An bankoulele san wabap
Peyi Amerik-latin ek Karayib la

Atè Gwadloup, Gwiyann, Sen-Barth ek Sen-Mawten

Larel-gouvelnaj dezas sokodong

Covid-19 Covid-19 test Covid-19 Sars-Cov2 Covid-19 Trinidad and Tobago 26 11 21             

 

 

 

Peren, Zabim, atè Gwadloup :   Fok an moun se mapipi dekantjè statistik pou rive fè moun konprann ki chimen-kouri an rel toumpak se pran pou ladje  41,7/100.000 nan simenn 49 la (6 pou 12 Desanm) rive a 1082,58/100.000 nan 1e Janvie. Se pa anni pou vini fè tjek sosioloji anba-bwa Ajoupa-Bouyon, ti-lèspri voye-monte toulong lan te ke ka fè rel toumpak la antipile zoup nan chak dekou gran wouspel, kontel Lannwel, Kannaval, Pak oben Jwiye-Awout. Nan se dekou taha anchay moun ka sòti An-Frans rive-o-peyi, anchay drivayajè ka vini fè an sose tou men pa ni anpil liannaj nan mitan mayonmbo Goubè a ek drivayajè ka pran solèy bonda-dlo anlè sab Gozie a. Nan menm dekou taha, rel toumpak Matnik la ladje 95,33 pou 100.000 nan 1e Novanm pou 239,44 pou 100.000 nan 26 Desanm ek rive a 780,49 pou 100.000 nan 1e Janvie. Gwiyann ladje 173,38/100.000 nan 26 Desanm pou 814,27 pou 100.000 moun nan 1e Janvier. Se de bagay, yonn se te ke pou kawbe-gouvelnaj sokodong franse a pase lanmen-kotjen nan statistik la pou fè moun kouri pran pitji, nan menm ti-lèspri taha eti pitji ka djeri Covid-19 ; lòt la se anchay moun atè-lakay, anchay koutja, ki ale fè nwel yo An-Frans otila se la Covid ka bay se tan taha, ki ka vire lakay yo (Gwadloup, Gwiyann ek Matnik) epi sa pa grap.

Covid-lopitalAn rel toumpak djok pa le di tout moun taha kalbòy kouche nan kabann yo oben anlè kabann-lopital. Se anni moun yo dekantje pòte-kòtok ek moun pe rete doubout magre pòte-kòtok taha. Pou pitji ki pa ka koubare Covid-19 (nan kouri-nouvel li, lajounen-jòdi, gouvelman franse a limenm ka bay lavwa asou sa), an menm moun pe nan dekou "dekantje pòte-kòtok" piziè kou, yonn-dèhè-lòt. Si antipilaj rel toumpak la pa fondok atjolman-la ; An Frans, yo konte 332. 252 moun nan jounen jòdi a, nèhè pou plis moun ki ni pou ale teste ki yo pran pitji, ki yo pa pran pitji ; se pou ale lonyen, anni rel kannan moun kouche nan kabann-lopital (atè Gwadloup se te 11,1%, atè Gwiyann se te 38,5% ek atè Matnik se 150,0%, se twa peyi taha, nan 5 Janvie ki pase, An-Frans se 73,05% mitan-o-peze, epi Brètany a 48,1% pou pi piti a ek Provence-Alpes-Côte d'Azur a 112,6% pou pi wo a) ek pi nan fondok, kannan moun kouche nan kabann-vire-pran-souf otila Gwadloup se 4 moun, Gwiyann se 6 ek Matnik se 40, jòdi a la, ek An-Frans, pi piti a se La-Kòs epi 24 moun, ek pi djok la se Ile-de-France epi 769 moun, nan an laliman-peyi tankon Pyrénées-Orientales ki ni 481.000 moun adan te ni 27 moun kouche nan kabann-vire-pran-souf ; nou pe di si doukou sokodong Matnik (376.480 moun nan 2016 se plis pase 450.000 moun nan doukou parètzòy wabap lanne) pa kòdjòm menm, doukou sokodong Gwadloup (395.700 moun nan 2016, owonzon 500.000 moun nan dekou parètzòy wabap lanne) ka rete taha ki pi kòdjòm lan epi 11,1% kabann-lopital epi an moun adan ek 4 moun nan kabann-vire-pran-souf. Atè Gwiyann, se 38,5% kabann-lopital epi an moun adan ek 6 moun nan kabann-vire-pran-souf, dapre statistik Santepubliquefrance.fr.

