Kabwataj OECS

Dk. Didacus Jules pou an twazienn wonn

  

 

 

 

Kastriz, Sentlisi:   Se gouvelnè politik OECS, dk. Keith Mitchell eti se kabwatè gouvelman Grinada, ki kouri nouvel taha douvan media Karayib la ek oliwon-latè. "Se epi an lèspri deredi man ka pòte nouvel eti krèy gouvelnaj OECS vire pran Dk. Didacus Jules tankon sobreka-kabwataj". Se nan Me 2014 otila Didacus Jules te vini sobreka-kabwataj OECS (Organisation of Eastern Caribbean States tankon krèy gouvelman-peyi Karayib atè-solèy) ek nan dekou kabwataj li a, Didacus Jules te gade wè fè se rel-rive Topay vire-lonyen Bastè a ale toulong pi douvan.

Nan rel-rive pi fondok Topay vire-lonyen Bastè (St. Kitts and Nevis) taha, janbe-laliman-peyi san viza ek anchay mete-nan-brann kanmouzaze nan laliwonn longsay, nan progranm-aprann-lekol, nan sokodong,  ek nan dekatonn brayès la. "Kabwataj dk. Jules la ka peze kòtok adan leve-doubout oliwon-latè pou laliwonn lan ek ka wose gad kawbe-mete-nan-brann lan pou kore se bankoulele a, nan an latè-wonn anni-patate ek anni-dekalibich, ek ka trase an progranm towtow pou bare janbe-laliman-peyi Covid-19 la", se sa dk. Keith Mitchell plodaye.

Ek pou y te ale pi nolfok, "dk Jules se an katalizè pou apiye se katel-dekantje-longsay kare-peyi a ek se pou y bay longsay tankon mapipi dekantjè gouvelnaj OECS. Epi y, nou toulong wè an kabwataj zie-wouvè-asou-divini ek nou ja sav sa eti y ke kabwate longsay-ale nan karetel kòdjòm lan, nan kat lanne ka vini" eti krèy gouvelnaj politik OECS la bat do Didacus Jules ek vire bay lavwa aye yo aye djoubake epi y ek epi krèy kabwataj OECS.

OECS (Organisation of Eastern Caribbean States) se an krèy gouvelman-peyi Karayib atè-solèy ki mete nan brann nan 18 Jwen1981, apre topay Bastè a (lanbouk-gouvelman Senkits ek Nevis) pou te kanmouzaze politik ekonomik ek liannaj nan mitan se peyi taha, pou te palantje wach-lavi moun se peyi taha ek pou te flouze an yonn-a-lòt douvan dezas-laliwonn kontel se hourakàn la. OECS te pran-lanmen dèyè WISA (pou West Indies Associated States) ek tout peyi ki adan OECS ka woule tou adan CARICOM. Nan OECS ni Antigwa ek Barbuda, Dòmnik, Grinada, Monseràt, Senkits-ek-Nevis, Sentlisi epi Senvensan-ek-Grinadin ; epi se 7 peyi fondasè taha, ni 4 peyi ki nan liannaj kòtok epi OECS asou an konpanyi progranm, se  Angiya, British Virgin Islands, Gwadloup ek Matnik. Se anba kabwataj Didacus Jules, nan 2018, otila Gwadloup bay antre men adan de program pi wèt pase Matnik ki te vini peyi liannen epi OECS nan 2015.

OECS se owonzon 1.500.000 moun (nan 2021) asou 5.649 kilomèt-o-kare. 

 

Ale li nan today.caricom.org      

Comments

[Rédigé par : El Caracol del Caribe]

El Ministerio de Salud Pública de Cuba informó este jueves que durante las últimas horas ascendió a 44 la cifra de fallecidos a causa de la explosión de gas que destruyó el viernes 6 de mayo el hotel Saratoga, en el centro de La Habana.

[Rédigé par : Carib.News]

The Bahamas is experiencing a tourism-led rebound. The economy expanded by 13.7% in 2021, as net tourism receipts tripled relative to 2020. The strong recovery is expected to continue in 2022, with real GDP growth projected at 8%.

[Rédigé par : El Caracol del Caribe]

La Organización Panamericana de la Salud (OPS), alertó sobre un aumento del 27.2 por ciento en el número de casos de COVID-19 en Las Américas la pasada semana, siendo EEUU el país con mayor incremento registrado.