Devil’s Wood Yard Mud Volcano
konsit kabwatè gouvelman peyi Caricom

Leve-doubout Janvie-Fevriye 74 la

Sosial oben politik ? 

Man Mòy  Kabrimol

Janv-Fevriye 74. Renò Ilmany ek Jòy Marilwiz Janv-Fevriye 74

 

 

O-Fanswa, Fevriye 1900 ; Basiyak, Janvie 1923 ; Kawbe, Maws 1946 ; Lanmanten, Maws 1961 ; Chalve, Fevriye 1974 ;  lavi sosial  Matnik te toulong woule epi anchay dekou sispann-djoumbate-anfwa otila jandàm gouvelman an-frans epi betje te ka fiziye djoumbatè ki te ka mande t'ak plis lahan genyen an lanmin-pen, ladje anlè rèchte lavi branbrann, ti bagay konsa eti pa te ka peze pwa an fèy zèbaj nan manhe dimanch-midi p'an betje, p'an gouvelnè oben tjek kabwatè bwabwa sistenm-gouvelman la-frans atè Matnik. Men pou konsians sosial ek konsians politik ki te flòkò, piplis konpayel leve-doubout Janvie-Fevriye 74 la pa te menm ni an konsians sosial, tout djoubap sosial te ka tounen goumen ras-moun ; nan bagay ta'a jandàm epi betje te ka fè yonn, tankon an lèspri fè-yonn sweleley gouvelman an-frans lan asou peyi-natifnatal Matnik la, an yonn-a-lòt zawa-l'ewòp, yich-dèyè l'Ewòp douvan nèg-ginen, yich-dèyè l'Afrik pou anchouke tjek anni-ras-moun nan liannaj sosial eti tout ekonomi ka chaye. Se djoubap anni-ras-moun ta'a te ka fè leve-doubout sosial la pran an karetel leve-doubout politik men pou lòlòy eti plodari djoubap ras-moun lòlòy, leve-doubout politik la pa ka pe tjenbe nan tan-ka-pase, ni menm pa ka pe rive pran letjèt nan divini ; ek, mi politik se toulong an plodari vire-kabeche-longsay asou divini ka rive blo anlè moun.

Bitako dèyè bitako, leve-doubout Janvie-Fevriye 74 la te ka dawne pou fè moun konprann leve-doubout sosial CHALVET - Manifla ek sanble moun pou pran chimen sispann-djoumbate-anfwa ; se potjel sispann-djoumbate-anfwa ta'a ki te ka woule atè Matnik depi Janvie 1882, jou prèmie sispann-djoumbate-anfwa atè Sentmari ek Latrinte. Pa te ni p'an kare-djoumbatè nan kare-tè ekonomi bannann lan pou CGT te bat-dèyè. 17 jik kote 23 janvie se nan kare-tè anlè-solèy Matnik, tou-yonn, otila leve-doubout la te ka bay ek se anni kannan djoumbatè-bitako te ka goumen. Se te nan bout mwa Janvie a ek se nan prèmie jou mwa Fevriye a otila bouk kare-tè mitan ek kare-tè anni-solèy Matnik bay antre nan leve-doubout sosial la ; Robè, Latrinte, Sentmari, Marigo, Lanmanten, O-Fanswa, Senjozef, Lawviè-Pilot, leve-doubout sosial Janvie-Fevriye 74 la te pri nan tout Matnik ek anchay kare-djoumbatè te bay adan.

Se te dènie kou otila sanh-nan-venn moun te koule nan an leve-doubout sosial ek/oben an sispann-djoumbate-anfwa atè Matnik pou sistenm sosial franse a eti ki, depi dekou ta'a, ka kouri lawonn, se se klòtok-klòtok, nan tout Matnik. Owala an sistenm sosial se ka kouri lawonn nan an peyi, an laliwonn, an lakou, se pou lang ek mès-fondalnatal sistenm sosial ta'a se fè chouk menm si piplis moun peyi debatjaj la pa fouti kole de tit sistenm-lang zawa ta'a yonn dèyè lòt san fè anchay makakri epi fidji yo ; se sa ki fè menm si  sistenm sosial ta'a se ka pòte plis tjouns kòtok ek anfwa, se limenm ka depotjole peyi-natifnatal la, nan menm balan an nan sa eti ka pran chak moun an yonn-tou-yonn (individuating), ka fè moun ladje larel lakou-moun an.

Janvie-Fevriye 74 ka branbrannize kòtok, bat-dèyè laliwonn sosial nanninannan Matnik la douvan sistenm sosial franse a eti te debatje blo anlè lakou-moun matnik apre larel-gouvelman 19 Maws 1946 la. Laliwonn sosial nanninannan Matnik la (jaden karayib, tontin, lasotè, leskap, swen-bèt, lakou, bèlè, lang-natifnatal-matnik la, lawviè-leza, toloman an, sistenm-sa-sav, graje-manyok la, mès-fondalnatal, rimèd-razie a, djoumbat-lanmè, djoumbat douvan hurakàn, tout yonn-a-lòt nanninannan, sistenm pòte-nouvel la, patati patalòt) tout mete ekonomi ek sosial nan brann eti te ka anchouke Matnik tankon peyi-natifnatal, men plis, te ka apiye an karetel fè-kakol depi nèg-mawon sistenm ninang-founang lan jik lajounen-jòdi, an brennen peyi a asou kò'y menm, toulong pianmpianm, ki te ka pe fredi semeda-oliwon nan peyi a, pòkò te sa leve tjouns politik depi dal sapatony ek politik Sektanm 1870 la men te ka antipile tjouns, sa-sav ek kanman pou sa.

Se te anni kannan djoumbatè-bitako eti te toulong fè yonn epi mayonmbo Matnik la ki te ka pòte laliwonn sosial nanninannan matnik ta'a. Se pou se konprann laliwonn sosial nanninannan ta'a flòkò nan Janvie-Fevriye 1974, pòkò fouti vire-doubout, apre dal politik Sektanm 1870 la ek bidim blòf politik ek sosial se komilis Maws 1946 la, Aimé Césaire la départementalisation. Laliwonn sosial nanninannan matnik ta'a pa te fouti kore sistenm-bitako a oben koubare'y, tjotjo'y, ale wè vare'y, depotjole'y. Djoumbatè-bitako oben mayonmbo Matnik la, te ka bat asou de bòdaj, an kou nan ekonomi-anni-machandiz an-frans lan, anlòt kou, nan ekonomi vivri ek laliwonn sosial Matnik la pou ekonomi-anni-machandiz an-frans lan eti pa fouti ba yo an lanne djoumbat kole. 

An djoumbatè-bitako se toulong an mayonmbo ki pa ni tè djabalapte, fouye, oben ki pa te ni kont tè ba wou ek madjoumbe'y. Men nan tout dekou, bitako te ka toulong ba moun o-plis 3 jik sis mwa djoumbate nan an lanne. Larestan lanne a, se pou djoumbatè a toumpotjele nan anlòt brannzè sosial, anlòt djoumbatè, djobè, moun-san-djoumbat-djoumbate ; ek, sa tou-yonn pe te ka tjobole, si se pa koubare, wakle an konsians sosial, pi douvan, an konsians politik. Pi nan fondok ankò, sa ka ba djoumbat la limenm anlòt ledjans sosial nan lèspri moun, ek anlòt zandja nan lavi sosial la otila moun pa te ka djè rive depareye djoumbat epi djòb ; tout bagay ka fè an anchoukaj nan lavi sosial, nan lakou-peyi a tou, ki pa ka rive pri ek an konsians politik, ta'a ka pe fè moun leve-doubout toumbile lakou-peyi a, pran tè a nan menm balan epi tan-ki-pase a nan lèspri plodari Franz Fanon an, ki pa ka tjenbe nan tan ka pase menm lè'y ka pe rive leve nan dekou an leve-doubout sosial rache-koupe, se pou'y towblip blo konsa gouvelman zawa-l'ewòp la epi se dòg atè-lakay li a ladje an ti pwenyen tjouns pou kore an ti konpanyi adan se mande-trape leve-doubout sosial la.