Apiye nou ka apiye asou se statistik taha eti nou menm pa kabechinen, se pou nou lonhe dwèt asou gouvelman ek nouvelis franse a eti pa fouti konprann, menm apre de lanne Covid-19 ek 19 lanne La-France vire pase lanmen adan larel-fondas-politik li, nan Maws 2003, Gwadloup se pa Matnik ek Gwiyann se pa an tè-danme-mitan-lanmè, se kabwatè-politik PPM (Parti Progressiste Martiniquais) lan pòhò pe rive konprann se an larel-gouvelnaj larel-fondas-politik franse a (limewo 2011-883) ki ka abwogat rel-doubout politik DROM Matnik ek Gwiyann lan menm si se an larel-gouvelman politik-toulejou (limewo 2011-884) ki te mete CTM Matnik la nan brann, nan 27 Jwiye 2011, ek anni sa ka fè CTM lan se pa CTG a, ale wè DROM Gwadloup la nan larel-fondas-politik franse a. Statistik banbann Covid-19 atè Matnik la pa bel pou wè, ni 143 moun kouche nan kabann-lopital ; men atè Gwadloup, se plis an banbann sosial (ek politik, pou katel-dekantje-longsay sosial ki toulong liannen epi katel-dekantje-longsay politik nan mete jeray ek reglaj yo nan brann) pase se an banbann sokodong, si te ni an larel-gouvelnaj atè-lakay-gwadloup (fok pa ale konprann depareyaj taha le di ni an larel-gouvelnaj atè-lakay-matnik), sa flouz pou 300 a 400 djoubakè sistenm-lopital la ki pa pran pitji rete nan djoubak yo ek pou kare-kabwataj lopital la rive doubout an sistenm veye-kòdjòmte se djoubakè taha. Apre fok se rive konprann sa eti, nan an peyi nan banbann ekonomi ek sosial, politik ek mès-longsay-peyi, an djoubakè-lopital ka swen tout an fanmi, ka woutjate anchay moun nan kare-kay li, se an sobreka kalibich sosial la nan an kare-kay, delè menm nan tout lanbouk la, se moun ka pòte anpil ba moun ki nan delala sosial, se moun ka pe ba an malere an ti djòb (koupe zèb oben ripase rad, netwaye ek penn tonm fanmiyal la nan dekou latousen, tousa) bò kay yo oben nan lanbouk yo.

Se pou mande-sav ki sa ki pran kabwatè-gouvelman franse pou mete Gwadloup ek Gwiyann anba an larel-gouvelnaj dezas sokodong ek toufe-dife ki ka vini dèhè ? Es se pa, nan an peyi otila owonzon 65% moun-natifnatal pa pran pitji, leve an konpanyi moun peyi a kont anlòt konpanyi moun peyi a ki te ale pran pitji tankon an rimèd-djeri-lamenm ek ki, lajounen-jòdi, anba menm kout tawach epi moun ki pa pran pitji a ? Es se pa mete lasi an zie moun pou yo pa sa wè fok se ni an gouvelnaj atè-lakay nan se doukou taha, an peyi pa se pe ka gouvelnen anlòt peyi kon lide y di y, a 7.000 kilomèt alsa ? Ek pou konprann sa eti nan banbann latè-wonn taha otila tout bagay ka ale toulong pi dawlakataw, toulong ek plis balan, wakle-boulin sosial la, se anni an mès-longsay-peyi natifnatal (atè-lakay pou moun ki nan kakarel douvan tit-langayele "natifnatal" taha) ki se pe fè moun genyen an sa-sav-longsay-lavi sosial jik politik  nan gouvelnaj se bidim katel-dekantjay-longsay sokodong taha eti pa pe ni rimèd-djeri lamenm-la. 

