Leve-doubout sosial atè Chili a
Leve-kanpe politik nan lari Ayiti

Konsit pou kabeche anlè lanm-a-kouri wawèt la

SargExpo

SargExpo oktòb 2019 Region Guadeloupe Sargassum East-Coast-Barbados-Sept-2014-credit-H.-Oxenford

Sargassum

 

 

 

 

 

 

Bèmaho, Atè Gwadloup: Se an bidim konsit peyi-oliwon-latè ki wouvè lapòt nan CWTC Jari a atè Bèmaho, pou twa jou, depi yè 23 pou 26 Oktòb ka vini, asou lanm-a-kouri wawèt (sargassum natans ek sargassum fluitans pou piplis nan Karayib la)  ka rive anlè se lèstè peyi Karayib la depi 2011. Plodayè-politik anchay peyi AEC (Lawonn Peyi Gran-Karayib la), peyi OECS (Lawonn Gouvelman-peyi Karayib atè-solèy), Brazil, Etazini ek Puerto Rico, Ewòp-yonnife tou, ke vini rarate doum-apiye yo douvan lanm-a-kouri wawèt la, bokante sa-fè nan jeray wawèt la epi lonyen-kabeche katel latè-wonn lan pou gade wè trase-welto nan Karayib la. Se Région Guadeloupe (kawbe kabwataj mete-nan-brann ekonomi ek sosial Gwadloup) ek kawbe-gouvelnaj laliwonn nan gouvelman-la-frans ki ka kare konsit taha.

Sarg’Expo se prèmie konsit latè-wonn teknik vire-djezinen-kabeche, kriye-ago, lonyen-depenn, vèy-o-gren, ranmase ek faktore epi wawèt la nan dekou konsit latè-wonn lan anlè lanm-a-kouri wawèt la. Sarg’Expo ke pòte an wè-klè asou djoubakatwa peyi-karayib ek peyi-oliwon-latè ki ka oben pare faktore epi wawèt la. Sarg’Expo trape tankon rel-rive pou kouri nouvel asou tout mete-nan-brann vire-djezinen pou jere lanm-a-kouri wawèt la.

Se depi 2011 lanne otila anchay lèstè Lanmè Karayib ek Lanmè-etal Meksik la anba an lanm-a-kouri wawèt ki ka rive-chwa anlè se sab-lèstè a. Toumpak lanm-a-kouri wawèt taha djok anlè laliwonn lan ek doubout-djann moun. Nan dekou wawèt la ka fè chèpi nan sab la, se pou’y ladje anchay gaz, amoniak ek hidrojèn-souf, bagay ki ka dekalibiche ekonomi-drivayaj se peyi, ka kòchte ek nwèsi tout bagay oliwon ek ka mete anchay moun kouche-kalbòy.

Sarg’Expo ka bay nan dekou konsit peyi-oliwon-latè asou wawèt la, nan larel plan-divini Interreg Caraïbe la, an progranm pòte-kole peyi anba-jouk La-Frans (Gwadloup, Gwiyann, Matnik ek Senmawten) eti ki pe epi lahan-palantje-ekonomi Ewòp-Yonnife mete nan brann de-o-twa plan-divini epi se peyi karant-owonzon peyi ek tè-danme oliwon Karayib la.

Nan wabap konsit la, eti ke rive dwe Sanmdi ka vini, se peyi a pou siyen an "topay politik" asou jeray karayib se wawèt taha ki vini an dezas laliwonn, anba zie kabwatè gouvelman La-Frans.

Ale li nan Sarg’Expo

Commentaires

Caribe

El número de muertes por dengue hemorrágico en Honduras ascendió a 155 en lo que va de 2019, tras reportarse cuatro nuevos fallecimientos, notificó el viceministro de Salud del país.

O Carioca

Uma pesquisa realizada por cientistas brasileiros e franceses demonstrou pela primeira vez que os incêndios da Amazônia contribuem para o derretimento das geleiras nos Andes, de acordo com o estudo publicado no jornal Scientific Reports.

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)