Kawbe-lonyen-kabeche Glasgo pare
Reggae, music “of love and humanity”

"Plan Vuelta a la Patria en Venezuela"

 

An progranm sosial vire atè-lakay

 

        Venezwela Plan vuelta_a_la_patria

Plan Vuelta a la Patria Venezwela vuelta ahora

 

 

 

 

 

 

 

Karakas, Venezwela : Kawbe-gouvelnaj tèp Venezwela nan peyi lòtbòtsay kouri nouvel eti 9.625 moun ki te ladje peyi a pare vire lakay ek bay adan an progranm Vuelta a la Patria tankon "vire nan peyi-natifnatal nou" eti gouvelman an te doubout nan mwa Avril ki pase ek mete nan brann depi mwa Septanm lan. Dapre kouri-nouvel gouvelman-bolivar la, plis pase 10.000 moun ja vire nan peyi a ek ka bat epi progranm taha. Dapre statistik kawbe ladje-peyi-ale-rete-lòtbòtsay Lawonn Peyi oliwon-latè, se 2,3 milion moun ki ladje Venezwela ale rete nan peyi oliwon depi 2015, lanne otila banbann ekonomi ek politik pete nan peyi a.

MigraciónDapre kouri nouvel gouvelman-bolivar Venezwela a, Progranm Vuelta a la Patria taha lonje pal ba 6.663 nan moun Venezwela ki te ale rete Brazil ; 1.302 nan moun ki te ale rete Perou, 1.011 nan moun ki te ale rete Ekwadò ; 186 ki te ale rete Dominikana ; 171 nan moun ki te ale rete Arjantina ; 91 nan moun ki te ale rete Chile ; ek 47 nan moun ki te ale rete Kolonmbia. Se atè Kolonmbia (nan fiole rel an milion moun an), Perou (owonzon 550.000 moun depi 1e Janvie 2017) ek Ekwadò (oliwon 300.000 moun) peyi otila piplis moun Venezwela ki te ka gade wè mande banbann trape-nannan ek sistenm doubout-djann kous-kouri, te ale rete.

Progranm sosial Plan Vuelta a la Patria se an progranm eti kabwatè Repiblik-bolivar Venezwela a, Nicolás Maduro Moros, kare pou ba tout moun-venezuela ka rete nan peyi lòtbòtsay ki se le vire rete nan peyi an apiye-pa-frape ek an bat-do asou chimen-vire yo. Gouvelman-bolivar Venezwela a ka wouvè zorèy li asou dekou lavi-wòkòkòy ek delala ekonomi moun-venezwela nan peyi-lòtbòtsay ek ka fè an debouya branbrann, sosial, pran-pawol-politik ek ekonomi pou lonje an lanmen yonn-a-lòt ba tout moun ki le vire ek anchou nan lakou-peyi venezwela a. Yo pa ka mande p'an pare-reponn pou sa, si se pa trape an natifnatalite venezwela. Yonn, se anni pou fè yo sav an se-le vire Venezwela ek fè sa epi anchay kanman doum-apiye. Dezienm lan se pou ale matje tit-moun an nan an fèy-stanmpe adan kawbe palantje-tèp Venezwela nan se peyi-lòtbòtsay la.

Progranm Vuelta a la Patia a se dabò-pou-yonn ba moun-venezwela ki ka trimen, moun ki pa pe apiye anlè pwa kò yo pou vire nan peyi yo ek ki pe fè sobreka gouvelman wè se pa manti-mantè. Lonje-pal pou vire a se nan anni an kou tou-yonn. Sa fondok pou vire plodaye sa eti tout moun-asou-latè pe ale rete nan an peyi-lòtbòtsay. Nan menm lèspri a, Plan Vuelta a la Patria a, se an progranm ki fondase asou se-le moun. Konsa yo vire Venezwela, si yo le vire chape lòtbòtsay, se lanmen-djok yo, pèsonn pe ke vini bare yo, men yo ni pou sav lonje-pal vire a se ke anni an kou.

Konsa'y rive nan peyi, chak moun pe bay antre nan sistenm sosial Repiblik-bolivar Venezwela a ek tout djoubak sosial li. Yo pe fè yo stanmpe yo nan sistenm Carnet de la Patria ek trape tout faro politik sosial peyi a tankon tout moun, yo pe ke ni anlè larel, ni anba larel. Tout moun ni menm rel tòt sosial la. Moun ka pe apiye anlè sistenm taha pou trape an djoubak djoubake, an kay rete, tousa, nan liannaj epi mande-trape chak moun, chak fanmi. Progranm Plan Vuelta a la Patria a, tankon tout politik sosial ranboulzay-bolivar la ka bay ba tout moun ek pa ka gade asou koulè politik moun. Se gouvelman chak peyi-lòtbòtsay ki ke ba woule-ale oben pa pasay la.

Plan Vuelta a la Patria a se an progranm sosial apiye ek bat-do moun ki le vire atè-lakay apre yo te ladje peyi yo. Gouvlman Venezwela doubout progranm taha pou kore an mande-trape kòtok ek nan an p2te respe douvan larel-fondas-politik peyi a ki ka plodaye se pou gouvelman pare bok ba tout moun peyi a. Se an progranm pou palantje lanmen-djok moun, tout se janbè-laliman Venezwela a.  

  

Ale li nan TeleSur ek Plan Vuelta a la Patria

Commentaires

Caribe

Con 368 fallecidos, la frontera entre México y Estados Unidos es la más mortal para los migrantes en toda América, indica un reporte de la Organización Internacional para las Migraciones (OIM)

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)