Kouri-nouvel CARICOM nan dekou
PAHO kriye peyi Amerik Latin ek Karayib

"2009 a 2019, ayen pa shanjé"

 

Vaval 2019 

 

Vaval 2019 Agoulous Kannaval 2018 Djab-wouj Kannaval Matnik 2018 djablès

Mawyàn-lapo-fig

 

 

 

 

 

 

 

Nan an bat-zie, anni de jou, Vandrèdi pou dimanch, Vaval 2019 la toumbile koulè chòt li, vèw la tounen blan-wòz, blan wozi oben wòz blanni, ek anni sa se an bidim toumbilaj nan sa eti chòt vèw la te ka fè’y mete an dikanman wouj-nwè-vèw, koulè bann-twel UNIA (Universal Negro Improvment Association, Etazini se lanne 1920 an) eti anchay brèbrè-mouton atè Matnik ka pran pou bann-twel Wouj-Vèw-Nwè natifnatal-matnik la, pa fouti konprann an bann-twel se pa anni se koulè a, se trase se koulè a (an rektang se pa an triyang, an kare se pa won-nan-won) ek se liannaj se koulè taha yonn bò lòt, se koulè ki bò baton pòte bann-twel la ki pi fondok. Sa te ke kanmenm an sakre kout-isenbòt politik pou se vini brile Vaval ek se "koulè Matnik" taha mèkrèdi-le-sann, douvan anchay moun boule an sann ka bay-lavwa, mas-lanmò ek bòlòkò, papa-djab ek makoumè-nan-pijama "bo fè a, bo fè a, yo pete bonda vaval".

Djab woujSe te ke prèmie kou otila moun Matnik (nèhè se anni moun Fòdfrans) te ke ni pou, se anni an trase-djing, tjwe Matnik tankon peyi, nan an kannaval. Nan wach-lavi toulejou, se bagay ka fèt aleliwon-wacha, pou tout djing politik peyi taha ki pa nan peyi a men toulong An-Frans, nan lèspri piplis moun atè Matnik, palantjè-peyi tankon konpayel plodari natifnatal-matnik la, sosialis-ranboulzayè tankon kominis-pòpòf la. Kannaval la se tankon an vire-djok wach-matnik la anba se mas franse a, se pa anni pou tout se zanpalan-kannaval taha (ansèsel, babiyèz, bann-zawa, bebe, bòbò-vaval, bòlòkò, bradjak, brose-klere, bwabwa, djab-wouj, djabloten, djablotin, file-kouto, gran-jile-piti-pantalon, katrin-pitjan, kawolin-zie-loli, ladjablès, lapo-farin, magrit-an-ranyon, makoumè-pijama, makoumè-kaka-foule, malpròp, manawa, mas-gwo-makak, mas-kaka, mas-kilili, mas-labou, mas-lanmò, mas-makak-ti-latje, mas-mal-makak, mas-wototo, matlo-sou, mawyàn-lapo-fig, mèdsen-lopital, moko-zonbi, nèg-gwo-siwo, papa-djab, pòpòt-lacho, sofikouman, tèt-mabolo, touloulou, wangan-vaval, zawa, tout se mas taha epi anchay dòt ka sòti lòtbòtsay debatje fè an won, an ti sose nan kannaval matnik la, delè fè chous, se dèhè mas ki ni mas) eti ka apiye an natifnatal-matnik, an tan-ka-pase atè Matnik ek ki pa pe ka pase nan menm balan an ek se menm matjoukann lan (mès-fondok, sosial, politik, lèspri-bat-lavi, kout-zie-asou-lavi, sapatony) atè An-Frans oben atè Gwadloup la konsa, se pou, nan twa/kat jou  taha, rive kore oben tizi balan-pase sosial tan-ka-pase taha.

"2009-2019, ayen pa toumbile", man se pè… Si pa te ni p’an toumbilaj kawbe-gouvelnaj politik ki te ka bay (ek PPM -Parti Progressiste Martiniquais-, se "progressiste" ki tout nan tousa, te fè anpil vie-jès pou sa), se an bidim dekati, ki dekati esa, dechèpiaj sosial, ki ka kouri lawonn atè Matnik, se tout laliwonn sosial nanninannan matnik la (kannaval matnik la adan laliwonn sosial nanninannan taha) ki te vini wòkòkòy nan menm balan eti sistenm sosial an-frans lan limenm te ladje seraj li anlè Matnik pianmpianm pou gouvelman an-frans ki ka vire kabeche sosial la toulong nan dekou an jout ekonomi ek sosial san manman oliwon-latè ek debantje gouvelman taha debantje tankon tout gouvelman oliwon-latè. Kannaval la limenm vini an bidim faktorel ekonomi drivayaj la nan dekou an bidim "matjoukannizay" (se tankon an machandaj an konpanyi branbrann kannaval matnik la) ki ka kouri lawonn latè pou vini "matjoukann debranbrannize moun-oliwon-latè", UNESCO, tousa. Lamenm la, nan vini faktorel ekonomi drivayaj la, se pou pòte-kabès la, lawonn-laj-moun douvan pou lawonn-laj-moun dèhè, ayel pou yich-dèhè, menm si'y se ka chaye an sa-sav teknik pa te ke fouti chaye lèspri sa-sav teknik taha, aprann an tibray djezinen an djab-wouj men san rive fè'y konprann lèspri djab-wouj la, plas li adan kannaval la, tout mès-fondok ek lèspri-ladje-laliwonn ki pe ka bay adan.  

Kannaval 2019 zero pwazonChak lanne moun atè Matnik te ka kouri kannaval (kouri vide) dèhè an bwabwa eti ka trase djing gwo penteng politik ek sosial ki rive nan peyi a longsay lanne ki pase douvan kannaval la. Bwabwa a vini djigilòp ek an vaval eti se pa anni an bwabwa, pran lanmen tankon wangan kannaval la, se an gouvelnaj-wangan ka kouri anlè anni 4 jou, tout se mas la anba jouk li, ek ka pe toumbile liannaj nan mitan se mas la adan kannaval la, nan mitan moun ka kouri kannaval ek moun ka "gade mas pase" kon Marius Cultier te ka bay lavwa nan yonn adan se tit li a ;  ek sa tou-yonn ka pe fè an toumbilaj, se mas la, yo menm, ka pe toumbile, an lanne pou anlòt (nan tout toumbilaj ni de janjol fondok, kannan an epi rel-kòdjòm la), kawolin zie-loli pe piplis pase katrin-pitjan oben bòbò-vaval, ek pou latè-wonn mès-fondok ek ekonomi ki ka bay dri oliwon-latè (Entèrnèt, chenn-liannaj sosial, media kouri-kanmo ki pran lanmen anlè media pòte-nouvel), se pou tout peyi oliwon-latè rete pri adan an bidim welele toumbilaj sosial ek politik towtow, la-pou-la, eti se anni se lang natifnatal la ka pe kore'y. Men pou kannan moun machifonnenn ki piplis atè Matnik ek ki pa sa wè lang natifnatal-matnik taha nan zie jik pou mare’y ek an tit "kreyol" debililikè oben an tit "lang-afrik" anni pou koulè lapo-fidji, se pou moun-matnik pa fouti kabeche ek doubout matjoukann politik krache-dife ek matjoukann sosial, se se pou kabeche ek faktore màs-kannaval krache-dife oben nèfte menm si Spicy Pòpòt la se vini chaye an mas bidjoul, plastik lòtbòtsay nan kannaval la, menm si zewopwazon-"klòwdekòn nan tjou nou" se vini pòte an djing politik nan kannaval la.

