Wach ek kratjak laliwonn
Hurakàn Dowyan

Nan laliman amerendjen Brazil la

Dife-nan-razie ka antipile

 

Amazonia especies_riesgo_incendios

Amazonia dife Amazonia 4 dife Amazonia fuego

 

 

 

 

 

Amazonia: Nan 1e Janvier pou 31 Awout ki pase, an kawbe-gouvelnaj laliman amerendjen (lakou-moun natifnatal Brazil nanninannan) konte 9078 dife-pri asou 278 kare-tè amerendjen ; se 88% nan antipilaj asou 1e Janvier pou 31 Awout 2018. Kawbe-gouvelnaj taha eti liannen epi konsit monsenyè atè Brazil apiye sa eti lanne pase se te 4827 dife-pri. Atjolman-la, antipilaj se dife-nan-razie a se plis pase antipilaj dife-pri nan tout peyi a asou menm dekou taha, se 71%. Epi antipilaj kannan dife-nan-razie, kannan laliman ki te anba dife-nan-razie antipile tou, depi 231 nan 2018 pou 274 lanne taha, sa eti ka fè 18% antipilaj.

Amazonía topay politikAnni nan mwa d’Awout ki pase, yo konte 4754 dife-nan-razie, se 52,4% adan tout dife-pri nan dekou taha. Nan menm mwa taha, nan 2018 yo te konte 2366 dife-nan-razie nan se laliman amerendjen an, sa eti ka fè an antipilaj 133,5% nan Awout 2019.

Kabwatè-gouvelnaj Krahô Kanela, an laliman amerendjen nan bouk Lagoa da Confusão, anba gouvelman atè-lakay Tocantins, nan laliman anlè nan peyi a, konte 95% laliman yo te nan dife. Se an bat-manman, yo konte 31 dife-pri nan laliman amerendjen taha nan 1e pou 9 Sèptanm. "Nou etenn 22 kilomèt dife ki alelouya 2 moun ek vire pran. Sa djòsol menm, anchay bagay brile, anchay bèt mò” se sa Wagner Krahô Kanela plenyen.

Se dife-nan-razie Amazonia taha ka mete moun ka rete la ek lakou-moun amerendjen anba an ago-dife longsay men 265 ras bèt ki ka rete nan laliwonn taha tou. Gran-bwa Brazil la se laliman ki pi pri anba ago-dife taha. Nan peyi taha, ni 180 ras bèt eti 124 adan yo se ras-bèt natifnatal gran-bwa brazil ek 85 anba an ago djigilòp. Menm si ni an plan-gouvelnaj pou pare bok 76% ras bèt la ki anba an ago-djigilòp, yo pe ke sa rive pare flanm-dife ba se ras-bèt la ek se chous-boujonnen an. Se nan 05 Sèptanm 1850 jou eti gouvelman Brazil te doubout laliman-gouvelnen Amazônia a ek se depi sa jou taha vini jou pou gloriye nich-lavi nan tout peyi a.

Brile-razie a se yonn adan se janjol fondok la pou se ras-bèt anba-larel-gouvelman se rete vivan. Nan ras-bèt ki anba-larel-gouvelman ni kabasou a (gran tatou nan lang natifnatal-gwiyann lan), Tamanwa a (manjò-fonmi) ek kochon-bwa a (pakira-djol-blan), tou. Men nan tousa, bèt-anba-bwa ki pa anba-larel-gouvelman pi piaka douvan flanm-dife tankon yapok la. Se ras-bèt taha te ka bay nan Rondônia, yonn adan se laliman-gouvelman-atè-lakay Brazil la otila rel debwaze a pi bidim. Dapre an kontaj WWF (World Wide Fund for Nature), 60 zòt ras-bèt adan an dekou wòkòkòy nan Amazonia.

Se pa anni se ras-bèt la ki anba an ago-dife, se se laliman anba-larel-gouvelman an tou. "Se dife-pri a brile, pou piplis, laliman ki te pi debwaze a", se sa kawbe-mete-nan-brann lan. Bagay pou fè se gouvelman an leve nan sonmèy yo a, 30.000 chouk-boujonnen ka leve nan Amazonia, se 30% nan tout chouk-boujonnen Amerik-anba-kannal-panama. Lonmwatje se chouk-boujonnen an, oliwon-latè, ka leve nan se laliman-bwa a ek "se yonn adan se zatrap kawbòn lan, sa eti ka lonje pal kore wakle-chalè a oliwon-latè", se sa WWF te plodaye. Marcelo Oliveira eti se an lonyen-kabechè tilili-lavi ek ka bat epi WWF nan kaliboutaj gran-bwa a kabeche sa eti "debwazaj ek dife-nan-razie a ka depotjole nich se ras-bèt ek kare chouk-bonjonnen anba larel gouvelman an, pou anchay lanne. Gouvelman an ek lakou-peyi a ni pou fè moun sav Brazil pa ka topaye nan depotjolaj matjoukann pi fondok laliwonn li. Gouvelman ni pou vèy-o-gren pou laliman anba larel li ek laliman se lakou-moun-nanninannan an pa rive nan lanmen-kòch kontribannè a". Yo owonzonnen sa konsa, nan laliman anba-larel-gouvelman atè Brazil, ni o-pi-anba 55 janjolant nan dekou an djigilòp (44 ras-bèt ek 11 chouk-boujonnen), 24 adan yo natifnatal-brazil.

Ale li nan  Amazoniasocioambiantal.org ek nan El Espectador

Commentaires

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)