Gouvelman Bawbad mete twa jou bann-twel anba

Arthur Owen chape nan galile

 

 

 

 

 

 

Bridgetown, Barbados: Arthur Owen eti te senkienm kabwatè-gouvelman Bawbad nan twa dekou-gouvelnaj yonn-dèhè-lòt, depi 1994 pou rive 2008, chape nan galilee. Gouvelman BLP (Barbados Labour Party) eti te nonmen’y chwichwitè ekonomi nan 2018 apre Mia Amor Mottley pran lanmen nan gouvelman peyi a, te mete twa jou bann-twel anba, nan brann menm si nan 2014, Arthur Owen te ladje BLP apre yo te pèdi jout-politik 2013 la. Nan pipirit lanne taha, CARICOM eti’y te toulong palantje nan gouvelnaj politik li, te nonmen’y pou kabwate vire-kare-zobray LIAT, an djoubaktwa chaye-moun-abò-avion ki ka bat depi 1956. Mapipi kabechè-plodayè ekonomi, Arthur Owen te ka pòte-kabès nan UWI (University of the West Indies) ek, "ardent regionalist" (an djab-soud lakou peyi-karayib la) tankon Irwin LaRocque kabwatè-gouvelnaj CARICOM ka depenn li, se te yonn adan se mapipi chwichwitè CARICOM lan oliwon lanne 1986 la.

Djoubap wòch-djezinen-memwa pran chimen politik

Jozefin ek Denanbik, atè !

 

 

 

 

 

 

 

 

Fòdfrans, gran-bouk gouvelnaj Matnik: Nan jete wòch-djezinen-memwa Joséphine de Beauharnais ek Pierre Belain d'Esnambuc, se konpayel leve-doubout gloriye gangan natifnatal-matnik la wouvè an chimen politik san siyak ; pàs pou wòch-djezinen-memwa Jozefin lan ki pa te ni kabèch li depi an ven-lanne-owonzon, se pou dekalbore yo dekalbore Denanbik la ek pòte kabèch la ba gouvelnè la-frans atè Matnik la. Isiya la konsa, yo bay antre nan an djing politik frayik eti, menm si yo vote sa nan an leve-lanmen fap-fap nan adoumanman mete-nan-brann lan (anni sa ja ka pe ba’y an larel politik), ka anchouke chak moun an, nan 200-epi moun ki te la ek mil-epi moun ki te ka lonyen asou chenn-liannaj sosial la, nan an topay politik rive jik bout epi an toumbilaj politik ek sosial atè Matnik.

Djoubap wòch-djezinen-memwa

Mi Ernest Deproge atè

 

 

 

 

 

 

 

 

 

Fòdfrans, gran-bouk gouvelnaj Matnik: Nan jete wòch-djezinen-memwa Louis-Joseph Ernest Deproge (1850-1921) la, se konpayel la ki mete sa nan brann lan ka sanm sa ki te le fè tankon an jès politik. Ehe, pou fè an jès politik fok se rive ladje leve-doubout gloriye gangan an nan chimen ek se te ke pou konprann, nan prèmie kabeche, moun ki jete wòch-djezinen-memwa Ernest Deproge la se pa te ke menm moun epi moun ki jete ta Victor Schoelcher a. Yonn adan an djing politik, tit-fanmi Chelchè ka bat nan tout bouk atè Matnik, pèsonn pa konnèt Ernest Deproge nan peyi a ek mwen menm ki mwen menm ki konprann man konnèt tout bagay atè Matnik pa te menm sav ni an wòch-djezinen-memwa Ernest Deproge atè Fòdfrans.

Wach-dèhè ekonomi ek sosial asou kawbe-tre djoubak

Fondase an divini pi kòdjòm nan djoubak la

 

 

 

 

 

 

Jènèva, La-Swis: Depi jòdi a, Mawdi 07 Jwiye jik jedi 09, OIT (Organización Mundial del Trabajo tankon kawbe-gouvelnaj djoubak oliwon-latè) ke sanble kabwatè-repiblik ek kabwatè-gouvelman nan konsit dijital pou dekantje kouri-lawonn-latè Covid-19 la ek kawbe-tre djoubak la ek palantje an dekatonn-ekonomi anchouke ek longsay, epi nan menm balan an, an doukou djoubak pak-an-pak ek faktorelizè. OIT se le dekantje fondok sa fondok depenn ek rive konprann banbann ekonomi eti Covid-19 la leve pou ekonomi oliwon-latè a ladje doukou dekati a.

