Leve-doubout sosial Amerik Latin lan ka toumpakte Kolonmbia tou

Un "cacerolazo nacional"  

 

 

 

 

 

 

 

 

 

 

Buenaventura, departamento del Valle de Cauca : Twa moun alelouya-frèt ek owonzon 273 flandje nan jounen leve doubout kwenyen-kasol (una cacerolada) pou fè gouvelman Iván Duque a tann ek konprann yo pa nan topay epi politik eti’y mete nan brann. 21 Novanm taha, sispann-djoubake-anfwa te ka bay nan tout Kolonmbia, epi anchay dawne nan lari se gran-bouk peyi a. Se pa anni djoubakè ki te vini nan se leve-doubout sosial taha, te ni moun lakou-moun-peyi-naninannan (amerendjen), mayonmbo, djoubakè, bouskè-kabechè gran-lekol ek dòt krèy sosial oliwon peyi a.

 

Kwenyen-kasol la le pran seraj vire-kare-zobray sistenm djoubak ek vire-kare-zobray lahan tjenbe-doubout sosial eti gouvelman te ka ladje ba moun nan delala sosial. Nan menm balan an, lakou-moun natifnatal-kolonmbia a te ka lonje dwèt asou kontribann-lahan gouvelman an ka fè ek dekou ladje matjoukann peyi a nan lanmen djoubakatè-lahan. Se lawonn-mete-nan-brann sosial la te bat an detlèt (sispann-djoubake-anfwa) pou vire-kare-zobray djoubak la ki le tizi lahan-genyen-djoubak se tibray la ek vire-kare-zobray sistenm wouspel-djoubak ki ka defaroze moun ki antre nan laj rete bò kay yo. 

Kabwatè-repiblik Kolonmbia a eti ka gouvelnen peyi a depi 15 mwa, ka teste sa eti se vire-kare-zobray taha se te ke anni zagala. CUT (Central Unitaria de Trabajadores de Colombia) epi se lawonn-mete-nan-brann sosial la te lonje dwèt asou se kouri-nouvel gouvelman Duque a pou debande leve-doubout la. Gouvelman an te ba tout kabwatè-gouvelnaj-bouk lanmen-djok pou leve larel-gouvelnaj defann rete an lari apre 7-hè-oswè ek se pou kabwatè-gouvelnaj-bouk Kali, Maurice Armitage, te fè gòj : "Fok pa ni pa an moun nan lari Kali apre 7-hè-oswè, si yo tjenbe an moun, se lajol lamenm".

Kawbe-gouvelnaj larel-kòdjòm moun nan Lawonn Peyi Oliwon-latè atè Kolonmbia te rete tenmbolize douvan se larel-gouvelnaj koubarè taha ki ka ba se kabwatè-gouvelnaj-bouk la ek se gouvelnè a tout lanmen-djok pou bat an defann-ale-vini ek pou mande apiyaj sapatony peyi a nan dekou leve-doubout sosial la. Kawbe-gouvelnaj peyi-oliwon-latè a vire majole sa eti an gouvelman ni pou lawonnen mete-nan-brann sapatony lan nan dekou leve-doubout sosial pou mete sa ka mete moun anba wach ek kratjak kout-fizi.

Dapre nouvel eti kabwatè kawbe-gouvelnaj defann-laliman Kolonmbia, Carlos Holmes Trujillo, kouri, se twa moun-alelouya a se te ke moun ki te ka fè bawouf anlè kawbe-machandiz oliwon ; men, asou chenn-liannaj sosial la, moun te pe wè anchay video otila sobreka ESMAD (Escuadrón Móvil Antidisturbios), polis koubare semeda nan lari, te ka ba moun leve-doubout sosial la anchay kou nan lari.

Owonzon 100 moun-doubout te mache anlè larel-gouvelman defann-rete-an-lari apre 9-hè-oswè, nan lari Bogota, ek te vini fè an tanbi-kasol anba finèt kabwatè-repiblik la, jik kote 10-hè-oswè, ka bay lavwa asou lavwa-regle natifnatal-kolonmbia asou an toumbele "cacerolazo". Lòtbòtsay, plis pase 300 moun-doubout te bat lwiloud Bogota a (an lwiloud nan mitan bouk-gouvelman peyi a) apre 9-hè-oswè, se depi lanne 1977 eti bidim-bouk Kolonmbia a pa te bay anba larel-gouvelman defann rete doubout nan lari apre 9-hè-oswè.

Lamenm apre gouvelman te ale badjole asou an vire-rete-dwèt, anchay goumen an lari te leve nan kare-kay anba-solèy Bogota otila nouvelis rarate anchay dekou o-piyaj ek bawouf anlè machandiz bidim-boutik epi dife ki brile yonn-de bonm tonbe-leve. Vandrèdi oswè, kabwatè-repiblik la te fè eti lakou-moun peyi a pou pran pawol : "dwe simenn ka vini, man ke mete an size-koze oliwon peyi a nan brann pou vidjoze dekontaj-jou politik sosial la, djoubake nou ka djoubake konsa, yonn-a-lòt, epi an kout-zie mitan-o-peze tan ka vini jik longsay-divini ki ka apiye pou se gade wè kore se rel-fann sosial la", apiye kabwatè-repiblik la apiye asou sa eti "sa pou fèt oliwon peyi a ek nan tout ti wèt lakou-peyi a".

Ale li nan TeleSur ek paj-twitter CUT

Comments

[Rédigé par : Karib.com]

Earthquake

2019-11-23 12:44 pm (Local Time)
2019-11-23 16:44 (UTC)
MAGNITUDE:
4.5
LOCATION:
Latitude: 17.60N
Longitude: 60.97W
Depth: 10 km
NEARBY CITIES:
111 km NE of Saint John's, Antigua and Barbuda
162 km NE of Point-à-Pitre, Guadeloupe
198 km ENE of Basseterre, Saint Kitts and Nevis

[Rédigé par : Caribe.com]

Según las cifras entregadas por el Instituto Nacional de Derechos Humanos de Chile, 232 personas sufrieron lesiones oculares (75 por ciento de los casos producto de disparos), de los 2.808 heridos que han sido constatados en distintos hospitales.
Hasta este lunes, 437 personas fueron heridas con armas de fuego según el organismo, mientras que 1.180, la mayoría, fueron víctima de perdigones disparados por agentes del Estado.

[Rédigé par : Caribe.com]

El Comité Nacional de Paro en Colombia convocó para hoy a una nueva jornada de movilización en todo el país contra el gobierno, en rechazo a la violencia y por la paz. Desde el paro nacional del 21 de noviembre último, en varias ciudades se desencadenaron marchas, concentraciones y cacerolazos.