« février 2021 | Accueil | avril 2021 »

mars 2021

Covid-19 ka fè siwawa atè Brazil

3.780 moun fini bat ek lavi,

Brazil_coronavirus_covid19 Brasil Covid-19 Coronavirus Brasil Brazil corona tere

 

 

 

 

São Paulo: Atè Brazil otila an konpanyi plodayè-politik topektè ka mande pou kabwatè-repiblik la se ladje lanmen anfwa, nan dekou tout se kabwatè kawbe-gouvelnaj defann laliman peyi a, ja ladje lanmen, 3.780 moun alelouya-akasia-lata nan anni jou 30 Maws taha, an rel-fetay krache-dife (jik mawdi 30 Maws la, se te Vandrèdi 26 maws ki te ka menyen fetay la epi 3.650 moun ki te sispann pran van nan menm jou a)  eti ka fè kawbe-gouvelnaj doubout-djann peyi a (CONASS pou Conselho Nacional de Secretários de Saúde) konte 317.646 moun ki ja monte o filao depi kon Covid-19 rive nan peyi a, nan 14 Maws lanne pase. Se statistik taha pe antipile pou djing-kontaj Roraima (yonn adan se 26 gouvelman atè-lakay Brazil la, nan laliman epi Gwiyana ek Venezwela) ki pa rive.

Lire la suite "Covid-19 ka fè siwawa atè Brazil " »


Latè tranble Gwadloup

5.8  kouri-rel, 19 km fondok-latè

 

Latè-tranble Bosejou-Ladezirad douk-latè Latè-tranble mizire Ladezirad Gwadloup Bosehou atè Ladezirad

 

 

 

 

 

Bosejou, Ladezirad, Gwadloup :  Latè tranble Gwadloup, 5.8 kouri-rel asou zandal wouvè Richter la eti ki trape 10 rel kouri. Dapre  kouri-nouvel USGS (United States Geological Survey pou kawbe lonyen brannzeng fondas Etazini) eti ka stanmpe ek pòte-nouvel asou tout tranble-latè oliwon latè, laboukann lan te nan 53 kilomèt anlè-solèy/atè-solèy/anlè-solèy Bosejou, eti se bouk pi gran atè Ladezirad (101 km anlè-solèy/atè-solèy Lapwent Gwadloup, 130 km anba Saint John’s atè Antigwa ek 171 km anlè-solèy Rozo atè Dòmnik) nan anni 19 kilomèt fondok-latè,  16.711° anlè liy Ekwatè epi 60.796° anba-solèy liy Greenwich la, a 51mn ek 38sg apre minwi.

Lire la suite "Latè tranble Gwadloup" »


Doum-apiye gouvelnè franse pou koubare Covid-19 atè Matnik

Toufe-dife dwe Vandrèdi-o-swè

 

Covid-19 Matnik Covid-19 Covid-19 Matnik kabann-lopital Coronavirus lopital matnik   

 

 

 

Foyal, Matnik :   Nan simenn 11 lan, 15 pou 21 Maws, kannan moun kalbòy epi Covid-19 atè Matnik antipile, 401 moun trape’y asou 5.666 moun yo teste pou 252 moun ki te trape’y asou 4517 moun yo te teste, nan simenn 10 la ; sa eti ka fè Matnik konte 7.710 moun ki ja trape Covid-19 depi mwa-maws 2020 an. Kawbe-gouvelnaj doubout-djann lan (ARS, Agence Régionale de Santé) konte 50% se moun-kalbòy simenn 11 lan se  souch angle a. 37 moun kouche kalbòy nan kabann-lopital ek 10 adan yo ka pran van pou respire, nan simenn 10 la se te 22 pou 5. Dapre kouri-nouvel kawbe-gouvelnaj doubout-djann lan atè Matnik, ni 9.232 moun ki ja pran an pitji kore Covid-19, yo ja sèvi 13.033 fiol, pou konprann adan 9.232 moun taha, ni moun ki ja pran se 2 pitji a.

Lire la suite "Doum-apiye gouvelnè franse pou koubare Covid-19 atè Matnik" »


Jout-politik CTM 2021 an ?