Bwabwa a djigilòp nan kannaval la, ladje ba an vaval yonn-tou-yonn, ki ka trase nan kannaval la ek mas matnik la ka pann dèhè'y kon yo pe, se anni an karetel fè drivayajè ki ka pase nan peyi a, wè mas pase. Mas la se toulong twa moun nan yonn adan kannaval matnik la. Se djing sosial mas la, djab-wouj la eti se mas pi fondok kannaval matnik la pa pe ni menm djokte epi an mas-lanmò oben an mas-sal, oben menm djabloten an eti fok pa ale konprann se anni an yich papa-djab la. Nan kannaval matnik la, djab se plis pase an malfentè ki te ke ka manje tjanmay san batenm kretjen yo oben tjanmay ki pa ni tit, se gouvelnè sosial la nan kannaval la, se kabwatè liannaj sosial la nan mitan tout se mas la, djab-wouj la se pa anni an sa-sav nanninannan eti’y te ke ni pou ta’y, se mèt gouvelnaj politik la (domestic policy) nan kannaval la, nan se kat jou kannaval taha, gouvelman-wangan Vaval la ka pran lanmen anlè gouvelman an-frans lan. Pou wangan kannaval eti'y wangan kannaval, Vaval la ni an djokte nan lèspri-ladje-laliwonn, an bagay ka tjoke mès-kriye djanmbel pou tout kadafa a ki bay oliwon'y ek nan menm balan an bagay ki pa politik pase eti'y ka pase towtow nan tan-ka-pase.  Mas la se fidji moun an dèhè mas la, moun eti’y ye, an fanm se pa an nonm, an tjanmay se pa an gran-moun menm si kannaval la se ka toumbile se katjòt la ek laj se moun an, nan lendi-mawyaj-vaval la. Dabò-pou-yonn, moun ka kouri kannaval se moun djok, moun doubout nan lavi a, moun ki pa kalbòy kouche an kabann yo oben kabann-lopital, moun ki pa kanyan oben enpiok ; lòtbòtsay, moun ka kouri kannaval se moun ki nan lèspri kannaval la, moun ki pa pri djok anba an mès kriye-bondje-kretjen oben mizilman an, menm si an moun pe sere dèhè an mas-kannaval, alagadigadaw ; an mapipi djezinè-tanbou, tanbou-toumpak, defen, nan Latrinte wabap se lanne 70 la eti te rantre alvantis te ka vini kouri kannaval la ek an mas-mal-makak anlè fidji’y pou "alvantis la pa te wè’y", epi an slip-tarzan anlè'y. Mas la se dikanman an ki anlè moun an eti ka pòte mas la, an gol-lannwit se pa menm djing sosial ni mès-fondok epi an gran-jile-piti-pantalon. Ek, se pou dikanman an toulong nan depareyaj epi mas la pou apiye dekou toumbilaj sosial la, kouri-lawonn san chenn lan.

Kannaval 2019 taha, atè Fòdfrans Matnik, nan an lèspri Wakanda Black Panther, menm si mwen menm pa nepi wè wòch-mineral-vibolo a (vibranium) nan p’an mas oben dikanman, an ti lèspri nèg-ginen-krann eti kannaval-matnik la ja ladje depi nanninannan ek ka tounen anni pou kò’y, Matnik pa nepi nan kontinan Afrik la men nan kontinan Amerik la ek se pou konprann plodari-divini-afrik (afrofuturism, as a cultural aesthetic) taha ka ladje anzobraytaj ras nèg-ginen an nan chimen, jik larel-kabeche Afrik anni-yonn taha pou an tilili peyi, an tilili mès-fondok, ek an tilili lang-natifnatal eti ka depareye, kare-bare, epi lide ras-moun an, ras nèg-ginen an. Kannaval matnik la se pa an vire-leve, an vire-kouri-lawonn, tjek mès-fondok afrik ki te ke sere depi nanninannan ek te ke ka sòti nan tou'y anni nan kannaval tankon touloulou ka sòti nan tou yo lè dekou tann ratiè ka bay. Se mas kannaval-matnik la se pa nepi mas afrik ki te ke pèd lakat, gare lèspri yo ek vini fè an won atè Matnik, sa pi bililik pase sa, se pa mas ewòp ki debatje atè Matnik, se an sa-doubout-moun-matnik eti ka gare tan-nanninannan afrik, wach-ewòp nan se chimen-dekoupe matnik la.  Wouj-nwè-vèw UNIA a, se pa Wouj-Vèw-Nwè Matnik la eti se an peyi, lakou-moun afro-ameritjen an nan Etazini se anni an lakou-moun, ek se pou Matnik rete Matnik menm si nan 10-20 lanne ka vini se te ke yenki pòpòt-lacho, chabin-kalazaza ek lapen-chode ki te ka brè dlo yo adan.

Menm si Vaval la, wangan kannaval la, se rive fè bwabwa a, se bwabwa a, djigilòp nan kannaval matnik, ek menm si se mas kannaval-matnik la ka sanm sa ki mantje afòs kouri dèhè Vaval la eti ka toumbile fidji chak lanne ek ka kouri lawonn latè, menm si nan djigilòp se bwabwa a djigilòp, se tout djezinay vide a (teyat lari a, kouri kannaval la), mete kannaval la nan brann douvan zie moun (ni moun ka kouri kannaval ek ni moun ka "gade mas pase") ki ka dekati ek ka mete an laliman nan mitan Vaval la ek moun ka kouri kannaval la, menm si Spicy Pòpòt la rive trape Paprika avan an piman-sèt-koubouyon oben an fèy-gwo-diten, menm si bwadjak-récolteuse la pa ka sanm an kanodè menm ek se pran an chan zèb an-frans pou tjek chan-kann atè Matnik, menm si Red Godess la pa ni piès bidjoul-matnik an kò'y ek kannaval la se dabò-pou-yonn an ranje-kò-an-lari a, menm si se Wakanda a bwabwa epi se bwa-pwenti yo a, menm si kannaval la se pa an laliwonn pou ladje an plodari politik lonje dwè asou machann-klòwdekòn, menm si sisi sese'w se si kon siwo siri, kannaval-matnik la ka kouri lawonn tan-ka-pase a alagadigadaw, Tanbou-Bò-Kannal ni 46 lanne anlè tèt li, Plastic System Band ni 35 lanne, Gwanaval ni 32 lanne, ek tan-ka-pase se pa anni tan ki pase.

I - Vaval se pa nepi an bwabwa.

Vaval laSe pa anni pou depenn an Vaval eti ka pe mizire 4 a 7 mèt wotè la eti se bwabwa a pa te ka mizire plis pase 2 a 2,50 mèt wotè, se pou se tann ek konprann, lamenm la, sa eti Vaval la yonn-tou-yonn nan kannaval la, la eti se bwabwa a te pe ka kouri nan kannaval la a twa, kat senk. Se an moun oben an ti kare moun ki te ka chaye bwabwa a anlè zepol li ek sa tou yonn te ka pe vire kare, oben dekare, kannan moun ka kouri kannaval la tankon kannan moun ki vini gade kannaval. Anni katjile sa eti an krèy moun se pe mete rete doubout nan vide a pou defidjire bwabwa a, wè si se Fidji mèt lekol la ki leve wòb tifi a ki la. Se pou se tann ek konprann, lamenm la, moun ka kouri kannaval toupre bwabwa a, pa te pe ka bay kalinda ek bay lavwa nan menm rel epi moun ki te pi dèhè. Se pou se tann ek konprann tou, se moun taha pa te pe nan menm rel mete lahan yo nan kannaval la, genyen latifay kannaval, mete menm rel yize dikanman nan kannaval la.