Se asou pasay ta'a, depi konsians sosial jik konsians politik, eti man se plodaye isiya la, dabò-pou-yonn pou anchay kare-politik natifnatal-matnik (Rassemblement de Saint Joseph) oben palantjè-peyi-matnik (GAP, GS70) oben menm sosial-ranboulzayè (GRS) ki te lonje pal san patate ba se djoumbatè ta'a ek ki fè an ti konpanyi djoumbatè-bitako leve-doubout sosial la te rive, fap fap, nan an konsians sosial (defen Man Tòy, Kolonel Barbara, Gi "Chat" Kretinwa, Renò Ilmani, tout se kabwatè leve-doubout sosial la) epi lòtbòtsay, pou anchay gran karetel politik ki sitire nan dekou ta'a, se isiya la konsa anchay kare-djoumbatè mete "M" Matnik la nan tit yo ek delè pete chenn la-frans te ka mare yo epi lang-natifnatal-matnik la ki rive, pou prèmie kou, kouri lawonn plodari sosial ek politik la. 

   

I -  Nan banbann longsay sistenm ekonomi-anni-machandiz la

Leve-doubout sosial Janvie-Fevriye 74 la, tankon tout leve-doubout sosial ki vini dèyè'y, se toulong pou mande-trape an sistenm sosial la-frans ki kantekant epi dekatonn sosial peyi ta'a ek pa pe, nan p'an dekou, nan rel dekatonn sosial matnik ni menm nan sistenm ekonomi te ka, oben ka, bay atè Matnik. Se pa anni pou se teste isiya la konsa, sistenm sosial la-frans lan te ke two douvan ba an peyi tankon atè Matnik, se pou se tann ek konprann sistenm sosial la-frans ta'a te ke ka koubare Matnik asou chimen leve an kawbe-tre natifnatal (national market), oben menm nan an rel pi atè, an kawbe-tre atè-lakay (local market), an ekonomi atè-lakay, te ka vini joute, blo, epi laliwonn sosial nanninannan Matnik la (sistenm-lang-natifnatal, bèlè, jaden-karayib, lapèch, sistenm-rimèd-razie, tontin, lasotè, lèskap, lawviè-leza, epi dòt) ek te ke mare sistenm lan pou betje a se toulong rete kabwatè sistenm ekonomi la-frans lan atè Matnik, te ka koubare peyi-natifnatal Matnik la asou chimen pete-chenn sosial li, asou chimen an wangannite politik.

Ek, nou ka wè'y nan de koko-zie nou, apre swasann-dis lanne anchoukaj politik la-frans, sistenm ekonomi anni-machandiz tala te la toulong pi djok ek betje a tankon an kare ras-sosial te pi wototoy menm si yo te vini trape de-o-twa joutè ekonomi, djoumbatwa an-frans ek nan l'ewòp, djoumbatwa la-chin ki ka debatje. Matnik la ka anni ale genyen lòtbòtsay tout machandiz eti'y ka sèvi ek tout machandiz eti'y ka faktore, se pou kachte voye lòtbòtsay ; mi se sa, sistenm ekonomi-anni-machandiz la, se an sistenm ekonomi san p'an kawbe-tre natifnatal, ni menm delè an kawbe-tre atè-lakay. Man se fè moun ka li nouvel-matje ta'a, wè an sistenm ekonomi san kawbe-tre natifnatal se pa an sistenm ekonomi, man se fè sa brile zòt men sa ke toudi  politikè ek nouvelis nan lang-an-frans atè Matnik la ; se pou sa man ka toulong matje "sistenm ekonomi la-frans atè Matnik".

Se pou se tann ek konprann an sistenm ekonomi konsa toulong nan banbann sitire-desitire-vire-sitire, an djoubap san-manman nan mitan dwel-ekonomi kapitalis la (tinen/pòyò, sik, wonm, ekonomi drivayaj la, atè Matnik), dwel-ekonomi faktore-aleliwon an, asou an bò, ek, lòtbòtsay dwel-ekonomi nanninannan an eti la pou ba moun atè-lakay manje-brè, zoute yo, flouze lavi-toulejou yo, blèz kò yo, an kou konsa. Pi bililik, atè Matnik ek nan tout se ekonomi kare-tè-lanmè atè Karayib la se zafè dwel-ekonomi faktore-aleliwon an ki pa vini touve dwel-ekonomi nanninannan an la ka atann li tankon nan tout peyi kontinan oliwon-latè. La-pou-la, se pou se wè an dwel-ekonomi nanninannan ki pa ni kont tjouns pou se fè kakol douvan dwel-ekonomi faktore, se pou'y pa fouti ba chak se tjouns li a an rel lahan-bokantaj  (tjilo bokodji O-Fanswa a pa ni an rel kannan-lahan fann douvan tjilo dachin-souf Mòn-Wouj la ek/oben, apre lanmè kavale, woule-lanm lan, tjilo wonma a ka rete nan menm rel kannan-lahan an, pa ni an larel-gouvelnaj ekonomi vann/genyen ki ka bay) ; ek, pi nan fondok, se pou dwel-ekonomi nanninannan ta'a  pa fouti kare an sa-sav ek ladje'y nan kabèch yich-dèyè ; nan kawbe-tre Latrinte a, machann mango a pa fouti depareye an mango-basiyak ek an mango-tin ale wè depareye an mango-ten ek an mango-vè.   

Leve-doubout Janvie-Fevriye 74 la te rive lè dwel-ekonomi bannann lan pran lanmen dèyè dwel-ekonomi kann lan. Se an bidim bat-dèyè sosial ki te bay la kòtok ; dwel-ekonomi bannann ta'a pa ka chaye p'an sa-fè teknik, se anni koupe, chaye, depate, lave, mete nan brèt, plen kontènè pou kanmiyon vini pran mennen peze anlè makadè ; moun Matnik pa te menm ni pou fè tinen mi, tounen fig-tikte oben tjek makandja. Nan dekou dwel-ekonomi kann lan te ka peze tok nan ekonomi-la-frans atè Matnik la, anchay kabeche-nèfte teknik te ka pe kouri lawonn rive jik nan dwel-ekonomi nanninannan an, ba'y balan pou se vini ekonomi natifnatal-matnik, nan sa eti an kabeche-nèfte teknik ka toulong kouri tout dwel lakou-peyi a ek leve an bidim depareyaj sosial ek larel-woule nan lakou-peyi a (social differentiation and social stratification) eti ka faroze dekatonn konsians sosial la. 

Lè ni an bat-dèyè teknik konsa, se pa anni an sa-fè teknik ki djigilòp, men se pou rel lajan-djoumbat se dekati nan peyi a, fè lanmizè kouri-lawonn, se an dekati sosial chak djoumbatè a, chak krèy sosial la pou yo se ka pèd lakat nan teknik faktore tjouns ek pi nan fondok pou ayen yo pa ni ka pòte ba yich-dèyè, ladje an sa-sav nan kabèch se tjanmay la ek brayès la nan lekol la. Se pa pou ayen, atè Matnik se anni progranm-lekol an-frans lan ("les rois mérovingiens, carolingiens et capétiens") ka bay menm lè kabwatè-lekol trape an konsians politik eti limenm ka pe dechèpie flap nan an plodari ras-moun. Dekati lajan-djoumbat te ka fè anchay ti ekonomi-oliwon towblip ; atè Matnik, sistenm sosial an-frans lan te vini kore dekati ta'a, fè plis lajan kouri lawonn men anni pou genyen machandiz lòtbòtsay ka debatje ek eti ka vann nan boutik-gran-tre betje ka tjenbe ba gran kinès franse a, sa eti ka fè yo, betje a, vire anni pran zandja lonji-aripatja franse yo, dekatonnen ekonomi anni-machandiz la.

