Nicolás Maduro pase nan jout-politik kabwatè-gouvelman-peyi Venezwela, 51,20% feyèt-vote

Wop ! "guarimbas" la vire pran pi rèd 

 

 

 

 

 

Karakás, Venezwela : Epi 51,20% se feyèt-vote a, joutè-politik Gran Polo Patriótico a Nicolás Maduro Moros genyen an twazienm wonn-gouvelnáj pou 2025-2030 ka vini. 59% adan 21.620.705 ki ka vote Venezwela te ale vote èk se 5.150.092 adan yo ki vote ba kabwatè Repiblik Bolivar Venezwela a. Joutè-politik se krèy-fè-koráj la, Edmundo González trape 44,2% (4.445.978 feyèt-vote) èk le 8 dòt joutè-politik la fè 4,6% ; dapre kontaj CNE (Consejo Nacional Electoral) eti se kawbe-gouvelnaj jout-politik peyi a. Dapre kouri-nouvel se kawbe-gouvelnáj politik Venezwela a, jout-politik la te pase san gwo djoubáp.

Konsa nouvel genyen-politik Maduro a vini bát, an tilili krèy moun  episapatonn nan lanmen yo pran lari Karakás sèvi savann, nan menm lèspri epi se guarimbas (bare-chimen) 2013 la, apre dal eti Henrique Capriles te pran nan jout-politik kabwatègouvelman-peyi oben La Salida (tankon fè an driv, fè an won) nan 2014 pou 2017, lè se menm krèy-fè-koráj taha te genyen jout-politik kawbe-plodayè-politik. Se krèy-fè-koráj epi Etazini dèhè yo mande vire konte nan menm balan eti tout se 8 zòt joutè-politik kabwatè-gouvelman-peyi  Venezwela te ja bát do Maduro woulo.

Kawbe-gouvelnáj zelonn-kolbòkò èk larel-tribinal-kalibiche nan gouvelman Bolivar Venezwela a te kouri nouvel eti yo ja mete lanmen anlè se lakou koraj-djenm taha. Remigio Ceballos eti se kabwatè  Kawbe-gouvelnáj zelonn-kolbòkò èk larel-tribinal-kalibiche a, tèste douvan media pòte-nouvel eti se kout soubawou taha te ke an mòso adan an gran plan fè-bawouf-anlè-gouvelman-peyi eti epi « kriye kotjen » an te ke leve an doukou fè-moun-pè èk koubaraj-djenm nan peyi a.

Remigio Ceballos te kouri nouvel eti se lari lanbouk-gouvelman Venezwela a te anba lanmen zelonn-kolbòkò a èk dwe mawdi èk tout simenn taha se ke tankon an toufe-dife ki ke bát pou anbrazonnen tòt-genyen peyi a. Dapre Madelein García eti se an mapipi-èskwaya nan nouvelis peyi, zelonn-kolbòkò a te ja rive vire pran lanmen nan se bidim-lari oliwon Kawbe Miraflores la. Nan menm pòte-nouvel la, se pou y te apiye sa eti piplis lari Karakás  te ja vire trape  an kwaka. Dapre an lonyen-matje-dekantje, se an krèy moun-lakou-peyi ki ka kabwate bankoulele-nan-lari taha eti yo peye yo nan dola-etazini pou leve an doukou fè moun-pè èk pouse-bwa-anba-dife.

Lòtbòsay, gouvelman Venezwela fèmen lapòt kawbe liannaj epi peyi-lòtbòtsay li nan 7 peyi kontinan an eti Arjantin, Chili, Dominikana, Kostarika, Panama, Perou epi Urugway èk mande pou plodayè-gouvelman se peyi taha tire pie yo nan Venezwela, pou detopaye yo ka detopaye anlè genyen-vòt Nicolás Maduro a.  

  

Ale li nan TeleSur