Dezienm kout-van lanne 2024 la

Beryl, vini hourakán  rel 4

 

 

 

 

 

 

Miami, Florida: Nan rive oliwon lanmè Karayib la, a 10.8 anlè-solèy liy Ekwatè èk 54.9° anba-solèy liy Greenwich la (se owonzon 565 kilomèt atè-solèy/anni-solèy/atè-solèy Báwbád èk 740 kilomèt atè-solèy Grènada)  Beryl vini pi vidjò, ladje toumvás pou an hourakán rel 4 (se pou konprann van ka ranfale a 215 kilomèt èk plis) epi an boulin bát lanmè a 33,6 km/hè. Beryl pou rive asou lèstè Karayib atè-solèy dèmen lendi oliwon midi. Beryl te leve toumvás anlè lanmè-ble Atlantik la 43,6°anba-solèy liy Greenwich la.

Dezienm kout-van lanne 2024 la

Beryl, an toumvás

 

 

 

 

 

 

 

 

Miami, Florida: Beryl pati pou vini pi vidjò towtow èk vini an mapipi hourakán lè y ke janbe laliman  se tè-danme-mitan-lanmè  anba van an nan soukou Dimanch pou Lendi a, epi anchay van-ranfale depotjolè laliwonn èk an toumvás  ki pe jik neye moún. An ago-hourakán ja ka bát nan anchay peyi Karayib-atè-solèy. Dapre kouri-nouvel NHC a, ke ni anchay dlo èk wakle-rel dlo nan lannwit Dimanch èk lajounen Lendi a. Masonn-zie a pou pase anlè Senvensan-epi-Grinadin, dimanch anba-minwi, rive blo anlè Jamayik máwdi ka vini.

Latè tranble Trinidad èk Tobago

6.2  kouri-rel

 

 

 

 

 

 

 

 

 

Port-of-Spain Trinidad and Tobago :  Latè tranble Trinidad èk Tobago, 6.2 kouri-rel asou zandal wouvè Richter la eti ki trape 10 rel-konte. Laboukann lan te nan 97 kilomèt anba-solèy/anlè-solèy/anba-solèy Port of Spain lanbouk-gouvelman Repiblik Trinidad èk Tobago a (97 kilomèt atè-solèy/anlè-solèy-atè-solèy Carúpano, Venezwela (gouvelman laliman-peyi Sucre) nan an fondok-latè 46 kilomèt, 10.830° anlè Ekwatè epi 62.370° atè-solèy liy Greenwich, a 11hè ek 58 mn (03:58:00 UTC) dapre  kouri-nouvel UWI-SRC (University of West Indies – Seismic Research Centre) eti ka stanmpe ek pòte nouvel asou tout latè-tranble ka fèt nan laliman Karayib la.

La primera mujer Presidenta Electa de México

Claudia Sheinbaum, 58.3 a 60.7% vwa

 

 

 

 

 

 

 

 

Mèksiko, Mèksik: Sobreka-kabwataj INE (Instituto Nacional Electoral eti se kawbe-kabwataj jout-politik Etados Unidos de México) Guadalupe Taddei pòte nouvel , anba minwi dimanch taha eti Claudia Sheinbaum (Movimiento de Regeneración Nacional – MORENA lagòch, menm krèy-leve-doubout politik epi kabwatè-gouvelman-peyi douvan an, Andrés Manuel López Obrador) genyen jout-politik kabvwatè-gouvelman-peyi tilili gouvelman laliman-peyi  Mèksik la epi 58,3 a 60,7% se vwa a apre an kontaj towtow. Se de joutè-politk lamenm dèhè a se Xóchitl Gálvez (Fuerza y Corazón por México) trape 26,6 a 28,6% vwa èk Jorge Álvarez Máynez (Movimiento Ciudadano) trape 9.9 a 10,8% vwa.

Doukou kout-van lanne 2024 la

La Niña, gran wach wototoy !

 

 

 

 

 

 

 

 

Miami, Etazini: Kawbe-dekantjaj kalibich-karenm-livènaj anlè lanmè-ble ek nan van-oliwon, NOAA (National Oceanic and Atmospheric Administration) owonzonnen an doukou kout-van anlè rel-longsay la lanne taha pou La Niña èk rel-chalè lanmè-ble a ki pi djok lanne taha. Owonzonnaj taha fè yo konte an 85% dekou-faro pou ladje rel-longsay la dèhè, an 10% dekou-faro pou trape an doukou kantekant epi rel-longsay la ek an 5% dekou-faro pou trape an doukou houhakán ek toumvás anba rel-longsay la. Doukou houhakán ek toumvás ka bay chak lanne depi 1^e Jwen jik 30 Novanm ek pou lanne 2024 taha, NOAA owonzonnen 17 a 25 kout-van epi an tit pou ta yo (boulin van a 62 km oben plis pou 1-hè-tan), 8 a 13 adan yo pe tounen houhakàn (boulin van a 119 km oben plis pou 1-hè-tan) eti 4 a 7 adan se taha pe tounen mapipi houhakán (rel 3, 4 oben 5 ; epi an boulin van a 178 km oben plis pou 1-hè-tan) ; NOAA konte owonzonnaj li a ka bay a 70% dekou-faro.