn karayib li men plis pase sa, pou OECS eti se kawbe anchoukaj peyi-oliwon ki pi sitire nan Karayib ek Amerik-Latin, ka vire kabeche an divini karayib eti'y te ladje nan Maws 1946.

Tout peyi OECS se peyi CARICOM menm si OECS pi sitire pase CARICOM ek tout peyi CARICOM se peyi AEC (Asociación de Estados del Caribe) menm si AEC pa ni esperians sitiraj CARICOM, Matnik liannen epi AEC, tousa fè, plis pase an anchoukaj peyi-oliwon, sa eti ka bay toupatou oliwon-latè (se peyi a two piti pou jere ek pran douvan anlè se tjak laliwonn lan ek ale-vini moun, se pou pran karetel peyi oliwon-latè.

                        IV-2. Wach-nanninannan nan dekou latè-wonn lan. Se pa anni pou vire badjole isiya la konsa lide ta'a eti se wach-nanninannan an te ke liannen yonn epi lòt, te ke ka teke yonn-a-lòt, nan tjek ankreyolaj Edwa Glisan, tjek tirad-aleliwon liannaj nan mitan moun, se pou tann ek konprann, nan dekou latè-wonn lan, anchay tjouns politik ek kabès-peyi ka pe kouri lawonn ek apiye toumbilaj ka bay nan an peyi fann.

Se pou se tann ek konprann, plodari latè-wonn ki ka bay, ka toulong vire kare se wach-nanninannan natifnatal la, ba yo plis larel peyi-oliwon, ba se lakou-moun-natifnatal plis tjouns politik ek kabès pou bay adan lavi toulejou, pou peze asou tan-ka-pase.

V - Desanm 59 nan divini politik atè Matnik.    

Leve-doubout Desanm 59 la se pa anni pou te kore aleliwon-galba, anchouke peyi Matnik la nan sistenm-gouvelman an-frans lan, karetel E. Sezè ek se konpayel kominis-pòpòf li a ; se te, dabò-pou-yonn, an leve-doubout brayes la, pou te vire anchouke Matnik nan sistenm-lang ek kabès-peyi'y, pi douvan, nan laliwonn karayib li. Vire-anchouke ta'a te mande mete tout tjouns (branbrann, politik, kabès, kabès-peyi, moun-doubout, tousa) peyi a nan brann, an owonzonnaj tjouns-peyi, pou se menyen an rel-rive. 

Nan mete-nan-brann tout tjouns ta'a, se leve-doubout politik la ka toulong gade wè fondase an divini, tankon tout mete-nan-brann politik men plis pase sa, fèmen dèyè pou pa sa vire chimen. Tousa mande anchay tan ek anchay tjouns moun-doubout, an anzandalaj se rel-rive a eti se leve-doubout politik  la pa ka rive mete nan brann pou tout moun ki bay nan  leve-douboutpolitik la pa trape menm kannan tjouns politik, menm rel kabès-peyi.

Leve-doubout politik Desanm 59 la pa te trape tout tan ta'a ek tjouns eti sistenm-lang ek sistenm-kabès-peyi matnik la te pòte bay pa te ka fè kont pou te tjenbe nan tan-ka-pase, rive trape tjouns pou mete parètzòy nwel kretjen an nan tjek bokal. Se sistenm-lang la eti ka kantinen se leve-doubout la, fè yo tjenbe nan tan-ka-pase, fè yo rive depenn kòdjòm rel-rive yo, longsay-ale. Se isiya la konsa otila leve-doubout politik la ka rive pran chimen ranboulzay la.

Wach-nanninannan matnik la, nan kouri eti'y ka toulong kouri asou bòdaj sosial la, ka ladje politik la nan chimen pou ale tjoke tjek djoubap nanninannan nèg-ginen doubout-o-ka douvan betje. Djoubap ta'a eti moun matnik ja pèdi an prèmie kou, ka toulong vire voye peyi a nan tan-nanninannan ek ka koubare'y djenm asou chimen pran letjèt nan divini, la eti politik la ka bay, la eti Matnik tankon peyi asou-latè pa pe pa ni an gouvelman natifnatal.

                        V-1. Plodri ras-nèg-ginen-krann lan depotjole wach-nanninannan politik matnik la. Tankon an dekinay sistenm anchoukaj politik franse a, Desanm-59 te depareye laliwonn politik matnik la nan mitan moun ka bat anmwe pou tjenbe politik desèvlaj franse a, ladwèt-bonapart ek ladwèt kanman-fondalnatal franse a ek lagòch kantekantaj sosial la, epi, lòtbòtsay, moun ka bat pou an wangannite-politik eti, delè yo ka ladje, vire pran, anni ranbonni sistenm anchoukaj politik franse a, nan lide an djoktòch-politik atè-lakay.