Jout-politik kabwatè-repiblik atè Dominikana

Luis Abinader pase dwe prèmie wonn lan

 

 

 

 

 

 

 

Santo Domingo, Dominikana: Se joutè-politik Partido Revolucionario Moderno (PRM, pou Krèy-politik Ranboulzay nèfte, an krèy-politik sosial-demokrat), Luis Abinader, ki douvan flouz jout-politik pou kabwatè-repiblik Dominikana a epi 52,36% se vwa a adan 15.775 kawbe-vote eti yo ja konte asou 17.100, ladje dezienm lan nolfok dèhè, Gonzalo Castillo (Partido de la Liberación Dominicana ki te ka kabwate nan gouvelman douvan) epi 37,71% vwa, ladje twazienm anlè de pie’y, a 8,84%, Leonel Fernández (Fuerza del Pueblo tankon djoukte moun-peyi-natifnatal la) eti te kabwatè-repiblik nan de kou, 1996 pou 2000 epi 2004 pou 2012, katriyenm lan Al Pais Guillermo Moreno trape anni 0,94% vwa. Menm si Junta Central Electoral pòhò fini konte se 17.100 kawbe-vote a, dezienm ek twazienm joutè a ja bat do Luis Abinader ek Raquel Peña.

Ventjenm konsit gran-penteng kabwatè-gouvelman peyi CARICOM

 

Senvensan-ek-Grinadin pran lanmen-gouvelnaj

 

 

 

 

 

 

Georgetown, Guyana: Se jòd’la jou eti se kabwatè-gouvelman peyi CARICOM lan te ka bay nan an konsit-video otila kabwatè-gouvelman Bawbad, Mia Amor Mottley, te ka ladje lanmen-gouvelnaj ba kabwatè-gouvelman Senvensan-ek-Grinadin, dk. Ralph Gonsalves, pou 6 mwa ka vini. Ventjenm konsit gran-penteng kabwatè-gouvelman peyi CARICOM lan ka bay, pou prèmie kou, anni nan video dijital ek se asou paj Facebook CARICOM, https://www.facebook.com/caricom.org, otila moun ke pe wè ek tann Mia Amor Mottley, dk. Ralph Gonsalves epi Irwin LaRocque eti se sobreka-kabwataj CARICOM, ladje plodari yo.

Gran djoubakatwa Karayib la

LIAT la ka djigilòp

 

 

 

 

Saint John’s, Antigwa ek Barbuda: Kabwatè-gouvelman Antigwa ek Barbuda, Gaston Browne, kouri nouvel eti an konsit tout krèy-bantjè LIAT ke bay nan jou ka vini pou pran pawol asou djigilòt djoubakatwa a ; se pou yo ke doubout an djoubakatwa krache-dife. "Covid-19 la te ke, annou di, antipile kannan lahan-pèdi, aleliwon, nan tout lanne 2019 la, LIAT pèdi owonzon 12 million dola, sa eti ki nan matjoukann se gouvelman bantjè a" eti Gaston Browne ladje asou an radio atè-lakay Antigwa. "Zòt wè tout avion gare depi banbann Covid-19 la, fok peye lahan lwe yo men pa ni lahan ka rantre. Fok ke sanble pran pawol pou sispann djoubakatwa taha ek nèhè se peyi-Caricom lan ke sanble pou doubout anlòt djoubakatwa", se pawol Gaston Browne ki la.

Bann-twel CARICOM ka flatje tankon

An djing yonnife liannaj politik epi peyi-lòtbòtsay

 

 

 

 

 

 

 

Bridgetown, Barbados: Se atè Bawbad otila gouvelman ka mete an topay CARICOM pou fè bann-twel kare-peyi a flatje anlè tout kawbe gouvelman peyi-Caricom ek kawbe-palantje-tòt-gouvelman se peyi taha. Se krèy-kabeche kabwatè-gouvelnaj liannaj epi peyi lòtbòtsay se gouvelman Caricom lan ki mare topay politik taha ek se pou bann-twel la flatje asou kawbe-gouvelman 15 peyi-caricom lan nan 208 kawbe-palantje-tòt-gouvelman nan 55 peyi oliwon-latè. Se David Comissiong kabwatè kawbe-palantje-tòt-gouvelman Bawbad ki te ka kabwate krèy-kabeche a eti Mia Mottey, kabwatè-gouvelman Bawbad ek kabwatè-politik CARICOM jik nan 03 Jwiye ka vini otila’y ke ladje ba Ralph Gonsalves, kabwatè-gouvelman Senvensan-epi-Grinadin, te gloriye.