Djoubap flatjel
Gwadloup ek Matnik, gawoule sosial ka bay

An simenn gawoule sosial

Abwogat pase-wel sokodong lan

Gwadloup awa epi pase-bel sokodong 2 Gwadloup awa epi pase-bel sokodong Ti-lanbouk Gwadloup awa epi pase-bel sokodong Gwadloup chimen-bare

 

 

 

 

Lapwent, Gwadloup :   Se nan tout lanbouk peyi a otila bare-chimen ek kare-konsit-sosial ka bay, delè an bawouf asou an bidim-magazen nannan-kranmkranm, delè an dife-pri nan soukou a, delè an kout-djenm kolbòkò franse a pou mare an gawoulè-sosial, delè an kout fizi-flash-ball se kolbòkò a ; depi an simenn, Gwadloup rete pri adan an bidim gawoule sosial nan koraj pase-wel sokodong lan ek fòse-pran-piji a eti gouvelman franse a-ywit-mil-kilomèt la le mete. Gwadloup pa ni gouvelman pou ta y, pa menm an gouvelman-atè-lakay, ale wè an gouvelman natifnatal-gwadloup ek nan an doukou konsa, gawoule sosial la ka rive pran an gouvelman a-ywit-mil-kilomèt nan fenntaj flouz, kante a-gòch, dekante y a-dwèt, vire kante y a-gòch, pase nan mitan, nan menm balan an. Gouvelman franse a pa ni dòt karetel-gouvelnaj si se pa voye kolbòkò y la, sa eti pou fè moun sav Gwadloup se pa An-Frans, ek pa pe ni an trase-regle-tjak gouvelman franse atè Gwadloup men se anni an larel-gouvelman natifnatal-gwadloup ki pe regle katel-dekantje-longsay sosial atè-lakay-gwadloup la.

Gwadloup awa epi pase-bel sokodong3Nan tousa, se pou depenn ek dekantje, toulong depenn ek dekantje, an leve-doubout sosial atè-lakay-gwadloup, ek atè-lakay-matnik tou, ki pa ni pies matjoukann politik ka apiye y, ayen toubolman, pa ni pies rel-rive politik ; se anni pou gouvelman  a-ywit-mil-kilomèt franse a se abwogat pase-wel sokodong lan ek fòse-pran-pitji a, anfwa ; ek tout bagay ke pe vire dous. Nan plodari sosial Man Maïté Hubert M’Toumo eti se sobreka-kabwataj UGTG (L'Union générale des travailleurs de Guadeloupe), krèy-defandè-djoubakè atè Gwadloup, ki nan zetok mete-nan-brann leve-doubout sosial la, gawoule a ka depenn "fondokte delala sosial la, diskantekantaj sosial, triminay ek pougalaj eti moun ka pran nan fal yo, se tibray la ek se zòkòtò plis pase pèsonn".

Sanmdi ki pase, nan an kouri-nouvel, UGTG te mande moun atè-lakay-gwadloup pou "bay douvan nan leve-doubout la ek vidjoze se kare mande-trape sosial la". Kabwatè kawbe-gouvelnaj Gwadloup (Conseil Régional) te mande pou "vire nan kanmouzaza ek pou pa mete dife". Nan lannwit Vandrèdi pou Sanmdi a, se 31 moun eti se kolbòkò franse a mare ek nan lannwit Sanmdi pou Dimanch lan, yo mare 16 dòt moun. Atè Gwadloup tankon atè Matnik se pou wè flòkò eti se kabwatè kawbe-gouvelnaj politik la ek moun-politik se kawbe-gouvelnaj taha mafoudja nan plodari politik yo, ek yo tout ja kouri An-Frans pou pran pawol epi gouvelman franse eti  kabwatè-gouvelman an, limenm, pa menm sav nan maws 2003, La-frans toumbile larel-fondas-politik li, pa ni DOM-TOM ankò, fout.