            1-1. Depareyaj lakou-peyi nanninannan ek lakou-peyi nèfte atè Matnik. Dekatonn ekonomi an se toulong an bay-longsay sosial. Se pou, atè Matnik, konprann depareyaj sosioloji ka fè nan mitan "lakou-moun ek lakou-peyi" (F. Tönnies, Gemeinschaft und Gesellschaft) pa ka rive depenn tout dekou-kòtok sosial ki te ka bay nan tan ta'a, ni menm konprann tout yonn-a-lòt, tout leve-o-ka, ki te pe ka bay. Bitako a pe te ka sèvi traktè asou an bò ek lòtbòtsay mokap epi kepòn ki te sòti jik Etazini men betje apèkèlèt la pa te fouti li, ni konprann, larel-sèvi'y la ek konprann wach-dèyè asou laliwonn lan epi moun oliwon.

Lòtbòtsay, depareyaj lakou-peyi nanninannan ek lakou-peyi nèfte a pa fouti fè nou wè tout dekou ekonomi ki liannen epi sikti sosial ki ka bay nan lakou-peyi nanninannan an ek lakou-peyi nèfte a. Nan wach-lavi atè Matnik jik nan Janvie-Fevriye 74 la, toumbilaj sosial la pa te ka rive nan bout an antipilaj larel-gouvelnaj sosial ki te ka sòti An-Frans debatje men nan djoubap nan mitan de krèy ras-sosial, betje a asou an bò ek nèg-ginen lòtbòtsay. Se pou tann ek konprann sa eti larel-gouvelnaj sosial an-frans lan te ka anchouke kout-swel kòtòf la plis pase'y te ka apiye djoumbatè nan tjek nèftay sosial.    

            I-2. Djoubap dwel-ekonomi kapitalis ek dwel-ekonomi nanninannan an. Nan tout kare-peyi oliwon-latè dwel-ekonomi nanninannan an te ja la avan dwel-ekonomi kapitalis la rive ; sa ki ka fè dwel-ekonomi kapitalis la ka makaye, ka wenyen, jou-ale-jou-vire, dwel-ekonomi nanninannan ta'a ek nan djoubap ta'a an konsians sosial mayonmbo ka wakle ek ka pe pòte ba an konsians peyi-natifnatal. Isiya la konsa ni anchay fè-kakol teknik, sa eti sipoze an konte-kabeche toulong ek pi nolfok, an kabeche-nèfte, se se pianmpianm ; fè-kakol teknik, se pou fè eti teknik se gangan an, vire kabeche yo.

Nan peyi Karayib nan-mitan-lanmè a, djoubap ta'a pa ka bay, dwel-ekonomi nanninannan an rive nan menm dekou epi dwel-ekonomi kapitalis la menm si dwel-ekonomi ta'a te anchouke tjouns natifnatal. Atè Matnik, delè nan mitan de biyon bannann oben nan tjek tras chan bannann lan, djoumbatè-bitako a te pe fouye tè fè an kare patat oben de konkonm tousa ki fè kontaminaj klòdekòn oben yonn adan se dis-epi sonmi-depotjole-ti-bèt la te ka bay tenkant. Se pou se tann ek konprann, dwel-ekonomi kapitalis la (oben faktorelizè a) te ka ladje teknik li (zouti-djoumbate, langre, teknik wouzinen, tousa), kòtok nan dwel-ekonomi nanninannan an.

   

II - Anchoukaj politik la-frans lan, atè Matnik.

Nou pa nepi sa kabeche asou leve-doubout sosial atè Matnik san rete lonyen  anchoukaj politik la-frans lan, "La départementalisation" eti Eme Sezè epi se konpayel kominis Matnik li a te pòte anlè. Nou pa'ay vire asou karetel mal-mouton ta'a otila kominis Matnik la te fè eti gouvelman la-frans pou regle djoubap sosial (ek djoubap ras-moun ki liannen epi'y) ki te bay nan mitan moun Matnik epi kòwòt betje a tankon an lonji aripatja an-frans lan (burguesía compradora), atè Matnik. Nou ja kabeche, vire-kabeche, toulong kabeche, anchoukaj politik la-frans ta'a mete nan de lanmen betje a, tout baton ki te ni pou foute kou an tjou moun Matnik, aleliwon.

Sezè, Dawsiè, AlikerDebatje eti sistenm sosial an-frans lan debatje atè Matnik, se pou'y te sitire an krèy sosial, moun eti te ke la pou palantje sistenm lan. Betje a pa te pe vini krèy sosial ta'a, se pa moun ki djè konpayel epi lang ek mès-fondalnatal, depi se pa pou konte lahan yo rape an lanmen moun ka trimen, se pa zafè yo. Se pou sistenm sosial ta'a te palantje an ti konpanyi yich ek ti-yich madjendjen-bitako a tankon an krèy-sosial kousinè ("une classe tampon") eti ki, limenm, nan Janvie-Fevriye 1974 ta'a, vini doubout douvan betje a ek an kare mande-trape tjouns sosial ki te ka mare peyi a anba larel gouvelman an-frans lan. Krèy sosial ta'a eti te ka sitire, toulong pianmpianm, depi dekati sistenm ninang-founang lan, vini pi djok nan mitan lanne 60 lan lè ekonomi kann lan dekati ek nan menm balan an vini sispann pòte tjouns ek sa-sav nan laliwonn sosial naninannan Matnik la.

Mi se sa, anchoukaj politik la-frans lan te ka tizi krèy madjendjen-bitako atè Matnik (sa eti moun te pe mete anlè kont an nèftaj ekonomi ek sosial), leve an gwo krèy djoumbatè sistenm gouvelman la-frans, jik pou moun te ka koupe zèb te vini djoumbatè-gouvelman ek nan menm balan an, apiye djoktòch ekonomi se betje a (se an ti-piti-ti konpanyi moun atè Matnik) eti te pou ja djigilòp depi kon sistenm ninang-founang lan koumanse dekati, owonzon dis-lanne 1760-1770 pou desitire wondong nan dis-lanne 1848-1856 la. Se pa anni pou gouvelman la-frans te ke kore lahan-debantje se betje a nan dekati sistenm ninang-founang lan epi larel-gouvelman 30 Avril 1849 la, se pou'y te vire pran'y epi larel 19 Maws 1946 la eti Enme Sezè, kabechè-plodayè nèg-ginen krann lan, te palantje, menm si lanne dèyè se pou'y te ale plenyen gouvelman la-frans te kouyonnen yo.

Tout mare-latje sistenm ta'a se krèy sosial eti te ka pòte lèspri ek sa-fè ki te ke pe kore jik depotjole ekonomi anni-machandiz la, vini dekati, vini pi lòlòy anba jouk sistenm sosial la-frans lan ek se ayen Matnik pa fouti fè pou kore ekonomi bannann ta'a eti la ka debaba tout peyi a, pa anni tè ki pri anba kontaminaj men tout sa-fè, se tout sistenm sa-sav la ki ka djigilòp depi lanne 1974-75, tout sistenm fè-kakol natifnatal Matnik la. Se jaden-karayib la ki vini ka djigilòp towtow, an djoumbatè-bitako se te an mayonmbo tou, konsa djoumbat te bout anlè bitako a, se pou'y te rale madjoumbe a, fè jaden'y ; a-lè-la, se te pou touche lahan-gouvelman ale genyen machandiz pouri ek kontaminen nan gran-tre betje a.   

