Karann-twazienm konsit Kabwatè-gouvelman peyi-CARICOM
Lekol pe ke pe vire wouvè lapòt nan 5 Sèptanm

Konsit plodayè-politik atè Matnik

Plis lanmen-politik atè-lakay-matnik 

CTM - knsit Jwiye 2022 CTM - konsit Jwiye 2022 CTM - konsit Jwiye 2022 -CTM CTM - banntwel - 

 

 

 

Foyal, Matnik : Nan tout peyi oliwon-latè, se kawbe-gouvelnaj la ek menm se kawbe-mete-nan-brann lan, se djoubaktwa, se moun lan nan lavi-toulejou yo, tousa ka toulong bat pou apiye anlè pwa kò yo, gade wè tjenbe divini yo nan de lanmen yo. Konsit se plodayè-politik atè-lakay-matnik ka bàt nan menm lèspri taha, "vire ba moun-natifnatal-matnik ek brayès matnik la, an lanvi pran letjèt nan divini". Atjolman-la, se pou se rive konprann sa eti se gouvelman franse a limenm ki ka bat nan lèspri taha depi apre Gouvelnaj-ewòp te siyen  Topay Lisbòn lan, nan 13 Desanm 2007 ; ek nan tousa, Matnik pèdi anpil tan rive konprann an ti ranbonni-gouvelnaj franse, tou flòkò.

CTM - knsit Jwiye 2022Se pa anni pou 78% moun atè-lakay-matnik ki te ale vote nan 10 Janvie 2010 la pou koubare tòt-genyen nan lawonn repiblik franse a, ek menm se palantjè plan-divini lajounen-jòdi a te mande moun ale vote koubare sa, se pou nan douz lanne gouvelnaj atè-lakay, Matnik pa rive genyen se se an lanmen-gouvelnaj asou se katel-dekantje-longsay sokodong ek sosial la (nan dekou Covid-19 ka kouri oliwon-latè, anmwe) oben se katel-dekantje-longsay laliwonn lan (nan dekou progranm dekatonn eti  Lawonn Peyi oliwon-latè ka mete nan brann ba se ti-peyi-mitan-lanmè nan dekatonn ekonmi ek sosial la) eti yonn tankon lòt pa se pe kabeche a 7.000, nan tjek tèt-zoto franse ki pa jenhen wè an hourakàn  chaye an fèy tol.

Se pa nepi pou katel-dekantje-longsay natifnatal-matnik la ki pa se pe menm epi se ta An-Frans lan, an peyi kontinan ewo-azia a pa pe menm epi an ti-peyi-mitan-lanmè nan Karayib la, bagay tout tjanmay-lekol ke sa konprann flouz, se pou lang franse a limenm ki pa ke sa kabeche se katel-dekantje-longsay atè-lakay-matnik la nan menm lèspri a (laliwonn lan pa menm ek tan-ka-pase a pa pe menm) pou mès-longsay-peyi-natifnatal la ki pa menm an peyi pou anlòt, yonn adan an mès matje depi 4 a 5 siek epi anlòt adan an mès bat-lestonmak, badjole, fè palmarès, (an krèy-politik nan kabwataj kawbe-gouvelnaj, MIM pou pa nonmen y,  ka rive rete plis pase 10 lanne san fè an konsit kabwataj-politik, epi an badjolè ka miyonnen lapo-fidji y nan tout plodari otila y rive) tout bagay ki ka depotjole an mès-longsay-peyi politik, si se pa mès-longsay-peyi a nan limenm.    

Kimafouti plis lanmen-politik atè-lakay esa ?  Kisa, nan sistenm-sokodong, sistenm-lekol, lanmè, laliwonn, jaden-mayonmbo, dapre pawol kabwatè kawbe-gouvelnaj Matnik la ; se pa nepi an lanmen-politik pou se vire kabeche, toulong-ale, se larel-gouvelnaj atè-lakay-matnik la, nan dekou an wakle-boulin sosial epi wakle-boulin toumbele lavi ki adan (Covid-19 la ka toumbile chous-senyen-kòch ale-vire ek anni sa ka pe leve anchay  wakle-boulin teknoloji), ek se anni nan dekou vire-kabeche larel-gouvelnaj atè-lakay eti an lanmen-politik se pe ka bay. Konsit plodayè-politik atè-lakay-matnik taha se dabò-pou-yonn, an prèmie rel otila an kontaj matjoukann-peyi se pe ka bay. Kontel pou se mete an larel-gouvelnaj asou laliwonn lan nan brann, fok se rive konte, yonn-dèhè-lòt, tout matjoukann-peyi laliwonn eti Matnik ja ni pou ta y ek trape an lèspri klè asou rel lanmen-djok moun yonn-tout-yonn nan gouvelnaj laliwonn ; rel anchoukaj nan politik laliwonn kare-peyi oliwon (OECS, CARICOM, AEC) ek nèhè menm nan politik laliwonn peyi-oliwon-latè.

Plodari Sèy Lètchimi a se an bidim plodari politik ; se, asire pa petèt, plodari politik pi djok ki fèt atè Matnik depi plodari Ehèn Lakay la nan Sèptanm 1870. Se anni an plodari politik, an dekou otila an moun ka anchouke an peyi, an lakou-peyi, an kare-peyi nan tan-ka-pase ek laliwonn nanninannan y, ek plis pase tousa ka fè y pran letjèt nan divini y, trase chimen-divini. Men plodari politik Sèy Lètchimi an se pa nepi an plodari wayalachi-politik ek rete anchay londjè trase-chimen douvan, an moun pa se pe moun peyi-natifnatal-matnik ek nan menm balan an moun peyi-natifnatal-la-frans nan dekou Matnik anba jouk La-Frans depi 4 siek ek pa ni an gouvelman natifnatal-matnik pou ta y, se anni an plodari apiye-asou-pwa-kò, an plodari pou an palpa lanmen-politik atè-lakay eti wakle-boulin sosial la ke pe fennte towtow, men an plodari politik kanmenm eti ka bàt pou mete moun yonn-epi-lòt, yonn-a-lòt ; si pa ni yonn-a-lòt pa pe ni peyi.

