Jout-politik franse pou kabwate CTM

Alians Matinik, 5,86% douvan

 

 

 

 

 

 

 

 

 

 

 

An bat-manman, menm si se pimpe-douvan dezienm wonn lan toulong pi pantann, Gran Sanble Pou Matinik ke ni pou ale kole epi Ansanm Pou Peyi Nou pou se espere vire tjenbe liann kabwataj CTM lan. Ni yonn 25,80% vwa ; ni lòt la, an ti 12,01% vwa, pe ke sa toumbile jout-politik taha nan an simenn, kou taha, nan dekou eti Martinique Ensemble (10,63% vwa) pe ke sa fè dòt bagay si se pa kole epi Alians Matnik. Moun atè-lakay-matnik pare vire mete an djoubap an dife eti kabwatè-politik Gran Sanble Pou Matnik la pe ke sa tjenbe nan 2 a 3 lanne ka vini, se pa anni pou laj eti’y ni anlè tèt li. Ek, pou sav nou sav nan dekou an ladje-lanmen kabwatè-gouvelnaj CTM lan se tout kare-kabwataj la ka vire bò-kay yo, se te ke pou moun atè-lakay-matnik ale vote dimanch asou tit an kabwatè progranm-politik ki, si’y se pase, pa te ke bat pou kabwatè-gouvelnaj CTM ; se kawbe gouvelnaj-politik Matnik la ka vote pou mete an kabwatè-gouvelnaj ek an sobreka-kabwataj.

An bat-manman, twazienm lan, Ansanm Pou Peyi Nou, ek katriyenm lan, Martinique Ensemble, yo menm pe pa ni dòt trase-welto-rive politik (politikal strategy) si se pa malakse epi yonn adan se prèmie a pou fanni pa bare yo nan dezienm wonn lan ; moun atè-lakay-matnik rete pri adan an djoubap Sèy Lètchimi/Alfrèd Marijàn ek, pou sav nou tout sav  "sèpan nan bwa ni moun yo", se pou 7 lanne kabwataj CTM ka vini se leve toulong plis bout-djol nan mitan moun menm progranm politik la. Lamenm la, rete lòt karetel taha eti chak lawonn-politik la pe ale anni anlè tit yo ek sa ki fèt fèt ; nan dekou taha, Alians Matinik ka genyen flouz menm si se dezienm wonn lan ka rale plis moun, an palpa owonzon 10 rel-kontaj ek menm si, pimpe-douvan se dezienm wonn lan toulong anba an vire-kabeche-longsay eti ka apiye asou rel-doubout chak joutè a, toulong yonn nan liannaj epi lòt.

Pou se tout progranm-politik la eti te ka bat tankon si CTM se te an kawbe lahan-palantje mete-nan-brann moun ek djoubaktwa (menm progranm GSPM lan te adan) sa ba krèy-kabwataj la an "palpa vwa" eti se Ansanm Pou Peyi Nou ki pran plis fè nan sa. Anni 11.481 vwa ek an dal nan tout se gran-bouk laliman-anni-solèy si se pa te pou Voklen, nan tout gran-bouk anlè-solèy la, si se pa te pou Prechè. Kisa ki fè magre an bat-lawonn anchay lanmen-asou-tjè, sa pa rive pri ? Nou pe tann ek konprann sa flouz, nan dekou an bidim rel-pa-vote, se plis brayès la pase se gran moun lan. Se gran moun lan anba jouk progranm sosial CTM lan plis pase se tibray la. Bat-lawonn A2PN te ka bat rèd asou chenn-liannaj sosial la eti se gran moun an pa ni bon lanmen adan sa, tousa epi anchay dòt ti bagay eti man pe ke dekatonnen isiya la konsa. Se anni A2PN ki te kabeche fondokte an lonyen-dekantje se gouvelnaj politik atè Matnik ek nèhè sa fè yonn-de kabwatè-gouvelnaj se gran-bouk la bat dèhè. Nan prèmie wonn 2015 lan, Gran Sanble te fè 36.523 vwa, se te 30,28% ; nan 2021 taha, si nou se kole kannan vwa GSPM ek ta A2PN, se 36.145 vwa ek se anni 37,81%, se pou konprann sa eti pa djè ni bagay ka bennen atè Matnik ek si se pa an bidimblo, menm si se ni an malaksay se lawonn-politik la, Alians Matinik la ke genyen pou GSPM ki pe ke sa mare topay politik epi piès dòt lawonn-politik. Man pa ka wè ki pòz GSPM se pe rive pran pou mare topay epi Martinique Ensemble. Nan 2015, nan dezienm wonn lan, Gran Sanble Pou Ba Peyi a An Chans, te ale èche vwa Nou Pèp La (menm apre an an bat-lawonn politik rache-koupe otila se konpayel MIM lan te ka trennen yo nan tout labou peyi a) 7.653 vwa, se te 6,34% epi ta Martinique Citoyenne 3.868 vwa, se te 3,21%, se te 11.521 vwa nan 2015 ek se pou se konprann 11.481 vwa 20 Jwen 2021 an, pa ka fè an si gran rive-jik-bout asou 2015. Bagay pou mwen se kabeche sa eti A2PN pa rive pran gwo kalèch vwa a asou Gran Sanble, pou mwen menm ki te dekantje nan 2015 se anni laliman-anni-solèy la ki te fè Gran Sanble rete doubout nan pèmie wonn lan ek te fè’y genyen nan dezienm lan.        

Rive la, se pou se dekantje djigilòp ladwèt franse-nan-frans lan, Mi Chans Matinik eti Y. Monplaisir  te ka kabwate ek ki fini an senkienm rel la epi anni 4.470 vwa (4,68%), 10 rel-kontaj anba rel 2015 lan ek pou konprann jeray CTM andidan ek andewò taha depotjole ladwèt franse a eti pa fouti konprann depareyaj politik eti gouvelman franse a  mete nan sistenm gouvelman’y lan depi toumbilaj larel-gouvelnaj-fondalnatal la nan Maws 2003 ek apre nan konsit Versay la nan 2 pou 4 Fevriye 2008 ek nan ranbonni kawbe-gouvelnaj franse nan 23 Jwiye 2008. An bidim deblozay ek sa ka sanm se Martinique Ensemble lan ki pran lanmen, 10 epi 4, sa ka fè 14% eti ladwèt taha te trape nan prèmie wonn 2015 lan.

Simao moun Wanakera    

 

Comments

[Rédigé par : Carib.News]

Barbados, Martinique, Saint Lucia and St. Vincent and the Grenadines have been placed under a Tropical Storm Watch and Guadeloupe and Grenada are under a Tropical Storm Warning. Tropical Storm Elsa approaches the Eastern Caribbean, with forecasters predicting it will pass near or over portions of the Windward Islands or the Southern Leeward Islands on Friday.

[Rédigé par : Nouvel cho]

Philippe Jock, tête de liste de Déclic, a décidé de poursuivre Louis Boutrin, directeur de publication du site "La Tribune des Antilles" et conseiller territorial Gran Sanble Pou Matinik, pour diffamation.