Pou pòte eti moun te ka pòte bwabwa a, se pou se tann ek konprann faktoraj bwabwa taha pa pe te ka fèt konsa, anni siye ek kloue de-o-twa dwel bwa, anni kole ek mare yonn-de-twa bagay ansanm. Plis pase an teknik faktoraj eti nan tan-ka-pase ka pe toumbile, lakol bwa-lèt la pi djok pase lakol fiyapen an, se an mès-fondok ka pe anchouke ek dekatonnen oliwon teknik fè bwabwa taha. Se an konpanyi moun ki ka trape an sa-fè ek an sa-sav eti yo pe aprann dòt moun nan an sistenm-lekol. Bwabwa a pa te ka trase ek te ka pran tout ti tan'y pou kouri vide a, tout bagay eti te ka ba kannaval la, pou bat-lawonn sosial eti'y ye, tan kabeche kouri lawonn li ek tout ti wach li. Lajounen-jòdi vide a ka vole tankon "papiyon vole se vole nou ka vole", ek se toumbele se bay-lavwa kannaval la ki toumbile. Kannaval bwabwa a te ka mete twa kare moun nan liannaj, yonn se moun ki te ka kouri kannaval la, moun te ka gade bwabwa pase ek moun yo te bwabwatize eti nan menm balan an te ka pran fidji tout se mas la.

Bwabwa a se ta wach an moun  oben an bagay ki te rive nan peyi a ek se pou'y te bay nan kannaval la anni tankon an branbrann kannaval. Se pou se tann ek konprann, lamenm la, bwabwa taha te ka debòde tan kannaval la menm si yo te ka brile'y, gwo dife, Mèkrèdi-le-sann lan. Bwabwa a se anchay kanman ek mès oliwon'y, an moun bwabwatize te pe pa jenhen vire doubout nan lavi sosial li, vini toktok oben debiele nan mitan kaòch, nan liannaj epi dòt moun oliwon, pèdi lèwdou-tjè-koko madanm li oben bòbòyòt li, tousa ; ek pou mès ek jès ki te pe ni oliwon bwabwa a, se pou anchay lèspri-kouri-vide, menm larel sosial se rive kole anlè se mès ek jès taha. Se pa pou vini plenyen asou sa ki djigilòp ek pa ka bay lajounen-jòdi oben wach kannaval lòtbòtsay ki ka debatje blo anlè moun atè Matnik, se pou se kabeche pòte-kabès la nan kannaval la, kouri lawonn an sa-sav epi anchay sa-fè nan kannaval-matnik la eti Vaval la vire machokete, se se pianmpianm.

Nan bay lavwa eti moun ka pe bay lavwa asou an wach sosial oben an wach mès-fondok la, an bagay ki rive nan peyi a nan lanne-kannaval ki pase, oben asou kanman an moun politik oben an brannzè sosial, se pou fè moun sav sa eti matjoukann mès-fondok la, nèhè menm matjoukann politik la oben matjoukann lèspri-ladje-laliwonn tou, te ke kouri lawonn peyi a nan lanne ki pase, tousa ki ka apiye an tan-ka-pase nan kannaval-matnik la ek Vaval la ka pe ba tan an plis balan pase. Nan ladje bwabwa pran Vaval, nan vire pran mès-nanninannan mas-wouj la menm si se pou ba'y an wach afrik-anba-solèy ki pa ta'y, moun natifnatal-matnik ka fè tan kouri nan kannaval la. 

Pi nan fondok kabeche a, se pa ti badjolaj wòkòkòy moun-matnik nan lang an-frans lan ki la ; isiya la konsa, se pou mès-fondok la ka ale tjoke mès-nanninannan an ale-vire, pran lang epi se gangan an (ek moun pa pe ka ale pran lang epi gangan yo nan an sistenm-lang lòtbòtsay, an brèbrè-mouton plodari anni-afrik-ginen an pa pe ka vini fè gòj gangan-afrik anlè moun Matnik nan begeye an lang an-frans lòlòy epi sa, se pa ti bwabwa lang-an-frans lan ni pou ta'y atè Matnik), pran lang ek moun kare-laj douvan, ki lèspri ek kanman yo te ni nan kouri kannaval yo, ek ki rel ladje yo te ladje ba kare-laj dèhè, yich-dèhè. Si Vaval pran lanmen anlè bwabwa a, se pou se tann ek konprann, nan ladje-nan-lanmen-yich-dèhè taha, anchay bagay ka pèdi, ka gare chimen ek tousa ki gare chimen pe vire pran chimen yo an jou, atè Matnik menm oben adan anlòt peyi-karayib, se tout rel-plodari vire-kabeche-longsay la (reflexive theory) ek se tout plodari anni-bililik-karayib la (Caribbean complexness) eti fondalnatal pou konprann kannaval-matnik la ek tout wach mès-fondok matnik la.

            I-1. Se mas makak la tou pòtre bwabwa a. Nan kannaval-matnik la, se makak la ka bay kalinda nan pangal ek aleliwon-galba, asou-moun-an, san piès jès bidjoul, jès kanmouzaza ; se mas makak la ki pi liannen ek bwabwa a pou nan lang natifnatal-matnik la tit makak la se dabò-pou-yonn pou depenn lèspri ek kanman bwabwa an moun. Makak la se an moun ki pa ni kabèch, ki pa doubout djok nan an dekou.

Nan se makak la, ni ti-makak la eti nan lang natifnatal-matnik la ka depenn an moun malouk plis pase an moun bwabwa ; ni mal-makak la eti nan menm lang natifnatal-matnik taha ka depenn kanman an moun ki anba ek ki pa doubout  dèhè pawol yo, an kouto-de-lanm ; an gwo-makak se an moun ki fizike, pou misk li ka pete men ki pa ni ayen nan kabèch li ek ki toulong ka mache epi an moun, dòg an moun ; si ni tit mal-makak taha, pa ni tit fimel-makak nan lang natifnatal-matnik.

            I-2. Gwo-makak la nan kannaval la. Nan kannaval-matnik la, gwo-makak la se toulong an mas ek an rad koulè nwè sousoun-klere a, nwè listrin, nan dekou eti tout ti-makak ek mal-makak zoute ek rad oben mas anchay koulè kako, jòn, wouj tankon pou lonje dwèt asou se nèg-ginen taha, nwè-ebenn, nèg ble, ki pa ni piès tjè yonn-a-lòt, nèg-kont-nèg, se dòg betje a.

Gwo-makak la tou, tankon se ti-makak la, bwabwa anmwe, toulong yonn-tou-yonn, pa jenhen ni anpil gwo-makak, an grap gwo-makak nan kannaval la. Nan dekou plodari nèg-ginen-krann lan, gwo-makak la djigilòp nan kannaval-matnik la ek nèhè pou sa ni anchay dòg betje nan lakou-peyi matnik la, anchay badjolè lang an-frans lan eti ka depotjole lang-matnik la chak jou pase. Nan kannaval la, delè konsa an mas pe ka malakse djab-wouj la nan nwè epi gwo-makak la, se pou wè si nan lèspri moun atè Matnik, gwo-makak la se pa an rel koumandaj politik la, ta koumandè-bitako a ki te ke mande malerèz la "vini epi sak ou" si'y le djoubake nan koupe kann lan.

            I-3. Se ti-makak la, djendjen ek bankoulele aleliwon. Nan bay-kalinda se ti-makak la, ni toulong anchay pangal ek se pa anni pou apiye asou kanman ek lèspri bwabwa yo, koutja yo, obre yo, se pou fè lide taha erti kannaval se toulong an dekou vègle larel-gouvelnaj franse a atè Matnik, ek double djoktòch ekonomi betje a anfwa.

Kannaval-matnik la, tankon tout kannaval oliwon-latè, rale matjoukann kannaval nan tout dekou kannaval nan tout ptyi oliwon-latè owala nouvel-pòte kannaval taha se kouri lawonn. Nan tout kannaval oliwon-latè ni mas-makak taha eti pa pe ni menm lèspri a nan an sistenm-lang pou anlòt sistenm-lang, an tjole ti-makak pa pe ni menm lèspri a nan an lang-ewòp epi nan an lang peyi-karayib.  

   

II - Vaval, wangan kannaval la.