Plodari politik Sèy Lètchimi an se an bidim plodari politik  pou plodari kabwatè-CTM douvan ki te toulong plodari anni badjolaj, delè menm an plodari badjolè debiele ki te ka rive malakse bagay lavi sise-anba-lakay ek bagay wach gouvelnaj nan an mren-mren-mren san-manman otila tout moun, menm konpayel politik li a se te kròchpatè oben sisè-woul. Menm si nan wabap plodari a te pe ni yonn-de badjolaj-lapo-fidji, plodari Sèy Lètchimi an ka ladje se plodari "mren-mren-mren" an nan chimen. COM 74 gouvelman atè-lakay ("COM spécialisée", nan pale-franse sistenm-gouvelnaj Marcellin Nadeau a) se anni Polinezi ek Walis-ek-Foutouna otila ni an wangan ka gouvelnen ek pou konprann ni an larel-tribinal nanninannan  ki ka kole bò larel-tribinal gouvelman franse a, delè menm pou bay nan jout pianmpianm ; COM 74 gouvelnaj anba machifonnaj ("COM Assimilée", nan pale-franse sistenm-tribinal  G.William lan) oben Collectivité sui generis nan pale-franse degare-laten Jean-Philippe Nilor la, sistenm gouvelman atè-lakay eti ka bay nan Ewòp la ("lander" Almay la, "Comunidad Autónoma" Espany lan, "Giunta regionale" nan Italia a, "Gewest"  Beljik la, tousa) pa sèvi model atè Matnik ; dabò-pou-yonn, tire Almay, se anni peyi ki te anba gouvelnaj an wangan ek se laliman-peyi taha se te pou an yich-wangan fè lanmen y. Dezienm pimpe, pou tan-nanninannan-longsay politik Matnik la ki bililik, ladje bililik ka ale, lanmen-djok politik la pa pe bagay an moun yonn-tou-yonn ek sa ka anni depotjole anzobraytaj Matnik taha depi leve-doubout Sèptanm 1870 la. Nan twazienm pimpe a, nan dekou wakle-boulin sosial la, Matnik anba jouk La-Frans ek pa ke jenhen sa trape matjoukann-peyi (matjoukann-peyi politik ek matjoukann-peyi larel-tribinal, plis pase larestan) pou rive kore tilili toumbilaj sosial ek mès-longsay-peyi ki ka debatje blo. Se an rel-kratjak politik fok se fè epi La-Frans, doubout an gouvelman natifnatal-matnik, ki trape tout lanmen-djok politik anlè peyi a ek pou anchouke nan laliwonn ekonomi ek sosial karayib/amerik-latin li ; man se kriye sa wayalachi-politik.

Se pou se konprann sa kòdjòm, se anni an plodari ; ek an kabwatè politik pe ka vini fè gwo so, gwo plodari, douvan moun-peyi-natifnatal-matnik la ek rive douvan gouvelman franse a, se kakarel. Men pou konte pèsonn pa se pe ka konte anlè an plodari politik ki a depenn ek lonyen an tòt-genyen matnik nan lawonn repiblik franse a, an plodari ki ka kabeche Matnik tankon an peyi-asou-latè epi tout matjoukann-peyi eti y trape pou ta y, se tankon an bat-do pou se plodayè-politik atè-lakay-matnik la, konpayel-politik tankon topektè-politik, se rive depareye Matnik epi La-Frans, se katel-dekantje-longsay matnik la epi se katel-dekantje-longsay la-frans lan (se pou konprann sa eti an katel-dekantje-longsay se tousa ki ka leve tjak, se pa se tjak la nan yo menm ek moun pa ka regle katel-dekantje-longsay men ka pe regle se tjak la nan tan-ka-pase), rive nan menm depenn an katel-dekantje-longsay la nan an dekou fann ek trape anlòt larel-konprann ek larel-kabeche asou menm katel-dekantje-longsay taha, tousa. Se anni an plodari, ek se pou espere kare-kabeche-plodaye wayalachi-politik la ka vire pran balan, wakle longsay-ale, atè Matnik.      

Simao moun Wanakera   

 

Commentaires

El Caracol del Caribe

Organismos de Naciones Unidas (la UNESCO, la UNICEF y la CEPAL) advirtieron que si América Latina y el Caribe continúa con el ritmo actual no alcanzará las metas de educación planteadas en la Agenda 2030 de Desarrollo Sostenible. El informe titulado "La encrucijada de la educación en América Latina y el Caribe. Informe regional de monitoreo ODS4-Educación 2030" aseguró que “la región está lejos de alcanzar las metas establecidas para 2030”.

Vérifiez votre commentaire

Aperçu de votre commentaire

Ceci est un essai. Votre commentaire n'a pas encore été déposé.

En cours...
Votre commentaire n'a pas été déposé. Type d'erreur:
Votre commentaire a été enregistré. Poster un autre commentaire

Le code de confirmation que vous avez saisi ne correspond pas. Merci de recommencer.

Pour poster votre commentaire l'étape finale consiste à saisir exactement les lettres et chiffres que vous voyez sur l'image ci-dessous. Ceci permet de lutter contre les spams automatisés.

Difficile à lire? Voir un autre code.

En cours...

Poster un commentaire

Vos informations

(Le nom et l'adresse email sont obligatoires. L'adresse email ne sera pas affichée avec le commentaire.)