Lamenm la, moun pa pe ka desann nan lari anni pou mande an gouvelman lòtbòtsay pou abwogat an pase-wel sokodong oben sispann an larel-gouvelnaj fòse-pran-pitji, se te ke pou bat lawonn fè moun tann ek konprann  sa eti se anni an gouvelman atè-lakay oben an gouvelman natifnatal ki pe ni pou ka pran larel-gouvelnaj asou lavi-sokodong moun, menm nan dekou an kouche-kalbòy-janbe-laliman-peyi. Kisa ? Tout moun sav, pase-wel sokodong taha se anni pou se gouvelman an, oliwon-latè, fè moun tann ek konprann  yo ka kabwate an bagay. Ni doktè dekantje-mèdsin, ni doktè-fèy, ni kabechè-statistik, pèsonn pa nepi sav, andewò an pòte-nouvel statistik (tjek rel kannan moun ki towblip kalbòy, tjek rel kannan moun ki alelouya-zakasia asou kannan moun  ki towblip kalbòy, rel toumpak ek rel pòte-palpa, rel vire-fakte, rel moun anba machin-pran-van, tousa), jik ni moun ki te trape y ek pa jenhen te ni se se an ti fianza pou sav, pèsonn pa sav, kare-bare, ki moun ki ke trape y oben pe ke trape y, ki moun ki pe alelouya-zakasia ek ki moun ke djeri flouz, pou sav pèsonn pa pe sav ki moun ki ja trape y ek ka kore vlen-senyen-kòch la, anfwa ; man pa nepi doktè-fèy, ni doktè-dekantjè-kontaminaj, ni kabechè-statistik nan tousa. Menm pou, rel toumpak la pe ka fetaye ek rel pòte-palpa a atè, rel vire-fakte a pi lòlòy ankò, se statistik Matnik la ki ka fè nou wè sa, glaw nan de koko-zie nou. An moun pe pran tout pitji eti gouvelman fòse y pran ek trape y jik alelouya-zakasia epi Covid-19 (pitji pa ka opoze w trape y ek owala ou trape y, si w se ja ni kouche-kalbòy-liannen, ou pe alelouya-zakasia, se yo menm ka di sa), poutji an gouvelman ka fè moun konprann pitji a se an rimèd, anni pran pitji pou w se pase wel ? Ek foute moun ki pa le pran pitji kout boutou an tjou yo jik tan yo  se pran pitji.

Lamenm la, se pou se gran badjolè sosial la atè Gwadloup, tankon atè Matnik, se rive konprann sa eti an leve-doubout sosial, jik an gawoule sosial pa ka toulong tounen nan an leve-doubout politik eti menm si yo se pe trape se menm konpayel la (anchay moun ki ka kabwate oben pòte kole nan se krèy defann djoubakè a ek se krèy mete-nan-brann sosial ka bat adan de krèy politik), yo pa ni se menm matjoukann lan ni menm rel anchoukaj nan lakou-peyi a. Konsians sosial la pa ka mande pou pran letjèt nan divini, se toulong la-pou-la, delè se lamenm-la ek pa ka mande an kontaj matjoukann peyi a (matjoukann moun-doubout-moun, politik, mès-longsay, sosial, branbrann-kòtok, boutou-defann-peyi, zekal-fere-pare-kou, matjoukann ladje-branbrann-kòtok, tousa) eti fondalnatal nan konsians politik la. Pa ni an doukou fann pou an leve-doubout sosial oben menm an gawoule sosial tounen nan leve-doubout oben gawoule politik (asou tout se foto a eti man dekantje a, man pa wè an flatjel Gwadloup, anni de-o-twa flatjel UGTG men jenhen Wouk-vèw-blan zetwal-jòn lan) se an zeklit ka p2te y nan reponn gouvelman oben nan doubout-djok se gawoulè sosial la, nèhè menm an bagay kip e fèt nan anlòt peyi-lòtbòtsay, ou pa ka sa sav. Se anni sispann badjole.

Simao moun Wanakera              

   

Commentaires

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)