Kannaval  Fòdfrans 2019 Mariyàn-lapo-fig TBKKannaval la se an laliwonn otila anchay sa-fè teknik ek sa-sav, sa doubout-moun ka kouri lawonn, se anni apre desitiraj sistenm ninang-founang lan otila an kannaval-matnik vini ka bay, an bagay pi djok, pi sitire pase se lakou-moun an (yo te ka kriye yo "nation") ek se konvwa a. Se lakou-moun taha se toulong de gran krèy moun ki te leve nan an menm mès-nanninannan nan Afrik-anba-solèy ek tit "nation" taha la pou depenn anni an rel yonn-a-lòt men pa ni ayen ki politik adan'y ; ehe, "nation" pa pe bay san politik, san an rel matje an lang-natifnatal djok. Nan Matnik taha, avan desitiraj sistenm ninang-founang lan, depi oliwon 1750 jik 1852, pa te pe ni kannaval-matnik men anni an yonn-a-lòt, pou banbile oben pou doubout moun-asou-latè. Kannaval la se anni lè tout moun an ka bay lavwa ansanm, nan lari a, ka fè mizik ansanm, tankon an vire-doubout-pimpe (resilience as a plethora of positive outcomes), tankon an vire-wouvè-zie-nan-lavi.

Lamenm la, si Vaval se wangan kannaval la (the king of carnival), moun an oben bagay la eti ka yonnife se lakou-moun an, se kare-moun an nan kannaval la, se pou se tann ek konprann Vaval la pou toulong sòti nan fondok wach lavi atè-lakay-matnik la. Men mi Vaval la se pa toulong an moun oben an penteng atè-lakay-matnik, an bidim bwabwa ki te ke anchouke nan latè oben nan peyi Matnik la, nan wach-lavi matnik la, an moun, an bagay eti tout moun pe menyen, miyonnen'y oben foute an kout tjok an tjou'y. Ek si kannaval la se la pou rarate peyi-natifnatal la, peyi-Matnik la, tankon an gouvelnaj natifnatal-matnik asou kat jou, lè Vaval la se moun oben wach-lavi lòtbòtsay, ki pòte kabès ki ka pe bay ? Ki sa sav, ki sa-doubout-moun pe ka bay lè pòtre an bouk-kabrit ble ka trase nan lari Fòdfrans asou an kanmiyon, Fèsbouk, Vaval 2011 lan ?

Vaval la, tou wangan kannaval eti'y wangan kannaval dapre'y, pa ni p'an mete-nan-brann teyat, p'an djendjen zanpanlan oliwon'y, se trase eti'y ka trase, se pa menm fanmi ek bwabwa a. Pou pann eti'y pann anlè an kanmiyon, yonn-tou-yonn nan lari bouk la (Fòdfrans, Latrinte oben O-Fanswa), Vaval taha ka pekli lezòt zanpanlan kannaval-matnik la, pran seraj yo ek pi Vaval la sòti lòtbòtsay, pi se zanpanlan-kannaval natifnatal-matnik la djigilòp oben pran an pòz bwabwa. Se pa anni an mete-nan-brann-teyat, an ladje kò-nan-lari, an djezinaj kouri-lawonn, an kabel, an nika-douvan, an nika dèhè ki te ke ka sek anlè kò yo, se an kout-zie asou lavi a (weltanschaung), epi tout sa-sav, sa-doubout-moun ki liannen epi'y  ki ka sek anlè kò yo.

Vaval la se pa anni an gran-landjal ka trase nan kannaval-matnik la, tèt-anlè, se toulong pou pran fidji an moun lòtbòtsay oben an moun atè-lakay machifonnen, an tetè melas-rezen-siri ki ka debatje, moun ka anni genyen machandiz asou tre dòt "moun ki ka genyen a kredi ek ka vire vann o-kontan ba lezòt", pou vire pran pawol mapipi Joby Bernabé a ; Vaval la se an bwabwa eti moun-kannaval (moun ka kouri kannaval ek moun ka gade mas pase) pa ka rive tann ni konprann pou trase eti'y ka trase, pou pann eti djol li pann tro wo ek, mete'y nan lwiloud Bò-Kannal la, se pou'y voye fèy, pou se djing-trase a ki pa nan lèspri lang ek mès-fondok natifnatal-matnik la, se anni an lang-an-frans eti fok toumpotjole toulong, vire mete'y larel epi mès-fondok atè-lakay-matnik la.

Vaval la, menm lè'y tou-pòtre an moun atè-lakay-matnik, ka dekalibiche kannaval-matnik la, ka dechèpie an nou-menm-ki-nou-menm-matnik (martinican we-feeling), se plis lèspri kanman-fondok la pase sanslad asou an yonn-a-lòt isiya la konsa, men tankon an gouvelnè yonn-tou-yonn, Vaval la, wangan kannaval, se pou tout zanpanlan-kannaval dèhè se pèdi djokte mas yo, se pa tou-pòtre a ki fondok nan dekou taha, sa eti ka apiye liannaj la nan mitan se zanpanlan-kannaval la, se anni rel mache yo dèhè Vaval la.

            II-1. Djab-wouj la ka fè sa brile Vaval. Djab-wouj la se mas ki chaye lèspri bililik-aleliwon an nan kannaval-matnik la, se pòtre an kabwatè, an gouvelnè, ki la pou mete an larel-gouvelnaj mabial, an laliman pou moun pa janbe. Nan lang natifnatal-matnik ladjab la, nan piplis dekou, se tit an moun djok, an moun ka sèvi mèt oben ki mèt adan an bagay pase se tit oben pòtre an bagay danma, tjenbwa oben malfentri tankon nan mès-kriye-bondje kretjen an.

Tilili kòn eti djab-wouj kannaval-matnik la trape ka fè nou kabeche'y andewò mès-fondok kretjen an menm si pikwa eti'y ka mache epi'y delè ka vire voye'y adan an laliwonn kretjen otila an sen kretjen ka pitje djab la epi an pikwa. Se pa anni pou mete eti kannaval te ke ka mete tout bagay djol anba tankon anchay kabechè kannaval ka rarate, se pou kannaval-matnik la eti ka fè anchay bagay kouri lawonn, delè anni douvan, delè anni-dèhè, nan piplis dekou douvan-dèhè. Djab-wouj la se an mas ki la pou kore oben menm koubare Vaval la oben Bwabwa a avan Vaval te ka bay ek se la tout djokte se ti dwel glas la ek tilili kòn lan, se kannaval-matnik la ki doubout djab-wouj la asou pwa kò'y ek fok pa ale èche piès gangan afrik-ginen.

            II-2. Ladjablès la se pa nepi fanm djab-wouj la. Se pa pou ale konprann djab-wouj la pa te ke ni fanm pou ta'y, an makoklen, an makolèlè, an makoumè, an tou-kaka-foule, men djab-wouj la pa ni liannaj blo epi ladjablès la. Ladjablès kannaval-matnik la se pa menm pòtre-trase epi ladjablès nan pawol majolè a otila se an fanm bidjoul ki ka pe bloublou an nonm  epi fidji-bidjoul li ek chaye'y lòtbòtsay lavi, kay abolay. Nan kannaval la, se pa an fidji-bidjoul ek se anni pou trase djing djokte "sosial" se fanm lan. Ladjablès la eti depotjole mas-lanmò a nan tan-ka-pase, ni an jipon blan epi dantel, an jip nwè, an kòsaj blan epi an chapo blan ek tet-kalande (anni an pwent) epi de kote makwame depareye, yonn blan, lòt nwè pou fè liannaj epi pat-bèf ladjablès majolaj la, Fidji ladjablès la penn ek farin.

Mas-ladjablès la se pa an fanm ki ni an kout-koukoun, se pa "koukoun kouri lolo ka vini" se te ke plis "koukoun santi lolo ka kouri", si ladjablès pawol majolè a se an fanm ki la pou gare nonm epi  dousin katjòt yo, ladjablès kannaval-matnik la se pou kore djokte djab-wouj la nan kannaval la, se an fanm ki nan tjè-koko epi Vaval la (tèt-kalande anni an pwent lan) plis pase djokte koukoun fanm lan se djokte lèspri-kabeche a, isiya la ; se pa anni an ladjablès yonn-tou-yonn, se an kare ladjablès yonn bware ek lòt, ka chaloupe yonn-epi-lòt asou an lavwa-note, "magre lavi a rèd, Vaval ka kite nou".