Prèmie bagay eti se ranboulzè sosial Matnik la (palantjè-peyi a tou) te ka fè se te aprann moun li ek matje lang an-frans lan ("éduquer le peuple" konsi se te tjanmay-lekol oben moun soubawou ki pa te ni lang pou ta yo), se pa li ek matje lang natifnatal-matnik la, fok se mete tèt anlè bagay ta'a eti tankon an mòde-latje te ka mare Matnik nan sistenm larel-gouvelman la-frans lan ek te ka rale anba moun atè Matnik laliwonn sosial nanninannan an eti yo te leve ek te ka pare (si se pa bare) kou gouvelman ek lakou-moun la-frans lan, sweleley andidan ek sweleley andewò, te la ka foute an tjou yo, wap wap.

            II-1. "La départementalisation" mete moun yonn-tou-yonn atè Matnik. Se pa jòdi man ka apiye asou sa eti anchoukaj politik la-frans atè Matnik depotjole tout lèspri ek plan-divini lakou-moun owala eti'y te lonje ba chak moun-yonn-tou-yonn, an lajan-genyen sosial ki pa te ka vini pou kore wach-dèyè banbann sistenm lan men pou vire pran apre debantjaj se betje owala ekonomi sik-betrav la vini ka bay nan oliwon 1812. Nan tjenbe ti lajan-sal ta'a nan lanmen yo, avan ale ladje'y nan boutik betje a genyen nannan pouri lòtbòtsay, moun atè Matnik vini ka pe chape anlè rèchte lavi toulejou atè Matnik la.  

Yonn-tou-yonn ta'a (process of individuating) te ka apiye san-frape an bay antre nan wach-lavi-nèfte a, genyen anchay machandiz-pouri oben vie-machandiz, anlè tre gran-boutik otila rel genyen-vann machandiz la pa te anni adan kannan djoumbat ki te adan men karetel eti'y te fè, sòti An-Frans rive Matnik. Moun-yonn-tou-yonn atè Matnik la pa te faktore ayen, se se voye golèt nan an pie-mango blenm, ek wach-lavi-nèfte ta'a pa te pe ka chaye p'an toumbilaj sosial.

            II-2. "La départementalisation" debaba dwel-ekonomi nanninannan an. Nan mete moun atè Matnik, yonn-tou-yonn ta'a, "la départementalisation" Eme Sezè a pa te anni depotjole laliwonn sosial nanninannan-matnik la men te bat pou koubare tout fè-kakol dèyè ki te pe leve nan apiye dri ek sitire an vini-vie-kò nan kannan-moun atè Matnik, tout bagay te ka chaye kann bò tras ba betje ek moun-an-frans pou yo te tjenbe tankon ti-piti kannan-moun ; ek lòtbòtsay nan koubare tout kouri-lawonn lang ek mès-fondalnatal natifnatal-matnik la nan sistenm gouvelnaj la.

Lè lang ek mès-fondalnatal la pa ka kouri lawonn sistenm gouvelnaj la, se an sa-fè, an sa doubout-moun, an sa-sav ki pa ka kouri lawonn ek se pou moun nan peyi a pa fouti pran letjèt nan divini ek anni rete pri adan tan-nanninannan, plere asou pàs eti gangan yo pase, rete la ka drive nan kabèch asou an zayann otila iwì egúngún dùn létí, tout bagay pou pran dlo mousach pou lèt-koko. 

 

 

III - Leve-doubout sosial Janvie-Fevriye 74 la.

Isiya la konsa se pa pou vini matje an jou-ale-jou-vire leve-doubout sosial Janvie-Fevriye 74, bagay man ja fè nan piziè kou nan jounal Madjoumbe epi asou Wanakera-nan-lanmè-Karayib ek eti anchay medja pòte-nouvel atè Matnik (Radio-APAL, RLDM, RFA, jounal-APAL, tousa) ka fè moun tann nan dekou rete-sonhe Janvie-Fevriye74, chak lanne. Nan an peyi otila mès-fondalnatal politik la, sa-sav politik la, flòkò, wach-lavi politik Matnik anba wach-ek-kratjak  kòtok wach-lavi politik an-frans ek anchay adan palantjè-peyi, lajounen-jòdi, ka bat, nan konsians oben san-konsians, nan desèvlaj ta'a, konsians sosial la toulong pri anba mande-trape branbrann oben tjek lanmen-djok sosial an-frans. Se mande-trape branbrann ek lanmen-djok sosial an-frans ta'a eti ka depotjole sosializay politik la, jik mès-fondalnatal la atè Matnik, tikatikataw.

Piplis kare-apiye-djoumbatè, piplis kare-politik palantje-peyi-matnik la, piplis brannzè sosial atè Matnik, menm sa eti palantjè-peyi ka bat adan yo, pòkò pe rive konprann mande-trape yo a ka debaba laliwonn sosial nanninannan matnik ta'a jik pou fè'y djigilòp, se tankon mete peyi Matnik la tou-touni anlè de pie'y, koubare divini natifnatal-matnik li, fè chen mòde latje'y. Konsians sosial ta'a eti se krèy palantjè-peyi a, natifnatalis la ek ranboulzè sosialis la (GAP, GS70, Mawonnè, Rassemblement ek GRS, tout se kare-politik UPSOA a) ki te leve'y, se te pou apiye an pete-chenn  politik ; dekatonnen an konsians sosial pou se rive, to, adan an konsians politik, men, nan kabèch piplis djoumbatè atè Matnik, konsians sosial la se te anni pou kore, si se pa defarouche isenbokte kout-swel andidan an (internal domination), betje a. Piplis djoumbatè Matnik la, pa te ke le tann pale an toumbilaj politik atè Matnik, se se an kawbe-gouvelnaj atè-lakay, bagay eti PCM (Parti communiste Martiniquais) te ka mande trape depi Konsit Mòn-Wouj la, nan 16-17-18 d'Awout 1971 ; PPM (Parti Progressiste Martiniquais) tou epi kantekantaj sosial li a, te bay nan konsit ta'a, se pou di an moun lòlòy eti sa te lòlòy, kabwatè kawbe-gouvelnaj atè-lakay ta'a pa te ke sa demare bèf an betje nan savann eti betje ni pou ta yo epi sa.

Nan dekou se lanne 70/80 an, an konsians politik te ka sanm sa ki te ka pri, toulong pianmpianm, men nan 25 Jwen 1981, mètafè PPM la, Eme Sezè, te jete tout lide an kawbe-gouvelnaj atè-lakay  nan djol-bwak Bò-Kannal la, sa eti te ka fè moun Matnik wè, nan de koko-zie yo, kanman ek lespri koubarè tout lide wangannite-politik ek menm tout lide apiye-asou-pwa-kò atè Matnik eti Eme Sezè ek se konpayel PPM li a te ka chaye ek palantje, konsa'y te ladje kominis la nan 1956. Se konsa konsians sosial la te ka fè an bat-dèyè karann-senk lanne, anni pou mande kawbe-gouvelman la-frans lan ale pale chwichwi nan zorèy se betje yo a. Pou lòlòy eti plodari kantekantaj sosial la lòlòy (PPM, RDM ek PCM adan pi rèd ek an konpanyi se palantjè-peyi a, MIM ek konpayel ka bat djol-koule douvan'y), se an lèspwa-mal-papay tou, konsians sosial la pa te pe tjoke an konsians politik atè Matnik.

