Vire-sitire ekonomi Ekwadò

Leve-doubout koubare mete-nan-brann gouvelman

 

 

 

 

Guayaquil, Ecuador: An chay bidim leve-doubout nan Kito (bouk gouvelman peyi a, Gwayakil epi dòt gran-bouk peyi a te mande abwogat larel-gouvelnaj ekonomi eti kabwatè-repiblik la, Lenín Moreno, te paladjole nan simenn pase a. Se asou chenn-liannaj sosial la otila anchay lawonn-mete-nan-brann sosial, anchay kare-defann-tèp-djoubakè, lawonn lakou-moun-natifnatal, moun-ka-aprann-lekol, ek moun lakou-peyi-politik peyi a, te mare konsit pou vini apiye 7 jou leve-doubout koubare mete-nan-brann vire-sitire ekonomi eti gouvelman la ka pran.

Dapre nouvel eti Confederación de Nacionalidades Indígenas del Ecuador (CONAIE pou lawonn lakou-moun nanninannan atè Ekwadò) kouri piziè moun alelouya-zakasia nan dekou toufounad polis ek sapatony peyi a. Se pou an nouvelis TeleSur atè Ekwadò rarate sa eti toufounad la koumanse dwe 11 hè nan Jedi leve-doubout la. Nouvel-kouri taha sòti nan lawonn lakou-moun-natifnatal ki piplis nan peyi a ek se yonn adan se kare-leve-doubout la pou koubare politik vire-sitire ekonomi eti gouvelman Lenín Moreno le mete nan brann. Se pou yo te apiye sa eti, nan jou ka vini, yo ke kouri nouvel asou tit tout moun ki pran fè nan toufounen leve-doubout la. Nan menm balan an, CONAIE plodaye se pou yo pran lang epi kawbe-mete-nan-brann pou larel-kòdjòm moun pou se kadje-lavi-moun taha pa rete san an pran-seraj.

An kawbe-mete-nan-brann pou defann larel-kòdjòm lakou-moun natifnatal-ekwadò konte 5 moun pèdi lavi yo anba lanmen polis la nan dekou leve-doubout taha ; nan se 5 moun taha, yo konte Inocencio Tucumbi eti se te an kabwatè sosial nan peyi a ek ki pèdi lavi’y nan leve-doubout san kanman djenm atè Kito, yè mèkrèdi 09 Oktòb.

Sapatony Ekwado kouri nouvel eti, kòdjòm epi larel-fondas-gouvelnaj peyi a, se pa yo ki fè si leve-doubout la ka bay nan goumen nan lari. Yo ke sa fè djoubak koumandaj kare-bare yo. "Sapatony lan ka djoubake nan lèspri respe larel-gouvelnaj peyi a ek karetel-woule, se pou tout mètaferay asou do kabwatè kawbe-gouvelnaj ek wach-dèhè se anni pou moun ki leve se traka taha", se sa ki matje nan kouri-nouvel sapatony Ekwadò a.

Apre‘y ladje Kito voye kawbe gouvelman an nan Guayakil, pou te vire vini nan gran-bouk-gouvelman an Mèkrèdi, kabwatè-repiblik la lonje dwèt asou Rafael Corea eti te kabwatè-gouvelman douvan ek eti limenm, Lenín Moreno, te dezienm kabwatè-gouvelman nan dekou taha ek te te ke ka leve konfiolo depi Venezwela, "tawachè Maduro a mete an plan dekalibichaj anba zie Correa" ek pou apiye pi douvan, "abwogat lahan-gouvelman-palantje-ekonomi asou se dlo-brile a se toulong an mès-politik ki ka tire million dola nan lanmen kontribannè, fè-debouya politik taha ka vidjoze ekonomi an". Se pou Lenín Moreno te dekinaye leve-doubout la konsa : "Sa ki rive nan Ekwadò se tan taha se pa an leve-doubout sosial ni an djol-lonje douvan doum-apiye an gouvelman, bawouf ek demantibilaj ka fè nou wè se ni an rel-rive politik klè dèhè sa, dekalibiche gouvelman an ek pete fil larel-fondas-politik peyi a, depotjole liannaj demokrasi a", se sa kabwatè-repiblik la te majole.

Nan 2 Oktòb ki pase, kabwatè-repiblik Ekwadò te mare an "boutje doum-apiye politik" (el paquetazo) pou abwogat lahan-gouvelman-palantje-ekonomi asou faktorel-petrol ek faktorel-gaz, te stanmpe rel-lahan-genyen diezel ek lesans, epi pou tizi anlè lanmen-djok se djoubakè-gouvelman an. Lamenm apre "paquetazo" taha anchay krèy djoubap sosial la, mayonmbo ek lakou-moun-natifnatal te bay nan an bidim leve-doubout.

Ale li nan TeleSur

Comments

[Rédigé par : Caribe]

Por noveno día consecutivo los ecuatorianos salen a las calles desafiando la represión policial para protestar contra el paquetazo aplicado por Lenín Moreno.

[Rédigé par : Caribe]

Por décimo día consecutivo los ecuatorianos se mantienen en las calles para rechazar el paquetazo del FMI y Lenín Moreno.