            II-3. Djabloten an se anni de kòn. Epi djabloten an nou ka vire towblip nan mès-nanninannan kretjen an ek si djab-wouj la ni anchay kòn ek djabloten an ni anni de kòn, se pou konprann pa ni an liannaj papa pou yich isiya la ek pi nan fondok, pou moun ki jaja badjolaj peyi-wouvè-zie a, se pou se tann djabloten an pa te ke sòti menm kote epi djab-wouj la.

Djabloten an se mès nanninannan kannaval ewòp la ek djab-wouj la se mès-fondok natifnatal-matnik la, bagay ka ladje Ewòp oben Afrik oben tjek peyi-kontinan an-tjou-man-deviran nan chimen. Isiya la konsa, se pou se konprann sa eti se liannaj la nan mitan se mas-kannaval la ka fè yo mas-kannaval-matnik ek pi nan fondok ka fè se mas la toumbile "fidji" ek ba yo an rel-doubout nan kannaval la, mete djab-wouj la douvan ek anchouke an djabloten ki sòti Ewòp debatje. 

   

III - Kannaval-matnik la vini an parètzòy, Vaval ka brè dlo'y.

Mawyàn lapo-fig chatKannaval-matnik la leve nan wabap 19enm siek la, lè sistenm ninang-founang te ja bout ek tout se lakou-moun an (betje-griyav, milat, nèg-ginen, kongo, kouli, chinwa, tout se moun taha) te pare pou bay lavwa ansanm-ansanm, yonn epi lòt, nan lèspri vire-doubout tankon moun-asou-latè yonn-tou-yonn. Bay-lavwa ansanm-ansanm se pa pou ale konprann moun ka pèdi kanman-fondok yo lè yo ka vini adan bay-lavwa taha se anni pou rive la yonn-tou-yonn. Lide taha eti moun ka kouri kannaval nan an lèspri yonn-tou-yonn menm si yo se pe ka pran fidji an konpanyi kare-sosial (Babiyèz, bòlòkò, nèg-gwo-siwo, malpròp, makoumè, gran-jile-piti-pantalon, tousa) pou kouri kannaval yo. Se pa anni an larel dekinay (rache-lapo-do-moun kon lang-ayiti ka di), lonje dwèt asou yo oben fè moun wè an nen-frèt (vergüenza panyol la) yo trape ba se moun taha, se lide pimpe ansanm, plis pase sa, vire-doubout-pimpe. Pi kannaval-matnik la ka ladje lèspri vire-doubout-pimpe taha, pi'y se ka ladje bwabwa-kannaval la pou an Vaval.

Vaval la ka chaye lide yonn-tou-yonn lan (act of individuating) tankon an dezanzobraytaj bay-lavwa-ansanm lan men plis pase sa, chaye taha se an rale-mennen-vini tou, ek se pou tout se zanpanlan-kannaval la se, yo menm,  tankon si tjou yo te ka fouye fòs yo, bat dèhè nan bay-lavwa yo te pe trape. Menm djab-wouj la eti ka fè kakol douvan Vaval la ka pèdi lavwa-djab li, "bouwo man leve istele, mi djab la dewò o-swè a". Tout kannaval oliwon-latè ni djab yo, djab-wouj yo ; ek, se pa anni pou pran fidji bagay malfentè, danma oben tjenbwa (kout-zie anni-depareye kretjen an asou lavi a) oben an pran-fidji lavi anni dousin lan, se pou vire mete kannaval la larel, ba bay-lavwa ansanm lan tankon an toumbele pi natifnatal, pi anchouke, nan dekou otila Vaval la ka delantiraye'y.

Vaval latifaye nan wouj, nwè ek blan-woze (oben wòz blanni), an boutèy melas-rezen-siri nan lanmen'y, de makwame wouj ek nwè nan an pie, jòn nan lòt pie a, an palto jòn nan an lanmen ek mouchwè vèw ek ble nan pòch dèhè'y, an gwo chenn krizokal nan kou'y, brasle epi dòt ti bagay ka fè nou wè an nèg-ginen ki rete pri nan genyen-machandiz-asou-tre a epi tit "Agoulous" taha eti "s" la se an djing ka fè nou sav lòlòy se kabechè Vaval la lòlòy nan matje lang natifnatal-matnik la, "sh" pou  "shanjé" a te ja ba nou an prèmie djing. Vaval taha, menm si'y se ale mete anlòt chòt anlè'y, konsi'y te trape an ladjidjit anba melas-rezen-siri eti'y foute ankò'y oben sistenm anni-genyen-machandiz la te foute'y an kout fent dekatje'y, Vaval taha, se te anni an ti nèg-ginen ki rete pri anba jouk an sistenm, magre oliwon 7 mèt wotè'y la.

Nan vini an voye-monte, an parètzòy, an w'a-lele-kalalou-a, moun ka fè kannaval la ka pran'y anni pou an mès-nanninannan, bagay an tan djab te tibolonm epi pat-kaye'y ek mèch larim li nan nen'y, bagay ka vire chak lanne epi se menm matjoukann lan (se menm mas la, se menm lavwa-kannaval la, se menm bay-kalinda a, se menm kout-tanbou a, se menm ponponlonponpon tronpèt la), se menm kanman an, se menm lèspri a ; men nan menm balan an, moun ka fè kannaval la (moun ka kouri kannaval tankon moun ka gade mas pase) ka vire mare anlòt liannaj nan mitan yo, chak lanne.

Ek si Vaval la se an moun oben an wach-lavi atè-lakay-matnik, se pou liannaj taha mare pi djok ek kouri lawonn nan jou ek mwa apre kannaval. Isiya la konsa, Vaval la ka desann asou rel zandal li a, desann o-wa-tè delè (si se pa anba tè) ek tankon vini trape an kouri-divini se bwabwa kannaval tan-douvan an. Se pou moun yo bwabwatize a se tonbe nan djokte bloublou moun li, se pou wach-lavi yo bwabwatize a se vini pi lòlòy, anfwa. Men dekati taha pa pe ka bay nan menm rel la, ek nan menm rèchte a  nan an bouk atè Matnik pou anlòt bouk atè Matnik, lari Fòdfrans se pa lari Mòn-wouj oben lari Voklen.

            III-1. Mawyàn-lapo-fig, mas fanm bidjoul la. Men pou lapo fig la  ki ka tikte nan an bat-zie ek dekati anfwa, pou fèy bannann lan ki ka chire anba prèmie kout van, fidji-bidjoul taha pa ka pòte nan tan-ka-pase, se anni an fidji-bidjoul kannaval. Menm tete doubout la se pou an tan, mawyàn-lapo-fig la se plis an kò pase an fidji ek se te ke pou konprann sa eti, isiya la konsa, nou douvan an djing-trase bidjoul san fidji, anni an kò.  

Pou pase tan-ka-pase atè Matnik tou, menm lè plodari anni-afrik la ka vire voye nou nan reklanm gaway zawa franse nan Afrik, chak sanmdi asou RLDM (Radio Lévé Doubout Matinik, Magazin l'Afrik), Mawyàn-lapo-fig la epi tout fidji-bidjoul li a, se pòtre an fanm-san-katjòt, an fanm dekatjotize, an fanm san katje, san an do-koukoun pou nonm se rense zie yo, pou kreve zie an nonm, pran pawol pou apre kannaval. Mawyàn-lapo-fig, fanm-wangan fidji-bidjoul la oben depenn konsa pou foute fanm betje lapo fidji prin-sise a nan djendjen.

