Brayès Karayib la

CARIFTA Games 2018 

              

 

 

 

Nassau, Bahamas : Se Bahamas ki ka eyalaye 47^enm CARIFTA Games lanne ta’a depi 30 Maws pou 2 Avril ek pou 8^enm kou a.  Carifta Games 2018 la se 500 atlèt ek 150 kare-joutè nan 26 peyi Karayib la. Carifta Games se an konsit spòw-kouri, atlèt anba 18 lanne, eti Austin Sealy, an kabwatè jout-atlèt atè Bawbàd, te sitire nan 1972 pou vidjoze liannaj nan mitan peyi anglopal Karayib la pou apiye rive an kare peyi, CARICOM ki te ka pran lanmen dèyè CARIFTA (Caribbean Free Trade Association) eti limenm te vini dèyè West Indies Federation.

Depi 1981, Carifta Games anchouke se peyi franseopal la (Gwiyann, Gwadloup ek Matnik menm si yo pa te adan CARICOM ek/oben OECS, lajounen-jòdi Matnik adan OECS asou tit li ki ta’y tankon peyi liannen epi OECS, sa ki fè’y pou adan CARICOM tenkant, tout peyi OECS adan CARICOM) ek se peyi nerlandopal la tankon Bonè epi Kourasao.

Anchay gran atlèt Karayib la tankon Yohan Blake (Jamayik), Ato Boldon (Trindad ek Tobago), Usain Bolt (Jamayik), Veronica Campbell-Brown (Jamayik), Kim Collins (St Kitts-Nevis), Debbie Ferguson (Bahamas), Alleyne Francique (Grinada), Shelly Ann Fraser (Jamayik), Kierani James (Grinada), Pauline Davis-Thompson (Bahamas), Kerron Stewart (Jamayik), oben ankò Tonique Williams (Bahamas) tout se moun ta’a genyen Carifta Games avan vini mapipi atlèt oliwon-latè.

Se pa lapenn matje se Jamayik ki ja genyen piplis dekou Carifta Games ek Bahamas genyen Carifta Games 4 kou, nan 1980, 1981, 1983 ek 1984.

 

Ale li nan CariftaBahamas2018.com

 

 

 

Comments

[Rédigé par : Carib.wk]

Jamaica topped the medal table with a grand haul of 82 medals, comprising 44 gold, 27 silver and 11 bronze.