Leve-doubout Janvie-Fevriye 74 la te pòte titak ba mès-fondalnatal politik atè Matnik la, te vidjoze'y, te apiye'y anni nan sa eti piplis kare-politik palantje-peyi-matnik lajounen-jòdi sitire nan dekou ta'a ek nèyè menm plodari wangannite-politik la, plodari politik apiye-anlè-pwa-matnik (se plis pase gouvelnaj atè-lakay PCM ek PPM kantekantaj sosial la) te fè chimen yo, jik pou se kare-politik kawbe-gouvelnaj atè-lakay la, PPM ek PCM, te, nan dekou palantje mès-fondalnatal politik matnik, trape nan mitan yo an ti-konpanyi-moun te ka tjoke plodari politik apiye-anlè-pwa-matnik jik delè an ti-piti konpanyi adan ti-konpanyi-moun ta'a te ka pran lang epi plodari wangannite-politik la. Leve-doubout Janvie-Fevriye 74 la te fè tout kare-apiye-djoumbatè te mete an "M" Matnik, yo te "matnitjennize" tit yo ek delè menm ladje kay-manman la-frans yo, anni piplis adan FO eti Frantz Agasta, anba chwichwi Guy Cabort-Masson, te toumpotjole nan CSTM, Centrale Syndicale des travailleurs Martiniquais.

Menm si se te anni an ti-konpanyi djoumbatè -bitako ki te rive nan konsians sosial la, la eti yo adan an kare-moun ki trape tèp yo pou ta yo (intérêts propres) ek ka goumen pou sa, yo sitire UTAM (Union des Travailleurs Agricoles de Martinique) nan desanm 1974 ek ki tounen nan UGTM (Union Générale des Travailleurs Martinique)  nan konsit 13 desanm 1981 an atè Latrinte, nan mwa leve-doubout sosial Janvie-Fevriye 74 ta'a, nan toumbilaj sosial ek mès-fondalnatal ki te bay nan peyi a, fok se mete douvan, douvan-douvan, dekou rive ka plodaye mande-trape sosial ek politik, eti lang-natifnatal-matnik la te vini ka pòte. Jik isiya la se te anni se plodari lòlòy Eme Sezè a, plodari lonje-lanmen-mandjannen, nan an lang-an-frans djol-dou eti anni an ti-piti konpanyi moun Matnik te ka pe fè wol plodayele (pran letjèt nan divini, nan tan-ka-pase, epi lang ta'a) ki te ka bay nan medja pòte-nouvel. Konsa Janvie-fevriye 74 bay, lang-natifnatal-matnik la vini ka kouri lawonn plodari sosial la ek plodari politik la, nan lèspri-ale an lang-kreyol-tjòlòlò, ek anni sa te dekatonnen lèspri apiye-anlè-pwa-kò a, atè Matnik.

            III-1. Lang-pale leve-doubout sosial Janvie-Fevriye 74. Fok pa te ke ale mande se djoumbatè-bitako a, se madjendjen atè Matnik la, moun ka trimen, moun ka pòte chay, pale tjek lang an-frans, pale menm lang ek yich-man-bans lan te ka fè kout fizi anlè yo a. Man Tòy epi se konpayel li a te ni anni an lang, lang natifnatal-matnik la eti pa te ni tit pou bokante nan sistenm sosial la-frans lan ki te ka debatje atè Matnik. Se pou sa se gran kabwatè "Autonomie pour la nation martiniquaise" la oben "gérer nos propres affaires" la te kouri lonje dwèt asou an ti-konpanyi gawayè ki te ka pale nan tèt se madjendjen an.   

Se pou ale konprann owala an plodari politik te ke sa rive tann ek konprann lang natifnatal-matnik ta'a, se pou'y te ke kouri lawonn flouz nan mitan se djoumbatè-bitako a ek se mayonmbo Matnik la. Plodari politik ki te bay pou apiye leve-doubout sosial ta'a te rete an plodari kouto-de-lanm, an plodari kreyol, toulong gade wè anchouke plodari sosial an-frans lan, atè Matnik, man se pe menm matje kreyolize'y, tousa ki fè magre kare-djoumbatè ki leve dèyè ek tout ti kare-politik tou, an plodari wangannite-politik oben menm apiye-anlè-pwa-matnik, an plodari natifnatalis (plodari politik Guy Cabort-Masson an) pa tjenbe nan tan ki pase.

            III-2. Apiye-asou-pwa-matnik la pa te ke pe bay andewò lang natifnatal-matnik ta'a. Lang lan pa ka fè kanman-fondalnatal la, se aprann tout moun oliwon-latè pe aprann an lang ka bay rel lang li, men se anni an lang natifnatal ka pe fè mès-fondalnatal politik an peyi. Pa pe ni an mès-fondalnatal politik natifnatal-matnik nan an lang-an-frans men anni an mès-fondalnatal politik la-frans atè Matnik.

Se pou plodari sosial la eti ki toulong la pou apiye an bay-douvan-lonsay apiye-asou-pwa-kò, mete tout sa-sav lang natifnatal la nan brann. Se pou plodari politik la eti la toulong pou peyi a se pran an letjèt nan divini, trase an chimen divini, leve an tilili katel-divini jou-ale-jou-vire ek fè yo tjenbe nan tan-ka-pase, vire kabeche, aleliwon-galba, tout kout-zie asou laliwonn/tan-ka-pase eti lang lan se leve.  

 

IV - Laliwonn sosial nanninannan atè Matnik.

Janvie-Fevriye 74 ka branbrannize kòtok, bat-dèyè laliwonn sosial nanninannan-matnik la douvan sistenm sosial la-frans  lan eti te ka debatje dawlakataw daw. Laliwonn sosial nanninannan-matnik ta'a (jaden karayib, tontin, lasotè, leskap, swen-bèt-a-de, lakou, bèlè ek lalin-klè, lang natifnatal-matnik la, lawviè-leza, toloman an, sousou, mès-fondalnatal la, sa-sav rimèd-razie a, djoumbat-lanmè, mare nàs ek lase filèt, tout yonn-a-lòt nanninannan, patati patalòt) tout mete-nan-brann ekonomi ek sosial eti te ka anchouke Matnik tankon peyi-natifnatal, men plis, te ka apiye an karetel fè-kakol depi nèg-mawon ek nèg-ginen-san-chenn sistenm ninang-founang lan jik lajounen-jòdi, an brennen peyi a asou kò'y menm, toulong pianmpianm ka fredi semeda-oliwon nan peyi a, pòkò te sa leve tjouns politik depi dal sapatony ek politik Sektanm 1870 la men te ka antipile tjouns, branbrann, sa-fè, sa-sav ek lèspri-doubout-nan-lavi pou sa.

Se pa jòdi man ka matje sa, gouvelnè zawa atè Matnik longsay 18enm siek la te konte an kannan 700 a 800 nèg-mawon owonzon chak lanne. Kilès kabechè-plodayè tan-nanninannan atè Matnik te ke tògò pou pa rive konprann an konpanyi adan se moun ta'a, se se an ti-konpanyi, pa leve an lakou, an lakou-moun, an kare-kay ("hameau" oben "quartier" nan lang an-frans lan), tjek kote eti, pou moun-asou-latè yo te ye, yo te ke pe drive nan kabèch yo, si se pa kabeche blo, an teknik, an modus operandi, an bwa-pou-ale, an sa-fè teknik, an we-feeling, an yonn-a-lòt, an leve-o-ka, an modus vivendi, bagay pou wè klè nan divini te ka rive pianmpianm ek pou chape anlè kare-dòg se zawa a eti te ka gade wè vire mare yo, te ka bannzate yo tankon bèt anba-bwa, soubawou-bwa-mitan. Nan 1709, gouvelnè zawa a te sitire an kare-dòg epi 400 moun pou vire mare nèg-mawon, se pou se tann ek konprann se pa anni an pwenyen nèg-mawon ki te ka kouri lawonn peyi a ek yo te ja ka doubout nan krèy-sosial.  Nan 1763, an zawa eti tit li se te Mercier de la Rivière te sitire an kare-dòg, fizi epi chen, pou te depotjole an kare-kay nèg-mawon nan bwa anba-solèy Latrinte, oliwon Bwa-Leza, lajounen-jòdi. Nan 1788, gouvelnè zawa a te sitire an kare-dòg anni milat ek chaben ki te konnèt tout ti wèt peyi a ek ki mare anchay nèg-mawon, delè menm nèg-ladje oben nèg-savann. Tousa pou fè se gran kabechè-plodayè tan-nanninannan atè Matnik ta'a sav laliwonn sosial nanninannan matnik ta'a te ja ka kouri lawonn, se se pianmpianm, depi 18enm  siek la ek te wakle, asou-moun-an, nan 19enm siek la pou te doubout-dwèt-pitjèt douvan sistenm zawa la-frans lan, nan Sèptanm 1870.

