Karann-twazienm konsit Kabwatè-gouvelman peyi-CARICOM

Plodari wabap-konsit  

 

 

 

 

 

 

 

Paramaribo, Repiblik Sirinàm : Karann-twazienm konsit kabwtè-gouvelman peyi-CARICOM  fèmen lapòt Mawdi 05 Jwiye, atè Sirinàm, asou an plodari kabwatè-repiblik Sirinàm lan,  mapipi-eskwaya, Chandrikapersad Santokhi. Nan kabwatè-gouvelman  ki te vini, te ni Gaston Browne (gouvelman Antigwa ek Barbuda) ; Ariel Henry (gouvelman Ayiti) ; Philip Davis (gouvelman Bahamas) ; Mia Amor Mottley (gouvelman Bawbad) ; John Briceño pou gouvelman Beliz ;  Roosevelt Skerrit (gouvelman Dòmnik) ;  Dickon Mitchell (gouvelman Grènada) ; Mohamed Irfaan Ali (kabwatè-repiblik Gwiyana) ; Joseph Farrell (gouvelman Monserat) ; Philip Pierre (gouvelman Sentlisi) ; Ralph Gonsalves ( gouvelman Senvensan ek Grènadin) ; epi Keith Rowley (gouvelman Trinidad ek Tobago) ; se  Kamina Johnson-Smith, kabwatè kawbe-gouvelnaj liannaj epi peyi-lòtbòtsay ki te ka plodaye ba gouvelman Jamayik ek se Lionel Sydney Osborne, plodayè-politik nan CARICOM ki te ka plodaye ba gouvelman St. Kitts and Nevis ; se twa kabwatè kawbe-gouvelnaj nan 4 peyi liannen ek CARICOM,  Bermuda epi Walter H. Roban ; British Virgin Islands epi Natalio Wheatley ; Turks and Caicos Islands epi  Charles Misick.

Plodari wouvè-lapòt te anba kabwataj  Chandrikapersad Santokhi, kabwatè-repiblik Sirinàm la ki ka pran lanmen nan kabwataj CARICOM pou sis mwa ; John Briceño, kabwatè-gouvelman Beliz ki te ka pase lanmen ; Philip Davis,  kabwatè-gouvelman Bahamas ;  Dickon Mitchell ki fini genyen nan jout-politik Grènada ;  Philip Pierre, kabwatè-gouvelman Sentlisi ; Man Carla Barnett eti se sobreka-kabwataj CARICOM ; ek  António Guterres, sobreka-kabwataj Lawonn Peyi Oliwon-latè. Sobreka-kabwataj CARICOM lan, Man Carla Barnett, apiye asou fondalnatal sa fondalnatal pou kare-peyi a se pòte an ranbonni nan lavi moun peyi-CARICOM. Se pou y te plodaye asou sa eti konsit la ka rive nan dekou an bankoulele oliwon-latè nan twa kare-fondok tankon bay-nannan, bawda-wakle-longsay ek lahan-palantje-ekonomi. "Vini kabeche trase-regle-tjak pou kare-peyi nou an mande an sa-konprann tout-moun-liannen ek an se le bàt yonn-epi-lòt. Djoubak taha pa fò pase nou, nou ja fè moun wè sa nan anchay dekou. Annou trase chimen  ek an nou palantje lavi moun peyi nou", eti   Man Carla Barnett plodaye.

Sobreka-kabwataj Lawonn Peyi Oliwon-latè, António Guterres, bay lavwa eti konsit la ka rive nan an dekou vèy-o-gren optimum ba moun-asou-latè ek ba planèt. Se pou y te katjile sa eti se peyi-caricom lan te mele epi pawol-rapòte ki le fè moun konprann peyi lahan-matjoukann nan rel-mitan, pa te ke ni bizwen lahan-prete a tòt-genyen anba rel kawbe-tre lahan-palantje-ekonomi, "bagay ki pa ka gade anlè rel wòkòkòy douvan se toumpak peyi-oliwon-latè a". Se pou y te depenn twa progranm eti fok se lonyen kalanmplanm. An progranm pou rel-kalibich-karenm-livènaj eti se djokte ek ja-ka-ta bankoulele a ; vire-kare sistenm lahan-palantje-ekonomi peyi-oliwon-latè eti nan banbann lavi-kòdjòm ek apre goumen pou kore kouri-lawonn Covid-19 la.

Ale li nan today.caricom.org

Comments

[Rédigé par : Carib.News]

Team Jamaica sweeps Women's 100m at 2022 World Championships 1 - 2 - 3 . Jamaica becomes the first country in the history of the World Athletics Championships to sweep medals in the women's 100m.

[Rédigé par : Carib.News]

According to the Searchlight newspaper in St Vincent and the Grenadines, The Mighty Sparrow, the undisputed Calypso King of the World, 87, whose real name is Slinger Francisco, was “taken into the water of Holy Baptism by Vincentian Seventh Day Adventist Pastor, Claudius Morgan.” Morgan, a former calypsonian, carried the sobriquet “Samaritan Singer”.
The paper said that Sparrow, who now resides in Queens, was “dressed in all white” for his water baptism. “He is now known as Brother Francisco (and is) a member of the Linden Seventh Day Adventist Church in New York,” the Searchlight said.