« 2 juillet 2018 - 8 juillet 2018 | Accueil | 16 juillet 2018 - 22 juillet 2018 »

9 juillet 2018 - 15 juillet 2018

Semeda koubare-gouvelman nan lari Nikaragwa

 

241 moun ja alelouya-zakasia

 

                                  Nikaragwa Verdad paz y Justicia Nikaragwa krèy pou kanmouzaza                   Nicaragua paz Nikaragwa semeda

 

 

 

 

 

 

 

 

Managwa, Masaya, Nikaragwa : Comisión de la Verdad, Justicia y Paz de Nicaragua kouri nouvel eti se 219 nonm, 10 fanm ek 12 moun anba laj-vote (10 tibolonm ek 2 tifi) ki ja towblip anba semeda eti ka bay atè Nikaragwa depi kon semeda koubare-gouvelman koumanse nan 18 Avril ki pase.Piplis moun alelouya-zakasia ta’a, 110 moun, se moun Managwa ek 28 adan yo se moun Masaya ek 18 se moun Coroza. Se atè Managwa ek Masaya otila semeda a ka bay pi djenm epi anchay bawouf, mete-dife nan kawbe-gouvelnaj ek nan kay moun, anchay bare-chimen ki ka kore loto ek kanmiyon lè pou chaye moun flandje lopital.

Lire la suite "Semeda koubare-gouvelman nan lari Nikaragwa" »


Kannan manhe-pweson nan Amerik Latin ek Karayib

 

Antipilaj 33% rive nan 2030

 


                  World fisheries and aquaculture
FAO Fiat Panis Lapèch marolès

 

 

 

 

 

 

 

Roma, Italia : Dapre an kouri-nouvel SOFIA (The State of World Fisheries and Aquaculture 2018, tankon dekou-kòtok lapèch ek pweson panyen-basen oliwon-latè nan 2018) se peyi Amerik Latin ek Karayib la ke antipile kannan pweson yo ka manhe asou 33% nan lanne rive a 2030. Nan kare-peyi ta’a eti nan pi gran peyi ka vann pweson oliwon-latè ek an faktorè pweson panyen-basen men otila manhe pweson an pi flòkò, anni 9,8 kilo pou chak moun nan an lanne, antipilaj 33% ta’a ka fè moun tann ek konprann an bidim toumbilaj nan mès-manhe moun Amerik Latin ek Karayib la, an kare-peyi ki manhe anni 6,2 milion tòn pweson nan 2015, pi piti Kannan nan kare-peyi oliwon-latè apre Oseania.

Lire la suite "Kannan manhe-pweson nan Amerik Latin ek Karayib" »


Ayiti anba an lanm kavalay sosial

 

Semeda nan lari Pòtoprens

 

                   Haitian flag Ayiti semeda nan lari Ayiti semeda

 

 

 

 

 

 

Pòtoprens, Ayiti : Lari bouk-gouvelman Ayiti te vire trape an woule-kwaka apre an wabap-simenn gwo semeda nan lari, kout fizi ek flanbaj anchay kawbe ek branbrann gouvelman nan dekou leve-doubout pou gouvelman se sispann anfwa politik antipile lahan-peye gazolin ek kozin. Se vandrèdi ki pase jou otila lanm kavalay ta’a kouri nan anchay kare-kay Pòtoprens apre an nouvel-pòte te kouri asou chenn-liannaj sosial la. Lamenm dèyè kavalay sosial ta’a, an lelekou politik eti ka rive toulong towtow nan peyi otila se kawbe-gouvelnaj politik la wòkòkòy.

Lire la suite "Ayiti anba an lanm kavalay sosial" »