Se pou se tann ek konprann, lamenm la, owala laliwonn sosial nanninannan matnik ta'a te kouri lawonn ek wakle, se pou'y te sitire an larel, an karetel pòte sa-sav ba yich-dèyè ; tout moun, oliwon-latè, pou moun yo moun nan moun yo (tann sa tankon, "l'humanité comme devenir humain de l'homme"), ka gade wè ladje an tras ba yich-dèyè ek nan pimpe-aleliwon ladje-ba-yich-dèyè ta'a se pou te ranbonni laliwonn sosial ta'a, anchouke'y nan tan-ka-pase. Nan ladje ba yich-dèyè ta'a, an konsians sosial te kouri lawonn ek te wakle jik nan Sèptanm 1870 ek te bat dèyè apre dal politik la ki dèyè tout dal sapatony kòtok.

Se te anni krèy djoumbatè-bitako eti te toulong fè yonn epi mayonmbo Matnik la ki te ka pòte laliwonn sosial nanninannan matnik ta'a. Se pou se kabeche sa eti laliwonn sosial nanninannan ta'a pa te kare-bare nan Janvie-Fevriye 1974, pòkò te vire doubout djok, apre dal politik ek sapatony Sektanm 1870 la eti larel-gouvelman maws 1946 la, La Départementalisation, te apiye. Laliwonn sosial nanninannan matnik ta'a pa te djok kont djok li pou kore sistenm-bitako a oben koubare'y, tjotjo'y, ale wè vare'y, depotjole'y. Djoumbatè-bitako ek mayonmbo Matnik la, te ka bat asou de bòdaj, an kou nan ekonomi anni-machandiz la-frans lan, tankon djoumbatè-bitako ; anlòt kou, tankon mayonmbo, nan ekonomi vivri ek laliwonn sosial nanninannan matnik la, pou ekonomi anni-machandiz la eti pa te fouti ba yo an lanne djoumbat kole.

An djoumbatè-bitako se toulong an mayonmbo ki pa ni tè djabalapte, fouye, oben ki pa te ni kont tè ba madjoumbe'y, tout djoumbatè-bitako te mayonmbo nan menm balan an men tout mayonmbo pa te djoumbatè-bitako, sa eti fè fok sa depareye yo nan kabeche sosial la atè Matnik menm si nan wach-lavi toulejou, yo pe ka bay adan an menm djoumbatè. Nan tout dekou, bitako te ka toulong ba moun o-plis 3 jik sis mwa djoumbate nan an lanne ; larestan lanne a, se pou djoumbatè a toumpotjele nan anlòt brannzè sosial ek sa tou-yonn pe te ka tjobole, si se pa koubare, wakle an konsians sosial, pi nolfok, an konsians politik atè Matnik. Pi nan fondok, sa ka ba djoumbat la, limenm, anlòt pwa-peze nan kabèch moun, ek anlòt wach-woule nan lavi sosial la otila moun pa te ka djè rive depareye djoumbat epi djòb.

            IV-1. Dal politik ek sapatony Sèptanm 1870 la. Se pa anni pou sa-sav politik ek sapatony Lwi Telga a ki te lòlòy ek te patate, aleliwon-galba, nan mitan lonje-dwèt anlè rayi-ras nèg-ginen ki te ka bay ek an doubout-pitjan politik pou pete-chenn Matnik, se pou krèy mayonmbo a (krèy moun ki te dèyè Ehèn Lakay ek te ale bare tè asou bitako oliwon) ki pòkò te rive blo nan konsians sosial la (se anni an ti-piti konpanyi moun dèyè Ehèn Lakay ek E. Sidne ki te ka bay lavwa pou an Repiblik nèg-ginen tankon ta Ayiti a) ek pòkò te depareye fann-lanm epi krèy djoumbatè-bitako, yo menm yich-dèyè ninang-founang anba wou, nèg-ginen san-chenn nan savann, yich-dèyè tout se moun ta'a (yo pa te piplis) eti nan 1848, pòkò te fè an kout apiye-anlè-pwa-kò.

An ti konpanyi moun leve-doubout Sèptanm 1870 la se yich-dèyè ninang-founang, yo pa te trimen anba sistenm ninang-founang lan, piplis moun prèmie ranboulzay sosial ta'a se yich-dèyè nèg-mawon ek nèg-san-chenn, moun eti ayel yo ki te ja ka djoumbate an kare-tè nan Matnik mitan 18enm siek la, men menm si yo te pòte-ladje an wach-lavi mayonmbo ba yich yo, nan dekou Sèptanm 1870 ta'a, nèhè menm an mès-fondalnatal natifnatal-matnik, yo pòkò te kabeche  an katel-divini politik nan tan-ka-pase.

            IV-2. Laliwonn sosial nanninannan se pòhò sistenm sosial. Se anni an gouvelman ki ka pe toumpotjole tjek laliwonn sosial nanninannan nan an sistenm sosial. La-pou-la, se pou branbrannize an antipilaj sosial nan tan-ka-pase men nan sistenm sosial la se pou depareye an yonn-a-lòt lakou-moun (mechanische  solidarität) ek an yonn-a-lòt larel-gouvelman (organische solidarität), ta'a eti ka pe rive fè pou boulin tan-ka-pase ka pran boulin pase, se ladje anlè boulin.

Tan ka pase atè Matnik tou, ek nèhè plis pase dòt peyi oliwon-latè ka pase ek anchay boulin-pase pou gouvelman natifnatal-matnik ki pa ni ek pou gouvelman zawa la-frans lan ka ladje blo yonn-a-lòt larel-gouvelman'y anlè an lakou-peyi otila anni lang natifnatal la te ka pe ba an moun an larel li laliwonn/tan-ka-pase a ; se pou se tann ek konprann sa eti pran-boulin-pase sosial tan-ka-pase a ka pe ladje lang natifnatal la limenm nan chimen, se an bat-manman.  

 

V- An konsians politik leve, pianmpianm.

Nan dekou leve-doubout sosial janvie-fevriye 74 la, anchay ti kare-politik natifnatal-matnik, delè plodari-mao oben plodari-marks-lenin kontel GS 70 (Kare-politik Sèptanm 70, Groupe Septembre 1870, nan lang-an-frans lan) te ka bat lawonn pou fè djoumbatè pran konsians ek bay adan CGT pou toumpotjole'y nan kòtòf. Dòt, kontel GAP (Kare-politik mete-nan-brann djoumbatè, Groupe d’Action Prolétarienne, nan lang-an-frans lan) te ka bat pou djoumbatè te ladje CGT eti ki te tak two molpi ek sitire an kare djoumbatè-bitako natifnatal-matnik. Se piplis moun de kare-politik ta'a ki te liannen pou fè CNCP (Conseil National des Comités Populaires), lanne dèyè, eti te, tankon piplis kare-politik palantjè-peyi atè Matnik, apiye asou leve-doubout sosial la,  pou dekatonnen an leve-doubout politik, toulong tankon an pete-chenn sosial, ki pa te ke pe fèt san se djoumbatè a ek pi nan fondok, san se djoumbatè-bitako a.