            III-2. Kawolin-zie-loli, mas fanm malouk la. Se pa anni pou an boug eti'y ka pòte anlè do'y, lide chay pete-kin lan se toulong pou depenn an moun desosialize, an moun ki pa nan liannaj, nan blo sosial epi dòt moun ek nan tout peyi oliwon-latè se anni liannaj sosial la ka fè fidji-bidjoul la, atè Matnik pa pe ni fidji-bidjoul yonn-tou-yonn, nan fondok lavi a. Kawolin-zie-loli se mas an fanm ki ni an nonm pou ta'y men tou-yonn nan lavi a.

Epi lide taha eti nan lakou-moun, lakou-peyi, anba-jouk, fok ni an nonm nan lavi an fanm, pou ni an wach sosial ek si Kawolin-zie-loli a ka rale'y, chaye'y, anlè do'y se pou toulong vire sosialize, vire mare liannaj sosial la, vire doubout fanm nan lakou-peyi a, vire pran fidji-bidjoul la eti'y pèdi a, bat pou pa tounen ladjablès nan lavi a. Se pou se konprann sa eti kannaval-matnik la ka toulong kabeche se zanpanlan-kannaval la nan liannaj yonn epi lòt ek jenhen yonn-tou-yonn ; Kawolin-zie-loli nan liannaj blo epi Ladjablès la, Mawyàn-lapo-fig la, Katrin-pitjan an ek nan liannaj matjonnen, masokade dawlakataw epi tout larèstan zanpanlan-kannaval.

            III-3. Katrin-pitjan, an fanm ka pòte'y. Nan lavwa-balanse kannaval la, "Katrin-pitjan djab la dèhè'w nou k'ay mete patat an dife" eti ka toulong teke epi lòt pawol taha "Di mwen la yo pase, bonda manman'w ka (oben ja) pri dife… di mwen la yo te ye…", se pou se depenn katrin-pitajan an tankon an fanm tete-doubout, bòdò, ka limen dife men pa ka voye piès dlo pou etenn dife, Katrin-pitjan an se an Kabwe-dife.

Mas taha ka liannen an fidji-bidjoul ek an kò pete-flanm, an fanm ki anfòm, tete-doubout, do-koukoun ka pete ek bonda-siwo, an fanm ki ka pòte brayès ek dousin nan kannaval la, se plis dousin gade anni epi zie, se pa pas koukoun li ka pete nan de koko zie'w nan kannaval-matnik la pou'w se ale konprann katrin-pitjan an le an moun koke'y ek moun taha se wou, Katrin-pitjan an se fanm Vaval (wangan ek lèspri kannaval la) se an dekou sansle, an falfrèt otila tout bagay ka pase van ek ka toumbile dawlakataw, se anni lang-natifnatal-matnik la ek wanniwannan kannaval li a ki pe lonje pal defarouche tan-ka-pase dawlakataw taha.

    

IV - Kannaval la nan dekou mès-fondok oliwon-latè.

Mas Kannaval Matnik  Touloulou  aSe pa anni pou Vaval la se pran fidji an moun oben an penteng peyi-lòtbòtsay, oben menm ba an moun oben an penteng atè-lakay-matnik fidji moun oben penteng peyi-lòtbòtsay, se pou kannaval-matnik la ki ka woule anni tankon an tengpenteng, nan an depareyaj fann ek djok nan mitan moun ka fè tengpenteng lan ek moun ka gade tengpenteng taha ; ek, se te ke pou konprann sa eti moun ka gade tengpenteng lan pa te ke ni piès lanmen-djok, piès sa-sav, piès matjoukann mès-fondok ek/oben plodari-kabeche pou tann ek konprann trase-djing an bwabwa ek se pou sa se anni Vaval la, tankon an djing kannaval oliwon-latè ki pe kouri lawonn kannaval la. Isiya la konsa se pa an kout-zie asou lakou-peyi ki te ke fondok men anni an dekou fè tan pase, gade mas pase.

Nan an dekou konsa, se anni desann bay-lavwa nan gwo mizik nan lari a ka fè kannaval la, se pa se mas la ek se nan sa vaval la ka fè mas atè-lakay-matnik la rantre nan tè. Tout moun oliwon-latè ka pe tann jik konprann mizik la, toumbele'y ek lavwa-wosiyole'y menm lavwa-dèhè a tou, men mas la ka chaye an bililik epi'y nan sa eti moun ka pòte mas la ka pe fè lèspri mas la toumbile, mas la se mas la nan limenm, tankon an fidji men se mas-fidji a ek latifay ki anlè kò moun an tou. An touloulou pa te ke sa touloulou epi an gol oben an dashiki afrik-anba-solèy anlè fanm lan ka pòte mas touloulou a, fè'y tounen koutja (sirik-bwa) oben zagaya.

Nan dekou mès-fondok oliwon-latè taha, matjoukann debranbrannize moun-oliwon-latè, UNESCO (United Nations Educational Scientific and Cultural Organization), dekou "matjoukannizay" la, se plis pou ba moun wè, rense zie yo oben kreve zie moun, pase se ladje an sa-sav, an sa-fè teknik ek an sa-doubout-moun, nan lanmen ek kabèch yich-dèhè. Vaval la pa ka mande p'an sa-doubout-moun-matnik dèhè sa-fè teknik la ; isiya la konsa, pa ni an mès-lèspri-nanninannan, an mès liannen moun yonn-epi-lòt, an mès-kriye an djanmbel pou yonnife peyi a, ki ka kouri lawonn. Nan dekou mès-fondok oliwon-latè taha, se pou peyi fondas la se djigilòp dèhè an peyi kòtok eti ekonomi ka ranmase dawlakataw daw.

Se liannaj siktiran taha nan mitan moun ka kouri vide ek moun ka gade mas pase eti kannaval ba drivayajè a la ka depotjole. Plis pase an kannaval tengpenteng, kannaval ba drivayajè a ka toumbile fidji silon moun peyi-lòtbòtsay ki debatje oben sipoze debatje, se pou lise kannaval la ba drivayajè (sa eti ka pe fè an konpanyi videyò pran chante o pi malelive pou plen zie drivayajè a men moun atè-lakay la tou, nan menm balan an, jik pou dezanzobrayte lèspri vire-wouvè-zie kannaval la.

Piplis se bay-lavwa malelive a pa ka bat anlè depareyaj katjòt, nonm ek fanm, nan tjek janbe laliman eti kannaval-matnik la ka fè toulong, se se manman an ki ka pran plis ek se te ke pou konprann an lonje-dwèt asou sosial la, yonn-a-lòt la, bawda-lele vire-wouvè-zie a, vire-doubout tankon moun-asou-latè tousa eti se tou-pòtre manman an. Se kare-ekonomi drivayaj la, mete-nan-brann ki wòkòkòy ek ki anba jouk wach-ek-kratjak laliwonn lan toulong, ki ka anchouke kannaval-matnik la nan an dekou anni parètzòy.

            IV-1. Mas-touloulou a, an djing kouri-lawonn karayib la. Mas-touloulou a leve nan kannaval Senpiè a douvan deblozonn volkan an nan 08 Me 1902 a, chape Gwiyann epi anchay moun Matnik ki te ladje peyi a ek ale rete lòtbòtsay (Ayiti, Etazini, Gwiyann, Sentlisi, Trinidad ek Tobago, Venezwela pou piplis) ek vire vini nan kannaval Fòdfrans lan depi yonn-a-de dis-lanne ki pase. Se pou se tann ek konprann, touloulou 21enm siek taha pa nan menm lèspri ek nan menm fondok epi touloulou wabap 19enm siek la, la-pou-la, an mas-kannaval (an rad zoute depi kabèch jik pie) ka apiye an fidji-sere, lanmen-djok katjòt se fanm lan (sa eti sipoze brayès la) ek lajounen-jòdi, an lanmen-djok sosial se fanm lan, bagay ka ladje katjòt (toutoun) tou-touni anlè de pie'y nan lari a.