Ladje rel toumpak eti ka mizire kannan moun ki vini trape vlen-senyen-kòch la asou 100.000 moun, men pa ka depenn ayen kòtok ni menm fè moun wè an karetelaj pianmpianm, an jou pou anlòt, pe ni an gwo woltonn moun ki vini fè yo tjoke tou-nen yo ek nan jou apre se an ti pwenyen moun, rel toumpak la ka toumbile blo, se pou wè kote eti Gwadloup, Gwiyann ek Matnik ye nan rel pòte-palpa ek nan rel vire-fakte a eti ka matje R0 ek yo pa ka djè depenn atjolman la. Nan rel pòte-palpa taha eti ka depenn kouri-lawonn vlen-senyen-kòch la, fok gade wè rete anba an liy vèw 5% ek pa janbe an liy wouj 10% , se Matnik ki pi kòdjòm epi 9,59% nan 1e Janvie (Gwadloup se te 13,77% ek Gwiyann se te 21,76% ; An-frans se 15,8%) ek se pou konprann, pou moun ek wach sosial ki dèhè se statistik  taha, fok pa ka rete fèmen, lanmen nan fant katje adan se chif la, nan dekou eti an kannan moun sòti An-Frans rive Gwadloup, Gwiyann ek Matnik eti pa se pe menm kote a, epi se menm wach sosial la. Rel vire-fakte a eti yo ka matje R0, se yonn adan se djing-kontaj la ki pi fondok pou mizire kouri-lawonn kouche-kalbòy la ; se kannan moun doubout-djann eti an menm moun kalbòy, an moun yonn-tou-yonn, pe ka kontaminen ek lè rel vire-fakte taha anba yonn se pou konprann kouri-lawonn kouche-kalbòy la ka bat dèhè. Nan depenn-dekantje taha, se te ke atè Matnik otila vlen-senyen-kòch la ka kouri pi pianmpianm, epi 1.94 nan 4 Janvie (an moun ka kontaminen près 2 moun) atè Gwadloup se 2.61 ek Gwiyann se 2.43 ; An-Frans, mitan-o-mizire, se 1.6. Se pou konprann anfwa sa eti wach sosial ek sokodong atè Matnik, se pa menm epi wach sosial ek sokodong atè Gwadloup, ni menm epi wach sosial ek sokodong atè Gwiyann ek ka fè se twa peyi-anba-jouk-la-frans taha pa obije ni menm divini politik, ekonomi, sosial ek mès-longsay-peyi a men nan wach doubout-moun an yo pe leve anchay liannaj politik sosial, mès-longsay-peyi nan mitan yo, yonn epi lòt ek chape anlè divini yo tankon peyi-asou-latè.

Simao moun Wanakera

 

 

   

Commentaires

El Caracol del Caribe

Cuba reporta 1 429 nuevos casos de COVID19 9, y un fallecido de la provincia de Las Tunas. Las provincias con mayor número de pacientes positivos son: Pinar del Río (251), Matanzas (166) y Camagüey (163).

Carib.News

Two Barbadian males, aged 14 and 70, died from COVID-19 on Wednesday, January 5, and Thursday, January 6, respectively.
The teenager passed away at the Enmore Isolation Facility, while the elderly man died at the Harrison’s Point Isolation Facility. They were both unvaccinated.
Their deaths bring to 265, the number of persons who have succumbed to the virus since March 2020.
Minister of Health and Wellness, Lieutenant Colonel The Most Honourable Jeffrey Bostic, has extended condolences to the family and friends of the deceased.

Carib.News

According to the latest statistics from the Ministry of Health and Wellness, Jamaica recorded 1,128 new cases and three virus-related deaths in the last 24-hours. This brings the total number of cases recorded on the island since the start of the pandemic to 98,194 and the death toll to 2,486.

GIS Barbados

As at 10:00 a.m., Wednesday, January 5, 2022, there were 182 patients in isolation facilities (19 in primary, 64 in secondary and 99 in tertiary isolation).
Of these, 64 patients (35 per cent) were unvaccinated, and 113 (62 per cent) were fully vaccinated. Of those fully vaccinated, four patients were in primary isolation, 38 in secondary, and 71 were in tertiary isolation.
Five persons, three in secondary and two in tertiary isolation, were partially vaccinated for COVID-19. Additionally, the unvaccinated comprised 15 persons in primary, 23 in secondary and 26 in tertiary isolation.
Primary and secondary isolation for COVID-19 patients in Barbados are units which accommodate those who are very ill and need close monitoring and treatment, with primary isolation housing the most severely ill. Tertiary isolation houses patients who are only mildly ill or not showing illness.
It is important to note that the number of persons in isolation is fluid and changes throughout the day as persons are admitted and discharged.

Carib.News

Barbados : A total of 342 new COVID-19 cases (149 males and 193 females) were recorded by the Best-dos Santos Public Health Laboratory on Saturday, January 8, from the 1,833 tests conducted. The positive cases consist of 58 persons under the age of 18, and 284 who are 18 years and older. The number of people in isolation facilities was 115, while 2,919 were in home isolation.
As at January 8, there were 266 deaths from the virus.
Under the National Vaccination Programme for COVID-19, the total number of persons with at least one dose is 156,698 (68.6 per cent of the eligible population). The total number of persons who are fully vaccinated is 144,805 (53.4 per cent of the total population or 63.4 per cent of the eligible population). The eligible population represents those persons who are 12 years and older.

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)