Dezienm kout-van lanne 2024 la

Beryl, an toumvás

 

 

 

 

 

 

 

 

Miami, Florida: Beryl pati pou vini pi vidjò towtow èk vini an mapipi hourakán lè y ke janbe laliman  se tè-danme-mitan-lanmè  anba van an nan soukou Dimanch pou Lendi a, epi anchay van-ranfale depotjolè laliwonn èk an toumvás  ki pe jik neye moún. An ago-hourakán ja ka bát nan anchay peyi Karayib-atè-solèy. Dapre kouri-nouvel NHC a, ke ni anchay dlo èk wakle-rel dlo nan lannwit Dimanch èk lajounen Lendi a. Masonn-zie a pou pase anlè Senvensan-epi-Grinadin, dimanch anba-minwi, rive blo anlè Jamayik máwdi ka vini.

Beryl eti leve a 43,6°anba-solèy liy Greenwich la, ka bát lanmè-ble Atlantik la  a 47.8° anba-solèy liy Greenwich la epi an boulin 36,8 km/hè epi ranfalaj-van jik a 104 km/hè. Se anba Báwbád laliman otila Beryl ke bay antre nan Karayib la.  Se gran tè-danme-mitan-lanmè Karayib la (Puerto-Rico, Jamayik  Dominikana, Ayiti, Kouba  tousa) epi se peyi mitan-kontinan Amerik la ke ni pou veye zafè yo asou 4 a 5 jou ka vini.   

Doukou houhakán ek toumvás ka bay chak lanne depi 1^e Jwen jik 30 Novanm ek pou lanne 2024 taha, NOAA ((National Oceanic and Atmospheric Administration) owonzonnen 17 a 25 kout-van epi an tit pou ta yo (boulin van a 62 km oben plis pou 1-hè-tan), 8 a 13 adan yo pe tounen houhakàn (boulin van a 119 km oben plis pou 1-hè-tan) eti 4 a 7 adan se taha pe tounen mapipi houhakán (rel 3, 4 oben 5 ; epi an boulin van a 178 km oben plis pou 1-hè-tan) ; NOAA konte owonzonnaj li a ka bay a 70% dekou-faro.

Ale li nan National Hurricane Center