Leve-doubout Janvie-Fevriye 74 la te rive nan menm balan eti anchay krèy politik natifnatal-matnik (Mawonnè, Sanble Senjozef, Zanma Sentàn lan, Moun-doubout Lawviè-Sale) ek palantjè-peyi atè Matnik ; an bidim jijinay politik ki te koumanse nan se lanne 67/68 la ek eti ki toumbile lespri moun Matnik anlè lavi yo, anlè kò yo, anlè tan-nanninannan atè Matnik, anni di anlè tjouns sosial ek politik yo, tjouns branbrann tou, anlè lang-natifnatal yo, anlè peyi-natifnatal yo tou, ba yo tjouns pou yo se rive kore pran-boulin-pase sosial tan-ka-pase a. Men se kare-politik ta'a eti te ale èche plodari politik yo lòtbòtsay, nan La-Chin Lakou-tout-moun  Mao Zedong lan, nan La-Risi Ranboulzay bolchevik Lenin lan, delè pi ralba, man tou dèkètè, nan Kouba, Sosialis oben pran-lanmò, Fidel Castro ek Ernesto Che Guevara, lanne 59 la ; se kare-politik ta'a pa te ale fouye nan fondok lang ek mès-fondalnatal Matnik la, yo pa te ni tan pou sa, yo te toulong adan an ja-ka-ta politik eti ki fè an konsians politik natifnatal-matnik pa leve djok dèyè konsians sosial ki te tije, se se tou fennen, nan leve-doubout sosial Janvie-Fevriye 74 la (nan liv li a, Les indépendantistes face à eux-mêmes, Etudes nationalistes N°1, nan lanne 1978, Guy Cabort-Masson te lonje dwèt anlè se tjak ta'a) ; se se pou bat asou lide an kawbe-gouvelman natifnatal-matnik, an rel-rive ki te ke ka ladje apiye-asou-pwa-matnik politik la (autonomie politique) eti te ja pi douvan pase jeray atè-lakay PPM ek PCM lan. Se anni Guy Cabort-Masson ek se konpayel FRONALIMA ek/oben MLN li a ki te pòte lide ta'a eti se kabwatè leve-doubout sosial la pòkò te sa gade nan mitan de koko-zie yo. 

Men plodari politik ki kouri lawonn nan dekou leve-doubout sosial Janvie-Fevriye 74 la te bay anni nan lang-an-frans lan, lang mapipi poèt nèg-ginen-krann Fòdfrans lan, lang kominis-pòpòf kantekantaj sosial la, bagay pou'y te toulong gade wè denatifnatalize (delantiraye ek dedekourelize nan menm balan an) plodari sosial la eti, nan tout leve-doubout sosial oben politik, ka pe tjenbe ek/oben palantje an pimpe-douvan kòtòf (dynamic of internal organization, negative entropy) pou se devere, fè siyak, nan mitan se koraj tan-ka-pase a, nèhè menm kore se pran-boulin-pase sosial tan-ka-pase a ek pa anni rete la djol-koule asou branbrann eti gouvelman la-frans te ka fè kouri lawonn atè Matnik. Lòtbòtsay, nan chak dekou toumpotjole (brèt nwè plodari sistenm lan) se mande-trape matnik la (imputs, nan lang-matnik ek apre nan franse-bannann avan rive nan lapòt kawbe plodari-politik la-frans tankon black box la epi tout larel-andidan'y, throughputs, eti ka kouri lawonn li) nan tjek larel-gouvelnaj la-frans (outputs, anni nan lang-an-frans lan), se pou apiye denatifnatalizad ta'a ek se pou toulong bat pou sote dekou mande-trape atè-lakay la.  

Pi nan fondok, nan dekou leve-doubout sosial Janvie-Fevriye 74 la, tankon sèpan ka pe mòde latje yo, lang natifnatal-matnik ta'a vini ka kouri lawonn plodari sosial la ek plodari politik la men anni pou mande trape plis branbrann, plis tjouns eti ka fè konsa gouvelman la-frans tann se mande-trape ta'a se pou yo ladje tout natifnatalite matnik yo ek se pou plodari politik ki sitire yo, ki faktore yo se vini lòlòy anfwa jik pou djigilòp, tankon tjwe dife a epi dlo-bouyon an. Plodari politik ki leve oliwon leve-doubout Janvie-Fevriye 74 la, plodari apiye-asou-pwa-matnik ek plodari wangannite-politik la, vini ka bat dèyè, ka dekati jik djigilòp anni pou liannen tjè-koko eti'y te liannen tjè-koko epi an plodari sosial anni pou mande-trape branbrann towtow eti gouvelman la-frans pe lonje flap tankon an santay, an faro distenkant ba se betje'y la oben se zawa'y la atè Matnik.

Se pou se konprann sa kòdjòm, pou kannan-moun atè Matnik ki pa djè anpil, owonzon 400.000 moun, gouvelman la-frans pe rive kore, flouz, tout mande-trape branbrann peyi, ek nan bout tousa, se pou plen pòch betje a, dwel-ekonomi kapitalis la, eti se anni an lonji aboulikann-makadè la-frans atè Matnik. Pi dwel-ekonomi kapitalis ta'a (bannann, wonm, drivayaj, boutik gran-tre) ka dekatonnen, pi dwel-ekonomi nanninannan an ka bat dèyè ek pi konsians politik la (nan lèspri Frantz Fanon an, konsians peyi-natifnatal la) ka bat dèyè. Dwel-ekonomi nanninannan ta'a pe vire djok, vire larel, anni adan an sistenm anchoukaj natifnatal eti se anni lang natifnatal-matnik la ki pe sitire'y.

            V-1. Se tjouns politik la atè Matnik. Chak dekou gloriye ek rete-sonhe 22 Me, chak dekou gloriye ek rete-sonhe Sèptanm 1870 oben ankò chak dekou gloriye ek rete-sonhe Desanm 59 se tjouns politik. Se toulong tankon an lèspri men an branbrann-kòtok tou eti ka pe peze nan dekatonn konsians politik la ek pi nan fondok nan fondasay peyi-natifnatal la tou.

Se pou se kabeche sa eti tjouns politik ta'a nan apiye eti'y ka apiye plodari politik la limenm ka pe toumbile, pianmpianm oben towtow, ka pran plis wach oben ka dekati ek nan dekou an leve-doubout sosial, se pou se tjouns politik la wakle, ladje rel yo rive nan anlòt. Pi douvan, lang-natifnatal la, lè moun ka matje'y aleliwon (pa pe ni lang-natifnatal si pa ni matje) ka pe limenm apiye se tjouns politik la fè yo wakle menm andewò leve-doubout sosial.  

            V-2. Sosializay politik la, atè Matnik. Owala nou bay-antre nan siek latè-wonn lan, nan medja pòte-nouvel aleliwon-galba eti ka fè tan-ka-pase pran an bidim boulin-pase (Internèt, epi chenn-liannaj sosial la), konsians sosial ta'a fini bat pou moun ki toulong yonn-tou-yonn douvan se medja ta'a ek owala konsians sosial la te ja flòkò se pou yo rarate anni bagay koutja, obre de sou, veye dousin katjòt moun, ti bout-djel bò-kay. Leve-doubout sosial lajounen-jòdi sipoze an brannzè sosial, an djoumbatè, ka mètsèvle sistenm pòte-nouvel jik sistenm kouri-kanmo a ; piplis moun Matnik, depi desèvle franse a jik palantjè-peyi (san lang-natifnatal-matnik la), pòkò sa rive la ek plodari politik la vini anni o-pi-jere-kòdjòm an kawbe-gouvelnaj la-frans atè Matnik.

