Ago towblip-kalbòy ka kouri
owonzonnaj Wach-ek-kratjak laliwonn lan

Nan dekou "VIII Cumbre de las Américas"

"Cumbre de los Pueblos"

      Cumbre de los Pueblos - Peru 2018 -

  Cumbre de los Pueblos VIII cumbre de las AméricasCumbre de los Pueblos Peru 2018

 

 

 

 

 

Lima, Perou : An konpanyi plodayè kawbe wach-sosial la ek lakou-moun natifnatal-l’Amerik bay lavwa pou rive doubout an Amerik ka apiye anlè pwa kò’y, pi anchouke nan an yonn-a-lòt ek pi yonnife pou palantje dekatonn ek lavi-dous moun nan se peyi a. Nan dekou-douvan 8enm konsit kabwatè-repiblik ek kabwatè gouvelman l’Amerik ki pou bay atè Lima (gran-bouk-gouvelman Perou), nan 13 pou 14 Avril ka vini, kare-plodayè an trant-epi peyi kontinan an ka bay lavwa, depi yè 10 jik nan 14 Avril, adan anchay size-koze ek lonyen-kabeche wach peyi-oliwon-latè ek peyi-l’Amerik pi nan fondok.

Yo mande piplis gouvelman l’Amerik pou se leve politik sosial pi nan lèspri ek wach lavi-toulejou se lakou-moun an, pou yo se respekte kout zie-wouvè asou lavi eti se lakou-moun-natifnatal la ka voye ek pou mete grif nan tè asou wangannite ek gouvelnaj natifnatal la. Se nan lèspri ta’a eti se plodayè de forum ta’a ek konsit se lakou-moun-natifnatal la bay lavwa lonje dwèt asou plan antra gouvelman Etazini epi se-le vire doubout isenbòt Kare-lide-fondas Monroe a.

Cumbre_de los pueblosDapre sa Bernado Dolmos eti se yonn adan sobreka Brayès Kominis, Patria Roja (peyi-natifnatal-politik wouj) Perou a, rarate douvan Prensa Latina, penteng douvan Konsit Peyi-l’Amerik la se an dekou pou leve doubout ek fè pou million-ek-milion vwa moun l’Amerik ki anba an kwaka douvan se kawbe djoktòch-politik la, se peze. David Hernandez eti nan aprann larel-gouvelman nan gran-lekol, se le wè konsit sosial la fè an yonn-a-lòt san patate epi Ranboulzay Bolivar Venezwela a epi kabwatè’y, Nicolás Maduro, eti gouvelman Perou a pa menm pran lapenn voye an vini-bat nan 8enm konsit peyi-l’Amerikla. Yonn adan se rel-doubout konpayel sosial ek moun konsit lakou-moun-natifnatal l'Amerik  se pare bok, grif ek djol, ba Venezwela ek lonje dwèt asou mizadòy N. Maduro nan tout mete-nan-brann konsit la, bat pou politik antra Etazini nan anchay peyi kontinan an se sispann anfwa.

Nan konsit lakou-moun-natifnatal l’Amerik ta’a, anchay leve-doubout san patate epi Kouba ek Venezwela, ek anchay bay-lavwa aleliwon pou yo ladje kabwatè-repiblik-douvan Brazil la Luíz Inácio Lula Da Silva, an apiye-pa-frape pou yonnife Amerik Latin pa ka demòd. Se an tilili penteng ki ka woule nan Derrama Magisterial (tankon an kawbe konsit kare-defann-djoumbatè) atè Lima ek ka sanble plodayè ek kabwatè leve-doubout sosial la, kare plodari-politik, kare fanm-doubout, kare brayès-doubout ek anchay dòt dwel lakou-peyi ki ka bat pou palantje sa yo kriye Patria Grande, tankon Gran peyi-natifnatal-politik la. "Y no, y no nos da la gana de ser una colonia norteamericana, y sí, y sí nos da la gana de ser una potencia latinoamericana" eti se plodayè-politik Venezwela a te ka ladjole tankon an "an-an, nou pa le vini peyi anba jouk Amerik anlè-solèy, anhan, anhan nou le vini an kare-peyi rasin-kas Amerik Latin", nan moun ki te size nan kawbe a ou te pe tann moun bay lavwa "anni an menm bann-twel ba Kouba ek Venezwela".

Nan progranm gouvelman an, size-koze konsit lakou-moun-natifnatal la ke bay longsay nan jounen Mèkrèdi a ek senkienm konsit brayès l’Amerik la  ke pe bay bwa pou ale nan menm balan epi twazienm dekou La Red de Parlamento Abierto de ParlAmericas (RPA, an chenn-liannaj kawbe plodari-politik wouvè oliwon l’Amerik) eti la pou palantje sistenm gouvelnaj kawbe plodari-politik la nan bat pou antipile woule-klè politik la ek nouvel-pòte gouvelman, vidjoze se kawbe-gouvelnaj la, palantje kouri-lawonn fanm ek nonm nan leve larel-politik nan se kawbe plodari-politik la ek apiye an mès kanman politik nan se kawbe plodari-politik peyi Amerik Latin ek Karayib la.

  

Ale li nan Prensa Latina

Commentaires

Carib.wk

“En dicho evento presidencial participan Gobiernos que en su gran mayoría no tienen legitimidad ni autoridad moral para venir a Lima a hablar de corrupción y gobernabilidad”, alertan los organizadores de la Cumbre de los Pueblos.

Carib.wk

Fallece el escritor mexicano Sergio Pitol (Premio Cervantes 2005) a los 85 años en su casa de Xalapa, capital del estado de Veracruz. En 1984, recibiera el Premio Herralde por "El desfile del amor"

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)