L’Alliance, pòte antre

PPM  konsit Latrenel Sèy Lètchimi PPM  autonomie pour la nation martiniquaise Etape du peuple en lutte depuis 3 siècle pour son Emancipation définitive Sèy Lètchimi Fòdfrans

 

 

 

 

Foyal atè Matnik : Se nan 13 ek 20 Jwen ka vini, si banbann doubout-djann lan pa bare chimen yo, eti moun Matnik ke ale vote pou kabwataj CTM (Collectivité Territoriale de Martinique) lan ; 7 lawonn-politik ja doubout, bwa-pou-ale. L’Alliance, an lawonn politik 8 krèy-politik anba gouvelnaj PPM (Parti Progressiste Martiniquais) te ka pòte antre nan bat-lawonn taha, yè dimanch ek se Sèy Lètchimi, 68 lanne anlè tèt li, plodayè-politik Matnik eti te kabwatè kawbe-gouvelnaj Matnik nan 2010 pou 2015, ki ka kabwate, tankon EPNM nan 2015, bat-lawonn 2021 taha eti, dapre plodari’y, se ke dènie kou a.

Lire la suite "Jout-politik CTM 2021 an ?" »


Ranbonni sistenm mazonnaj ek bay-nannan nan Karayib la

Mazonnaj vire-doubout-pimpe

FAO Cooperation Caribbean Caricom-bandera CARICOM and Canada FAO Fiat Panis

 

 

 

 

Kouri-nouvel FAO: CARICOM, FAO ek Kanada yonnife pou lonje pal ba se peyi Karayib la pou yo se rive anchouke se teknoloji dijital nan an mazonnaj vire-doubout-pimpe  douvan toumbilaj kalibich-karenm-livènaj la, nan kabeche an larelki kòdjòm ba nonm tankon fanm pou ranbonni se sistenm bay-nannan Karayib la. Sistenm bay-nannan  oliwon-latè a la ka gade wè doubout djok douvan anchay katel pou se rive faktore an nannan kòdjòm ek longsay pou ba moun oliwon-latè eti toulong pi vie-kò ek piplis.

Lire la suite "Ranbonni sistenm mazonnaj ek bay-nannan nan Karayib la" »


Mete nan brann kore Covid-19 la

CARPHA ka bat do CARICOM

CARPHA executive director  Dr Joy St John CARPHA-logo Caricom-bandera Caricom Keith Rowley Trinidad and Tobago

 

 

 

 

Port of Spain, Trinidad and Tobago: Sobreka-kabwataj CARPHA (Caribbean Public Health Agency), dk. Joy St John te bat do se kabwatè-gouvelman CARICOM lan pou politik kore kouri-lawonn Covid-19 la nan kare-peyi a ek pou gaye yo gaye se pitji a epi an lanmen kalibiche. Nan se kabwatè-gouvelman an eti’y gremèsie a ni kabwatè-gouvelman Trinidad ek Tobago a dk. Keith Rowley, eti ka gouvelnen CARICOM atjolman-la ; kabwatè-gouvelman Bawbad la, Mia Mottley ek kabwatè-gouvelman Senvensan-ek-Grinadin, dk. Ralph Gonsalves, eti yo de te gouvelnen CARICOM nan gouvelnaj-douvan.

Lire la suite "Mete nan brann kore Covid-19 la " »


Jounen gloriye goumen fanm pou lanmen-djok yo oliwon-latè

Plodari Irwin Larocque, sobreka-kabwataj CARICOM

 

CARICOM international woman day Women in Leadership Achieving an Equal Future in a COVID-19 World. CARICOM Sg. Irwin LaRocque CARICOM Flag Guyana

 

 

 

Georgetown, Gayana: Nan 8 Maws 2021 taha, CARICOM ka kole bò tout peyi latè-wonn lan pou gloriye goumen fanm pou lanmen-djok yo oliwon-latè tankon lawonn Peyi Oliwon-latè ka fè’y chak lanne depi 1975, 46 lanne. Jounen gloriye taha se toulong an dekou pou tout moun, se fanm lan ek se tifi a, plis pase lezòt, se kabeche asou bay-douvan ki ja fèt, mande pou toumbilaj ek kriye woulo asou vayantiz ek doubout-djaka fanm nan lavi-toulehou otila yo ka bat san patate pou dekatonn lakou-yonn-a-lòt yo ek peyi yo. Jounen taha ka sèvi tou, pou se nonm lan ek se tibolonm lan pran pawol asou kantekantaj nonm/fanm lan ek sansle asou rel-rive yo ja menyen. Jounen taha se an dekou pou moun se jete an zie vèy-o-gren asou koraj fanm ka jwenn asou chimen rive trape bay-san-chenn fondalnatal yo.

