Moun-debatje san-tit-rete
Drivayaj ek doubout-djann nan Karayib la

Miguel Díaz-Canel tankon kabwatè kare-gouvelman

Raúl Castro pase lanmen

                     Cuba elecciones generales Diaz_canel Cuba Asamblea-nacional

 

 

 

 

 

 

La Habana, Kouba : Se pa nepi gran van toumbilaj politik ki kouri asou Kouba apre 10 mwa bat-lawonn-politik wondong (depi Jwen 2017) ki ka bout jòdi a 19 Avril 2018 epi plodari politik kabwatè kare-gouvelman an, Miguel Mario Díaz-Canel Bermúdez eti te tou-yonn ka bat pou kabwataj politik la ek te ja prèmie kabwatè-dèyè kare-gouvelman douvan. Se pa gran toumbilaj politik ni menm gran ranboulzay, kawbe plodari-politik Kouba a vire mete Esteban Lazo Hernandez tankon kabwatè ek Raúl Castro ka rete sobreka-kabwataj kare-politik kominis la.

Miguel Díaz-Canel se prèmie kabwatè kare-gouvelman Kouba a ki wouvè zie apre Ranboulzay 1959 la, nan 20 Avril 1960, nan an bouk mitan peyi a, Placetas nan kare-bouk Villa Clara a ek menm si’y se bat adan anchay  kare mete-nan-brann sosial ek nan Fuerzas Armadas Revolucionarias (kare-sapatony ranboulzay pou veye o gren), nan 1985 ;  epi apre te nan kabwataj Unión de Jóvenes Comunistas (UJC, pouk are-yonnife brayès kominis la), nan 1987, se anni sa ka pe fè ti toumbilaj politik la nan dekou bat-lawonn-politik wondong ta’a.

Salvador-valdes-MesaKare-gouvelman an se 31 moun eti se an kare-moun, 15 fanm ek 16 nonm, ka djoumbate ansanm pou kabwate peyi a asou dekou 2018-2023 a. Kare-gouvelman an se an dwel kawbe plodari-politik la eti fok konprann sa, pe, nan dekou an djoubap politik rache-koupe, toumbile kare-gouvelman an. Se Salvador Antonio Valdés Mesa ki vini prèmie kabwatè-dèyè kare-gouvelman an, li tou pa te nan kare-moun ki bat nan Ranboulzay 1959 la, epi 14 lanne’y anlè tèt li, men te bay adan Asociación de Jóvenes Rebeldes depi 1961 ek te sobreka kabwataj Central de Trabajadores de Cuba ek kare-politik kominis la epi te kabwate kawbe-gouvelnaj djoumbat ek wach sosial nan 1995 pou 1999. Nan kare-gouvelman douvan an, Salvador Valdés Mesa te ja senkienm kabwatè-dèyè.

Nan 5 kabwatè-dèyè a ni 3 fanm eti se Gladys Bejerano, Inés María Chapman ek Beatriz Johnson epi de nonm Roberto Tomas Morales Ojeda epi Ramiro Valdés Menéndez eti se an veteran kout-djok Moncada a epi Fidel Castro Ruz ek yonn adan se fondasè Movimiento 26 de Julio (M-26-7 tankon Leve-doubout-politik 26 Jwiye a) te debatje Kouba abò Granma a ek te dezienm koumandan dèyè Ernesto Guevara nan 1958, lè’y pran Santa Clara. Se Homero Acosta Álvarez ki sobreka kare-gouvelman Kouba a, depi 2009. Nan 23 zòt moun ki nan kare-gouvelman ta’a, ni 13 moun ka rantre pou prèmie kou tankon Yipsy Moreno González an mapipi atlèt ki genyen lò a nan Olenmpiad 2008 la nan voltijè pwa oben Elizabeth Peña Turruellas.

Cuba Asanblea popularLòtbòtsay, nan rete eti'y te rete prèmie sobreka-kabwataj kare-politik kominis la jik pou 2021, Raul Castro ka fè moun tann ek konprann ni an karetel nèftaj kawbe-gouvelnaj peyi a ki ka bay longsay ek aleliwon-galba, nan sa eti si se te anni kare-politik kominis la ki te ka ba lèspri-ale ek larel-lide ba tout gouvelman an, nan depareyaj ta'a, lè sobreka-kabwataj kare-politik kominis la pa ka kabwate kare-gouvelman an, se pou se tann ek konprann kawbe plodari-politik la pa ni anni kominis adan, se lèspri larel-fondas-politik 2002 a, ek se Fidel Castro Ruz limenm ki te ka di nèhè an jou kominis la ke vini ti-zizin nan kawbe plodari-politik Kouba a; se pou se kabeche sa konsa eti an djoubap politik pe leve nan mitan kawbe plodari-politik la ek kare-gouvelman an jik pou kawbe plodari-politik la se fè kare-gouvelman an ladje-lanmen, se anni an ti toumbilaj lèkètè ki fèt nan dekou bat-lawonn politik wondong 2017-2018 ta'a men se pou se trase karetel ba jout-politik ka vini dèyè, dwe 2021, nan 2023 aleliwon.   

Ale li nan Prensa Latina Cubadebate TeleSur

Commentaires

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)