Se pa anni pou ale fè palmarès asou an bililik-aleliwon karayib (caribbean complexness) ki te ke pi bililik pase dòt kote asou latè, se pou se tann ek konprann sa eti pran-boulin pase sosial tan-ka-pase a pi djok nan Karayib la pase piès kote asou latè, se pa anni "nou sòti nan divini ka rive" Edouard Glissant an, ek se ba nou lè pou nou pase epi sa, lide taha eti nou ka vire kare tan-nanninannan an toulong, leve an dekinay aleliwon asou tan-ki-pase, se pou, nan kouri-lawonn/dekouri-lawonn amerik-anni-solèy ek karayib taha, ki anba pwa-peze dekinay tan-nanninannan chak se peyi Karayib la.

            IV-2. Moko-zonbi a se pa an zonbi. Moko-zonbi a ka bay nan tout se kannaval Karayib la (Bahamas, Bawbad, Grinada, Gwadloup -asou tit mas a biki, tou-, Kouraso, Jamayik, Trinidad-ek-Tobago, epi dòt) se pa nepi an fidji-pòtre an zèspri, an lèspri fè moun mal, tjek gangan-afrik (nan tout peyi Afrik-anba-solèy ni moun doubout anlè bwa-lonji-janm), an djanmbel, tousa ; se anni Fidji-pòtre djoktòch sosial ek politik la ek nan tout teyat-lari oliwon-latè, ni moko-zonbi.

Moko-zonbi a, se dabò-pou-yonn an teknik kalibich, ek nèhè menm an kout-zie dekinayè asou dekalibich la won-ladje-won ek dekalibich sosial la, dekantekantaj sosial la, won-nan-won. Ek pou moun Matnik ki ni an zie-wouvè titak bòy asou liannaj nan gouvelnaj sosial ek politik, se pou moko-zonbi a rete pri nan gran landjal li a anni nan an djoubap flòkò epi Vaval la ki limenm sòti lòtbòtsay debatje.

               IV-3. Bradjak la, an loto-kannaval. Se anni kannaval Fòdfrans lan ki kabwate zanpanlan-kannaval taha, bwa-djak eti vini bradjak nan pale kreyol djol-an-tjou-poul se moun Fòdfrans lan. "Bwa" a se dwel fè eti moun ka kabwate an loto ka toumbile rel-doubout li pou bay chabon oben tizi anlè boulin loto a. Nan pawol-pale lang natifnatal-matnik la bwa a vini an rel-boulin tankon "rale an bwa twa pou monte mòn Lèstrad la".

Kannaval dèhè kannaval, bradjak la vini an djing fondok kannaval Fòdfrans lan magre Matnik, tankon lakou-moun asou-latè, pa ka faktore loto, pa menm an kat-woul ladje adan an desant. Pa ni faktoraj men ni an bidim toumpotjolaj teknik, fè vie loto (an bwadjak se an vie loto) vire woule, ek pi nan fondok, mete an faktorel lòtbòtsay anba mès teknik  ek mès-fondok peyi a, nan koulè peyi a ek nan laliwonn chalè-wakle peyi a.  

   

V - Vaval fè sann nan Mèkrèdi kannaval-matnik la.

Kannaval Matnik 2018 nèg-gwo-siwoNan brile Vaval la ek pran pawol pou lanne dèhè, se te ke tankon nan tire-kont lan, vire mete tout kont lan nan sak la pou apiye an vire-trape kanmouzaza sosial, nèftay an liannaj sosial, tout bagay eti te ke ka fè kannaval la tankon an rel fondok sosializay la. Nan plodari sosial atè-lakay-matnik la, kannaval la se toulong an dekou vire-pimpe (Serge Domi, André Lucrèce, Thierry L'Etang, Louis Felix Ozier-Lafontaine, tout se mapipi kabechè-plodayè taha) an wach djok matjoukann lan tou ; desann nan lari a, bay-lavwa ansanm, pou vire pati pi djok nan lavi a, pi nan yonn-a-lòt tou. Se anni moun ki doubout zie-wouvè ka pe vire pati.

Kannaval la se te ke an dekou vire nate liannaj sosial la, vire file se zouti yonn-a-lòt la  ek nan vire-nate, vire-file, taha, brile Vaval la se te ke tankon nan plodari-kabeche Sigmund Freud la, fè an kadje-larel-sosial la ansanm pou apiye yonn-a-lòt la dèhè, vini konfiol adan an lavi a pou konfiolo ki te fèt ansanm, trape an rel-rive ansanm-ansanm ; vide a ka chaye tout moun adan plan-divini taha. Kannaval la se pa anni an penteng mès-fondok, an dekou voye-monte, ladje lèspri, ladje-kò nan lari a, se an wach sosial tou.

Kannaval-matnik la se dabò-pou-yonn an sa-fè teknik, tout se mas taha, tout se bwabwa a, tout se bay-lavwa taha, "Edamiz o eya, man mande'w douvan ou ba mwen dèhè", (lavwa-mas, lavwa-djab), tout se mizik voye-monte taha, eti nan tan-ka-pase, ka toulong leve ek chaye an sa-doubout-moun-matnik nan kannaval la ek pi douvan, nan lavi toulejou atè-lakay-matnik, ek pi nolfok nan lavi toulejou an-tjou-man-deviran.

Si Vaval ka alelouya nan boukan-dife Mèkrèdi-le-sann lan se pa pou apiye sa eti dekou anni-dousin lan, pete-bonm lan (se anni fanm ka pete bonm), voye-monte a, bout anfwa ek fok se atann an lanne pase ; se pou apiye an vire-wouvè-zie apre tout moun (tout se krèy sosial la) te tann ek konprann fondok eti chak moun, chak krèy sosial te fondok, kannaval-matnik la se an dekou bay-lavwa san chenn, san se chenn gouvelnaj la-frans lan, ek an kannaval konsa pa te pe ka bay nan an sistenm ninang-founang.

Nan brile Vaval 2019 la, plis pase bann-twel Wouj-Vèw ek Nwè eti faktorè kannaval Fòdfrans lan te ja pare brile, yo te tankon brile, se toulong an trase-djing, an kabwatè leve-doubout sosial la, an defandè djoubakè (se toujou an trase-djing) eti yo depenn tankon an tetè melas-rezen-siri, gwo chenn krizokal, la eti se te pou an konpayel pete-chenn sosial la. Se kannaval anchouke nan kare ekonomi drivayaj la ki ka koumande dekou ladje lèspri vire-wouvè-zie ek yonn-a-lòt kannaval la pou an bagay anni pete-bonm, moun yonn-tou-yonn.

            V-1. Nèg-gwo-siwo a. Se nèhè pou sann yo ka malakse epi siwo-batri a ka fè liannaj blo epi koulè nwè djòsol plere-vaval la, men nèg-gwo-siwo a pa ni pou toumbile mas nan se kat jou kannaval la ek se an zanpanlan-kannaval ki pa toumbile pòtre-fidji depi kannaval Senpiè a. Se an djing sistenm-ekonomi kann lan, kann brile a, Canboulay Trinidad-ek-Tobago a, "siwo-brile ka voye anpil lafimen", se pou ladje sistenm-ekonomi taha nan chimen.

Se pou se rive konprann sa eti kannaval la se an dekinay sosial wach lavi toulejou ek pa jenhen an bouskay tjè-sere tjek gangan koulè lapo-fidji, tout peyi oliwon latè, gangan an se dabò-pou-yonn an pawol lang-natifnatal la. Nèg-gwo-siwo a, se anni djoubakè kann lan, eti se an nèg-ginen tou, menm tout nèg-ginen eti'y nèg-ginen an, sa pa ka mare piès liannaj epi kontinan Afrik la, tjek gangan yorouba oben igbo, pou piplis.

            V-2. Mas-lanmò a. Ladjablès la nan an jout san-manman, nèhè menm rache-koupe, epi mas-lanmò a. Se de zanpanlan-kannaval la ka sanm men ladjablès la pi kabeche tankon zanpanlan-kannaval, mas-lanmò a se te an moun ki kouvè kò'y depi tèt jik pie epi  an gran twel-kabann koulè blan, delè an zoklèt trase nan nwè anlè blan twel kabann lan, sa eti ka pe fè'y toumbile nan ladjablès si se an fanm.