Lire la suite "Jounen gloriye goumen fanm pou lanmen-djok yo oliwon-latè " »


Moun pa ka pe santi sa anba pie yo

46 ti kavalaj-volkan

 

Montagne-pelee chapeauté d'un nuage
Sismo Volkan Matnik la  koule asou Kawbe Volkan Senpiè a OVSM   

 

 

 

Mòn-Makouba atè Matnik: Nan simenn 19 pou 26 Fevriye ki pase, kawbe  lonyen-dekantje volkan an, atè Matnik, konte 46 ti latè-tranble epi an kouri-rel anba 1 asou zandal wouvè Richtè a ki trape 10, a owonzon 1,2 a 1 kilomèt anba rel-boulouwe lanmè a nan foka volkan an. Se ti douk-latè taha te ke liannen epi toumbilaj rel dlo oben toumbilaj rel chalè dlo a nan foka volkan an, te ni an latè-tranble adan yo eti kawbe lonyen-dekantje volkan konte a 15,1 kilomèt anba rel-boulouwe lanmè a ek taha se te ke pou bawda magma a nan fondok foka volkan an. Kawbe  lonyen-dekantje volkan an te depenn tou an laliman zèb brile koulè kako asou kan gade Mònvè/Kawbe volkan an, nan mitan Lawviè-dlo-klè ek Lawviè-dlo-cho, nan laliman anlè mele-dlo yo, kote eti pa ni ti foka-lafimen.

Lire la suite "Moun pa ka pe santi sa anba pie yo " »


Doum-apiye gouvelnè franse pou koubare Covid-19 atè Gwadloup

Toufe-dife dwe Dimanch

 

Coronavirus centroamericana  Corona-virus blood test Coronavirus desease -covid 19 Coronavirus lopital matnik   

 

 

 

 

Bastè, Gwadloup :   Nan simenn 08, 22 pou 28 Fevriye, kannan moun kalbòy epi Covid-19 antipile, 387 pou 216 nan simenn 07 la, atè Matnik se 121 pou 58, nan menm de simenn lan. Kawbe-gouvelnaj doubout-djann  lan (ARS, Agence Régionale de Santé) konte 102 souch angle a eti te ni 44 nan simenn douvan an. Lòtbòtsay, an tjanmay anba 12 lanne anlè tèt li te ke trape anlòt souch, brazil oben afrik-lisid. Kawbe-gouvelnaj doubout-djann lan konte 12 laboukann-kontaminaj (oben cluster) eti 10 adan yo se laboukann krache-dife, 5 nan djoubaktwa, 2 anba-lakay ek 3 nan konsit-blèz-kò. Se nan doukou taha eti gouvelnè franse a mete an toufe-dife, dwe Dimanch ka vini, depi 10-hè-o-swè jik 6-hè-o-pipirit.

Lire la suite "Doum-apiye gouvelnè franse pou koubare Covid-19 atè Gwadloup" »


"Trennen kadjè-lavi douvan tribinal"

An bidim leve-doubout !

 

Leve-doubout kore klòdekòn Leve-doubout Matnik 27 02 21 Leve-doubout 27 02 21  moun atè-lakay-matnik Leve-doubout 27 02 21  bann-twel nan lari

 

 

 

 

 

 

 

Te ni an senkant epi krèy-mete-nan-brann politik, krèy-defann-lanmen-djok moun, krèy-palantjay sosial krèy-mete-nan-brann mès-longsay nan lari Fòdfrans ; an kannan 10 a 15.000 moun eti ka fè moun sonhe se bidim leve-doubout sosial Fevriye 2009 la ek nan bay-lavwa chofe leve-doubout la nou te pe menm tann an "se pou laviktwa nou ka ale" oben wè moun ka dawne epi menm triko wouj K5F la anlè yo. Te ni moun kon kann ka bat lari pou mande sistenm-tribinal franse a sispann lo makakri yo a ek mete mètafè kadje-lalwa taha douvan tribunal, "nou pa konnèt preskripsion fok le kriminel jije, kondane, repare", nan Kreyol-franse dòmi-dewò se moun atè-lakay-matnik la. Te ni moun kon kann, men krèy-politik ki nan gouvelnaj Matnik la, MIM (Mouvement Indépendantiste Martiniquais) pa te la, ni adan krèy-politik ki fè eti moun-atè-lakay-matnik pou leve doubout, ni menm adan krèy-mete-nan-brann ki voye se se an "pa moli, nou la epi zòt".

Lire la suite ""Trennen kadjè-lavi douvan tribinal"" »