« décembre 2021 | Accueil

janvier 2022

Doukou sokodong lan atè Gwadloup, Gwiyann ek Matnik

An bidim dezas !

Covid-19 data Covid-19 Omicron variant Operating efficiency

 

 

 

Galocha, Andale, Matnik :   Ki chimen Gwadloup te pran pou te a 41,7 moun pozitif pou 100.000 moun teste, nan simenn 49 la (6 pou 12 Desanm 2021) ek rive a 4.180,39 moun pozitif pou 100.000moun teste nan 11 Janvie ki pase ? Nan menm 11 Janvie taha, atè Gwiyann, rel toumpak la se 3.676,76 pou 100.000 ; se Matnik ki pi kòdjòm epi 2.477,78 pou 100.000 moun, nan statistik La-frans, nan menm 11 Janvie taha, rel toumpak la te a 2.828,58 touhou pou 100.000 moun. Nan dekou eti se peyi Ewòp ki nan piplis peyi ki anba de bidim rel toumpak konsa (peyi otila rel pran-pitji a ka fetaye men fok atann pou apiye rel-plodari taha), se te ke pou konprann Gwadloup, Gwiyann ek Matnik pri adan an liannaj blo epi La-Frans, owala-la ni an ti wouspel boul moun-gwadloup, moun-gwiyann ek moun-matnik la ka kouri monte An-Frans, ek pou gouvelman atè-lakay ki pa ni nan se peyi taha, doukou sokodong lan ek/oben sosial la ka pe toumbile nan an bat-zie.

Lire la suite "Doukou sokodong lan atè Gwadloup, Gwiyann ek Matnik" »


Nan rete-sonhe goumen pòte-nouvel André Aliker la

Anni kouri-nouvel gouvelman franse a

 

Andre Aliker 1896-1934 Andre Aliker par A. Nicolas Andre Aliker kò-lonji-frèt asou sab Fon-bouwle a Andre Aliker lari a

 

 

 

 

 

Si ni an bidim sa-sav pou se trase nan dekou banbann sokodong taha eti rale an bidim banbann sosial nan de peyi-karayib anba-jouk gouvelman franse a, Gwadloup ek Matnik ; se pou yonn, san an gouvelman natifnatal oben menm an gouvelman atè-lakay, san an larel-gouvelnaj atè-lakay, moun nan an peyi pa fouti rive tann ek konprann an kouri-nouvel san ale wè an plan malfentè dèhè y, an konfiolo djab nan tjou-man-deviran ki ka rale fisel pou mare peyi a, gare lakou-moun natifnatal la. Atè Gwadloup ek Matnik, mil-an-mil moun ka bat lari depi twa mwa pou se kore pase-wel sokodong gouvelman franse a epi dòt ti bagay toumpak-lavi toulehou, nan an leve-doubout sosial ki pa ka jenhen rive fè moun tann, se se an tanbi-rezonnen politik, an gouvelman atè-lakay, ale wè an wayalachi politik, Repiblik Gwadloup la oben Repiblik Karayib Matnik la, mete an larel-tribinal sosial nan brann, ayen ki se lonhe dwèt asou sistenm gouvelnaj franse a nan se peyi taha ;ayen ki ka, se se, depareye an gouvelman franse asou an bò epi an lakou-moun peyi-natifnatal-matnik oben peyi-natifnatal-gwadloup, ayen toubannman.

Lire la suite "Nan rete-sonhe goumen pòte-nouvel André Aliker la" »


Doukou anni-tjwe-moun nan Ayiti

De nouvelis towblip, alelouya-akasia

Ayiti nan koulè y Ayiti bawouf-mare-moun Ayiti - Martissant Ayiti lari Pòtoprens

 

 

 

 

 

 

 

 

Laboul, Pòtoprens, Ayiti :   An tilili moun ek krèy pòte-nouvel oliwon-latè lonje dwèt asou doukou anni-tjwe-moun ki ka bay nan Ayiti apre an krèy mastokè eti yo kriye Ti Makak tjwe de nouvelis, John Wesley Amady (Radio Ecoute FM ki trape masonn li atè Monreyal, nan Kebek) epi  Wilguens Louissaint, an nouvelis atè-lakay-ayiti, dapre nouvel-pòte Alterpresse. De vare-lavi-moun taha ka vini apiye an doukou bankoulele otila gouvelman peyi a pa fouti mete ayen anba lanmen y ek pou 950 kidnape-moun fèt nan lanne 2021 an, dapre nouvel-pòte an kawbe dekantjay lanmen-djok moun ki ka wouvè lapòt li atè Pòtoprens.