Asou londjè chimen, pou plodari ras-nèg-ginen-krann lan ki manje tèt piplis moun peyi a, plodari anni ranbonni sistenm anchoukaj-politik franse a eti fok toulong liannen epi plodari desèvlaj la, demounize moun an, fè chimen'y, toulong pare delantiraye Matnik tankon peyi karayib-amerik.

                        V-2. Wach-nanninannan politik karayib la ka pòte ba ta Matnik la. Menm si wach-nanninannan politik matnik la te ke flòkò, si se pa lòlòy, nan bay-antre nan kawbe anchoukaj politik peyi-oliwon, Matnik ka vini anchouke nan an wach-nanninannan politik peyi karayib/amerik-latin ek ka pe ba wach-nanninannan plis laliwonn, plis karetel.

Se pa anni pou kabès-politik la, jik kabès-peyi a ki te ke pi bòdò, pi djok, tousa, se pou chak penteng tan-ki-pase trape plis laliwonn pa dèyè tan-ka-pase. Se pou se vire li chak se penteng tan-ka-pase matnik la (se dekou fè-kakol douvan sistenm ankelele-moun an, Me 1848, Septanm 1870, Fevriye1900, Desanm59) anba klète karayib krache-dife ta'a.    

                       

                             Leve-doubout politik Desanm 59 la pa te rive apiye p'an toumbilaj kawbe-gouvelnaj politik tenkant, pa menm krèy-politik pi djok, anfwa, men te fè moun tann ek konprann anlòt konpanyi kabwatè politik pi anchouke nan peyi a, nan sistenm-lang matnik la, nan sistenm-kabès-peyi matnik la tou. Se pou Matnik, limenm, te vire anchouke nan laliwonn karayib li, se se pianmpianm.

Leve-doubout Desanm 59 la se dezienm kabel-douvan konsians-politik matnik la, lè moun ka rive pran, yonn epi lòt, latè a epi wach-nanninannan an, an mapipi dekou otila moun Matnik ki pri anba desèvlaj franse a ek ras-nèg-ginen-krann Enme Sezè a pòkò pare rive.

Nan chimen ki trase depi Leve-doubout Desanm 59 la, nan krèy-politik ki sitire/desitire/vire-sitire, nan kabwatè politik ki pran lanmen, lide wangannite-politik la trase chimen, delè vire chimen, men se pou an sistenm-lang te rive sitire an kabès-peyi politik, se se pianmpianm, eti ka pe fè peyi ta'a pran letjèt nan divini, eti ka fè pran-boulin tan-ka-pase toulong pi dous pou moun pa pèd lakat.

Simao moun Wanakera

  

  

 

 

    

    

 

Commentaires

Carib.com

The Eastern Caribbean Central Bank (ECCB) is mourning the sudden passing of Sir K Dwight Venner, the second and longest serving governor of the ECCB. Sir Dwight’s passing comes less than eight weeks before the Monetary Council, in recognition of his immense contribution, had planned to honour him at a special ceremony at the ECCB Headquarters in St Kitts and Nevis.

CacoCa

Un centenar de mujeres repicaron campanas frente al océano, en la entrada hacia el Viejo San Juan, por la excarcelación de Oscar López Rivera, quien lleva 35 años en prisiones de Estados Unidos.

AM4

Swaré Bèlè AM4
marché de Fort-de-France.
19H : Danmyé
21H : Bèlè
Samedi 14 janvier 2017
Nou ka atann-zot.

Info Martinique

Bijoux et objets
en matières naturelles signés
Joby Bernabé.
28, 29 et 30 Décembre,
de 10h à 20h,
36, rue Etienne Sicot, 97233 Schoelcher.
+ infos +596 696 91 80 90. www.facebook.com/jobybernabeofficiel.

Lékol Bèlè

Manmay !
Lékol Bélé vous invite à son 1er stage de l'année
Le dimanche 15 janvier de 10h00 à 18h30
au programme :
10h00 Accueil
10h30 : travail autour de la danse bèlè
13h00 : Repas convivial
le repas est basé sur la convivialité et le partage : chaque personne ramène de quoi manger et boire.
14h00 : reprise des activités avec Jé bèlè (les jeux de Lékol Bèlè)
travail autour de la musique bèlè
17h30 : Gouter
17h50 : discusion (Débriefing, bilan, conclusion, témoignages...)
18h15 : Nettoyage, rangement
18h30 : Départ de la salle
Lieu du stage : Salle de la Maison de la citoyenneté Ivry-Port -
25 Rue Jean Jacques Rousseau - 94200 Ivry sur Seine.
Ce stage est gratuit pour les adhérents de lékol bèlè et 10 euros pour les non adhérents.
Nous vous y attendons nombreux dans la joie et la bonne humeur !
le repas est basé sur la convivialité et le partage : chaque personne ramène de quoi manger et boire.
"Sa nou poté sé sa nou manjé",

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)