Men mi se anni kare politik ek sosial palantjè-peyi Matnik la (CNCP, MIM, MODEMAS, MPREOM, Nou Matinitje, PALIMA, PKLS epi larestan) eti te ka fè sosializay politik, te ka fè an mès-fondalnatal politik natifnatal-matnik kouri lawonn ; nan lespri ta'a eti mès-fondalnatal politik la pa pe doubout si'y pa ale èche nan fondok peyi, nan peyi-doubout nanninannan an, ek se anni lang-natifnatal djok la ka pe fè moun wouvè chimen ta'a. Sa fè, brannzè sosial Matnik la, asou chenn-liannaj sosial la men nan wach-lavi a tou, ka anni gobe nouvel ek kanmo ka kouri lawonn An-Frans, sa eti ka depotjole tout ti sa-sav natifnatal-matnik, jik lang-natifnatal-matnik la.

  

            Lè ekonomi mayonmbe bannann lan pran lanmen anlè ekonomi mayonmbe kann lan, se pa te anni an bat-dèyè teknik, an mès-fondalnatal lizin ki dekati jik pou djigilòp, se an bidim bat-dèyè sosial eti sistenm sosial an-frans lan ki te ka debatje vini apiye, blo. An sistenm sosial se toulong anchay ti ranbonni pou flouze liannaj nan mitan djoumbatè ek djoubatayè nan djoumbatwa pou fè kannan tjouns wakle, apre se pou kore semeda a nan lavi toulejou nan an peyi ; pi nolfok, pòte an sa-sav pou moun se ka  vire-kabeche, vire-konte tjouns peyi ta'a longsay-ale. Sistenm sosial la-frans ta'a debatje Matnik, ek tankon an chen adan an lari nèf, se pa li te ke rive pòte an sa-sav sosial ba djoumbatè atè Matnik la pou'y se ka rive doubout djoumbatè nan sistenm lan eti'y te ka trimen anba'y la. Se pa anni djoumbatè bannann Matnik la ki pa te ni p'an sa-sav pou fè sistenm sosial la-frans lan kouri lawonn ; kabwatè ekonomi bannann lan, limenm, pa te nepi ni sa-sav an-frans pou se doubout douvan, vidjoze oben mete-larel an sistenm sosial an-frans eti te ka pòte'y anlè. 

Leve-doubout sosial Janvie-Fevriye 1974, 44 lanne goumen politik pou anni an ti kawbe-gouvelnaj la-frans yonnife, bagay eti kabwatè politik natifnatal Matnik pa ke sa rive demare an bèf betje nan savann eti betje ni pou ta yo, epi sa ; lòtbòtsay, rete 44 lanne ka goumen pou pa genyen ayen, se se menm an kawbe-gouvelnaj-politik natifnatal, an kawbe plodari-politik mawon, pou moun Matnik se pran lang rive apiye anlè pwa kò yo, natifnatalize (man pi simie karibeyennize) lang ek mès-fondalnatal yo, vire konte tjouns peyi a.

Leve-doubout Janvie-Fevriye 74 la pa te leve an konsians sosial djok, wondong, men te leve tankon an konsians politik nan an ti konpanyi moun ki te ja nan chimen konsians politk, se owa lanne ta'a eti an mande-trape tjouns politik natifnatal Matnik vini leve, pianmpianm men plodari politik ta'a pa te ale èche tjouns li nan lang-natifnatal-matnik la ek mès-fondalnatal politik la eti'y ka sitire, se  se piani-piano ; se pou p'an pimpe-aleliwon kòtòf te bay ; tout krab la mò an bari a, plodari politik la, jòdi-jou se anni pou an pa-yaya, yonn-tou-yonn, vini fè palmarès lòlòy asou jeray  an ti kawbe-gouvelnaj la-frans nan an lang-an-frans bannann oben an pale-kreyol tjòlòlò eti ka depotjole lang-natifnatal-matnik la ek defondase aleliwon an ti kare-fondas mès-fondalnatal politik eti piplis moun natifnatal-matnik te ni pou ta yo apre 44 lanne leve-doubout pou apiye-anlè-pwa-matnik oben wangannite-politik  peyi a.

Simao moun Wanakera

 

Ale wè nan :

"La grève de Janvier-Février 1974", Marie-Hélène Léotin, APAL production, Fort-de-France, janvier 1995

- "Les indépendantistes face à eux-mêmes", Guy-Cabort-Masson, Voix du Peuple, Saint-Joseph, 1978.

Histoire de la Martinique, Armand Nicolas, 3 tomes, L'Harmattan, Paris, 1998.

   

Commentaires

O Carioca

O decreto de Garantia da Lei e da Ordem (GLO), com o objetivo na segurança pública do Rio de Janeiro, é o primeira na história do Brasil desde a criação da Constituição Federal de 1988.

Carib Info

"L’habitation, structure de base de la colonisation, la question des terres à la Martinique".

Conférence animée par Emile Eadie
Samedi 24 Février 2018 à 16h00
Domaine de la Pagerie-Espace Musée
Contacts:
Musée de la Pagerie : 0596683834
Comité Ti-Jo MAUVOIS : 0696082208

Cette conférence s’inscrit dans le cadre du cycle de conférences proposé par le Comité Ti-Jo MAUVOIS pour la 3è édition du jeu-concours d’histoire Ti-Jo MAUVOIS.

Carib.com

Marche Commémorative
des évènements de février 1974

Dimanche 21 Février 2018

- Au départ du Lorrain:
rendez vous 6h30 à Fonds Brûlé
à côté de de la Plateforme de Centre de Tri Postal
- Au départ de Basse-Pointe rendez vous 6h30 à Tapis Vert devant la Salle des Fêtes

Villes de Basse-Pointe
et du Lorrain
en partenariat avec l'UGTM
OT Basse-Pointe : 0596789901
Service des Sports du Lorrain :
0696217207

Carib.com

CONFÉRENCE DE PRESSE

Centre Caribéen
du Développement Durable et Solidaire

THÈME : Contamination des sols et terres d’élevage de bovins par la molécule chlordécone et compromission de la pêche aux crabes singulièrement à Belfond, Val d’Or sur le territoire de la commune de SAINTE-ANNE.

Mardi 27 février 2018 à 10 h 30
Face au Moulin de Val d'Or

Info bèlè

...Jounen Moun Bèlè...

Dimanche 11 Mars

La Maison pour tous du quartier Rivière Lézarde, au Gros-Morne.

-8h30: Assemblée Générale de la Coordination Lawonn Bèlè
- Projection de vidéo du Bèlè Djouba 2016 / Présentation du Bèlè Djouba 2018
_ 14H : Débat : Comment améliorer la qualité des" swaré bèlè" ?

Nou tout andwa la !!!!Fé fos pou fo!!!

Carib.com

"Édouard Glissant, l'éclat et l'obscur"

colloque international à l'Université des Antilles

Du mercredi 20 au vendredi 23 mars 2018

organisé par:
Louisiana State University (LSU, French Studies),
Université des Antilles (UA), Institut du Tout-Monde (ITM)

Lieux : Amphithéâtre Hélène Sellaye et Amphithéâtre Michel Louis (Campus de Schœlcher), Maison du bèlè · Sainte-Marie Hôtel l’Impératrice – Fort-de-France

Carib.com

O assassinato da vereadora Marielle Franco (PSOL) acendeu o alerta para um fato alarmente: desde 2014, ao menos outros 24 líderes comunitários, ativistas e militantes políticos foram evidentemente executados em diferentes regiões do Brasil.

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)