Nan kannaval Senpiè douvan deblozonn volkan an, mas-lanmò a te ka sòti anni nan Mèkrèdi-le-sann ek se te anni krèy-sosial defaroze te ka kouri katriyenm jou kannaval taha. Se pou se konprann ek kabeche sa anfwa eti Mèkrèdi-le-sann lan se pa te an jou kannaval tankon se twa jou douvan an, se tankon an djendjen pou defarouche lanmò tankon wach djòsol lavi a ek si ladjablès la fè mas-lanmò a djigilòp nan kannaval-matnik la (se anni an kou konsa an moun pe wè an mas-lanmò pase nan kannaval Fòdfrans lan lajounen-jòdi) se pou mès-fondok natifnatal-matnik la te vire towblip nan an kout-zie kretjen chaje epi lèspri djòsol asou alelouya-zakasia eti lang-an-frans lan ka fè kouri lawonn atè Matnik.   

            V-3. Plere Vaval. Ni tout se fanm rad blan ek nwè taha, tèt kalande an pwent tankon nan ibènaj toulejou si se pa te pou an fèy-kosol yo ka chaye epi yo ek wol plere gwo dlo yo ka fè epi anchay boug ki latifaye nan fanm pou apiye fondok katjòt fanm lan nan kannaval-matnik la epi pi douvan nan lakou-peyi matnik tou. Isiya la konsa nou pa adan mas-kannaval la pou piplis moun ki zoute ek rad san piès kòchte ni rel-chire men adan an fidji-pòtre lavi toulejou, se an teyat-lari otila laliman nan mitan tjè-senyen ek djendjen ka toumbile aleliwon silon moun oliwon ek silon tan douvan brile Vaval la.

Se pou teste Mèkrèdi-le-sann lan se pa an jou kannaval, an jou tounen-djol-anba tankon se zòt jou kannaval la, se plis an dekou pare lèspri pou  dezas ek malè ka vini dèhè, vire lonyen se djing yonn-a-lòt la. Kannaval-matnik la se an bidim teyat, an bidim teyat-lari, otila moun atè Matnik, se taha ki pi bòdò a, se traha ki pi anchouke nan wach-lavi atè-lakay-matnik la, ka vire mete tout wach lavi sosial la anba zie yo pou gade wè vire siktire'y, vire mare liannaj sosial la.  

                

                Brile Vaval, se se an trase-djing lòtbòtsay, se pou fè'y anchouke nan fondok peyi Matnik la, apre'y se kouri lawonn peyi a ; se tankon an dekouri lawonn, tout kont lan vire rantre nan sak tirè-kont lan, pou vini an matjoukann mès-fondok, mès-nanninannan, sosial, matjoukann kòtok tou, peyi Matnik la. Se pou apiye sa eti tan ka pase nan kannaval-matnik la ek se pou moun-matnik se vire kabeche kannaval la chak lanne.

Brile Vaval epi tout mès soubawou epi'y, tout mès lòtbòtsay, chak lanne, se pou rive nan an vire-wouvè-zie-nan-lavi eti menm si plodari-matnik la pa ka tann ek konprann li flouz konsa ka pe bay nan tout lakou-moun oliwon-latè, ka faktore an kanman-fondok, an lèspri ale toulong. Lide taha eti ni an antipilonn ka bay menm si lakou-peyi anba-jouk taha ka brile anchay matjoukann mès-fondok jou-ale-jou-vire.

Brile Vaval pou sise (tit-mete-nan-brann "sise" a potomitan nan wanniwannan kannaval la) eti'y ka sise tout bawda-lele kannaval la, la eti bwabwa a te ka tankon wouzaye longsay ale, te ka vire leve se zòt zanpanlan kannaval la, ka ba yo dòt lavwa-egal (lavwa-dèhè, lavwa-note, lavwa-regle, lavwa-djole, lavwa-balanse) jik delè an lavwa-pitjan, lavwa-wosiyole, lavwa-douvan, "Katrin-pitjan djab la dèhè'w, nou k'ay mete patat an dife", ba chak se zanpanlan kannaval la an kous-kouri nan kannaval lanne-dèhè.

Brile Vaval la, se pou apiye tou, anchoukaj se zanpanlan longsay kannaval-matnik la, ansèsel, djabloten, djab-wouj, katrin-pitjan, kawolin-zie-loli, ladjablès, lapo-farin, mas-sal, mas-wouj, mas-lanmò, mawyàn-lapo-fig, moko-zonbi, nèg-gwo-siwo, papa-djab, pòpòt-lacho, touloulou, tout se zanpanlan-kannaval taha eti pa ladje mas yo depi prèmie kouri-lawonn kannaval-matnik la.     

Brile Vaval se apiye fondok eti toumbilaj sosial la fondok nan an lakou-peyi, menm lè moun pa ka wè'y oben ka fè wol pa wè'y, "2009/2019 ayen pa shanjé", dapre'w, an sa fè teknik toulong pi djok, pi kare-bare eti ka fè sosial la pi bililik, pi moun pe apiye anlè pwa kò yo (pou sa fè teknik yo trape) pi yo ni pou kabeche oben vire kabeche dòt laliman, si se pa laliwonn, yonn-a-lòt atè-lakay la.    

 

Simao moun Wanakera

 

Commentaires

Carib.com

The T&T Ministry of National Security is proposing Carnival Tuesday end by 9.pm next year.

Info Martinique

"6 Fanm Matnik Byen Doubout"

Dans le cadre de la commémoration de la lutte pour les droits des femmes, Le Maire de la Ville du Lamentin et l’Office de la Culture
vous invitent à la manifestation

"6 Fanm Matnik Byen Doubout"

Le vendredi 8 mars 2019 à 19h
Dans le hall de la mairie,
place Antonio Maceo
6 femmes seront honorées à cette occasion pour leurs actions dans leurs domaines d’activité respectif. Il s’agit de Liliane Elie-Marius, Doris Joseph, Sabrina Eléna, Marie-Line Bouton, Rita Bonheur et Marie-Line Armoudon.
Les illustrations artistiques seront assurées par Luc Labonne (musique), Nicole Cage (pawol ek mizik) et Medhy Bonheur (slam).
Manifestation gratuite et ouvert à tous…
Infoline : service patrimoine culturel et traditions de l’Office de la culture de la Ville du Lamentin au 0596-513568 ou au 0696-113600.

Caribe

Contes de la Pleine Lune

Jeudi 21 mars 2019 à 19h

Campus universitaire de Schoelcher

Association Martinique Image
06-96-75-11-08
Participation libre et adhésion sur place

Kofi

In Dominica, carnival ended with the traditional, symbolic Tewey Vaval ceremony which was held in the Kalinago Territory on Wednesday.
The event included the parade of a fake coffin containing “Vaval” to the beating of drums.
At the end of the parade, a bonfire was lit and the coffin burnt in it, marking the end of Carnival.

Carib.com

Guitarist Winston “Bo Pee” Bowen, a stalwart musician who worked with reggae music's elite artistes, died at age 62. Bowen started his career in the mid-1970s, first recording at Channel One studio. He then became a member of noted bands such as Lloyd Parks and We The People, 809 and the Firehouse Crew, touring with artistes such as Dennis Brown, Ziggy Marley and Luciano.

CCPYPM

Table ronde :
"Plantes médicinales et plantothèques d'urgence"
Samedi 30 mars de 8h30 à 12h00
Salon d'honneur du Stade P. Aliker, Fort-de-France
Ouver au Public, gratuit.
contact : Association CCPYPM
0696109720

Caribe

Fallece cantante colombo-venezolano Pastor López a los 74 años.
López había sido internado en el centro médico el pasado martes, con síntomas de mareos, dolores de cabeza y adormecimiento de cuerpo.

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)