Lire la suite "Doukou anni-tjwe-moun nan Ayiti" »


Peyi Amerik-latin ek Karayib la

22enm Konsit CELAC  

CELAC -Arjantina CELAC logo Celac_banderas_de_estados_miembros
CELAC canciller-argentino
           

 

 

 

 

Buenos Aires, Arjantin :   Jedi taha, kabwatè-repiblik Arjantin lan, Alberto Fernández, ka voye eya-la anlè se kabwatè-gouvelnaj liannaj epi peyi-lòtbòtsay nan se gouvelman Amerik-latin ek Karayib la epi tout sobreka-kabwataj kare plodayè-politik-peyi ki ka rive nan 22enm konsit CELAC (Comunidad de Estados Latinoamericanos y Caribeños) la. Nan dekou taha, Meksik ke ladje kabwataj pro tempore CELAC  nan lanmen Arjantin. Dapre nouvel-pòte a, kabwatè-repiblik Arjantin lan ke drese an bidim tab-brigay nan kawbe mès-longsay-peyi Kirchner la, ba tout plodayè-politik ki ke vini. Nan menm jounen taha, kabwatè-gouvelnaj liannaj epi peyi-lòtbòtsay nan gouvelman Arjantin, Santiago Cafiero, ke pran an pawol-douvan epi piplis adan plodayè-politik peyi ki ke vini nan konsit la, avan gran koze politik Vandrèdi a, nan Palacio San Martín lan, dwe dis-hè solèy-leve atè-lakay.

Lire la suite "Peyi Amerik-latin ek Karayib la " »


Atè Gwadloup, Gwiyann, Sen-Barth ek Sen-Mawten

Larel-gouvelnaj dezas sokodong

Covid-19 Covid-19 test Covid-19 Sars-Cov2 Covid-19 Trinidad and Tobago 26 11 21             

 

 

 

Peren, Zabim, atè Gwadloup :   Fok an moun se mapipi dekantjè statistik pou rive fè moun konprann ki chimen-kouri an rel toumpak se pran pou ladje  41,7/100.000 nan simenn 49 la (6 pou 12 Desanm) rive a 1082,58/100.000 nan 1e Janvie. Se pa anni pou vini fè tjek sosioloji anba-bwa Ajoupa-Bouyon, ti-lèspri voye-monte toulong lan te ke ka fè rel toumpak la antipile zoup nan chak dekou gran wouspel, kontel Lannwel, Kannaval, Pak oben Jwiye-Awout. Nan se dekou taha anchay moun ka sòti An-Frans rive-o-peyi, anchay drivayajè ka vini fè an sose tou men pa ni anpil liannaj nan mitan mayonmbo Goubè a ek drivayajè ka pran solèy bonda-dlo anlè sab Gozie a. Nan menm dekou taha, rel toumpak Matnik la ladje 95,33 pou 100.000 nan 1e Novanm pou 239,44 pou 100.000 nan 26 Desanm ek rive a 780,49 pou 100.000 nan 1e Janvie. Gwiyann ladje 173,38/100.000 nan 26 Desanm pou 814,27 pou 100.000 moun nan 1e Janvier. Se de bagay, yonn se te ke pou kawbe-gouvelnaj sokodong franse a pase lanmen-kotjen nan statistik la pou fè moun kouri pran pitji, nan menm ti-lèspri taha eti pitji ka djeri Covid-19 ; lòt la se anchay moun atè-lakay, anchay koutja, ki ale fè nwel yo An-Frans otila se la Covid ka bay se tan taha, ki ka vire lakay yo (Gwadloup, Gwiyann ek Matnik) epi sa pa grap.

Lire la suite "Atè Gwadloup, Gwiyann, Sen-Barth ek Sen-Mawten " »


An bankoulele san wabap

218enm lanne-vire wayalachi-politik Ayiti

 

Ayiti Ariel Henry tjè-senyen Ayiti nan koulè y Ayiti djing-repiblik Ayiti bann-twel la douvan              

 

 

 

 

 

Gonayiv, Ayiti :   Nan dekou 218enm lanne-vire wayalachi-politik Ayiti a, tankon chak lanne atè Gonayiv, lanbouk otila Jan-Jak Desalin te fè prèmie plodari wayalachi-politik Ayiti nan 1e Janvier 1804, an bidim petaye-kout-fizi te fèt eti an moun alelouya-akasia ek kat flandje. Kabwatè-gouvelman Ayiti, Ariel Henry epi ti krèy kabwatè kawbe-gouvelnaj nan gouvelman Ayiti sòti nan Katedral Rete-sonhe Gonayiv anba an petarad kout-fizi, ka kouri biliki anba kout fizi. Nan lanne douvan, 1e Janvie  2020 ek 1e Janvie 2021, kabwatè-repiblik Ayiti a, Jòvnel Moyiz, pa te rive monte Gonayiv pou gloriye wayalachi-politik taha pou krèy-politik nan fè-koraj ki te leve doubout, men nan dekou taha pa te ni bidim petaye-kout-fizi a.

Lire la suite "An bankoulele san wabap" »


Pa ni rete mize nan chimen !

Lanne 2022  

America latina jaguar Akoma-boukan  sloanea caribaea  chatennyé ti fèy (Gwadloup)  Chatannyé (Sentlisi)  small leaf santinay (senvensan)
Jamaica Portland Dominica  Middleham Falls letjèt

 

 

 

 

 

 

Nou menm ki chape anlè se dezas lanne 2021 an, An lanne krache-dife voye prèmie rel limiè y pou klere moun nan gade wè vire ba lavi yo an balan. Se pou espère chak moun an ke sa rive jik nan rel-rive yo trase ba kò yo ; ek, ke sa jete an zie vèy-o-gren anlè moun ki pa sa rive, toulong nan an lèspri yonn-a-lòt. Se pou tout moun an se trape an lanne 2022 anni sokodong, doubout djann nan faktore ek djezinen, aleliwon-galba.

Lire la suite "Pa ni rete mize nan chimen !" »